တော်လှန်ရေးသမား၊ ပြောက်ကျားစစ်သား၊ ဆရာဝန်(သို့မဟုတ်) ချီဂွေဗားရား

တော်လှန်ရေးသမား၊ ပြောက်ကျားစစ်သား၊ ဆရာဝန်(သို့မဟုတ်) ချီဂွေဗားရား (The Left ပေ့ဂ်ျရှိ သြဂုတ် ၂၉၊ ၂ဝ၁၆ ပို့စ်အား ကူးယူဖော်ပြခြင်းဖြစ်ပါသည်။

မာခ့်ဝါဒကိုင်စွဲသူ တော်လှန်ရေးသမား၊ ဆရာဝန်၊ စာရေးဆရာ၊ပညာရေးပါရဂူ၊ ပြောက်ကျားစစ်ခေါင်းဆောင်၊ သံတမန်ရေးရာ ကျွမ်းကျင်သူ၊ စစ်ပညာရှင်၊ စီးပွားရေးပညာရှင်စသည့် ဘွဲ့ထူးဂုဏ်ထူးများစွာရှိသော မုတ်ဆိတ်ကျင်စွယ် ဆံပင်ရှည်နှင့် ခေတ်အဆက်ဆက်လူငယ်များ၏ သူငယ်ကောင်းပြယုဂ်၊ တောတွင်းသူပုန်ကြီး “ချီ”ကို ၁၉၂၈ ခုနှစ်၊ ဇွန်လ ၁၄ ရက်နေ့တွင် အာဂျင်တီးနားနိုင်ငံ၊ စန်တာဖီမြို့၌ မွေးဖွားသည်။

စပိန်နှင့် အိုင်းရှစ်သွေးများရောနှောနေသည့် အာဂျင်တိုင်းမိသားစုမှ မွေးဖွားလာသည့် “ချီ”သည် မွေးချင်း ၅ ယောက်အနက် အကြီးဆုံး ဖြစ်သည်။ ချီ၏ဖခင်က သူ၏သားသည် အိုင်းရှစ်တော်လှန်ရေးသူပုန် ဘိုးဘေးများ၏သွေးများ ရောနှောလျက်ရှိသည်ဟု ခဏခဏ ပြောခဲ့သည်။ ငယ်စဉ်ကပင် ရင်ကျပ်ပန်းနာရောဂါကို အကြိမ်ကြိမ်ခံစားခဲ့ရသော်လည်း “ချီ”မှာ ရေကူး၊ ဘောလုံး၊ ဂေါက်သီးရိုက်နှင့် သေနတ်ပစ်အားကစားတို့တွင် ထူးချွန်သည်။ စက်ဘီးစီးခြင်းကို အထူးဝါသနာထုံသူဖြစ်သည်။

ငယ်စဉ်ကတည်းက ဆင်းရဲခဲ့သူ “ချီ”မှာ အရင်းရှင်ဝါဒ၊ ခေတ်သစ်ကိုလိုနီဝါဒ၊ စီးပွားရေးလက်ဝါးကြီးအုပ်ဝါဒတို့ကို အလွန်စက်ဆုပ် ရွံရှာသူဖြစ်သည်။ ၁၉၄၈ခုနှစ်တွင် ချီဂွေဗားရားသည် ဗျူနိုအိုင်ရီတက္ကသိုလ်တွင် ဆေးကျောင်းတက်သည်။ ဆေးကျောင်းသားဘဝ ၁၉၅ဝတွင် စက်ဘီးတစ်စီးဖြင့် အာဂျင်တီးနားမြောက်ပိုင်းကို မိုင်၂၈ဝဝခန့် တစ်ကိုယ်တော် ခရီးဆန့်ခဲ့သည်။ ၁၉၅၁ ခုနှစ်တွင် တောင်အမေရိကတိုက်အနှံ့ မိုင်ပေါင်း ၅ဝဝဝ ကျော်ကို မော်တော်ဆိုင်ကယ်တစ်စီးဖြင့် ၉ လကြာ ခရီးထွက်ခဲ့သေးသည်။ အာဂျင်တီးနား၊ ချီလီ၊ ပီရူး၊ အီကွေဒေါ၊ ကိုလံဘီယာ၊ ပနားမားနှင့် ဗင်နီဇွဲလားနိုင်ငံများသို့ ရောက်ရှိခဲ့သည့် ၄င်းမော်တော်ဆိုင်ကယ် ခရီးစဉ်မှတ်တမ်းကို “မော်တော်ဆိုင်ကယ် ဒိုင်ယာရီ” အမည်ဖြင့် စာအုပ်ထုတ်ဝေခဲ့ရာ နယူးယောက်တိုင်မ်းစ်မဂ္ဂဇင်း၏ အရောင်းရဆုံး စာအုပ်စာရင်းမှာပါဝင်ခဲ့သည်။

ချီဂွေဗာရား၏ မျိုးချစ်စိတ်သည် သူ၏မိခင်တိုင်းပြည်၊ နိုင်ငံကိုကျော်လွန်သွားသော စိတ်ဖြစ်သည်။ တောင်အမေရိကတိုက် နိုင်ငံအားလုံးကို လွတ်လပ်စေချင်သည်။ ချမ်းသာစေချင်သည်။ သူ ၏မျိုးချစ်စိတ်သည် မိခင်အာဂျင်တီးနားနိုင်ငံကို ကျော်လွန်၍သွားသော နယ်ချဲ့အရင်းရှင်ကို တော်လှန်လိုသည့် တော်လှန်ရေးစိတ်ဖြစ်သည်။

၁၉၅၃ ဇွန်လတွင် ဆေးပညာဘွဲ့ကိုရခဲ့သော ချီဂွေဗာရားသည် နားကျပ်ကို စွန့်လွှတ်ခဲ့သည်။ သူ၏ရန်သူမှာ သေမင်းမဟုတ်။ ဆင်းရဲမှု၊ ဆာလောင်မှုနှင့် ၄င်းတို့မှအမွေခံလာသည့် ရောဂါဆိုများသည်သာ သူ၏ရန်သူဟု သတ်မှတ်သည်။ လူသားများကို ကူညီနိုင်ရေးသည် ဆရာဝန်အလုပ်ဖြင့် မဖြစ်မြောက်နိုင်။ ဒုက္ခဆင်းရဲတွင်းမှ လူအများကို ကယ်တင်နိုင်ရေးအတွက် လက်နက်စွဲကိုင်တော်လှန်ရေးနှင့် နိုင်ငံရေးလုပ်ငန်းများဖြင့် ဖီဆန်ရေးသည်သာလျှင် မှန်ကန်သောနည်းလမ်းဖြစ်သည်ဟု ယုံကြည်လျက် ဆေးပညာကို လုံးဝစွန့်လွှတ်ခဲ့ လေသည်။

မက္ကစီကိုစီးတီးတွင် ကက်စထရိုညီနောင်နှစ်ဦးနှင့်တွေ့ပြီး အမေရိကန်မှ ကျောထောက်နောက်ခံပြုထားသည့် ကျူးဘားအာဏာရှင် ဘတစ်စတာ အား ပြောက်ကျားစစ်ဖြင့် ဆန့်ကျင်ဖြုတ်ချရာတွင် အဓိကနေရာမှပါဝင်သူ ဖြစ်လာလေသည်။ ကျူးဘားတော်လှန်ရေးတွင် ကတ်စထရိုတို့အနိုင်ရပြီး ပေါ်ပေါက်လာသည့် ကျူးဘားအစိုးရသစ်တွင် အာဂျင်တီးနားမှ ချီဂွေဗာရားသည် အဓိကကျသည့်နေရာသို့ ရောက်လာလေသည်။ ဂုဏ်ထူးဆောင် ကျူးဘားနိုင်ငံသားအဖြစ် ဂုဏ်ပြုသတ်မှတ်ခြင်း ခံရလေသည်။

ကျူးဘားနိုင်ငံ၏ တစ်နိုင်ငံလုံး စာတတ်မြောက်ရေးလှုပ်ရှားမှုကို ဦးဆောင်သူ၊ နိုင်ငံတော်ဗဟိုဘဏ်ဥက္ကဌ၊ ကျူးဘားလက်နက်ကိုင် အဖွဲ့အစည်းအားလုံး၏ အကြံပေးအရာရှိချုပ်၊ ကျူးဘားနိုင်ငံ၏ ဆိုရှယ်လစ်ဝါဒကို ကိုယ်စားပြုလျက် တစ်ကမ္ဘာလုံး လှည့်လည်သွားလာ ခဲ့သည့်သံတမန်စသည့် အထင်ကရနေရာများတွင် ပါဝင်ဆောင်ရွက်ခဲ့သည်။ ၁၉၆၂၊ကျူးဘား နူးကလီးယားထိပ်ဖူးတပ် ဒုံးလက်နက် အရေးအခင်းတွင် အဓိကကျသူတစ်ဦး ဖြစ်လာလေသည်။ ထိုတင်မက ပြောက်ကျားစစ်နည်းဗျူဟာကို ပါရဂူမြောက်တတ်ကျွမ်းပြီး ကျမ်းကြီးကျမ်းခိုင် ပြုစုနိုင်သူလည်းဖြစ်သည်။

၁၉၆၅တွင် ကျူးဘားမှထွက်ခွာပြီး မပြီးဆုံးသေးသော အရင်းရှင်တော်လှန်ရေးများအတွက် ခြေလှမ်းဆန့်ခဲ့သည်။ ဘိုလီဗီးယားနိုင်ငံတွင် ရှိနေစဉ် အမေရိကန်မှ ထောက်ပံ့ပေးထားသည့် ဘိုလီးဗီးယားစစ်တပ်၏ ဖမ်းဆီးခြင်းကိုခံရပြီး ၁၉၆၇၊အောက်တိုဘာလ ၉ရက်၊ အသက် ၃၉နှစ်အရွယ်တွင် ပစ်သတ်ခံရသည်။

ချီဂွေဗားရားအားပစ်သတ်ခါနီးတွင် ဘိုလီးဗီးယားစစ်သားတစ်ဦးက “ဘယ်နှယ့်လဲ ကိုယ့်လူ၊ ဘယ်လိုအသက်ရှင်ရမလဲ ကြံစည် နေတာလား”ဟုမေးသည်ကို “ငါအသက်ရှင်ဖို့ ကြံနေတာမဟုတ်ဘူးကွ။ ဒီတော်လှန်ရေးကြီးကို ဘယ်လိုရှင်သန်အောင် ဆက်လုပ်ရမလဲ စဉ်းစားနေတာ” ဟုပြန်ဖြေခဲ့သည်။ သူ့ကို သတ်ပစ်ဖို့အမိန့်ပေးခြင်းခံရသည့်တပ်ကြပ်ကြီးတီရန်အား “ငါ့ကိုပစ်သတ်ဖို့ မင်းလာတာ မဟုတ်လား။ ပစ်လေကွာ။ သူရဲဘောကြောင်နေတာလား” ဟုပြောခဲ့သည်။

ချီဂွေဗားရားသည် သေနတ်ဖြင့် ကိုးချက်အပစ်ခံရပြီး ကျဆုံးခဲ့သည်။ မကွယ်လွန်မီလပိုင်းအလိုက် ကမ္ဘာ့တိုက်ကြီးသုံးတိုက် ညီလာခံတွင် သည်လို မိန့်ခွန်းပြောခဲ့သည်။

“သေခြင်းတရားကို မတုန်လှုပ်ပါနဲ့။ ရဲရဲကြီးကြိုဆိုလိုက်ပါ။ ကျွန်တော်တို့ တိုက်ပွဲများဆီကငိုသံတွေကို သက်ဆိုင်သူတွေ ကြားပါစေ။ ကျွန်တော်တို့ရဲ့သေနတ်တွေကို လက်ဆင့်ကမ်းကိုင်စွဲမယ့် နောက်လူငယ်တွေ ပေါ်လာရင်ကျေနပ်ပြီ”

သံလွင်ရောင် စစ်စိမ်းအကျီကိုဝတ်ပြီး ဘယ်ရီဦးထုပ်ကိုဆောင်းလျက် ပါးသိုင်းမွေး၊ မုတ်ဆိတ်မွေးထူလပျစ်နှင့် ရိုက်ကူးထားသည့် “ချီ”၏ဓာတ်ပုံမှာ “ကမ္ဘာ့အကျော်ကြားဆုံး ဓာတ်ပုံ” အဖြစ် သတ်မှတ်ခြင်းခံရသည်။ လက်ဝဲတော်လှန်ရေးသမားများ၏ သူရဲကောင်းကြီး အဖြစ်သာမက လူအများ၏အာဇာနည်သူရဲကောင်း အိုက်ကွန်အဖြစ် သတ်မှတ်ခြင်းခံရသူဖြစ်ပါသည်။ တိုင်းမ်မဂ္ဂဇင်း၏ ၂ဝ ရာစု အထင်ရှားဆုံးပုဂ္ဂိုလ် ၁ဝဝ တွင် ပါဝင်သည်။