ဒဏ်ရာရမိုးကောင်းကင်(၂) ကျော်မြတ်ရေးသည်

ဒဏ်ရာရမိုးကောင်းကင်(၂) ကျော်မြတ်ရေးသည်

ထိုမျှသာမက အစာအိမ်ရောဂါကြောင့် ဆေးရုံတက်ကုသခံနေရသော လူနာရဲဘော်ကို မင်းတို့ကွန်မြူနစ်တွေ ရှုပ်ကိုရှုပ်တယ်ဟု ပြောလျက် NLD အဖွဲ့ဝင်ဆိုသူ အောင်နိုင်ကြီးက ပါးရိုက်ခဲ့သောအခါ၊ လူငယ်တချို့ကို မြှောက်ပေးလျက် ကျွန်တော့်ကိုပင် အုံကျင်းဖွဲ့ အသားလွတ် လိုက်လံရန်ပြုကြသောအခါ၊ မသိနားမလည်သူကို မြှောက်ပင့်ပေးပြီး ထိုးကြိတ်ရန်ပြုစေသောအခါတို့မှာလည်း ကျွန်တော်တို့၏ ခံပြင်း ဒေါသများကို အနိုင်နိုင်ချုပ်တည်းလျက် အကျဉ်းသားအားလုံး၏အကျိုး၊ တိုင်းပြည်၏ ရေရှည်အကျိုးကိုရှေးရှုကာ အတတ်နိုင်ဆုံး စိတ်ရှည်စွာနှင့် အမြော်အမြင်ရှိရှိ သည်းခံခဲ့ကြပေသည်။

နောင်တစ်ချိန်တွင် သူတို့ဘာသာသူတို့ ပြုပြင်ဟန် ဖော်ပြလျက် ပြန်လည်ကမ်းလှမ်း ဆက်ဆံလာသောအခါတွင်လည်း ဖြစ်ခဲ့သမျှကို ရေငုံနှုတ်ပိတ်လျက် လှိုက်လှဲပျူငှာဆက်ဆံခဲ့ကြသည်။ ပူးတွဲနိုင်သမျှ ပူးတွဲလုပ်ကိုင်ခဲ့ကြရုံသာမက တတ်နိုင်သမျှ အားဖြည့် ကူညီစောင့် ရှောက်ကာ တစ်ထောင်လုံးအတွက် ခေါင်းဆောင်မှုနေရာကိုပင် ကြည်ကြည်နူးနူးပေးအပ်ခဲ့ကြသည်။ ကြီးငယ်နုရင့်မဟူ မည်သည့်အဖွဲ့ အစည်းကိုမဆို အရှိကိုအရှိအတိုင်း အသိအမှတ်ပြု လက်ခံလေးစားကာ နိုင်ငံရေးအရတန်းတူရည်တူဆက်ဆံဖို့၊ အပြန်အလှန်ကူညီနိုင်သမျှ ကူညီဖို့၊ မကျေလည်တာနှင့် ပြဿနာရှိလျှင်လည်း တန်းတူရည်တူ ပွင့်လင်းစွာ ဒူးတိုက်ဆွေးနွေး ညှိနှိုင်းဖြေရှင်းဖို့ကိုသာ အကြိမ်ကြိမ် ဆွေးနွေးချမှတ်လျက် ခပ်လျှိုလျှိုသာ လိုက်ပါခဲ့ကြသည်။ သို့ဖြင့် သီးသန့်တိုက်ဟုခေါ်သော တိုက်များအားလုံး  ပိုမို၍လွတ်လပ်မှုများ ရ လာကာ အချင်းချင်းလည်း ပိုမိုချစ်ခင်ညီညွတ်စွာ တည်ငြိမ်အေးချမ်းလာခဲ့ပေတော့သည်။ အာဏာပိုင်နှင့်ဆက်ဆံရာတွင် လည်းကောင်း၊ အကျဉ်းသားချင်းဆက်ဆံရာတွင် လည်းကောင်း ပိုမို၍ဂုဏ်သိက္ခာမြင့်မားလျက် ကိုယ်စီ၏ ကျန်းမာရေးအခြေအနေများလည်း ကောင်းမွန်ကာ ICRC ကဲ့သို့သောအဖွဲ့များကပင်လျှင် တောင်ငူထောင်ကို အံ့ဩဝမ်းသာသွားခဲ့ဖူးပေသည်။ သို့ရာတွင်…ကျွန်တော် သက်ပြင်းချမိသည်။

ခုတော့ ဒီအခြေအနေမျိုး မရှိတော့။ ပြန်ရရန်လည်း လွယ်ကူလှမည် မဟုတ်တော့ပေ။

၂၈ ရက်ညနေက ကျွတ်ထွက်သွားခဲ့ရသည့် သွား နှစ်ချောင်းနှင့် နဲ့သွားသောသွားတစ်ချောင်းတို့ကို လျှာဖြင့် တိုးတိုက်စမ်းသပ်ကာ ရင်ဘတ်နှင့် နံရိုးတစ်လျှောက် နာကျင်နေသေးသည်ကို လက်ဖြင့်ပွတ်သပ်ကာ ထိုမျှထက်မကသော နာကျင်မှုတစ်ရပ်ကို ကျွန်တော် ခံစားနေမိပေသည်။

အမှန်ကိုဆိုရလျှင် ကျွန်တော်တို့အနေဖြင့် ကျွန်တော်တို့၏ သီးခြားလွတ်လပ်ပိုင်ခွင့်ကိုတော့ နည်းနည်းမှ ထိပါးမခံနိုင်ကြသည်မှာ သေချာလှပေသည်။ ထို့ပြင် တိုင်းပြည်အတွက် ဤသို့ကြည့်မြင်သင့်သည်၊ လုပ်ဆောင်သင့်သည်ဟုမြင်နေပြီဆိုလျှင်လည်း ထိုအမြင်မှာ အတော်ပင် စွဲမြဲလွန်းလှသည်မှာ ကျွန်တော်တို့၏ ထူးခြားချက်ပေလား၊ အားနည်းချက်လား၊ အားကောင်းချက်လား မသိတတ်နိုင်ပေ။

“စစ်အစိုးရဖယ်ရှားရေး၊ စစ်အာဏာရှင်စနစ် ဆန့်ကျင်ရေးဆိုတာဟာ ကွန်မြူနစ်ဝါဒအမြင်သက်သက်နဲ့တင်ပြောနေတာ မဟုတ်ပါဘူး။ လူထုသဘောထားကို ပြောတာ။ ဒီနေ့ကာလ အမျိုးသားရေးလိုအပ်ချက်ရဲ့ အဓိကအချက်ကိုပြောတာ။ ဘာပဲလုပ်ချင်လုပ်ချင် တိုင်းပြည် ကောင်းစေချင်သူမှန်သမျှအဖို့ အဦးအစ ပထမနဲ့အဓိကထားပြီး မလုပ်မဖြစ်လုပ်ရမှာကိုပြောတာ ဖြစ်ပါတယ်။ ၉ဝ ခုနှစ် ရွေးကောက်ပွဲရဲ့ ရလဒ်ကို ပီပီပြင်ပြင် ပြည့်ပြည့်ဝဝ အကောင်အထည်ဖော်ဖို့ဆိုရင် လက်ရှိစစ်အစိုးရရဲ့နေရာမှာ အမျိုးအစားသစ်အစိုးရတစ်ခုနဲ့ အစားမထိုးဘဲ ဘယ်လိုမှကို ဖြစ်နိုင်မှာမဟုတ်ပါဘူး”ဟု ကျွန်တော်တို့ အတိအလင်း ရပ်ခံခဲ့ကြသည်။ ဤကိစ္စနှင့်ပတ်သက်ပြီး မည်ကဲ့သို့သော ဝိဝါဒ ရှုပ်ထွေးမှုကိုမှ လက်မခံ။ မည်သည့်လမ်းခွဲနောက်ကိုမှ ကျွန်တော်တို့ မလိုက်ခဲ့ကြပေ။ ကျွန်တော်တို့အနေဖြင့် တစ်ခုလုံးအရရော တစ်ဦးချင်းအရပါ (ပုဂ္ဂိုလ်မာန၊ သိက္ခာမျှပင်မချန်) အလျှော့ပေးနိုင်သမျှ အစွမ်းကုန်၊ ဒိထက်ပိုပြီး ဘယ်လိုမှ လျှော့၍မရနိုင်ခဲ့ကြပေ။

ထို့ကြောင့်ပင်လျှင် ပြဿနာဖြစ်နေသည်လား မသိ။ ကိစ္စတိုင်းမှာပင် ဤပြဿနာကိုပင် ပုံစံအမျိုးမျိုးဖြင့်ဖော်ပြခဲ့၊ အဆင်အပြေဆုံးဖြစ်အောင် ညှိနှိုင်းကျောခိုင်းခဲ့ကြရသည်။ သို့ဖြင့် ကျွန်တော်တို့ကြားမှာ ပူးတွဲနိုင်သည့်အတိုင်းအတာမှာ အကန့်အသတ်တစ်ခုဖြင့်သာ ရှိနေခဲ့ပေသည်။ သို့သော်လည်း လက်တွဲမပျက်၊ အခင်မပျက်၊ ဣနြေ္နနှင့် အခြေအနေမပျက်ယွင်းခဲ့ကြပေ။

သို့သော် သူတို့ကြားမှာတော့ ပြဿနာတွေတစ်ခုပြီးတစ်ခု ပေါ်လာခဲ့ပေသည်။ ဗဟိုဦးစီးအဖွဲ့ဝင်နှင့် ပြည်သူ့လွှတ်တော်ကိုယ် စားလှယ် ဖြစ်သူက တိုက်ရိုက်တာဝန်ခံပါသည်ဟုဆိုသော NLD အစုအဖွဲ့မှ တစ်ဦးပြီးတစ်ဦး ထွက်ခွာလာခဲ့ကြသည်။ ပါတီဖွဲ့စည်းပုံမူမမှန်၊ ပါတီတွင်းမှာ ဒီမိုကရေစီမရှိ၊ အလွမ်းသင့်ရာအုပ်စုဖွဲ့ လက်ဝါးကြီးအုပ် လုပ်နေသည်၊ ဗဟို၏သဘောထားများနှင့် များစွာသွေဖည်နေသည်ဆိုသော အသံတွေကို ကြားပင်ကြားနေရသော်လည်း ဤကိစ္စမှာ ကျွန်တော်တို့နှင့်မသက်ဆိုင်၊ သူတို့တွင်းကို ဝင်ရောက်ဖြေရှင်းရန်မှာလည်း ကျွန်တော်တို့မှာ လုပ်ခွင့်လည်း မရှိ၊ ဖြစ်လည်း ဖြစ်နိုင်မည်မဟုတ်။ သို့ဖြင့် မသိမသာအကဲခတ်လျက်သာလျှင် ကျွန်တော်တို့ လက်ရှောင်၍ နေခဲ့သည်။

သူတို့အတွင်းကိစ္စတွေက အများဆိုင်ရာ စကားဝိုင်းသို့ရောက်လာခဲ့သောအခါ၊ အချို့နေရာတွေမှာ ထိုးပွဲကြိတ်ပွဲဖြင့် မကျေနပ်ချက်တွေ ကြီးထွားလာကြသောအခါတွင်လည်း ကျွန်တော်တို့အနေဖြင့် ညီညွတ်ရေးဟာ အသက်သဖွယ်ပင် အရေးကြီးကြောင်းကို အကြိမ်ကြိမ် အထပ်ထပ်ရေရွတ်ရင်း တတ်နိုင်သမျှ မှန်မှန်ကန်ကန်၊ မျှမျှတတနှင့်ပြေလည်စေဖို့သာ ဝန်းရံကူညီဖြေရှင်းပေးခဲ့သည်။ သို့ပါလျက် “ဒေါ်စုနှင့် နအဖ တွေ့ဆုံဆွေးနွေးနေပြီဖြစ်ရာ မိမိတို့မှာ သတိကြီးစွာထားရမည်ဖြစ်သည့်အတွက် မိမိတို့ဘာသာ သီးခြားသာ နေထိုင်လုပ်ကိုင်တော့ မည်”ဟု ဆင်ခြေပေး ကြေညာလျက် အများနှင့်ဆုံသောစကားဝိုင်းနှင့် အများဆိုင်ရာကိစ္စများမှ ဆုတ်ခွာသွားသောအခါတွင်ကား ကျွန် တော်တို့အနေနဲ့ ဘာမှမတတ်နိုင်။ စိတ်မကောင်းဖြစ်ရုံမှတစ်ပါး မတတ်နိုင်။ ကျွန်တော်တို့မှာကား အများစုနှင့်အတကျန်ရစ်ကာ အများ ဆိုင်ရာမှန်သမျှကို ရှေ့တန်းမှ တက်ကြွစွာ လုပ်ဆောင်လျက်ပင် ရှိခဲ့သည်။ ထို့နောက် အကြောင်းကိစ္စရှိတိုင်းမှာပင် ကျွန်တော်တို့ဘက်က တိုင်ပင်ဆွေးနွေးရန်(သို့) ပူးပေါင်းလုပ်ဆောင်ရန် ကမ်းလှမ်းခဲ့၊ ဖိတ်ခေါ်ခဲ့သော်လည်း သူတို့ကမူ သူတို့၏ဆုံးဖြတ်ချက်ကို မပြောင်းခဲ့ပေ။ ကျွန်တော်တို့၏ဖိတ်ခေါ်ချက်ကို  ပယ်ပြီးရင်းသာ ပယ်ခဲ့သည်။ သူတို့လုပ်သမျှကို ကျွန်တော်တို့ထံ အကြောင်းကြားသည်၊ ဖိတ်ကြားသည် ဟူ၍လည်း မရှိတော့။ သူတို့အစုအဖွဲ့နှင့် အလွမ်းသင့်ရာ မင်းဟန်၊ မောင်ဖြိုးအပါအဝင် အနည်းငယ်မျှဖြင့်သာ ကြိတ်ဝိုင်းလုပ်နေခဲ့ကြသည်။

ထိုစဉ်ကာလအတွင်းမှာပင် ကျွန်တော့်အမှုတွဲရဲဘော်များ ထောင်မှလွတ်မြောက်ကာ ကျွန်တော့်မှာမူကား ၁ဝ(က)ဖြင့် ဆက်လက်ပိတ်လှောင် ခံ ကျန်နေရစ်ခဲ့ရပေသည်။ ထောင်အတွင်းရှိ ကျွန်တော်တို့ ရဲဘော်အရေအတွက်မှာ လက်ငါးချောင်းပင် မပြည့်တော့ပေ။ သို့သော် ကျန်ရစ် သမျှ သိပ်သည်းညီညွတ်စွာ လုပ်စရာရှိတာအားလုံးကို ထောင့်စေ့အောင်တော့ တက်ညီလက်ညီ လုပ်ဆောင်ဖြစ်နေခဲ့ကြသည်။ သူတို့ထံမှ ဖြန့်ဝေသော သတင်းများကိုလည်း မိတ်ဝတ်မပျက်လက်ခံကာ ခွဲခြားစိတ်ဖြာမှုရှိစွာ လေ့လာနေခဲ့ကြပေသည်။

ထိုစဉ် ဧပြီလဆန်းရက်တစ်ရက်မှာ သူတို့၏ ပြန်ကြားရေးမှူးဆိုသူ ဇော်ထူးနှင့် အတွင်းရေးမှူးဆိုသူ ကိုသန်းမင်းတို့ရောက်လာပြီး…

“အခုလို တွေ့ဆုံဆွေးနွေးပွဲဖြစ်နေစဉ်ထဲမှာ ကျွန်တော်တို့အနေနဲ့ အပတ်စဉ် အင်္ဂါနေ့တိုင်း ပရိတ်ရွတ်၊ မေတ္တာပို့ပြီး ဆွေးနွေးပွဲ ချောမွေ့ အောင်မြင်စေကြောင်း ဆုတောင်းကြမှာဖြစ်ပါတယ်။ ညဘက်မှာ Candlelight Movement အဖြစ် ဖယောင်းတိုင်ထွန်းတာလည်း လုပ်မယ်။ ဒါ့အပြင် ဆေးရုံက အာဟာရချို့တဲ့နေတဲ့ပေါ်တာပြန်တွေကို အာဟာရတိုက်ကျွေး ဒါနပြုမယ်။ နောက် ကျွန်တော်တို့အထဲမှာချည်းပဲ သင်တန်းတွေ၊ ဆွေးနွေးပွဲတွေ လုပ်မယ်ဗျာ။ အဲဒါ အစ်ကိုတို့အနေနဲ့ လိုက်ပါနိုင်သမျှလိုက်ပါဖို့ အကြောင်းကြား ဖိတ်ကြားတာပါ” ဟု ဆိုလာသည်။

ကျွန်တော်တို့အနေဖြင့် နောက်ကြည့်မှန်ကိုကြည့်လျက် ရှေ့သို့မောင်းနှင်နေသည်မှန်သော်လည်း မလိုအပ်လျှင်၊ အကျိုးမရှိလျှင် အတိတ်မှာချည်း ဝဲလည်လှည့်မနေကြဖို့တော့ သဘောထားရှိပြီး ဖြစ်ပါသည်။ သို့ဖြင့် ဇော်ထူးနှင့် ကိုသန်းမင်းတို့ကို လှိုက်လှဲပျူငှာစွာ ကြိုဆိုကာ ၎င်းတို့ ကမ်းလှမ်းလာသမျှကိုလည်း  အလေးအနက်လက်ခံစဉ်းစားခဲ့ကြသည်။

ကျွန်တော်တို့မှာ အပြင်အခြေအနေကို သိပ်သိလှသည်တော့ မဟုတ်။ သူတို့ ထုတ်ဝေဖြန့်ချိသမျှသတင်းများပေါ်တွင်သာ အခြေခံလျက် အပြင်အခြေအနေကို ခန့်မှန်းကြည့်ကြခြင်းသာဖြစ်သည်။ ထောင်ဝင်စာပါ မိသားစုထံမှသတင်းစကားအချို့နှင့် ဆက်စပ်လျက် သုံးသပ် လေ့တော့ ရှိကြသည်။ သို့ဖြင့် ကျွန်တော်တို့အမြင်မှာ ယခု တွေ့ဆုံဆွေးနွေးနေသည်ဆိုခြင်းနှင့်ပတ်သက်၍ နိုင်ငံရေးပြဿနာတွေကို နိုင်ငံရေးနည်းအရ ငြိမ်းချမ်းညင်သာစွာဖြေရှင်းဖို့ လမ်းစတစ်ခုအဖြစ် ဝမ်းသာအားတက်မိသည်မှာမှန်သော်လည်း အပြည့်အဝ မယုံရဲ။ စိတ်လုံးပုံ၍ မအပ်ရဲသေးလှပေ။ ၁၉၆၃၊ ၁၉၈၁ ခုနှစ်များက ကျွန်တော်တို့ပါတီနှင့် တွေ့ဆုံခဲ့ဖူးသည်များ၊ ယခုနောက်ပိုင်း KNU နှင့် ဆွေးနွေးသည်ဆိုခြင်းများ၊ အပစ်အခတ်ရပ်စဲရေး အဖွဲ့တစ်ခုချင်းနှင့် ဆက်သွယ်ထိတွေ့ခဲ့ပုံများအပါအဝင် သင်ခန်းစာပေါင်းများစွာမှာ လတ်ဆတ်နေဆဲဖြစ်ရာ ယခုကိစ္စမှာလည်း အဖြစ်နိုင်ဆုံးမျှော်လင့်ချက်ထားကြည့်ရလျှင်ပင် ဆွေးနွေးပွဲ၏ ပဏာမအဆင့်၊ အကြိုခြေလှမ်း အဆင့်မျှဟုသာ ထင်မြင်မိပေသည်။ ဤသည်ကို ဆုတောင်းပတ္တနာပြုရုံမျှဖြင့် တာဝန်ကျေလိမ့်မည်ဟုလည်း မထင်ပေ။ သို့ဖြင့် ယင်းတို့ ယုံကြည်ချက်၊ ယင်းတို့အမြင်ဖြင့် ယင်းတို့ဘာသာ ဆုံးဖြတ်လုပ်ကိုင်သည်ကို ဘာမှ မပြောလိုသော်လည်း ကျွန်တော်တို့အနေဖြင့် ကိုယ်တိုင် လုပ်ရန်ကိုမူကား စိတ်ပါလက်ပါ မရှိလှပေ။ ကိုယ့်လိပ်ပြာ ကိုယ်လည်း မသန့်လှပေ။ သို့ဖြင့် ဤအတိုင်းသာလျှင် ပျော့ပျောင်းနူးညံ့ချိုသာစွာ လေးနက်တည်ကြည် ကျယ်ပြန့်စွာ အကြောင်းပြန်ဖြစ်ခဲ့သည်။

“ဒါပေမဲ့ ကျွန်တော်တို့ တတ်နိုင်သမျှ ကူညီစောင့်ရှောက် ပေးမှာ၊ ကာကွယ်ပေးမှာတော့ အသေအချာပါပဲ။ အကယ်၍ အန္တရာယ်ရှိခဲ့တယ်၊ ဆိုးကျိုးတွေဖြစ်လာခဲ့တယ်ဆိုရင်လည်း ဆိုးကျိုးကို ရဲဘော်တို့နဲ့ ထပ်တူမျှဝေခံစားသွားမှာဖြစ်ပါတယ်”ဟုလည်း တာဝန်သိစွာ ထည့်သွင်း ပြောဆိုခဲ့ပေသည်။ ပုံမှန်အတိုင်း သတင်းဖြန့်ချိမှုကို ဝမ်းမြောက်ဝမ်းသာ ဆက်လက်စားသုံးသွားမည်ဖြစ်ကြောင်းလည်း ထည့်ပြောဖြစ်အောင် ပြောခဲ့သည်။ ဤသည်ကို သဘောတစ်မျိုးပေါက်ပြီး မကျေမလည်ရှိဟန်ဖြင့် ဒုတိယအကြိမ်လာရောက် ဆွေးနွေးပြန်တော့လည်း အလား တူပင် ကျွန်တော်တို့ ထပ်မံရှင်းပြခဲ့ကြသည်။ သို့ရာတွင် မကြာလှသော ရက်ပိုင်းအတွင်း၌ပင်လျှင် ယင်းတို့အစုအဖွဲ့အနေဖြင့် ကျွန်တော်တို့ ရဲဘော်များအတွင်းတွင် အာဏာပိုင်နှင့်ပူးပေါင်းကာ အာဏာပိုင်ကိုအလုပ်အကျွေးပြုသူ ရှိခဲ့ဖူးသည်ဟူသော စာတမ်းငယ်တစ်ခုကို လျှို့ဝှက်စွာ လက်သိပ်ထိုးဖြန့်ဝေကြောင်း ကျွန်တော်တို့သိခဲ့ရပေသည်။ ကျွန်တော်တို့အနေဖြင့် ထုံးစံအတိုင်း စိတ်မကောင်းဖြစ်ရုံမှတစ်ပါး အခြားမရှိ။ ကျွန်တော်တို့ထံ အသိမပေးသောကိစ္စကို တရားဝင်သည်ဟုလည်း မထင်။ ဘာသိဘာသာသာလျှင် နေခဲ့ကြသည်။

ထို့နောက် သင်္ကြန်ကာလရောက်သောအခါ ထောင်တွင်း ရိုးရာသင်္ကြန်ပွဲတစ်ခုကို စုပေါင်းကျင်းပကြရန် အများစုနှင့်အတူညှိနှိုင်းပြီး ကျွန်တော်တို့ကြိုးပမ်းခဲ့ကြရာ မောင်ဖြိုးနှင့်မင်းဟန်တို့က “ဘာသာရေးမယုံကြည်တဲ့ကွန်မြူနစ်တွေ ဦးစီးလုပ်တဲ့ ဘာသာရေးပွဲကို မတက် ရောက်နိုင်”ဟု မျက်စိပိတ် အကြောင်းပြန်ခဲ့ကြသည်။ သင်္ကြန်မှာ ဘာသာရေးပွဲမဟုတ်၊ ရိုးရာပွဲလမ်းသာဖြစ်ကြောင်းနှင့် ကွန်မြူနစ်များ ဦးစီးသည်လည်း မဟုတ်၊ နိုင်ငံရေးအကျဉ်းသားအများ စုပေါင်းလုပ်ခြင်းမျှသာဖြစ်ကြောင်း အေးဆေးစွာသာ ကျွန်တော်တို့ရှင်းပြခဲ့ကြသည်။ NLD အစုအဖွဲ့မှာမူကား အများစုနှင့်မပတ်သက်ဘဲ သူတို့ဘာသာ သီးခြားအစီအစဉ်ဖြင့်သာလျှင် အပြိုင်ကျင်းပခဲ့ပေသည်။ ထို့နောက် မေ ၁ ရက် မေဒေးနေ့အစီအစဉ်နှင့်ပတ်သက်၍ ထိတွေ့ကြည့်သောအခါ NLD အစုအဖွဲ့မှ ထောင်အတွင်းကာလ ကွန်မြူနစ်များနှင့်  ဆက်ဆံခဲ့ ခြင်းမှာ ထောင်တွင်း P.P ညီညွတ်ရေးအတွက်မျှသာရည်ရွယ်သည်ဖြစ်၍ ယခုလို တွေ့ဆုံဆွေးနွေးနေသည့်ကာလတွင်ကား CP နှင့် လည်းကောင်း၊ CP က ဦးဆောင်သော လှုပ်ရှားမှုနှင့်လည်းကောင်း၊ CP ပါဝင်သောလှုပ်ရှားမှုများတွင်လည်းကောင်း ပါဝင်မည် မဟုတ်တော့ပါ ဟု အတိအလင်းနှင့် တရားဝင်အကြောင်းပြန်ခဲ့ပေသည်။

သို့ဖြင့် ဇွန် ၁၉၊ ဇွန် ၂၁၊ ဇူလိုင် ၇၊ ဩဂုတ် ၈ မှသည် စက် တင်ဘာ ၂၇ ရက် NLD မွေးနေ့အထိ လှုပ်ရှားမှုများမှာ ပေါ်ပေါ်တင်တင်ပင် နှစ်မျိုးနှစ်စားကွဲပြားလျက် ရှိနေခဲ့ကြပေတော့သည်။  ထောင်အတွင်းရှိ ABSDF ဗကသတို့မှာလည်း နှစ်ခြမ်းစီ ဟက်တက်ကွဲကာ ယင်းတို့ NLD အစုအဖွဲ့ကိုယ်တိုင်ပင်လျှင် သုံးပုံနှစ်ပုံနီးပါးမျှသာ အစုအခဲအလိုက်ကျန်ရစ်ကာ ကျန်အဖွဲ့ဝင်များမှာ တစ်ဦးချင်းအဖွဲ့ဝင်များအဖြစ်သာ ရပ်တည်လျက်ရှိနေကြတော့သည်။ ထို့နောက်တွင်ကား ထောင်တွင်းရှိ P.P အချင်းချင်းဆက်ဆံရေးမှာ ပျူငှာပွင့်လင်းမှု သိပ်မရှိလှတော့ဟုပင် ကျွန်တော်ခံစားနေမိပါတော့သည်။ ဤသည်ကို သတိဝီရိယထားပြီး စောင့်ကြည့်အကဲခတ်လျက် နွားအကွဲမှာ ကျားဆွဲတော့မည်ကို စိတ်တွင် အမြဲ စိုးရိမ်ပူပန်လျက်ရှိနေစဉ် စက်တင်ဘာ ၂၈ ရက် ညနေ၌မူကား…။

ကျွန်တော် သက်ပြင်းချမိပြန်ပါသည်။

(ခြောက်)

“ခင်ဗျားဘာသာပဲ လွတ်လွတ်လပ်လပ် ပြောချင်သလား။ ဒါမှမဟုတ် မင်းဟန်ရှေ့မှာ ပြောမလား”ရန်ကုန်တိုင်း ထောင်အုပ်စုညွှန်မှူးရှေ့ ကျွန်တော်ထိုင်အလိုက်မှာပင် ညွှန်မှူးက ဆီး၍မေးလိုက်သည်။ ကျွန်တော်ကလည်း မဆိုင်းမတွပင် “မင်းဟန်ရှေ့မှာ ပြောမယ်လေ။ ခေါ်လိုက် ပေါ့”ဟု တုံ့ပြန်ဖြစ်ခဲ့သည်။

ဝန်ထမ်းတစ်ယောက် သွားခေါ်ကာ ခဏကြာတော့ မင်းဟန် ရောက်လာခဲ့သည်။

စက်တင်ဘာ ၂၈ ရက် ညနေက အဖြစ်အပျက်ကို ထွေးလှ ကျွန်တော့်ဆီရောက်လာကာ အကူအညီတောင်းသည်မှအစပြု၍ ကျွန်တော် အမှန်အတိုင်း ပြောပြခဲ့လိုက်သည်။ သို့ရာတွင် အဆောင်သို့အသွားအလာနှင့် ကျွန်တော်တို့ရှိရာသို့ အခြားတိုက်မှလူများ ရောက်လာခဲ့ ကြသည်ကိုတော့ မပြော။ ၄ တိုက်က ကျော်အေးနိုင်ကို ၃ တိုက်မှာ ညတွင်းချင်း စာရင်းပြောင်းထားခဲ့သည်ကိုလည်း မပြော။ သီးသန့်ဟု ခေါ်သော ၅(ည) အကျဉ်းသားများသာရှိရမည့် ၃ တိုက်မှာ ကျွန်တော်နှင့်အခန်းချင်းကပ်လျက်သား ၅ ခန်းတွင် ပုဒ်မ ၃ဝ၂ သာ အတပ်ခံ ထားရသူများဖြစ်သည့် ဇော်ထူးနှင့်အောင်နိုင်ကြီးတို့ တရားမဝင်ရောက်ရှိနေခဲ့သည်ကိုလည်းမပြောဘဲ ခြွင်းချန်ထားခဲ့သည်။ ညွှန်မှူးက တိုက်ခန်းအဖွင့်အပိတ်အချိန်များ မေးသည်ကိုလည်း ထောင်က တရားဝင်ထုတ်ပြန်သတ်မှတ်ချက်အတိုင်းသာလျှင် ပြောခဲ့၍ “ရန်ဖြစ်တာ အပြင် ဘာရည်ရွယ်ချက်ရှိသလဲ”ဆိုလျှင်တော့ “မရှိပါ”ဟုသာ ရိုးရိုးဖြေခဲ့ပြီး နောက်ကျတော့မှသာ “ရန်ဖြစ်တာ မဟုတ်၊ မင်းဟန်က တမင် ရန်စပြီး ကျန်လူများက ရုတ်တရက် ဝိုင်းဝန်းထိုးကြိတ်ကြခြင်း ဖြစ်သည်။ ရည်ရွယ်ချက်ကို မိမိ မသိ” ဟု ပြန်ဖြေ ဖြစ်ခဲ့သည်။ “ဘာကြောင့် ဖြစ်ရတာလဲ”ဆိုတာကိုတော့”ထောင်တွင်း မွန်းကျပ်မှုတွေနဲ့ ဒီလိုဖြစ်တတ်တာတွေ ရှိပါတယ်။ ဆန်းတဲ့ကိစ္စ မဟုတ်ပါ”ဟုပင် တုံ့ပြန်ခဲ့သည်။ ထောင်အရာရှိများနှင့်ဆက်ဆံရေးမှာ ရာနှုန်းပြည့် စိတ်ကျေနပ်ဖွယ်မဟုတ်သော်လည်း ဆက်ဆံ၍တော့ အဆင်ပြေပါသည်ဟုလည်း ဖော်ပြခဲ့ပေသည်။

ကျွန်တော့်အမေးအဖြေ အစအဆုံးကို မင်းဟန်ကိုယ်တိုင်ရှိနေလျက်နှင့်ပင် ဤသို့ဖြေဆိုခဲ့ခြင်းမှာ ကျွန်တော့်၌ ရည်ရွယ်ချက် ရှိပေသည်။ ရှင်းရှင်းပြောရလျှင် ထောင်စကားအရ ဒိုင်စားမည်ကို စိုးရိမ်သောကြောင့်ဖြစ်သည်။ ထို့အပြင် သူတို့မှာ အပြစ်ကျူးလွန်မိခဲ့ပြီ ဖြစ်သောကြောင့် အပြစ်ပေးခံရလျှင်တောင်မှ သက်ညှာစွာဖြစ်စေရန် စေတနာထားရှိခဲ့လေသည်။ သို့ဖြင့် ရှေ့ မှကြိုတင်၍ လမ်းကြောင်းပေးထားလျှင် သက်သာ ရာကို လိုက်ပါလာမည်လားဟု မျှော်လင့်ခဲ့မိသည်။ သို့သော် မင်းဟန်အလှည့် ကျသောအခါတွင်မူကား စကားတတ်ခါစ ကြက်တူရွေးပမာ ထင်သမျှ၊ မြင်သမျှ၊ ကြားဖူးနားဝ ရှိလေသမျှ အိတ်သွန်ဖာမှောက် တရစပ် မရပ်မနားအန်ထုတ်ကာ ဖြစ်စဉ်သက်သက်မျှသာမက ဖြစ်ရသော အကြောင်းရင်းတွေကို တပုံတပင်ဇာချဲ့ပေတော့သည်။

ကျွန်တော့်အပေါ် ပုဂ္ဂိုလ်ရေးအရ၊ နိုင်ငံရေးအရ အပုပ်ချလိုက်ပုံကလည်း ရစရာပင် မရှိ။ သူမို့လို့ ကြံကြံဖန်ဖန် ပေါက်ပေါက်ရှာရှာ ပြောလည်း ပြောတတ်လွန်းပေသည်။ စည်းရုံးသည်၊ အုပ်စုဖွဲ့သည်၊ ဘုရားမရှိ တရားမရှိဆိုသော စကားတွေမှာလည်း အပ်ကြောင်းပင် ထပ်လေမတတ်။ ရှေ့မှာ “အန်ကယ်၊ ကျွန်တော် အရင်ပြောပြမယ်။ ပြီးမှ ရေးပါ”ဟုပင် စကားခံလိုက်ချေသေးသည်။ “သားကြီးက အုတ်ခဲကိုင်ပြီးတော့…”ဟု လည်း ပါသည်။ ကိုကျော်ကျော်က ထိုးသည်၊ ကိုဌေးက ကန်သည်၊ ကိုသန်းနိုင်ကလည်း ပြေးလာပြီး ထိုးသည်။ ဘိုဘိုဟန်ကတော့ သူ့ကို နောက်ကနေ ချုပ်ထားပေးသည်ဟုလည်း ပါသည်။ တချိန်တည်းမှာပင် ဘိုလူးနှင့် ညီညီက ၂ တိုက်တွင် NLD ဗဟိုဦးစီးအဖွဲ့ဝင်နှင့် ပြည်သူ့ လွှတ်တော်ကိုယ်စားလှယ်ကြီးအား “ဒီကိစ္စတွေဖြစ်ရတာ ခင်ဗျားမှာ တာဝန်ရှိတယ်”ဟု ပြောပြောဆိုဆို တွန်းလှဲပစ်ခဲ့ကြောင်း၊ သဲနှင့်လည်း ပက်ကြောင်း စသည့် ကျွန်တော်မသိသေးသည့်ကိစ္စများလည်း ပါနေပေသေးသည်။

ကျွန်တော့်မှာ စိတ်ပျက်လက်ပျက်ဖြစ်၊ ဒေါလည်း ပွ၊ စိုးလည်း စိုးရိမ်ဖြစ်ကာ လာတော့မည့်အန္တရာယ်ကို တွေးမျှော်လျက် သူတို့အတွက်ပင် စိတ်မကောင်းဖြစ်မိသည်။ သို့သော် မတတ်နိုင်တော့။ ပတ်တုတ်၍ မရနိုင်တော့။ ရောဂါကား ရင့်လွန်း လှပေပြီ။ သခင်သန်းထွန်း ပြောခဲ့ ဖူးသည့် အစွယ်ပေါက်စခွေးကလေးလို ဟိုလူကိုက်ချင် ဒီလူကိုက်ချင်နှင့်ဆိုသောစကားကို ပြန်လည်သတိရလျက် ညွှန်မှူးထံခွင့်တောင်းကာ ထပြန်၍ လာခဲ့သည်။ ပြီးဆုံးသည်အထိ လုံးစေ့ပတ်စေ့နားထောင်ရန် ဘယ်လိုမှ ဆန္ဒမရှိတော့ပေ။ မင်းဟန်ကား နောက်ထပ် မိနစ် ၄ဝ ကြာမျှ ပင် ညွှန်မှူးရှေ့မှာ ထိုင်ကျန်ရစ်ခဲ့သည်။

(ခုနစ်)

“ကျွန်တော့်ဆီကို စက်တင်ဘာ ၂၉ ရက်မှာ အစီရင်ခံ စတင်ရရှိခဲ့ပြီးတဲ့နောက် အောက်တိုဘာ ၂ ရက်မှာ ကျွန်တော်တို့ ညွှန်မှူးဆီကို ထပ်ဆင့် အစီရင်ခံခဲ့ပြီး ညွှန်မှူးမှတစ်ဆင့် ဝန်ကြီးထံ အောက်တိုဘာ ၄ ရက်မှာ ခွင့်ပြုမိန့်တောင်းခံခဲ့ပါတယ်။ ဝန် ကြီးထံမှခွင့်ပြုမိန့်ကျခဲ့ပြီး အောက်တိုဘာ ၁၉ ရက်မှာ ကျော်မြပါ ၁ဝ ဦးတို့ကို အမှတ် ၁ ရဲစခန်းမှာ စတင်ဖမ်းဆီးချုပ်နှောင်ထားခဲ့တယ်။ ဒီနောက် ခရိုင်ဥပဒေရုံးမှ အကြံဉာဏ်တောင်းခံလျက် ခုလို ပုဒ်မ ၅(ဃ)နဲ့ တရားစွဲဆိုတင်ပို့…”အမှုတွဲတည်ဆောက်သူ I.O လည်း ဖြစ်သည့် S.B ရဲအုပ် ၏ အသံမှာ ပြတ်သား ရှင်းလင်းလှပေသည်။

ကျွန်တော်နှင့်မင်းဟန်ကို အ.က.စ ညွှန်မှူးက ၂၉ ရက် တွင် ခေါ်ယူစစ်ဆေးခဲ့ပြီးသည့်နောက် အောက်တိုဘာ ၄ ရက်ကျ မှသာ S.B က ကျွန်တော့်ကို ထပ်ဆင့်မေးမြန်းခဲ့ခြင်းဖြစ်သည်။ ထိုနှစ်ကြိမ်စလုံးမှာရော ထို့နောက်ပိုင်း ICRC လာချိန်အထိ ကျွန်တော့်ဘက်မှ မိမိတို့ အတွင်းပိုင်းကိစ္စတွေကို တစ်စုံတစ်ရာဖွင့်ဟခဲ့ခြင်း မရှိ။ ကျွန်တော်နှင့်တစ်ခန်းတည်းနေသူ ကိုသန်းနိုင်နှင့် ဘိုဘိုဟန်တို့ဘက်မှလည်း မရှိ၊ သားကြီးနှင့်ဘိုလူးမှာ အောက်တိုဘာ ၇ ရက်ကျမှသာ SB+MI ပူးတွဲအဖွဲ့က စစ်မေးခဲ့ခြင်း ဖြစ်သည်။

နေ့စွဲ၊ ရက်စွဲတွေကို စိတ်ထဲတွင်မှတ်သားစီစဉ်ကြည့်လိုက်ရာ အဖြေမှာ ရှင်းနေပေတော့သည်။

မင်းဟန်ဘက်ကို ကျွန်တော်စောင်းကြည့်လိုက်သည်။

မင်းဟန်ကား မျက်နှာကြီးမည်းပုပ်လျက် ခေါင်းငိုက်စိုက် ကျနေပေသည်။

အများပြည်သူ(သို့) ပြည်သူတစ်စု အထိတ်တလန့်ဖြစ်စေရန်ကြံရွယ်လျက် ရုန်းရင်းဆန်ခတ်ဖြစ်မှုတဲ့။

ပုဒ်မ ၅(ဃ)တဲ့ ဆိုပါလား။

မည်သူတွေ မည်မျှအထိ ထိတ်လန့်၍ မည်သို့ထိခိုက်ခဲ့ရသည်ကိုကား တရားရုံးတွင်သက်သေတင်ပြချက် မရှိပေ။ လူတစ်ယောက်အနေဖြင့် မိမိ၏ မွေးရာပါ သွားနှစ်ချောင်း အကျွတ်ခံ၊ သွေးထွက်သံယို အဖြစ်ခံလျက် အများပြည်သူကို ထိတ်လန့်စေရန် ကြံရွယ်သည်ဆိုခြင်းမှာလည်း မည်သို့သောအကျိုးစီးပွားကိုရည်ရွယ်၍မှ ဖြစ်နိုင်ဖွယ်ရာ မရှိ။ လူတစ်ယောက်ကို လူတစ်စုက ဝိုင်းဝန်းထိုးကြိတ် အမဲဖျက်နေကြသည့် မြင်ကွင်းမျိုးကို လက်ပိုက်၍ ကြည့်မနေနိုင်ဘဲ ဝိုင်းဝန်းထိန်းသိမ်း ဆွဲလွဲကြသူများမှာရော မည်ကဲ့သို့သောအကျိုးအကြောင်းနှင့် အပြစ် ဖြစ်ရသည်ကို နားလည်နိုင်ဖွယ်ရာ မရှိ။ သို့သော် ယခုမူကား ထိုးသူရော၊ ခံရသူရော၊ ဘေးမှ ဝင်ရောက်ဖျန်ဖြေထိန်းသိမ်းကြသူ အားလုံးပင် တရားခံဖြစ်လျက် ရှိနေချေပေတော့သည်။

မနေ့က တရားခွင် စ မဖွင့်မီ အချိန်အထိ ကျွန်တော်တို့ကို မည်သူက မည်သည့်အကြောင်းကြောင့် မည်သို့လုပ်မည်ကို လုံးဝ ရိပ်မိ သိရှိခဲ့ကြခြင်းမရှိပေ။ သတင်းသိရချိန်မှာတော့ လက်ထိပ်ကိုယ်စီနှင့် ဘူးဝမှာ ရောက်နေခဲ့ကြပြီဖြစ်သည်။ ပြီးတော့ ရှေ့နေငှားခွင့်မရှိတဲ့။ ၁၉ ရက်မှ စတင်၍ အမှတ် ၁ ရဲစခန်းတွင် ချုပ်နှောင်ထားရာမှ တရားစွဲဆိုတင်ပြခြင်းတဲ့။ ဘေးမှာ နောက်မှာ ရဲတွေတော့ အများကြီးပါလာသည်။ သို့သော် တိုင်းအရံရဲများသာ။ သူတို့ကို သင်တန်းတက်နေစဉ် ရုတ်တရက်ခေါ်လာခဲ့ခြင်းဟု သိရသည်။ အားလုံးပင် ဘုမသိ ဘမသိ။ တရားသူကြီးကိုယ်တိုင် ဘုမသိ ဘမသိ။

သို့ဖြင့်ပင် ပြဇာတ်၏ ဒုတိယအပိုင်း ကန့်လန့်ကာကို စတင်ဖွင့်လိုက်ပေတော့သည်။

(ရှစ်)

စပြီဆိုသည်နှင့် တစ်ပြိုင်နက် တရားသူကြီးက နိုင်ငံတော်ကိုယ်စား ရဲသတင်းတပ်ဖွဲ့မှ ဒုရဲအုပ်စန်းဦး စွဲဆိုတင်ပြလာသည့်အမှုကို ရုံးတော်က လက်ခံလိုက်ပြီဖြစ်ကြောင်း ကြေညာသည်။

မနေ့က စာရင်းတင်ခဲ့သည့် အစိုးရသက်သေ ၁ဝ ဦးအနက် ထောင်မှူးနှစ်ဦးနှင့် အခင်းဖြစ်စဉ်က တိုက်တာဝန်ကျဝန်ထမ်းတစ်ဦး စုစုပေါင်း သုံးဦးတို့မှာ မပါတော့။ ဘယ်အချိန်က ဘယ်လိုပယ်ဖျက်လိုက်ခဲ့သည်ကိုလည်း မသိရ။ ကျွန်တော်တို့ စွပ်စွဲခံရသူတွေကို စစ်မေးခြင်းလည်း လုံးဝမရှိ။ ကျွန်တော်တို့ကိုယ်စား ကျွန်တော်တို့ကိုယ်တိုင်ပင် လျှောက်လဲရမည်ဖြစ်သော စွဲချက်တင်သင့်၊ မတင်သင့်ဆိုသည့် ကဏ္ဍလည်း လုံးဝမရှိ။ အမှုကိုတော့ တောင်ငူခရိုင်အထူးတရားရုံးမှ လက်ခံလိုက်ပြီဟုဆိုသည်။ ပြီးတော့မှ မနေ့က စစ်မေးခဲ့သမျှ လိုပြသက်သေများ အနက် ပြန်လည်မေးမြန်းလိုသောသူများ ရှိ၊ မရှိကို မေးသည်။

ကျွန်တော်က အစိုးရရှေ့နေဖြစ်သည့်ဦးစိုးလွင်နှင့် ဦးသိန်းဇော်တို့ဘက်ကိုလှည့်ပြီး “အေးဗျာ Final Judgement ကို ကျွန်တော်တို့သိပြီးပါပြီ။ ဒါပေမဲ့ အခွင့်ရှိသလောက်တော့ လုပ်ရဦးမှာပေါ့လေ”ဟု ပြောလိုက်သည်။

ကျွန်တော်က ထောင်ပိုင်ကြီးနှင့် စစ်ကြောရေးအဖွဲ့၏ ကြီးကြပ်ရေးမှူးဖြစ်သည့် S.B ဒုရဲမှူးကြီး ဦးလှထွန်းကို ပြန်ခေါ်လိုက်လေသည်။

ထောင်ပိုင်ကြီးအား ထိုညနေက သေနတ်ဖောက်ဟန့်တားခဲ့ပြီးနောက် ဆက်လုပ်ခဲ့သည်များကိုမေး၍ ထိုညက ရဲနှင့် ထောက်လှမ်းရေးများကို ခေါ်သွင်းလာကာ ကျွန်တော်တို့ကို အထူးရှာဖွေရေးလုပ်ခဲ့သည်။ ကျွန်တော့်ဒဏ်ရာအတွက် အလေးအနက် အရေးတယူကား မရှိခဲ့။ ထိုအချိန် မှသည် ယခု နောက်ဆုံးတိုင်အောင် မရှိခဲ့။ အထိုးအကြိတ်ခံရသူ၏ နစ်နာမှုအတွက် အခုထိ တစ်စုံတစ်ရာတာဝန်ယူမှုလည်း မရှိခဲ့ကြောင်း။ ဤသည်ကပင်လျှင် ကျွန်တော့်အပေါ် အငြှိုးအတေးတစ်စုံတစ်ရာ ရှိနေသည်ဖြစ်ကြောင်း ပေါ်လွင်အောင်မေးခဲ့သည်။ ပြီးတော့ သေနတ် ဖောက်သည့်အဖြစ်မှာ ထောင်ပိုင်၏စိုးရိမ်မှုသာဖြစ်ကြောင်းတို့ကို ထပ်မံထင်ရှားစေခဲ့သည်။ S.B ဒုရဲမှူးကြီးအားလည်း ထောင်အတွင်းမှာ နိုင်ငံရေးလုပ် အုပ်စုဖွဲ့သည်ဆိုခြင်းနှင့်ပတ်သက်ပြီး အထောက်အထားတစ်စုံတစ်ရာမရှိဘဲ ထင်မြင်ယူဆချက်သက်သက်သာဖြစ်လျက် ပုဒ်မ ၁ဝ(က) အချုပ်ခံဘဝမှ ထောင်ကျစေရန်ရည်ရွယ်ခြင်း ရှိ၊ မရှိကို သွယ်ဝိုက်မေးမြန်းခဲ့ပေသည်။

အခြားသူများကတော့ မည်သူ့ကိုမျှ ပြန်မခေါ်ကြတော့ပေ။

ကျွန်တော့်မှာလည်း တက္ကသိုလ်မှာ တတိယနှစ်အထိ ဥပဒေသင်တန်းတက်ခဲ့ဖူးသော မတောက်တခေါက်ကလေးနှင့် လုပ်ငန်းခွင်အတွင်း ရရှိခဲ့လေသမျှ ဗဟုသုတအတိုအစလေးများကိုသာ အသုံးချနိုင်သည်ဖြစ်ရာ တကယ်ဆိုလျှင် ဘာမှထိရောက်လှမည် မဟုတ်သည်မှာ သေချာလှပေသည်။ စိတ်ထဲတွင်တော့ ခေါင်းပေါင်းပေါင်းထားတဲ့ စစ်ခုံရုံးဆိုသည်ကိုသတိရလျက် တရားသူကြီးအား ဤဇာတ်ထုပ်၏ မင်းသားကြီးတစ်လက်အသွင်ဖြင့်သာ မြင်ယောင်လျက်။

(ကိုး)

“ဗမာလူမျိုး၊ ဗုဒ္ဓဘာသာပဲလား”

“ဗမာလူမျိုး ဟုတ်ပါတယ်။ ဘာသာကိုးကွယ်မှုတော့ မရှိပါဘူး”

“ဒါဆိုရင် ကျမ်းကျိန်စရာ မလိုဘူးပေါ့လေ”

ကျမ်းထုပ်ကိုမကိုင်ဘဲ ကတိသစ္စာပြု၍သာလျှင် ကျွန်တော် စတင်အစစ်ခံခဲ့ပါသည်။ ဤသည်မှာ ကိုယ်ပိုင်စစ်ပင် ဖြစ်ရမည်ဟု ထင်သည်။ တရားသူကြီးကတော့ ကိုယ်တိုင်အစစ်ခံဖို့ဟုလည်း ပြော၊ ခင်ဗျားမှာ အပြစ်မရှိကြောင်း ထုချေဖို့ပါပဲဟုလည်းပြောနေသည်။ စိတ်ထဲမှာ မရှင်းလှ။ နောက်မှပဲ ရှင်းအောင်လုပ်တော့မည်ဟုအောက်မေ့ကာ ကျွန်တော့်ရပ်တည်မှုကိုသာ ပြောပြခဲ့သည်။

“ကျွန်တော်ဟာ မတရားသင်းပုဒ်မ ၁၇(၂)နဲ့ ထောင်ချခံခဲ့ရပြီးတဲ့နောက် ထောင်ထဲမှာ ဆုမှတ်ရက်တစ်ရက်မှ မရရှိဘဲ ၁ဝ နှစ်တင်းတင်း နေခဲ့ရာက လွတ်ရက်စေ့သည့်တိုင်အောင် လွှတ်မပေးဘဲ နိုင်ငံတော်ကိုနှောင့်ယှက်ဖျက်ဆီးမယ်လို့ ထင်မြင်ယူဆချက်နဲ့ ပုဒ်မ ၁ဝ(က)တပ်ပြီး ဆက်လက်ထိန်းသိမ်းခံထားရသူ ဖြစ်ပါတယ်။ တောင်ငူထောင် ၃ တိုက်မှာ အခြားအကျဉ်းသား ၁၇ ယောက်တို့နဲ့ အတူနေရပါတယ်။ အခု လက်ရှိအချိန်မှာ နိုင်ငံရေးကြောင့် ထောင်ထဲရောက်နေကြရတဲ့ အကျဉ်းသားအားလုံးဟာ ထောင်လက်စွဲဥပဒေအရ မုချရကြရမှာဖြစ်တဲ့ ဆုမှတ်ရက်ကို ခံစားခွင့်မရှိကြတော့ပါဘူး။ ပြီးတော့ အားလုံးဟာ နှစ်ရှည်ထောင်ကျခံနေရသူများလည်းဖြစ်တဲ့အလျောက် ထောင်ဒဏ်ပိပြီး မွန်းကျပ်ကြွပ်ဆတ်နေကြတာလည်း အမှန်ဖြစ်ပါတယ်။ ဒါ့ အပြင် အသက်အရွယ်၊ အတွေ့အကြုံ ဖြတ်သန်းမှု၊ အဖွဲ့အစည်းနောက်ခံ၊ ကိုယ်ပိုင် အယူအဆ စသည်များမှာ မတူခြားနားကြတဲ့အလျောက် မကြာခဏဆိုသလို မလိုလားအပ်တဲ့အငြင်းပွားမှုတွေ၊ ပဋိပက္ခတွေလည်း ဖြစ်ပွား ရလေ့ရှိတတ်ကြပါတယ်။ မိသားစု တစ်စုအတွင်း ညီအစ်ကိုအချင်းချင်း ဖြစ်ကြတာမျိုးတွေပါပဲ။ အခု စက်တင်ဘာ ၂၈ ရက်ညနေက ဖြစ်ခဲ့တဲ့ အဖြစ်အပျက်ဟာဆိုရင်လည်း ဒီလို အလားတူဖြစ်ရပ်မျိုးထဲက တစ်ခုမျှသာ ဖြစ်ပါတယ်။ ဘာမှ အဆန်းတကြယ်ကိစ္စ မဟုတ်ပါဘူး။ ဒါကို ထောင်ပိုင်ကြီးက အစိုးရိမ်လွန်ကဲပြီး သေနတ်ဖောက်လိုက်တဲ့အတွက်ကြောင့်သာလျှင် ပြဿနာဟာ ရုံးရောက်၊ ဂါတ်ရောက်သည်အထိ ကြီးကျယ်နေရခြင်းသာ ဖြစ်ပါတယ်”

ထောင်တွင်းကိစ္စဖြစ်လို့ အကယ်၍ အပြစ်ရှိလျှင်တောင် ထောင်တွင်းပြစ်ဒဏ်မျှဖြင့်သာထိုက်တန်ကြောင်း ပြောဦးမည်ဟု စိတ်ကူးမိသေး သော်လည်း ပြောလည်းထူးမှာမဟုတ်ဟု ချက်ချင်းအတွေးဝင်ကာ လက်တွေ့တွင် မပြောဖြစ်ခဲ့ပေ။ ကျွန်တော်ပြောနေစဉ် တရားသူကြီးက “ခင်ဗျားမှာ အပြစ်မရှိကြောင်းသာ ပြောပါ”ဟု ဖြတ်ပြောနေသည်ကိုတော့ “ဒါ လျှောက်လဲချက်ပေးရမှာလား”ဟု ပြန်ပက်ဖြစ်ခဲ့သည်။

ထို့နောက် အစိုးရရှေ့နေက ကျွန်တော့်အား “မည်သူထိုးသလဲ”ဟု မေးလျှင် “ဦးအောင်နိုင်၊ ဇော်ထူးနှင့်ကျော်အေးနိုင်”ဟု ပြန်ဖြေလျက် “ဦးအောင်နိုင်ဆိုရင် နှလုံးရောဂါရှိသူ ဖြစ်တဲ့အတွက်…”လို့ ဆက်အပြောမှာ တရားသူကြီးက လက်ကာပြခဲ့သည်။ “ခင်ဗျားဘက်ကရော ဘယ်သူတွေ ကူသလဲ”ဆိုလျှင် “မသိပါ။ ဖျန်ဖြေကြတာတော့ ရှိမည်ထင်သည်”ဟု ဖြေခဲ့သည်။

“ထောင်ပိုင်က နှုတ်နဲ့အရင်တားပြီးမှ ပစ်တာလား၊ ပစ်ပြီးမှ တားတာလား”

“ထောင်ပိုင်ကိုယ်တိုင်သာ အသိဆုံးဖြစ်မယ် ထင်ပါတယ်”

“သေနတ်သံကြောင့် လူတွေထိတ်လန့်ချောက်ချားစေမယ်လို့ ထင်သလား”

တရားသူကြီးဘက်လှည့်ကာ “ကျွန်တော်လည်း Expert မဟုတ်ဘူးနော်” ဟု ပြောလျက်…

“စိတ်ဝင်စားစရာတော့ဖြစ်ကြလိမ့်မယ် ထင်ပါတယ်”

“ခင်ဗျားပတ်ဝန်းကျင်မှာ လူဘယ်လောက်များသလဲ”

“ဝန်ထမ်းတွေနဲ့ ရှုပ်နေတယ်။ ပြီးတော့ ကျွန်တော်လည်း မူးနောက်နေတယ်။ မသိဘူး။ မခန့်မှန်းတတ်ပါဘူး”ဟုပင် ဖြေဖြစ်ခဲ့ပါသည်။ ကျွန်တော်၏ အစစ်ခံချက်အပေါ် မည်သူကမျှ ပြန်လှန်မေးခွန်းထုတ်ခြင်းလည်း မရှိ။ အခြားရဲဘော်များမှာလည်း ကျွန်တော်ကဲ့သို့ပင် ထူးထူးခြားခြား မရှိလှ။ မည်သူ့အပေါ်မှ အပြစ်ပုံချခြင်းမရှိခဲ့ကြပေ။ ယင်းတို့အားလည်း မည်သူကမှ ပြန်လှန်မေးခွန်းထုတ်ခြင်း မရှိခဲ့ကြ။ သို့သော် မင်းဟန်အလှည့်တွင်တော့ “ကျွန်တော်ဟာ ကွန်မြူနစ်ဝါဒကိုလက်မခံပေမယ့် ကွန်မြူနစ်ကို တူးတူးခါးခါး ဆန့်ကျင်နေသူလည်း မဟုတ်ပါဘူး”ဟု အစချီလျက် ကျွန်တော်က တက်ခေါက်လိုက်သည်ကို ဦးအောင်နိုင်က လိုက်မေးခဲ့သည်ဟု ပြောင်းပြန်တစ်ခု ထည့်ပြောခဲ့ပေ သည်။ ကျွန်တော်လည်း မသိသားဆိုးဝါးလှသူအပေါ် စိတ်မတိုရက်တော့လောက်အောင်ပင် စိတ်မောလျက် အသာနားထောင်နေခဲ့သည်။ သို့သော် ဤစကားကိုပင် အောင်နိုင်ကြီးက ထပ်ပြောရုံသာမက ကျွန်တော်က စတင်ထိုးသည်ဟူ၍ပါပြောလာပြန်သည့်အခါတွင်တော့ တရားခွင်မှာ ဇာတ်လမ်းတွေ ထပ်မရှုပ်စေရအောင်လုပ်မှ ဖြစ်တော့မည်ဟု အကြံရှိလျက် ကျွန်တော် တက်ခေါက်လိုက်တယ်ဆိုတာ ဟုတ်၊ မဟုတ်နှင့် စထိုးသည်မှာ ဟုတ်၊ မဟုတ် မေးခဲ့သည်။ သူကလည်း ပြောမြဲအတိုင်းပင် မျက်နှာပြောင်တိုက်ခဲ့ပေသည်။ သို့ဖြင့် “ဘယ်နားများ ထိသွားသလဲ”ဆိုတော့ ရင်ဘတ်ကိုထိုးပြပြီး “သိပ်တော့ မနာပါဘူး”ဟုပင် ဆိုသေးသည်။ သူ့မှာ အသက် ၆ဝ ကျော်ပြီဖြစ်၍ ကျန်းမာရေး လည်း မကောင်းကြောင်း၊ ကိုကျော်ကျော်၊ ကိုဌေးနှင့် အခြားသူများက ဝိုင်းဝန်းထိုးကြိတ်ခဲ့ကြကြောင်း ငိုချင်းပင် ချလိုက်ချေသေးသည်။ ကျမ်းစာထုပ်ကိုင် ကျိန်တွယ်ပြီးမှ ဗြောင်လိမ်နေသည်ကို အူယားလှသော်လည်း စိတ်ကို ဇွတ်ပင်လျှော့၍ ထားလိုက်ရပါသည်။ ဇော်ထူး၊ ကျော်အေးနိုင်နှင့် မောင်ဖြိုးတို့ကလည်း ကျွန်တော်နှင့် အောင်နိုင်ကြီးတို့ ထွေးလုံးနေသည်ကိုမြင်သဖြင့် အပြေးရောက်လာကာ ဖျန်ဖြေ ကြစဉ်မှာ သူတို့သာလျှင် ဝိုင်းဝန်းထိုးကြိတ်ခံရသဖြင့် အပြစ်မရှိကြောင်း ထွက်ဆိုခဲ့ကြပေသည်။ ကျွန်တော်က စထိုးသည်ဟူ၍တော့ မည်သူမျှ မပြောရဲကြတော့ပေ။

သို့ဖြင့် တရားခွင် ခဏနားကာ ထမင်းစားချိန် ပေးလိုက်ခဲ့ပေသည်။

(တစ်ဆယ်)

နေ့လယ်ပိုင်း ပြန်စချိန်တွင် ကျွန်တော်တို့ဘက်မှ သက်သေအဖြစ် တင်ပြလိုသူများ ရှိ၊ မရှိက စမေးသည်။

သားကြီးမှတစ်ပါး အားလုံးပင် မရှိကြောင်း ဖြေခဲ့ကြသည်။

သားကြီးကမူ ထောင်မှူးဦးမြင့်ဆွေနှင့် ဆေးရုံတွင် လုပ်အားပေးနေသူ ၁ စ/က ရဲဘော်ကိုမြတ်စံကို သက်သေခေါ်ကာ အခင်းဖြစ်ပွားချိန်တွင် ယင်းတို့နှင့်အတူ ၁ တိုက်တွင် သူရောက်ရှိနေခဲ့ပြီး အခင်းဖြစ်ပြီးနောက်ကျမှသာ သူရောက်ရှိလာခဲ့ကြောင်း သက်သေထူခဲ့သည်။

ထို့နောက် စီရင်ချက်ချမည်အပြုတွင် ကျွန်တော်က ကျွန်တော်တို့အနေဖြင့် နောက်ဆုံးလျှောက်လဲချက် (Final Argument) ပေးခွင့် ရှိ၊ မရှိ  မေးလိုက်ရာ တရားသူကြီးက တရားရုံးလုပ်ထုံးကို မိမိတို့ကျော်လွှားမည် မဟုတ်ပါဆိုပြီး “ကဲ၊ ပြောပါလေ။ ကျွန်တော် သေသေချာချာ မှတ်ပါ မယ်”ဟု ဆိုသည်။ ကျွန်တော်က…

“ချက်ချင်းကြီးတော့ ဘယ်အသင့်ရှိမလဲဗျာ”

“ဒါဆိုရင် ဘယ်လောက် အချိန်လိုချင်သလဲ”

“တစ်ည (One Night) “

“ဟာ၊ အဲဒီလောက်တော့ မရဘူးဗျ။ ခဏပဲ ရမယ်”

“ဒါဆိုရင် အနားတော့ နည်းနည်းပေးဦးမှ ဖြစ်မှာပေါ့”

“ရပါတယ်၊ ရပါတယ်။ စိတ်အေးလက်အေး လွတ်လွတ်လပ်လပ် နားနေကြပါလေ။ ဒါပေမဲ့ တစ်ခုတော့ပြောပါရစေ။ ဒါဟာ တရားခွင် ဖြစ်ပါတယ်။ နိုင်ငံရေးစင်မြင့် မဟုတ်ပါဘူး”

တရားသူကြီးထွက်အသွားမှာ S.B ရဲအုပ် I.O အေးသိန်း ဝင်လာလျက် အားလုံးကို အအေးမှာတိုက်ခဲ့ပါသည်။ ပြီးတော့ မောင်ဖြိုးတို့နှင့် စကားရောဖောရောလုပ်ကာ “အေးလေကွာ၊ ထန်းသီးကြွေခိုက်၊ ကျီးနင်းခိုက် ဖြစ်သွားတာပဲပေါ့”ဟု ဆိုသည်။ ကျွန်တော့်မှာမူကား အာရုံကို မည်သို့မျှ စုစည်း၍ မရ။

ခဏကြာတော့ တရားသူကြီး ပြန်ဝင်လာခဲ့သည်။

“ကဲ၊ ဦးကျော်မြကပဲ စလိုက်ပေါ့ဗျာ။ ခင်ဗျားက Law Student ဖြစ်ဖူးတာဆိုတော့ ခင်ဗျားက စရမှာပါပဲ”ကျွန်တော် မတ်တတ်ထရပ်ကာ ခဏ ငြိမ်သက်စဉ်းစားလျက်…

“တရားသူကြီးမင်းခင်ဗျာ”ဟု အစချီကာ ကိုယ်တိုင်အစစ်ခံစဉ်ကပြောခဲ့သည်ကိုပင် ထပ်ပြောပြီး  ထောင်အတွင်း အုပ်စုဖွဲ့သည်ဆိုခြင်းနှင့် ပတ်သက်၍ S.B ထွက်ချက်အရပင်လျှင် ပျက်ပြယ်ပြီးဖြစ်ကြောင်းနှင့် ကျွန်တော့်မှာ စတင်ပြုလုပ်သူလည်း မဟုတ်၊ တုံ့ပြန်ခဲ့သူလည်း မဟုတ်၊ ယုတ်စွအဆုံး ကိုယ့်ကိုယ်ကိုယ်ခုခံပိုင်ခွင့်ကိုပင်လျှင် သုံးခဲ့သူ မဟုတ်။ မွေးရာပါ သွားနှစ်ချောင်းအဆုံးခံရ၊ သွေးထွက်သံယို ဒဏ်ရာရခဲ့ရ သည်သာဖြစ်၍ အပြစ်ရှိသည်ဟပြောစရာ အကြောင်းမရှိ။ ထောင်အတွင်းနှင့် အနီးအပါးမှလူများ အထိတ်တလန့်ဖြစ်စေခဲ့သည်ဟု ဆိုလျှင် လည်း ဤသည်မှာ ထိုသို့ခိုက်ရန်ဖြစ်ခြင်းကြောင့် မဖြစ်နိုင်၊ ထောင်ပိုင်က သေနတ်ဖောက်ခြင်းကြောင့်သာ ဖြစ်ကောင်းဖြစ်နိုင်မည် ဖြစ်သည်။ ဤသို့ သေနတ်ပစ်ဖောက်ရခြင်းနှင့်ပတ်သက်၍လည်း ထောင်ပိုင်ကိုယ်တိုင်ကပင် စိတ်လှုပ်ရှားပူပန်ခြင်းကြောင့် ပစ်ဖောက်မိသည့်အဖြစ်ကို ဝန်ခံခဲ့ပြီးဖြစ်ပေရာ ဤအတွက် ကျွန်တော်အပါအဝင် မည်သည့်အကျဉ်းသားနှင့်မှ မဆိုင်၊ ထောင်ပိုင်ကြီးတွင်သာလျှင် တာဝန်ရှိမည်ဖြစ် သည်ဟု အတိအလင်းပြောဆိုခဲ့သည်။

ထို့နောက် ထောင်အုပ်ချုပ်ရေးစနစ်၏ လက်ရိုးနည်းဖြစ်သော Divide and Ruleခေါ် သွေးခွဲအုပ်ချုပ်ပုံကိုပြောဦးမည် ဟု ကြံမိသော်လည်း မပြောဖြစ်တော့ဘဲ…

“တရားသူကြီးမင်းခင်ဗျား၊ ကျွန်တော်ဟာ နိုင်ငံတော်ရဲ့လုံခြုံရေးကို ထိပါးနှောင့်ယှက်လိမ့်မယ်လို့ထင်မြင်ယူဆပြီး လက်ရှိအစိုးရက ပုဒ်မ ၁ဝ(က)နဲ့ ချုပ်နှောင်ခံနေရသူ ဖြစ်ပါတယ်။ အခုလို သာမန်ဖြစ်ရိုးဖြစ်စဉ်ကိစ္စကလေးကနေပြီး ပုဒ်မ ၅(ဃ)နဲ့ တရားစွဲဆိုခံရတဲ့အထိ ပြဿနာကိုကြီးကျယ်စေတဲ့ အကြောင်းရင်းထဲမှာ ဒီမူလအခံထင်မြင်ချက်ဟာလည်း အရေးပါနေပါတယ်။ ရှင်းရှင်းပြောရရင် ဒီထင်မြင်ချက်ရဲ့ အကျိုးဆက်အဖြစ်သာလျှင် ဖြစ်ပါတယ်”ဟု ပြောဆိုလျက်။ နောက်ဆုံးတွင်…

“တရားသူကြီးမင်းခင်ဗျာ၊ တရားဥပဒေဆိုတာဟာ အမှန်တရားရဲ့ စံချိန်စံထားချက်ပဲ ဖြစ်ပါတယ်။ တရားသူကြီးမင်းအနေနဲ့ အလေးအနက် အသေအချာ လေ့လာသုံးသပ်ပြီးတဲ့နောက်မှာ ဥပဒေနဲ့အညီသာလျှင် မျှမျှတတမှန်မှန်ကန်ကန် စီရင်ဆုံးဖြတ်မယ်လို့ မျှော်လင့်မိပါကြောင်း တင်ပြရင်း နိဂုံးချုပ်လိုပါတယ်”ဟူ၍ စကားလက်စသတ်ခဲ့လိုက်ပေသည်။

ထို့နောက် ရဲဘော်သန်းနိုင်က ထိုးကြိတ်ရာမှာ သူမရှိ။ သူမပါ၍  အပြစ်မရှိဟုသာ တိုတိုပြောလျက် ဘိုဘိုဟန်ကမူကား “ဒါဟာ နိုင်ငံရေးအရ လုပ်ကြံတာသက်သက်သာ ဖြစ်တယ်”ဟု တဲ့တိုးပင် ပြောချခဲ့လိုက်သည်။ ဘိုလူးကလည်း အခင်းဖြစ်နေစဉ် ထိုနေရာတွင် သူမရှိ။ သူရောက် သည့်အခါမှာ ပွဲက ပြီးနေပြီဖြစ်ကြောင်း၊ အပြစ်မရှိကြောင်းထုချေလျက် သားကြီးကလည်း ထို့အတူပင် အပြစ်မရှိကြောင်းပြောကာ မင်းဟန်၊ အောင်နိုင်၊ ဇော်ထူး၊ ကျော်အေးနိုင်နှင့် ဖြိုးမင်းသိန်းတို့ကလည်း သူတို့ပြောခဲ့သည်ကိုပင် ခပ်တိုတိုထပ်ပြောကာ အပြစ်မရှိကြောင်း ပြောခဲ့ သည်။ အားလုံး၏စကားထဲတွင် တူညီနေသည်ကတော့ ထောင်ပိုင် သေနတ်ဖောက်လို့သာလျှင် အထိတ်တလန့်ဖြစ်စရာ ဖြစ်ခဲ့ရကြောင်း တူညီနေပေသည်။

(တစ်ဆယ့်တစ်)

စီရင်ချက်မချမီ ခဏအနားပေးချိန်တွင် မင်းဟန်နှင့် ဖြိုးမင်းသိန်းတို့နှစ်ယောက် ကျွန်တော်နှင့်ကိုသန်းနိုင်တို့ရှေ့တွင် လာထိုင်ကာ စကားရော ဖောရော လာလုပ်ခဲ့သည်ကို ခပ်ငေးငေးသာ ပြန်ကြည့်ကာ ကျွန်တော် မျက်စိမှိတ်ထားခဲ့လိုက်သည်။ ရဲဘော်သန်းနိုင်ကလည်း ဘာမှ ပြန် မပြောခဲ့။

ဒင်းတို့ မိုက်ပြစ်အတွက် မတန်တဆပေးဆပ်ရတော့မည်ကို အမှန်ပင် သနားမိသော်လည်း ဤမျှအထိ မိုက်လုံးကြီးခဲ့သည်ကိုတော့ ဤမျှလောက်နှင့် ခွင့်လွှတ်ရန်မသင့်ဟု ကျွန်တော်ထင်သည်။ နောင်တွင် အားလုံးအတွက် စံနမူနာဖြစ်စေရန်မှာ ယင်းတို့ကိုယ်တိုင် မှန်မှန်ကန်ကန် ဝေဖန်သုံးသပ်ပြုပြင်ပြီး အတိအကျတာဝန်ယူကြမှသာ ဖြစ်ပေမည်။ ထို့ပြင် ကျွန်တော်တို့အနေဖြင့် ယခင်ကလည်း ဘာသိဘာသာ အလျှော့ပေးခဲ့၊ ခွင့်လွှတ်ခဲ့သည်တို့ များလှပြီဖြစ်ပေရာ ယခုအကြိမ်တွင်တော့ ဤမျှနှင့် ကျေနပ်၍ မဖြစ်နိုင်တော့ပေ။ သူတို့ကိုယ်တိုင် တာဝန်သိသိဝန်ချတောင်းပန်မှ ပိုလည်းလိုအပ်မည်ဖြစ်သည်။

ထို့ပြင်လည်း ဤကိစ္စကြီးတစ်ခုလုံးအတွက် နိုင်ငံရေးအရတာဝန်ရှိသူဖြစ်သည့် ဗဟိုဦးစီးအဖွဲ့ဝင်ဆိုသူ၊ လွှတ်တော်ကိုယ်စားလှယ်ဆိုသူ၊ မဆလသတင်းစာဆရာဟောင်းအနေဖြင့် နိုင်ငံရေးအရ အပြည့်အဝတာဝန်ယူရမည် ဖြစ်သည်။ ဆိုလိုသည်မှာ ပါတီကြီးဝါဒကိုဆန့်ကျင်လျက် မည်သည့် ဒီမိုကရေစီအင်အားစု၊ ပုဂ္ဂိုလ်အပေါ်တွင်မဆို တန်းတူရည်တူ အပြန်အလှန်လေးစားဆက်ဆံရန်၊ နိုင်ငံရေးအရ ကွဲလွဲချက်ရှိလျှင် လည်း အင်အားမသုံး၊ အကောက်မကြံ၊ အကြမ်းမဖက်ဘဲ နိုင်ငံရေးအရသာလျှင် ငြိမ်းချမ်းညင်သာလွတ်လပ်စွာ ဖြေရှင်းရန်၊ မိမိတို့ကြောင့် အများစုအကျိုး၊ ဘုံအကျိုးကို မနစ်နာစေရန်တို့ကို တိတိကျကျ လက်တွေ့တာဝန်ယူဆောင်ရွက်ရမည် ဖြစ်ပေသည်။

ဤသို့မဟုတ်သမျှ ကာလပတ်လုံး ဒင်းတို့လူသိုက်အတွက် အထိုက်တန်ဆုံးသောအရာမှာ ဥပေက္ခာတရားသာလျှင် ဖြစ်ပေလိမ့်မည်။

ကျွန်တော်တို့အနေဖြင့် အထက်ပါအချက်များကို မဆောင်ရွက်သမျှကာလပတ်လုံး ယင်းတို့နှင့်ဆက်ဆံရေးမှန်သမျှ  ဖြတ် တောက်ရပ် ဆိုင်းကာ သတိမပြတ် အကဲခတ်စောင့်ကြည့်နေရန်ဆုံးဖြတ်ခဲ့ပြီး ဖြစ်ပေသည်။

(တစ်ဆယ့်နှစ်)

အံ့ဩဖို့လည်း ကောင်းသည်။

နာကြည်းဖို့လည်း ကောင်းသည်။

ကြေကွဲဖို့လည်း ကောင်းပေသည်။

တိုင်းပြည်က ၂၅ နှစ်ကျော် လုံးပန်းတိုက်ခိုက်ခဲ့ပြီးနောက် ကိုယ့်ကိုယ်ကိုယ် ငုံ့ကြည့်လိုက်သောအခါ အသစ်စက်စက် ထောင်ကျအကျဉ်းသား အဖြစ် ပြစ်ဒဏ်တိုက်ထဲရောက်နေသည်ကို တွေ့ရလေသည်။

ကျွန်တော်တို့ မည်သို့ပင်ပြောကြဆိုကြစေကာမူ ကျွန်တော်တို့မှာ ဥပဒေပါအခွင့်အရေးများကို ပေးကားပေး၏ မရ။ အကျိုးခံစားခွင့် မရှိ။ ဆယ်ယောက်စလုံးပင် ၇ နှစ်စီ ထောင်ချခံခဲ့ကြရသည်။

“ထောင်ပိုင်ကြီးကိုယ်တိုင် သေနတ်နှစ်ချက် ပစ်ဖောက်ဟန့်တားရသည်အထိ ဖြစ်ပွားခဲ့သော ဤရုန်းရင်းဆန်ခတ်ဖြစ်မှုတွင် ကျွန်တော်တို့ ဆယ်ယောက်စလုံး(အခြားအကျဉ်းသား ၁၅ ဦးခန့်နှင့်အတူ)ရှိနေခဲ့ကြ။ အပြန်အလှန် ထိုးကြိတ်နေခဲ့ကြခြင်းကြောင့် ပုဒ်မ ၅(ဃ) မြောက် သည်”ဟု ဆိုကာ ပြစ်ဒဏ်ချခဲ့ခြင်းဖြစ်သည်။ ထောင်ပိုင်မှာမူကား အကျဉ်းထောင်လက်စွဲဥပဒေအရလုပ်ခြင်းသာဖြစ်၍ အပြစ်မရှိဟု စီရင်ချက်ကဆိုပေသည်။ ထိုမျှသာမက ကျွန်တော်တို့မှာ ထောင်က ထပ်ဆင့်နှင်းအပ်သည့် ထောင်တွင်းပြစ်ဒဏ်အဖြစ်(ကြိုးသမားသုံးဦးနှင့် အတူ) တိုက်ပိတ်ခံရ၊ ထောင်ဝင်စာဧည့်တွေ့ အပိတ်ခံရ၊ ပါဆယ်သွင်းယူခွင့်ပင်လျှင် အပိတ်ခံရ၊ ပတ်ဝန်းကျင်အားလုံးနှင့်လည်း အဆက်ဖြတ် ခံနေကြရပေသေးသည်။ ရေချိုးချလျှင်ပင် ဝန်ထမ်း ၃ဝ ခန့်က တိုက်တစ်ခုလုံးကို ဝိုင်းထားကာ တစ်ခန်းပြီးမှ တစ်ခန်း ၁၅ မိနစ်စီသာ ခွင့်ပြုချိန် ရပေသည်။

သန့်သန့်ရှင်းရှင်း ကျုပ်ပေးသွင်းခဲ့

လာခြင်းဘာမဆို

လက်ခံကြိုမယ်

သီတင်းကျွတ်လပြည့်အခါနီးပြီဖြစ်သော်လည်း လရောင်က မဖြာသေး။ မိုးအကုန် ဆောင်းအကူးရာသီရူးမှာ အိုက်လှောင်လျက်။ သံတိုင်ကြားကကောင်းကင်မှာ မည်းသွေ့သွေ့အုံပြက်ပြက် ရှိနေသည်။ ကျွန်တော့်စိတ်ထဲမှာ လေထီးဦးအုန်းမောင်၏ နောက်ဆုံးစကားကို (ဦး)အံ့မောင်ရေးခဲ့ဖူးသည့် ကဗျာတစ်စသာ ပဲ့တင်ထပ်လျက်ရှိတော့သည်။

“ဘာပဲဖြစ်ဖြစ် ကျွန်တော်တော့ လိပ်ပြာသန့်တယ်ဗျို့”

ရဲဘော်သန်းနိုင်က ကျွန်တော့်ဘက် လှည့်ကြည့်ကာ ခေါင်းညိတ်သည်။ ဘိုဘိုဟန်ကတော့ အခန်းတွင်းမှာပင် ခေါက် တုံ့ခေါက်ပြန် လမ်းလျှောက်ရင်း…

“အေးလေ၊ ဒီခေတ်ထဲမှာ ဒါမျိုးဖြစ်တာ မဆန်းပါဘူး။ ဟိုတလောက ဖြစ်ခဲ့တဲ့ ကုလားတွေ၊ ဘုန်းကြီးတွေကိစ္စကိုကြည့်၊ ကျွန်တော်တို့လိုပဲ ထောင်ထဲမှာတင် ခုံရုံးဖွင့်ပြီး ချခဲ့တာ။ ကျလိုက်ကြတာမှ  ၇ နှစ်ကနေ အနှစ် ၂ဝ ကျော်တဲ့အထိ။ တချို့ ပြောက်ကျားဒေသက လူတွေဆို ရုံးပြင်ကန္နားတောင်မှ မရောက်ဘဲ လမ်းမှာတင် ဖြစ်ချင်သလို ဖြစ်ကြရတာပဲ။ ကျွန်တော်တို့က သူတို့ထက်စာရင် သက်သာပါတယ်။ ခံပျော်တယ်ပဲ ဆိုရမှာပေါ့”

အသက် ၃၅ နှစ်သာရှိသေးသည့်လူရွယ်လေး၏ မျက်နှာမှာ တည်ငြိမ်လေးနက်နေပါသည်။ ကျွန်တော်တို့သုံးယောက်စလုံးပင် ၁ဝ(က)ဘဝမှ နေ့ချင်းညချင်း စုတေခဲ့ကြသူများ ဖြစ်ကြသည်။

မှတ်ချက်။  ။

(၁) ဒီဝတ္ထုဟာ ဝတ္ထုအသွင်ရေးထားတဲ့ အဖြစ်မှန်မှတ်တမ်း ဖြစ်ပါတယ်။

(၂) ကျွန်တော့်ဆန္ဒနဲ့ ကျွန်တော်ရေးတာဖြစ်တဲ့အတွက် ကျွန်တော့်အကြောင်း ကျွန်တော့်အမြင်တွေသာအဓိကလို ဖြစ်နေတာကိုတော့ နားလည်ပေးနိုင်ကြမယ်ထင်ပါတယ်။

(၃) သို့သော် အဖြစ်အပျက်နဲ့အချက်အလက်အားလုံး ရာနှုန်းပြည့် မှန်ကန်ခိုင်မာကြောင်းကိုတော့ သက်သေခံနိုင်သူအများအပြား ရှိပြီးဖြစ်ပါ တယ်။

(၄) ဒီဖြစ်ရပ်မှာပါဝင်တဲ့ မင်းဟန်ဟာ ယမုံနာစာပေက ဦးဖိုးဟန်ရဲ့သား  ဖြစ်ပါတယ်။ မောင်ဖြိုးကတော့ ၁၉၉ဝ အောက် ဗကသအတွင်းရေးမှူး အဖွဲ့ဝင် ဖြိုးမင်းသိန်းဖြစ်ပြီး ကျော်အေးနိုင်က ၂ဝဝဝ ပြည့်မှာမှ ထောင်ကျလာတဲ့ NLD (စမ်းချောင်း)အဖွဲ့ဝင်တစ်ဦး၊ ဇော်ထူးက ၁၉၈၈ တောင်ဥက္ကလာ စံပြရပ်ကွက်  အရေးအခင်းကလူသတ်မှုနဲ့ သေဒဏ်ကျခံရသူဖြစ်ကာ အောင်နိုင်ကြီးဆိုတာက ဦးအောင်နိုင်(ခ)ဦးအောင်လှိုင် (အလုံ၊ အရေးအခင်းလူသတ်မှု)ဖြစ်ပါတယ်။ ဒီသုံးယောက်စလုံးဟာ တောင်ငူထောင် NLD အစုအဖွဲ့ဆိုတာမှာ တာဝန်ကြီးတွေ ရယူထားသူ များ ဖြစ်ပါတယ်။

ဘိုဘိုဟန်က ၁၉၉၁ နိုဗယ်လ်ကိစ္စနဲ့ ထောင်ကျရတဲ့ R.A.S.U (Physics) ဂုဏ်ထူးတန်းကျောင်းသား၊ ကိုသန်းနိုင်က ၁၉၈၉ CP-U.G ပုဂံသန်းနိုင်ဖြစ်ကာ သားကြီး(ခ)သော်ထွန်းဦးကတော့ ၁၉၉ဝ ဒီဇင်ဘာလှုပ်ရှားမှုနဲ့ ထောင် ခုနစ်နှစ်ကျခဲ့ရတဲ့သူဖြစ်ပြီး သူ့ဖခင်က ကိုဗဆွေလေး (တ.က.သ) ဖြစ်ပါတယ်။ ဘိုလူး(ခ) ဌေးဝင်းမှာ ဒဂုံခေါင်းဖြတ်မှု(မခြူး အမှုတွဲ)၊ ဒလရဲစခန်းစီးနင်းမှုတို့နဲ့ သေဒဏ်ကျခဲ့ဖူးသူ ဖြစ်၊ သူလည်း NLD အဖွဲ့ဝင်ပဲ ဖြစ်ပါတယ်။

(၅) ကျွန်တော်တို့ကိုအမှုစစ်ခဲ့တဲ့ တရားသူကြီးက ဦးအောင်ကို(ပဲခူး တိုင်းတရားသူကြီး အဆင့် ၁)ဖြစ်ပြီး အစိုးရရှေ့နေများကတော့ ဦးစိုးလွင် (အဆင့် ၁)နဲ့ ဦးသိန်းဇော်(အဆင့် ၃)တို့ပဲ ဖြစ်ကာ အမှုတွဲနံပါတ်မှာ တောင်ငူခရိုင်တရားရုံး၊ ပြစ်မှုကြီးအမှတ် ၉ဝ/၂ဝဝ၁ ဟု မှတ်သားမိခဲ့ ရပါတယ်။

အမှုကို တရားလိုအဖြစ်စွဲဆိုသူကတော့ ဒုရဲအုပ်စန်းဦး (S.B) ဖြစ်ပြီး S.B M.I ပူးတွဲစစ်ဆေးရေးအဖွဲ့ရဲ့ကြီးကြပ်ရေးမှူးကတော့ ဒုရဲမှူးကြီး လှထွန်းဖြစ်ကာ I.O က ရဲအုပ်အေးသိန်း ဖြစ်ပါတယ်။

ထောင်ပိုင်ကြီးက ဦးကျော်ဝင်း (၃ ပွင့်) ဖြစ်ပါတယ်။

အမှုကို ၂ဝဝ၁ အောက်တိုဘာ ၂၂ ရက်မှာ စတင်ခဲ့ပြီး နောက်တစ်နေ့ဖြစ်တဲ့ အောက်တိုဘာ ၂၃ ရက်မှာ စီရင်ခဲ့ပါတယ်။

(၆) အမိန့်ချပြီးမှသည် ယနေ့ ၁ဝ.၁၁.၂ဝဝ၁ အထိမှာတော့ ကျွန်တော်တို့အားလုံးကို ထောင်ဝင်စာပိတ်၊ ပါဆယ်ပိတ်ထားဆဲ ဖြစ်ပါတယ်။

ထောင်ထုံးစံအတိုင်း အတွင်းအယူခံ တင်၊ မတင် လာမေးရာမှာကိုသန်းနိုင်၊ ဘိုဘိုဟန်နဲ့ကျွန်တော်တို့က တင်မှာ မဟုတ်ကြောင်း၊ သို့သော် မိသားစုနဲ့တွေ့ဆုံရန် ထောင်ဝင်စာတွေ့ခွင့်ကိုတော့ ပြန်ဖွင့်ပေးဖို့ ပြန်ပြောခဲ့ပါတယ်။ ကျန်ခုနစ်ဦးကတော့ အယူခံတင်မယ်လို့ ထင်ရပါတယ်။

ကျော်မြတ်

၁ဝ.၁၁.၂ဝဝ၁

တနင်္ဂနွေ။

http://mawkun.com/%E1%80%92%E1%80%8F%E1%80%B9%E1%80%9B%E1%80%AC%E1%80%9B%E1%80%99%E1%80%AF%E1%80%AD%E1%80%B8%E1%80%B1%E1%80%80%E1%80%AC%E1%80%84%E1%80%B9%E1%80%B8%E1%80%80%E1%80%84%E1%80%B9/