အချစ်​တရား စီရင်​ခန်း (တင်​​မောင်​မြင့်​)

အချစ်​တရား စီရင်​ခန်း (တင်​​မောင်​မြင့်​)

ဇူလေခါကို သင်းအုပ်ဆရာ တွမ်လင်ဆန် ပထမဦးဆုံးအကြိမ်မြင်ခဲ့ဖူးစက ဆယ့်ခြောက်နှစ်သမီးမျှသာ ရှိသေးသည်။ ထိုစဉ်က ဇူလေခါကလေးမှာ မြူးမြူးကြွကြွ အပျိုသွေးကြွစ ချစ်စဖွယ်ကောင်မလေးတစ်ယောက်ဖြစ်သည်။

သူ့ကို သဲကန္တာရထဲမှ ကုလားအုပ်များအစာကျွေးမည့် ဒစ်ကန် ရွာကလေးတွင် တွေ့ခဲ့ခြင်းဖြစ်သည်။ ကွက်လပ်တစ်ခုထဲတွင် အာရပ် ကာလသားတစ်သိုက်နှင့် လုံမငယ်ကလေးများ စုဝေးကခုန်နေသည့်မြင်ကွင်းထဲမှ ဒီကလေးမကို ထူးထူးခြားခြားစိတ်ဝင်စားပြီး စကားပြန် လုပ်သူထံတွင် စပ်စုမိလိုက်ခြင်း ဖြစ်သည်။

စကားပြန်လုပ်သူမှာ ပါရှန်လူမျိုး ဆာဒူဒင် ဖြစ်၏။ အေဒင်နှင့်အိုမန် အကြားရှိ သဲကန္တာရတစ်ခွင်မှ ကုလားအုပ်အားလုံး၏အမည်ကို အလွတ်ရသူ ဖြစ်သည်။

“အဲဒီ တစ်ယောက်လား ဆရာ၊ လက်သမားဆရာ အိုမာရဲ့သမီးလေ။ အလီဘတ်ဆိုတဲ့ ကောင်လေးနဲ့ဖြစ်နေတယ် ကြားတယ်။ ဟောဟိုဘက် အစွန်မှာရပ်နေတဲ့ အရပ်မြင့်မြင့်ကောင်လေးပေါ့ ဆရာ”

သင်းအုပ်ဆရာ တွမ်လင်ဆန် ပြုံးလိုက်သည်။ သူက ခုမှ ရောက်လာသည့် သာသနာပြုအဖွဲ့ဝင်။ ဆော်ဒီအာရေဗျ တောင်ပိုင်း ကမ်းခြေဒေသ၏အထာကို မကျွမ်းသေး။ ဒေသကိုတော့ သူ သဘောကျနေပြီ။ ရွာသားတွေက ချစ်စရာကောင်းသည်။ ဖော်ရွေသည်။ အနောက်တိုင်းဆန်သည့် မြို့နေ အာရပ်တွေနှင့် တခြားစီ။

“ကောင်လေးကြည့်ရတာ သမင်တစ်ကောင်နဲ့ မတူဘူးလား။ ကောင်မလေးနဲ့ သူနဲ့ နှစ်ယောက်တည်းဆိုရင် သမင်ဖိုကလေးနဲ့ ဒရယ်မကလေး တွဲကသလို နေမှာပဲ။ ဒါထက် နေပါဦးကွ ... ဒီရွာက ဒစ်ကန် နော်။ ဥဒါလီ လူမျိုးစုဝင်တွေပဲလား”

သင်းအုပ်ဆရာက စကားပြန်ကို မေးလိုက်သည်။

“ဟုတ်ပါတယ် ဆရာ၊ ဒါပေမယ့် သူတို့က ခဲပစ်သမားတွေပါ၊ ခု က နေတာလည်း 'ခဲပစ်တရားစီရင်ပွဲ' ပဲလေ။ သူတို့ ဝိုင်းကနေတဲ့အလယ်မှာ ကျောက်တုံးတွေ တွေ့တယ် မဟုတ်လား ဆရာ၊ အဲဒါဟာ သူတို့အတွက် တရားခံရဲ့ဦးခေါင်းပဲ ဆရာ။ တစ်ကိုယ်လုံး လည်ပင်းအထိ သဲထဲ မြှုပ်ထားရတယ်လေ”

သင်းအုပ်ဆရာ တွမ်လင်ဆန် တစ်ချက်တွန့်သွားသည်။ ထူးဆန်းအံ့ဩဖွယ်များဖြင့်ပြီးသည့်တိုင်းပြည်တွင် ချစ်စရာ အလှအပတွေ များပြားသလောက် ရက်စက်မှုထူပြောလှကြာင်း ပြန်သတိရလိုက်သည်။ အေဒင် သာသနာရေးအသင်းတော်မှ အထက်အရာရှိတစ်ဦး ပြောလိုက်သည့် ခဲပစ် တရားစီရင်ရေးအကြောင်းများကို ပြန်လည်ကြားယောင်လာသည်။ အလွန်ရှေးကျပြီး ရက်စက်ကြမ်းကြုတ်သည့် ဓမ္မသတ်ဟု သင်းအုပ်ဆရာက မြင်သည်။

“သိပ်ကြောက်စရာကောင်းတဲ့ အပြစ်ပေးနည်းပဲ။ လူတစ်ကိုယ်လုံး မြေကြီးထဲ မတ်တတ်မြှုပ်ခံလိုက်ရပြီဆိုကတည်းက သေတာနဲ့ ဘာထူးတော့လဲ။ ဒါဟာ လူသတ်မှုပဲ။ တရားစီရင်မှု မဟုတ်ဘူး။ ကျုပ် ကြားဖူးသလောက်ဆိုရင် အဲဒီ အာရပ်တွေဟာ ခဲပစ်ကို ဘယ်လောက် လေ့ကျင့်ထားသလဲဆိုရင် ပျံနေတဲ့ငှက်တစ်ကောင်ကို ဖုတ်ခနဲကျအောင် ပစ်နိုင်သတဲ့။ ပြေးနေတဲ့မြင်းတစ်ကောင်ကို ကျွမ်းပြန်ကျသွားအောင် ခြေထောက်ကို ပစ်ချိုးနိုင်သတဲ့”

စကားပြန် ဆာဒူဒင်က ထပ်ပြီး အလေးအနက် ပြုပြန်၏။

“ခဲပစ်သမားတွေ လက်ဖြောင့်တယ်ဆိုတာ အမြဲတမ်း မဟုတ်ပါဘူး ဆရာ။ အလ္လာအရှင်မြတ်ရဲ့အလိုတော်နဲ့ကိုက်ညီတဲ့ အခါမှပါ။ အပြစ်မရှိတဲ့လူဆိုရင် ကျောက်ခဲဟာ ဘယ်တော့မှ မထိပါဘူး”

သင်းအုပ်ဆရာ ဘဝင်မကျနိုင်ဘဲ ဖြစ်နေ၏။ ဘာမှ ပြန်ပြောဖို့မလိုဘဲ အာရုံပြောင်းစရာတစ်ခုပေါ်လာ၍ သူ့အတွက် ခံသာသွားသည်။

ဇူလေခါ ကနေရင်း ကုလားအုပ်ချေးတစ်ဆုပ် ကောက်ယူ လုံးတဲ့ပြီး အလီဘတ်ကို ပေါက်လိုက်သည်။ အပစ်အခတ်တွင် လေ့ကျင့် ကျွမ်းကျင်ပြီးသားမျိုးဆက်သွေးဖြစ်၍ ဇူလေခါ လက်ဖြောင့်လှ၏။

အလီဘတ်က ရယ်ပြီး ဇူလေခါကို လိုက်ဖမ်းသည်။ သိန်းငှက်တစ်ကောင် သားကောင်ကို လိုက်လံထိုးသုတ်သည်နှင့် တူလှ၏။ ဇူလေခါကလည်း လျင်မြန်စွာတိမ်းရှောင်သည်။ ဒူးချင်းရိုက်ကာ ... လက်ခုပ်တီးကာဖြင့် သံပြိုင်တေးကိုသီကြွေးရင်း ကခုန်နေကြသည့် လုလင်ပျို၊ လုံမပျိုတို့၏ အတန်း နှစ်တန်းကြားတွင် ပြေးလွှားရှောင်ပုန်း၏။

မိလုမိခင်ဆဲဆဲတွင် အထိတ်တလန့်ဟန်မျိုးဖြင့် ဇူလေခါ အတန်းထဲမှ ထွက်ပြေးသည်။ သာမန်အားဖြင့် အာရပ်မိန်းကလေးများသည် မျက်နှာဖြူများအား ကြောက်ရွံ့တတ်ကြသော်လည်း စိတ်လှုပ်ရှားပျော်ရွှင်နေသည့် ဇူလေခါသည် ရှက်ရွံ့ ကြောက်လန့်ရမှန်းမသိတော့ဘဲ တွမ်လင်ဆန်ဆီသို့ တန်းပြေးလာပြီး အရပ်ရှည်ရှည် မျက်နှာဖြူသင်းအုပ်ဆရာအား သဲထဲတွင်စိုက်ထားသည့် ဓာတ်တိုင် တစ်ခုအလား လှည့်ပတ်ဝေ့ဝိုက် ပြေးလွှားနေလေတော့၏။

သင်းအုပ်ဆရာ တွမ်လင်ဆန်အဖို့ အလွန်အံ့ဩစရာ တဒင်္ဂ ဖြစ်သည်။ ရင်ထဲတွင် လှုပ်လှုပ်ရှားရှားလည်း ဖြစ်ရသည်။ အမည်တပ်၍မရသော ခံစားမှုတစ်မျိုးဖြင့် ကြည်နူးသလိုလို ဖြစ်ရသည်။ ဩော် ... ကန္တာရကလေးငယ်များ ပါကလား။ သူတို့ကလေးတွေကို အကာအကွယ် ပေးရမည်။ မေတ္တာထားရမည်။ မေတ္တာတရားနှင့် တရားမျှတခြင်းတို့၏အဓိပ္ပါယ်ကို သင်ကြားပေးရမည်။

ပြီးတော့ ...

နောက် တစ်နှစ်အကြာတွင် ကံကြမ္မာက တွမ်လင်ဆန်အား သည်ဒေသသို့ ဒုတိယအကြိမ် ပို့လိုက်ပြန်သည်။ (စင်စစ် အသင်းတော်က ငယ်ရွယ်နုပျိုသည့်သာသနာပြုများကို သည်ဒေသနှင့်အံဝင်သည်ဟု ယုံကြည်ကြခြင်းကြောင့် ဖြစ်၏) သည်တစ်ခေါက်တော့ သူ့အတွဲမှာ စကားပြန်မဟုတ်ဘဲ အင်္ဂလိပ်လူမျိုးတစ်ယောက် ဖြစ်သည်။ သို့သော် သူတွဲချင်၍တွဲလာရသူတော့ မဟုတ်။ တောင်ပိုင်း အာရေဗျစစ်တပ်မှ ဗိုလ်မှူးဂရန့်မှာ သူနှင့် အမြင်ချင်း မတူလှ။ ပိန်ပိန်ရှည်ရှည်နှင့် အလွန်စကားနည်းသူ ဖြစ်သည်။ မျက်လုံးများက ခံစားမှုနည်းလွန်းဟန်ရှိပြီး သဲကန္တာရရောင် ပေါက်နေ၏။

စကား နည်းနည်းပြောသလောက် အရက်ကိုမူ အလွန်အကျွံသောက်သည်။ သို့သော် အာရပ်လူမျိုးများကို အုပ်ချုပ်ရာတွင် အလွန်ပါးနပ် လိမ္မာသူ တစ်ယောက်အဖြစ်နာမည်ကြီးသူ ဖြစ်၏။

မော်တော်ကားနှင့် အထမ်းသမားများကို စခန်း၌ထားခဲ့ပြီး ဒစ်ကန်ရွာထဲ သူတို့နှစ်ယောက် လျှောက်လာခဲ့ကြ၏။ သူက ဗိုလ်မှူးဂရန့်ဘက်သို့ လှည့်ပြီး ...

“အရင်တစ်ခေါက်တုန်းက ဒီရွာကို ကျွန်တော် ရောက်ဖူးတယ် ဗိုလ်မှူး။ နေဝင်ချိန် သဲကန္တာရထဲမှာ အာရပ် လူငယ် လုံမတွေ ကနေကြတဲ့ မြင်ကွင်းကို ခုထိ မြင်ယောင်နေသေးတယ်။ တယ်ကြည့်လို့ ကောင်းတာပဲ။ အဲဒီအထဲက ကောင်လေးတစ်ယောက်နဲ့ ကောင်မလေး တစ်ယောက်ကို ကျွန်တော် သိပ် သဘောကျသွားတယ်။ အဲဒီ ကပွဲရဲ့အဓိပ္ပါယ်ကို စကားပြန်ကပြောပြတော့မှ ကောင်းကင်ဘုံမှာ မြွေတစ်ကောင်ကို တွေ့လိုက်ရသလို ကျွန်တော် လန့်သွားမိတယ်ဗျ”
“သူတို့ အကတိုင်းမှာ အဓိပ္ပါယ်ရှိတယ် ဆရာ။ ဘယ်လို အကမျိုးကို ဆရာ ကြည့်ခဲ့တာလဲ။ 'သတို့သမီး ပွဲထုတ်' အက လား”
“မဟုတ်ဘူး ဗိုလ်မှူး၊ 'ခဲပစ်တရား စီရင်ခန်း အက' တဲ့။ ကွက်လပ်ထဲမှာ ကျောက်ခဲတွေစုပုံထားတယ်။ အဲဒါကို လူတစ်ယောက်ရဲ့ဦးခေါင်းလို့ သဘောထားပြီး ကျောက်ခဲနဲ့ အသေ ဝိုင်းပစ်ကြတာတဲ့”
“အဲဒါ ဘာဖြစ်တုန်း ဆရာ။ တရားခံကို ခဲနဲ့ပစ်ပြီး စီရင်တဲ့အလေ့အထ အာရပ်ကမ္ဘာမှာရှိခဲ့တာ ကြာပြီပဲ။ သူတို့ပစ်တဲ့ ကျောက်ခဲတွေရဲ့ အသက်လောက်တောင် ရှိရော့မယ်”
“အို ... ဘယ်လောက်ကြာကြာ အဓိပ္ပါယ် မရှိပါဘူး ဗိုလ်မှူး။ ကျွန်တော် တွေ့ဖူးသမျှထဲမှာ အယုတ်မာအရိုင်းစိုင်းဆုံးပဲ။ အင်္ဂလိပ် အာဏာပိုင်တွေက ဒီစနစ်ကို ဘာလို့ လက်ပိုက်ကြည့်နေတာလဲ။ ဖျက်သိမ်း ပစ်ရမှာပေါ့”
“မလုပ်ရဲလို့ပေါ့ ဆရာရဲ့။ ဒီဘက်မှာ အစိုးရအာဏာသက်ရောက်မှု သိပ်ရှိတာ မဟုတ်ဘူးလေ။ နောက်တစ်ခုက သူ့ဓလေ့နဲ့သူ ဟုတ်နေတာပဲ။ ဦးခေါင်းခွံထူလို့ တော်ရုံတန်ရုံခဲချက်နဲ့ ခေါင်းကွဲ မသေတဲ့လူကို အလ္လာအရှင်မြတ်က အပြစ်မရှိဘူးဆိုပြီး လွတ်ငြိမ်းချမ်းသာခွင့် ပေးတယ်လေ။ ဒီလိုဆိုတော့လည်း သူတို့ဟာက ဟုတ်နေပြန်ရောလေ ဆရာ”
“ဗိုလ်မှူးက ဒီလောက် ရိုင်းစိုင်းယုတ်မာတဲ့ဓလေ့ကို ထောက်ခံတယ်ပေါ့ ဟုတ်လား”

တွမ်လင်ဆန်က အေးစက်စက်လေသံဖြင့် မေးလိုက်သည်။

“ဘာပဲဖြစ်ဖြစ် သူတို့လုပ်တာ လက်တွေ့ကျတယ်လေ၊ သူတို့အယူအဆနဲ့ သူတို့ကိုး။ သစ်သားအား ကြိုးစင်တိုင်ဖြစ်ရမှာ ကြောက်တယ်တဲ့။ လက်နက် ခဲယမ်းမီးကျောက်ဟာ စိန်၊ ရွှေ၊ ရတနာလိုပဲ တန်ဖိုးရှိသတဲ့။ ကျောက်တုံးသာ တရားခံကိုဖော်ဖို့ အထိရောက်ဆုံး လက်နက် ပစ္စည်းတဲ့။ ဘာတတ်နိုင်မှာလဲ၊ ဒါက သူတို့ အရိုးထဲထိစွဲနေတဲ့ ယုံကြည်မှုတွေ”
“အို ... ဒီလို အပြစ်ပေးတဲ့ပုံသဏ္ဌာန်အားလုံးကို ကျွန်တော် ဆန့်ကျင်တယ် ဗိုလ်မှူး”
“သဲကန္တာရအာရပ်တွေက အကျဉ်းထောင်တွေကို သေဒဏ်ထက် ရက်စက်တယ်လို့ထင်တာ ဆရာ၊ ဒါကြောင့် သူတို့ရဲ့ လူမျိုးစုဓလေ့ထုံးတမ်း ကိစ္စတွေမှာ ကမန်တော် ဘယ်တော့မှ ဝင်မစွက်ဘူး”

အင်း ... ဗြိတိသျှ အစိုးရအရာရှိတစ်ဦးရဲ့ ခပ်ပေါ့ပေါ့အမြင်ပဲဟု သင်းအုပ်ဆရာ ထင်လိုက်၏။ ဟုတ်မှာပေါ့လေ။ ဗိုလ်မှူးတစ်ယောက်အနေနဲ့ ဌာနေ စစ်သားစုဆောင်းရေးကိစ္စကလည်းရှိနေသေးတော့ နယ်ခံတွေနဲ့ ဘယ် ပြဿနာအဖြစ်ခံမလဲ။ ထုံးစံအတိုင်းပါပဲ။ အမှန်တရားက အဓိကမကျဘဲ ရိုးရာဓလေ့က အရေးကြီးနေတဲ့သဘောပေါ့။

ညနေပိုင်းတွင် ရွာထဲသို့ တစ်ယောက်တည်း လမ်းလျှောက်ထွက်လာခဲ့သည်။ ဇူလေခါနှင့် အလီဘတ်တို့နှစ်ယောက် သူငယ်ချင်း တစ်သိုက်နှင့် ကခုန်နေသည့်မြင်ကွင်းကို မြင်ရလိုမြင်ရငြားဟူသည့် မျှော်လင့်ချက်ဖြင့် ...

သို့သော် မျှော်လင့်ထားသည့်မြင်ကွင်းကို မတွေ့ရသဖြင့် စိတ်ပျက်သွားသည်။ အာရပ် ရွာကလေးသည် ထူးထူးခြားခြား တိတ်ဆိတ်နေ၏။ ရွာသားအချို့သည် မျက်နှာဖြူတစ်ဦးကို ခါတိုင်းလို လိုက်ကြည့်နေချိန်မရအောင် တစ်စုံတစ်ခုတွင် အာရုံစိုက်နေကြ၏။

မနှစ်က သူတို့ တပျော်တပါးကခုန်ခဲ့ကြသည့်ကွက်လပ်ထဲတွင် လူတစ်စု တွင်းတူးနေကြ၏။ ဒါကို လူအုပ်ကြီးက တိတ်ဆိတ်စွာ စောင့်ကြည့် နေကြသည်။ တူးနေကြသည့် တွင်းနှစ်တွင်းမှာ တစ်တွင်းနှင့်တစ်တွင်း ပေအနည်းငယ်သာ ကွာသည်။ တွင်းများမှာ အာရပ်သင်္ချိုင်းများတွင် အလောင်းကောင်ကိုမြေမြှုပ်သည့်တွင်းများနှင့် တစ်ပုံစံတည်းဖြစ်ကြောင်း တွမ်လင်ဆန် သတိထားမိလိုက်သည်။ ဥဒါလီ အာရပ်တို့သည် အလောင်းကို မက္ကာဝတ်ကျောင်းတော်ရှိရာဘက်သို့မျက်နှာမူ၍ မတ်တတ် မြှုပ်တတ်ကြ၏။

သိချင်စိတ် ပြင်းပြနေသော်လည်း သူ မမေးရဲ။ အာရပ်တိုင်းပြည်တွင် စပ်စုခြင်းကို အလွန်ရိုင်းပျသည်ဟုယူဆကြသည် မဟုတ်လား။

ခပ်လှမ်းလှမ်းမှ အသာစောင့်ကြည့်နေလိုက်သည်။ အင်း ... တော်တော်ဆန်းတာပဲ။ ပလီနောက်က ရွာသင်္ချိုင်းမှာမမြှုပ်ဘဲ ဘာလို့ ရွာထဲမှာ မြှုပ်ကြမှာပါလိမ့်။

ဝင်လုလု နေရောင်ခြည်သည် သဲကန္တာရတစ်ခွင်ကို ပန်းနုရောင် ဆိုးလေပြီ။ မှောင်စပြုသည်နှင့် အာရပ်တစ်ယောက်သည် ကုလားအုပ် နှစ်ကောင်ကိုဆွဲကာ လူအုပ်ကြီးရှိရာကွက်လပ်ဆီသို့ လျှောက်လာသည်။ ကွက်လပ်အလယ်သို့အရောက်တွင် ကုလားအုပ်နှစ်ကောင်ကို ဒူးထောက်စေပြီး သူတို့ကျောပေါ်မှ လေးလံလှသည့်အိတ်တစ်လုံးစီကို လူအချို့က ဆွဲချကြသည်။ ပြီးတော့ အိတ်နှစ်လုံးကို မြေပေါ်သို့ သွန်ချကြ၏။

မီးသွေးအိတ်တွေတော့ ဟုတ်ဟန်မတူ။ လူတစ်ယောက်က ကုန်းကောက်ယူပြီး သင်္ချိုင်းဆီသို့ လက်တည့်စမ်းလိုက်သည်။ လူအချို့က ဝါးခနဲ ဝိုင်းရယ်ကြသည်။ ဟင် ... ကျောက်ခဲတွေပါလား။ ဘုရား ... ဘုရား ... ခဲပစ်တရားစီရင်ပွဲ လုပ်ကြတော့မှာပါလား။ စိတ်ထဲတွင် ဆောက်တည်ရာမရဖြစ်လာပြီး စခန်းချထားသည့်တဲရှိရာသို့ ပြန်လာခဲ့သည်။ တစ်တဲတည်းနေ ဗိုလ်မှူးဂရန့်က ဝီစကီကလေးတမြမြနှင့် ဆေးတံခဲလျက် သူနှင့်အတူ ဧည့်သည်တစ်ယောက်လည်း ရှိနေ၏။ ဧည့်သည်မှာ ဒစ်ကန်ရွာသူကြီး အဒူခမ်း ဖြစ်သည်။ မုတ်ဆိတ်ရှည်နှင့် အလွန်တုတ်ခိုင်သည့် အာရပ်ကြီး။ မျက်လုံးအစုံက အရောင်တဖျပ်ဖျပ် တောက်လို့။ ခါးတွင် ကနုတ်ပန်းနွယ် ဖောင်းကြွအရိုးဖြင့် ဓားကောက်ကြီးက တွဲလဲ။

အလျင်တစ်ခေါက်က သင်းအုပ်ဆရာ တွမ်လင်ဆန်သည် ရွာသူကြီးနှင့်စကားပြောဖူးသည်။ သိပ် သဘောမတွေ့လှ။ လောကွတ်များလွန်းပြီး ပြုံးချိုလွန်းသည်။ အင်္ဂလိပ်စကားကို ကပေါက်တိကပေါက်ချာပြောပြီး အင်္ဂလိပ်စီးကရက်ကို အလွန်ကြိုက်သူ ဖြစ်၏။ ခုလည်း ပါးစပ်တွင် စီးကရက်ခဲလျက်။ သူ သောက်နေသည့်မတ်ခွက်ထဲက အရည်တွေကကော ... လက်ဖက်ရည်မှ ဟုတ်ရဲ့လား မသိ။

သင်းအုပ်ဆရာကိုမြင်တော့ ရွာသူကြီးက မတ်တတ်ထပြီး ကန္တာရအာရပ်တို့၏ထုံးစံအတိုင်း အလွန်အကျူးယဉ်ကျေးပြကာ ခါးကို အရမ်းညွှတ်လျက် နေရာဖယ်ပေးသည်။ တွမ်လင်ဆန်က ကုလားထိုင်တွင်ဝင်မထိုင်ဘဲ ဗိုလ်မှူးဂရန့်ကို လှမ်းပြီး အရေးဆိုသည်။ သူ့မျက်နှာမှာ မှန်အိမ်အလင်းရောင်တွင် ဖြူဖပ်ဖြူရော် ဖြစ်နေ၏။

“သူတို့ ခဲပစ်တရားစီရင်ခန်းတစ်ခု လုပ်တော့မယ် ဗိုလ်မှူး၊ အဲဒါ ခင်ဗျား တားပေးပါ”

တဲထဲတွင် ခဏငယ်မှ တိတ်ဆိတ်သွား၏။ အာရပ်ကြီးမျက်နှာပေါ်မှ အပြုံးရိပ်တွေ ချက်ချင်းပျောက်ကွယ်သွား၏။ ဗိုလ်မှူးဂရန့်၏မျက်နှာမှာမူ ခါတိုင်းလိုပင် အဓိပ္ပါယ်ကောက်ရ ခက်ခဲလျက် ...

“ကျွန်တော် ဘာမှ မလုပ်နိုင်ပါဘူးဆရာ။ ဟောဒီ ကျွန်တော့်မိတ်ဆွေ ဒစ်ကန်ရွာသူကြီးဆီက ကျွန်တော်သိရသလောက် ပြစ်မှုက သိပ် ထင်ရှားနေတယ်လေ၊ အလ္လာအရှင်မြတ်ရဲ့ အလိုတော်အတိုင်း ဖြစ်ရတော့မှာပဲ”
“မဟုတ်ဘူး ... ဒါဟာ မိစ္ဆာဒိဋ္ဌိအယူဝါဒ သက်သက်ပဲ၊ ဒါလောက် သွေးအေးအေးနဲ့ရက်စက်တဲ့လူသတ်မှုကို ခင်ဗျားက ဘုရားသခင် အလိုတော်အရလို့ ဇွတ်ပြောနေတာလား ဗိုလ်မှူး”

ဗိုလ်မှူးက သင်းအုပ်ဆရာကို စိုက်ကြည့်နေသည်။ သူ့ အမူအရာတွေ သဲကန္တာရလိုပင် ဘာမှလှုပ်ရှားမှု မရှိ။ ပြောင်းလဲမှု မရှိ။

ဤတွင်မှ အာရပ်ရွာသူကြီးက ဝင်ပြီး မဝံ့မရဲ လေသံဖြင့် -

“ဒီလို ရှိပါတယ် ဆရာ။ ဒီနှစ်ယောက်ဟာ ကျွန်တော်တို့ရိုးရာဓလေ့ကို ပြောင်ပြောင်တင်းတင်း စော်ကားကြပါတယ်။ မိန်းကလေးကို သူ့အဖေက မြို့က ကုန်သည်ကြီးတစ်ဦးရဲ့သားနဲ့ ပေးစားဖို့ သဘောတူထားပြီးသားပါ။ ကောင်မလေးက သိပ်ဆိုးတယ်ဆရာရဲ့။ အဖေ့စကား နားမထောင်ဘူး။ အဖေလုပ်တဲ့သူက တံခါးပိတ်ပြီး လှောင်ထားလည်း အလျှော့မပေးဘူး။ အစာငတ်ခံပြီး ဆန္ဒပြတယ်လေ။ အဲဒီမှာ တစ်ရွာတည်းသား သူ့ရည်းစားက ခိုးပြေးတယ်။ သူတို့ပြေးတဲ့ ကုလားအုတ်ထက်မြန်တဲ့ ကုလားအုတ်တွေနဲ့ ရွာသားတွေကဝိုင်းလိုက်တော့ မိတာပေါ့။ ဂူထဲမှာဝင်ပုန်းပြီး ကျားသစ်နှစ်ကောင်လို ပြန်ခုခံတယ်လေ။ ရွာသားနှစ်ယောက် ဓားထိုးခံလိုက်ရတယ် ဆရာ။ ဒါထက်ဆိုးတဲ့ ရာဇဝတ်မှု ဘယ်မှာ ရှိပါတော့မလဲ ဆရာ”

သင်းအုပ်ဆရာ ပါးစပ်အဟောင်းသား ဖြစ်နေသည်။ ခေါင်းထဲတွင် ရုတ်ခြည်း အလင်းတန်းတစ်ခု ဖြတ်သန်းသွားသလို ခံစားလိုက်ရ၏။ အထိတ်တလန့်အမူအရာဖြင့် ...

“သူတို့ နှစ်ယောက်နာမည်တွေက ဘယ်သူတွေလဲ”
“လက်သမားဆရာ အိုမာရဲ့သမီး ဇူလေခါနဲ့ အလီဘတ်ဆိုတဲ့ ကောင်လေးပါ။ ဘာပြုလို့လဲ ဆရာ”
“ကျုပ် သူတို့နှစ်ယောက်ကို သိတယ်။ မနှစ်က ကျုပ် ဒီကိုရောက်တုန်းက သူတို့နှစ်ယောက်ဟာ ... နေပါဦး၊ သူတို့ ဘာ ပြစ်မှုကျူးလွန်လဲ၊ အင်္ဂလန်မှာဆိုရင် ...”

ဗိုလ်မှူးက အေးစက်စက်လေသံဖြင့် ...

“ဒါ အင်္ဂလန် မဟုတ်ဘူးဆရာ၊ ကျွန်တော် ဆရာ့ကိုတောင်းပန်ပါရစေ။ ဒီကိစ္စမှာ လုံးဝဝင်မစွက်ပါနဲ့၊ ပြဿနာတွေပိုရှုပ်ပြီး လူမျိုးရေး အဓိကရုဏ်းအထိ ဖြစ်လာနိုင်တယ်”

သင်းအုပ်ဆရာက သက်ပြင်းချရ ပြန်သည်။ ဗိုလ်မှူးဂရန့်ဟာ အာရပ်တွေကိုအုပ်ချုပ်တဲ့ နေရာမှာ ပုံစံကျ အင်္ဂလိပ်စစ်ဗိုလ် တစ်ယောက်ပါ ကလား။ ဒီဗိုလ်မှူး၏အကူအညီမပါဘဲ မိမိအနေဖြင့် ဘာမှ လုပ်လို့မရနိုင်ကြောင်း တွမ်လင်ဆန် သဘောပေါက်လိုက်၏။ သို့သော် မိမိက သာသနာပြုဝန်ထမ်း။ တစ်စုံတစ်ခုတော့ လုပ်ရမည်။ ရွာသူကြီးဘက်သို့လှည့်ပြီး ...

“ကျုပ် ဒီကလေးနှစ်ယောက်ကို မသေခင် တွေ့ချင်တယ်။ ကျုပ် သူတို့အတွက် ဘုရားသခင်ထံမှာ ဆုတောင်းပေးရဦးမယ်”

ရွာသူကြီး ခေတ္တတွေသွားသည်။ ပြီးမှ ...

“ရပါတယ်လေ။ ကျွန်တော်တို့ဘာသာဝင် မဟုတ်သည့်တိုင်အောင် ဆုတောင်းခြင်းဟာ ဆုတောင်းသူရဲ့အသည်းနှလုံးထဲကလာရင် ကောင်းမြတ်ခြင်းကို ဖြစ်စေပါတယ်။ လာ ... ဆရာ ကျွန်တော်နဲ့လိုက်ခဲ့ပါ”

ဒစ်ကန်ရွာကလေးသည် အမင်္ဂလာနှင့် တိတ်ဆိတ်ငြိမ်သက်နေ၏။ ညငှက်ကလေးများနှင့် ပုရစ်အော်သံမှအပ ဘာသံမျှ မကြားရ။

တရားခံနှစ်ယောက်ကို တဲတစ်လုံးထဲတွင် ချုပ်နှောင်ထားသည်။ လက်နက်ကိုင် အစောင့်နှစ်ယောက် ချထား၏။ တဲတံခါး ဖွင့်ပေးတော့ မှန်အိမ်မီးရောင်အောက်တွင် ခွေခွေကလေးအိပ်ပျော်နေသောဇူလေခါကို မြင်ရသည်။ ဦးခေါင်းကို ချစ်သူ၏ရင်ခွင်ထဲတွင် မြှုပ်နှံလျက်။

ဖိနပ်မပါသည့် ခြေထောက်ကလေးမှာ သွေးသံတို့ဖြင့် ခြောက်ကပ်မည်းပေနေ၏။ အလီဘတ်က နိုးနေသည်။ သူတို့ကို မျက်လုံးရွဲကြီးများဖြင့် မျှော်လင့်ချက်ကင်းစွာ စိုက်ကြည့်နေ၏။ လှောင်အိမ်တွင်အမိခံရသည့် သမင်တစ်ကောင် အလား။

သင်းအုပ်ဆရာ စကားပြောဖို့ ကြိုးစားနေသည်။ သို့သော် လည်ချောင်းထဲတွင် စကားလုံးများတစ်ဆို့နေသဖြင့် ဘာသံမှ ထွက်မလာ။ အလီဘတ်၏မျက်လုံးများနှင့် ဆက်ပြီး ရင်မဆိုင်နိုင်တော့သဖြင့် ဒူးထောက်ထိုင်ချလိုက်၏။

ကောက်ရိုးကြမ်းပြင်ပေါ်တွင် ရေတကောင်းတစ်ခု ချထား၏။ ရေတကောင်းကိုငှဲ့ပြီး လက်ကိုင်ပဝါကိုရေဆွတ်ကာ ဇူလေခါ၏ခြေထောက်မှ ဒဏ်ရာများကို အသာအယာ ပွတ်သပ် သန့်ရှင်းပေးသည်။

တစ်ခါတုန်းက အလွန်လှပစွာ ပြေးလွှားကခုန်ခဲ့သည့် ခြေထောက်ကလေးတွေ။ မကြာခင် မြေကြီးထဲသို့ နက်ရှိုင်းစွာ အမြှုပ်ခံရတော့မည်။ သည် ဦးခေါင်းလှလှကလေးကို ခွေးရူးတစ်ကောင်လို သူတို့ ကျောက်တုံးကျောက်ခဲများဖြင့် ပစ်ခတ်ကြတော့မည်။

ပခုံးပေါ်ကို လက်တစ်ဘက်လာတင်ကြောင်း သင်းအုပ်ဆရာ သတိထားလိုက်မိ၏။ ပြီးတော့ ဗိုလ်မှူးဂရန့်၏တီးတိုးပြောသံကို ကြားလိုက်သည်။

“ကံစီမံရာပေါ့ ဆရာရယ်”

အခန်းထဲမှ ထွက်လာသည့်တိုင်အောင် အလီဘတ်၏မျက်လုံးတွေက သူ့နောက်သို့လိုက်နေသည်ဟု သင်းအုပ်ဆရာ ခံစားနေရ၏။

ညသည် ကြယ်ရောင်ဖြင် ဖျော့ဖျော့လင်းနေ၏။ တဲထဲသို့ ဘယ်လိုဘယ်လို ပြန်ရောက်လာမှန်း မသိလိုက်၊ ဗိုလ်မှူးဂရန့် ရွာလူကြီးတွေနှင့် စကားပြော ကျန်ရစ်သည်။ တဲထဲတွင် တစ်ယောက်တည်း သူ ပါမလာသည်ကိုပင် ကြိတ် ကျေးဇူးတင်လိုက်မိသေးသည်။

သူ ကလေးနှစ်ယောက်အတွက် ဆုတောင်းပေးရဦးမည်။ ဆုတောင်းနေရင်း ကြောက်မက်ဖွယ် မြင်ကွင်းများကို မြင်ယောင်နေသဖြင့် အတင်း မောင်းထုတ်နေရ၏။ မြေပေါ် အုန်းသီးနှစ်လုံးလို ထင်းထင်းကြီးရှိနေသည့် ဦးခေါင်းနှစ်လုံးကို ကျောက်ခဲတွေက ...

သွေးတွေ ဖြာခနဲ၊ ဖြာခနဲ။ သွားတွေ အချောင်းလိုက်၊ အချောင်းလိုက်။

ဒါပေမယ့် ချစ်သူနှစ်ယောက်ရဲ့ နှုတ်ခမ်းအစုံဟာ ပြုံးနေလိမ့်မည်။ နောက်ဆုံးထွက်သက် ရှူသည်အထိ အကြင်နာမျက်လုံးများက တစ်ဦးကို တစ်ဦးကြည့်ကာ ကြည်နူးနေကြလိမ့်မည်။

သင်းအုပ်ဆရာသည် ဆုတောင်းခြင်း၌အာရုံမတည်ဘဲ ပြင်းထန်သည့်စိတ်လှုပ်ရှားမှုကို ဆောက်တည်ရာမရ ခံစားနေရ၏။ ဗိုလ်မှူး၏ ဝီစကီ ပုလင်းက စားပွဲပေါ်တွင် သူထားခဲ့သည့်အတိုင်း ရှိနေဆဲ။

မတ်ခွက်ထဲကို အတိုင်းအဆမရှိ လောင်းထည့်ပြီး မော့ချလိုက်သည်။ ထိုစဉ် တဲတွင်းမှ အမှောင်ထု ပါးလျလာ၏။

“အင်း ... မိုးလင်းတော့မှာ ပါကလား” အိပ်ရာပေါ်တွင် ငုတ်တုတ်ထိုင်ပြီး နံနက်ခင်းကို နားစွင့်နေလိုက်သည်။ ဒစ်ကန်ရွာကလေး အိပ်ရာမှ နိုးလေပြီ။

ရွာဘက်ဆီမှ အသံဗလံတွေ ကြားရစ ပြုလာ၏။

ကွက်လပ်ထဲတွင် လူတွေ စုဝေးကြမည်။ နေထွက်ချိန်တွင် တရားစီရင်ကြကြောင်း သူကြားဖူးပြီးသား။

ဝီစကီ ထပ်မော့သည်။ ခုမှ အနိဋ္ဌာရုံ မြင်ကွင်းများကို အသိအာရုံထဲမှာ ဖယ်ရှားနိုင်တော့၏။ သည်တော့မှပင် ဆုတောင်းခြင်း အမှုကို ပြုနိုင်တော့သည်။

“အို အဖ ဘုရားသခင်၊ မရှုရက် မမြင်ရက်စရာ သည်အဖြစ်ဆိုးမှ အကာအကွယ်ပေးတော်မူပါ။ တန်ခိုးပြာဋိဟာဖြင့် ကယ်မတော်မူပါ။ သနားတော်မူပါ ...”

အချိန်သည် အရွေ့အလျားမရှိ ရပ်တန့်နေဘိသို့ ရှိ၏။ မည်မျှကြာအောင် ဆုတောင်းနေမိသည်ကို မသိ။ ကွက်လပ်ဆီက အော်ဟစ်သံတွေ ကြားမှ သတိဝင်လာပြီး တဲပြင်သို့ ကမန်းကတန်းထွက်ကြည့်သည်။

ကွက်လပ်ဆီမှ လူအုပ်ကြီးကို တစ်ပိုင်းတစ်စလှမ်းမြင်နေရ၏။ ခရစ်ကတ်ပွဲ ကြည့်သလို တန်းစီပြီး ကြည့်နေကြခြင်းဖြစ်သည်။ သူတို့ ဦးခေါင်းပေါ်မှကျော်၍ အရပ်မြင့်မြင့် အာရပ်တစ်ယောက် လက်လွှဲ၍ပစ်လိုက်သည်ကို ရိပ်ခနဲ မြင်လိုက်ရ၏။ အော်ဟစ်အားပေးသံတွေ ဆူညံသွားသည်။ ခဲပစ်တရားစီရင်ခန်း စလေပြီ။

အို ... ဘုရား ဘုရား။ ငါ့ ဆုတောင်းသံကို ဘုရားသခင် ကြားတော် မမူပြီလော။ တဲထဲသို့ပြန်ဝင်ပြီး အိပ်ရာပေါ်သို့ မျက်နှာမှောက်ချ လိုက်သည်။ ဇူလေခါ၏ သနားစရာ ခြေထောက်ညိုညိုကလေးကို မျက်စိထဲက မထွက်နိုင်အောင်ဖြစ်နေ၏။ ခုလောက်ဆို သင်္ချိုင်း တွင်းမြေထဲမှာ အရှင်လတ်လတ် အမြှုပ်ခံနေရပြီပေါ့။

အော်သံတွေ၊ အော်သံတွေ။ တစ်ခါပြီး တစ်ခါ ...။ နောက်ဆုံးတွင်မှ တိတ်ဆိတ်ငြိမ်သက် သွားတော့၏။

တဲထဲသို့ တစ်စုံတစ်ယောက်ဝင်လာသံကြား၍ ဆတ်ခနဲ ခေါင်းထောင်ကြည့်လိုက်သည်။ ဗိုလ်မှူးဂရန့်၏ ယီမင် အာရပ်လူမည်း တပ်ကြပ်ကြီး ဖြစ်၏။ မတ်ခွက်ကိုင် ဝင်လာပြီး ...

“လက်ဖက်ရည်ပါ ဆရာ။ ဗိုလ်မှူးက ခရီးဆက်ဖို့ အသင့်လုပ်ထားပါတဲ့ ဆရာ”

တွမ်လင်ဆန် အိပ်ရာပေါ်မှ ထထိုင်သည်။ လက်ဖက်ရည် တစ်ကျိုက်မော့ရင်း စကားစလိုက်၏။

“ပြီးသွားပြီလား”
“ဘာလဲ ဆရာ၊ လက်ဖက်ရည်လား”
“ဘယ်ကလာ၊ ဟိုက ခဲပစ်တရားစီရင်ခန်းကို ပြောတာကွ”
“ဟုတ်ကဲ့ ဆရာ၊ ပြီးပါပြီ။ ဟောဒီ အာရပ်တွေက သိပ်လူပါးဝတာ ဆရာ။ ဗိုလ်မှူးကလည်း ... ဗိုလ်မှူးပဲ။ ဗိုလ်မှူးဟာ တကယ်ဆိုရင် ကျွန်တော့်အဖေဆိုလည်း ဟုတ်၊ အမေဆိုလည်း ဟုတ်တာပါပဲ ဆရာ။ ဒါပေမယ့် တစ်ခါတလေ ကလေးတစ်ယောက် လိုပဲ။ ကျွန်တော့်ကို စောစောကတိုင်ပင်ရင် ဒီလို ဘယ်ဖြစ်မလဲ”
“တရားစီရင်ခန်းအကြောင်းကို ပြောစမ်းပါကွ”

သင်းအုပ်ဆရာက စိတ်မရှည်ဘဲ အော်ပြောလိုက်သည်။ တပ်ကြပ်ကြီးက စိတ်ချဉ်ပေါက်နေသည့်လေသံဖြင့် ...

“တစ်ယောက်မှ မထိကြဘူးလေ။ သွေးတစ်စက်တောင် မထွက်ဘူး။ ဘယ်ကြည့်ကောင်းမလဲ ဆရာ။ ဗိုလ်မှူး ညံ့လို့ပါလေ။ ကျွန်တော့်ကို ကြိုတိုင်ပင်ရင် ဒီလို ဘယ်ဖြစ်ပါ့မလဲ။ သူက သဘောကောင်းပြီး ထိအောင်ပစ်နိုင်တဲ့လူတိုင်း တစ်ချက်ကို တစ်ကျပ်ဆုချမယ်လို့ ပြောတယ်။ ဒီအထိ မဆိုးသေးဘူး ဆရာ။ ကျွန်တော့်ဗိုလ်မှူးက ထိအောင်မပစ်နိုင်တဲ့သူတွေကိုလည်း နှစ်သိမ့်ဆုအဖြစ် ကျည်ဆန်တစ်တောင့်စီ ပေးမယ်လို့ ကြေညာလိုက်သေးတယ်။ ကျည်ဆန်တစ်တောင့် နှစ်ကျပ်ရ(တန်)တယ်ဆိုတာ ဗိုလ်မှူး မသိဘူးလေ။ အဲဒီမှာ ပစ်တဲ့လူတိုင်းဟာ အလ္လာအရှင်မြတ်ရဲ့အလိုတော်ကြောင့် လွဲရတာဆိုပြီး လွှဲပစ်ကြတာပေါ့။ ခုလောက်ဆို ဇူလေခါနဲ့အလီဘတ်တို့နှစ်ယောက် တရားဝင် လက်ထပ်ခွင့်ရပြီ။ ဆရာ ... ဘာပြုလို့လဲဟင် ... နေမကောင်းဘူးလား”

သင်းအုပ်ဆရာ တွမ်လင်ဆန်သည် ကတုန်ကယင် ဖြစ်သွားသည်။ ဇူလေခါတစ်ယောက် ရယ်ကာမောကာ ဝဲပျံကခုန်နေသည်ကို မြင်ရဦးမည်ပေါ့။

အင်း ... ဗိုလ်မှူး ... ဗိုလ်မှူး။ စကားနည်းသလောက် အာရပ်တို့၏အထာကို ကျွမ်းပါပေ၏။ သူတို့အားလုံး၏ စိတ်ကျေနပ်မှုကို အရယူပြီး ချစ်သူနှစ်ဦး၏အသက်ကို ကယ်လိုက်ခြင်းပါတကား။

သင်းအုပ်ဆရာ၏ ရင်ထဲတွင် ကြည်နူးမှုတို့ဖြင့် ဆွတ်ပျံ့လှုပ်ခါ၍ နေလေသည်။

(Judgement on Lover by Garnett Radcliffe)

တင်မောင်မြင့်
မဟေသီ၊ ဒီဇင်ဘာ၊ ၁၉၈၇။