(ယွမ်နဲ့ယန်းလည်း လှည့်ကြပါတဲ့) မျိုးမြင့်ချို

(ယွမ်နဲ့ယန်းလည်း လှည့်ကြပါတဲ့)

ဒီ ငွေကြေးပေါ်လစီဆိုင်ရာအပြုအပြင်ဟာ အလွန်အရေးကြီးပါတယ်။ နိုင်ငံခြားအရန်ငွေကို ဘာငွေအဓိကထားမလဲအထိ ရောက်လာရင် ကိစ္စက အကြီး ကြီးရှိလာနိုင်ပါတယ်။ ကမ္ဘာသုံးငွေလိုဖြစ်နေတဲ့ အမေရိကန်ဒေါ်လာတွေ အမေရိကပြန်ရောက်လာမှာကို အစိုးရိမ်ဆုံးက အမေရိကန်တွေဖြစ်ပါတယ်။ 

လစ်ဗျားက ကဒါဖီတို့၊ အီရတ်က ဆက်ဒမ်တို့ဟာ(အာဏာရှင်အဖြစ် ထင်ရှားပါတယ်) နိုင်ငံခြားအရန်ငွေကို ဒေါ်လာနေရာမှာ အခြားငွေကြေး၊ ရွှေ တခုခုနဲ့အစားထိုးတာကို အစပြုခဲ့ကြပါတယ်။ တခြားနိုင်ငံတွေနဲ့ ကုန်သွယ်ရာမှာလည်း ဒေါ်လာအစား ဒီ့ပြင်ငွေကြေးနဲ့ဖလှယ်ဖို့ ကြိုးပမ်းခဲ့ကြပါတယ်။ ဒီတော့ သူတို့ကို အန်ကယ်လ်ဆမ်က ပညာပေးခဲ့ပါတယ်။ ကြိုးစင်အပို့ခံရတဲ့ကောင်နဲ့ ရေထုတ်ပြွန်ထဲ ပစ်သတ်ခံရတဲ့ကောင်နဲ့။

ခု ပါကစ္စတန်နဲ့တရုတ်ဆို ယွမ်ငွေနဲ့ကုန်သွယ်နေပါပြီ။ ရုရှားလည်း သူ့သြဇာထီးရိပ်အောက်ကပြည်တွေနဲ့ ကုန်သွယ်ရာမှာ ရူဘယ်လ်ကို တစတစနေရာပေးလာပါပြီ။ ယူရိုငွေကလည်း သူ့ဘာသာသူ သူ့နယ်မြေမှာ အခိုင်အခံ့ဖြစ်နေသလို နိုင်ငံတွေရဲ့နိုင်ငံခြားအရန်ငွေအဖြစ် ထားကြတဲ့ပဏာမလည်း တိုးလာနေတာ မြင်နိုင်ပါတယ်။ ပေါင်စတာလင်ကို ရွှေနဲ့ချိတ်ဆက်ထားပြီး သူ့ကိုလိုနီတိုင်းပြည်တွေမှာ တချိန်က ငွေတွင်ကျယ်ဖြစ်ခဲ့ပေမယ့် ကိုလိုနီတွေ လက်လွှတ်ရပြီး(ဒုတိယကမ္ဘာစစ်နောက်)နောက် စစ်ကြွေးတွေပိ တိုင်းပြည်ဖြူခါပြာခါကျပြီး ပေါင်စလာလင် သိတ် ငွေရာမဝင်တော့ပါ။ အင်္ဂလန် အထည်ကြီး ပျက်သွားပါတယ်။ ဒါပေမယ့် ဆင်ပိန်ကျွဲအဖြစ် ဆက်ရှိနေရာက စူးအက်တူးမြောင်းကိစ္စအပြီးမှာ အမေရိကန့်နောက်လိုက် ဘဝ လုံးလုံးလျားလျား ရောက်သွားပါတယ်။ စစ်ကြွေးတွေတောင် မနေ့တနေ့ကမှ ကြေတာပါ။ (ငွေတန်ဘိုးအရ လဲလှယ်နှုန်းပိုမြင့်တာ မှန်ပေမယ့်) ကမ္ဘာချီ ဝယ်ရောင်းတွေမှာ ဒေါ်လာနဲ့ပဲချေရတာများပါတယ်။

ပြောရရင် နိုင်ငံကြီးတွေအဖို့ နိုင်ငံငယ်တွေရဲ့အစိုးရ လဲလှယ်ရေးပေါ်လစီမှာ King Making Policy မှာ ငွေကြေးကိစ္စဟာ အခြားအရာများနဲ့အတူ ရှေ့တန်းရောက်လာပါတယ်။ ကျနော်တို့ မျက်ခြေမပြတ်ကြည့်ပြီး လေ့လာရမယ့်အရေးဖြစ်ပါတယ်။ ခု ဗမာပြည်ရဲ့ ယွမ်နဲ့ယန်းကိစ္စလည်း ပေါ့သေးသေးထဲမပါ ပါ။
(ငွေကိစ္စနဲ့ပတ်သက်လို့ ပထမရေးတဲ့ အတိုအထွာပါ)

ဒေါ်ကြီးတို့တသင်းလည်း ဆီးရီးယား၊ အာဖဂန်၊ အစ္စရေးလ်၊ ရုရှား၊ တရုပ်၊ နေတိုးကထွက်မယ်ဘာညာ စတာတွေနဲ့ပြည်ပမှာ မလည်ရှုပ်၊ ပြည်တွင်းမှာ တံတိုင်းနဲ့ရွာလည်နေတာနဲ့ အခုထုတ်ပြန်လိုက်တဲ့ ဗမာပြည်ရဲ့ ငွေကြေးပေါ်လစီကစားတဲ့ဘက် ချက်ခြင်းလှည့်မကြည့်အားသေးတာများလား။

ဗမာပြည်ဟာ ပြင်းတွင်းကိစ္စတွေမှာကိုပဲ အစဆွဲထုတ်မယ်ဆို ရိုဟင်ဂျာကိစ္စတခုတည်းမဟုတ်ဘူး အမယ်ဘုတ်ကယ်သူ့ချည်ခင် ဖြစ်နေတဲ့ပြည်ပါ။ အထူးသဖြင့် OBOR ကိစ္စပါ။ ဒီကိစ္စဟာ တရုတ်အတွက်ရော ဗမာအတွက်ရော ဒေသတွင်း ဆက်စပ်တိုင်းပြည်တွေ အတွက်ရော အရေးပါတာမှန်ပေမယ့် တရုတ်အတွက်က ဧရာမအကျိုးစီးပွားကြီးဖြစ်နေတာပါ။ အရေးအလွန်ကြီးပါတယ်။

OBOR ကိစ္စအရင်းခံပြီး သူလိုချင်မယ့်အနေအထားရရင် မြစ်ဆုံဆည်ကိစ္စကို လျှော်ပစ်လိုက်နိုင်ပါတယ်။ မြစ်ဆုံအတွက် သန်းရှစ်ရာ တထောင်ဟာ တရုတ်ဓနနဲ့ချိန်ကြည့်တော့ ဘာမှပြောပလောက်တဲ့ပဏာမ မဟုတ်ပါ။ ဒါပေမယ့် ဒါလည်း လုံးလုံးကြီး အဆုံးခံလိုက်မယ်တော့ မဟုတ်ပါ။ အခြားတခုခု တနေရာရာကနေ ပြန်ထေမိအောင် ယူပါလိမ့်မယ်။ ဝန်ကြီးဦးသောင်းထွန်းစကားတွေကို ထောက်ချင့်ကြည့်ပါ။ ဗမာပြည်သားတွေ အိပ်ကပ်ထဲကနေစိုက်ထုတ်ပေးမယ့် ပိုက်ဆံမျိုးတော့ သူမယူလောက်ပါ။ ယူလိုက်ရင် ရုပ်ပျက်မှာပါ။

မဟာသီယာက ပြည်ဖြတ်ရထားလမ်းစီမံကိန်းကြီးကို လျော်ကြေးပေးပြီး ဖျက်ပါရစေလုပ်နေတာတောင် ငွေအလျော်ယူပြီးဖျက်ဖို့ကို ထစ် ထားပါတယ်။ တခြားစီမံကိန်းတခုခုနဲ့ အလဲအထပ်လုပ်လို့ရမယ့်နည်းလမ်း ရှာနေတုန်းပါ။

မြစ်ဆုံကိစ္စကိုလည်း ငွေကြေးတခုတည်းသက်သက်၊ လျှပ်စစ်ဓာတ်အား သက်သက်အတွက်လောက်ဆို တရုတ်တွေ ဒီလောက်ကြီး အားမထုတ်ပါ။ နိုင်ငံရေးသြဇာနဲ့ ထီးရိပ်အောက်ထားလိုတဲ့ရည်ရွယ်ချက် ပါနေလို့ပါ။ ခုတော့ ထိုက်သလောက် သြဇာဖြန့်ကျက်နိုင်ပြီလို့တွေးရင် တနည်းနည်းနဲ့ ထေမိအောင်လုပ်ပြီး လျှော်ပေးလိုက်ဖို့ လက်နှေးနေမယ်မထင်ပါ။

NLD နဲ့စစ်အုပ်စုပင်းပြီး OBOR မှာ တရုတ်နဲ့ အနေအရမ်းနီးပြလိုက်တော့ အိမ်နီးခြင်းအိန္ဒိယကိုတောင် မျက်စေ့စပါးမွှေး စူးစရာဖြစ်သွား ပါတယ်။

တရုတ်ကလည်း အမေရိကန်အခက် ငါ့အချက်ဆိုပြီး နင်းလုပ်ခိုင်းနေပုံပဲ။ အဟလေးဖြစ်နေတုန်း အတင်းထိုးထည့်နေပုံပဲ။ လော သိတ်ကြီးလွန်းတာ သိသာနေတယ်။

ဗမာပြည်ငွေကြေးပေါ်လစီကိုင်ထားသူတွေနဲ့ အစိုးရ၊ စစ်အုပ်စု သုံးဦးသုံးဖလှယ်ဟာ ဒီ ငွေကြေးကိစ္စကို ဒီလောက်ကြီး မဟားဒယား အလောသုံးဆယ် လုပ်ချလိုက်တာဟာ တရုတ်အတွက်လည်း မကောင်းဘူး။ ပြည်တွင်းက စီးပွားရေးသမားတွေ လုပ်ငန်းရှင်တွေ အတွက်လည်း အတော် ကသိကအောင့်ဖြစ်စရာ လုပ်ရကိုင်ရခက်စရာတွေများ ဖြစ်လာမယ်ထင်တယ်။ ခရိုနီတွေ စစ်သူကြွယ်ကတော့ ဒေါ်လာတို့ ယူရိုတို့လောက်ပဲ ငွေမာအနေနဲ့ကိုင်မှာပါ။ နောက်ဆုံးဒေါ်လာယိုင်တောင် ရွှေပြောင်းကိုင်လည်း ဖြစ်ပါတယ်။

ဂျပန်ငွေကတော့ တရုတ်ငွေထက်စာရင် လူယုံကြည်မှုပိုတာ အမှန်ပါ။ ဒါပေမယ့် ယုံယုံရဲရဲ ရှိသမျှဓနပုံအပ်ရလောက်အောင် အာမခံချက် ရှိမရှိက မသေချာပါ။ တရုတ်ငွေကတော့ နိုင်ငံတွေရဲ့ နိုင်ငံခြားအရန်ငွေအဖြစ်ထားကြတာမှာ ဘိတ်ရှေ့ကနေရာမှာပါ။ ကျနော်တွေးမိတာ ပြောပါတယ်။
(ငွေကိစ္စနဲ့ပတ်သက်လို့ ဒုတိယရေးတဲ့အတိုအထွာပါ)
မျိုးမြင့်ချို(ဇန်နဝါရီ ၃ဝ၊ ၂ဝ၁၉)