စပိဘာ့ခ်၏ ကိုလိုနီနင်းပြားတွေအကြောင်း(မြင့်သန်း)

စပိဘာ့ခ်၏ ကိုလိုနီနင်းပြားတွေအကြောင်း(မြင့်သန်း)
၂ဝဝ၃ ကုန်မယ်ဆိုတော့ ကျောင်းသားဟောင်းတစ်သိုက် ဧည့်ခံပွဲတစ်ခုမှာပြန်ဆုံကြတယ်။ ကြီးကြီးကျယ်ကျယ် ဖြစ်ကုန်တဲ့ကောင်တွေလည်း ပါတယ်။ ဧည့်ခံပွဲပြီးပေမယ့် စကားကကောင်းနေကြတော့ ပုလင်းကိုယ်စီကိုင်ပြီး ရေကန်စောင်းနားမှာ ဆက်ပြီးစကားပြောကြတယ်။ အဲဒီမှာပဲ အနောက်တိုင်းသားတစ်ယောက်က စပြောတယ်။ “မင်းတို့တော့ မသိဘူး။ ငါ့အမြင်မှာတော့ စပိဘာ့ခ်မေးခဲ့တဲ့မေးခွန်းတွေ မှန်မှန်လာတယ်” လို့ ပြောတယ်။ ဒီလိုနဲ့ပဲ ကျွန်တော်တို့ စပိဘာ့ခ်အကြောင်းပြောဖြစ်ကြတယ်။

ကျွန်တော်တို့နဲ့မိတ်ဆွေတချို့ကတော့ ကုလားမကြီးလို့ ညွှန်းခေါ်တတ်ကြတယ်။ ညွှန်းဆိုသူက ကာလကတ္တားမှာမွေးတဲ့ ကုလားမကြီးကိုး။ ၁၉၇၄ ခုနှစ်မှာပုံနှိပ်ထုတ်ဝေတဲ့ Myself Must I Remake: The Life and Poetry of W.B. Yeats ဆိုတာ သူ ပီအိပ်ခ်ျဒီဘွဲ့ယူတုန်းက ရေးတဲ့စာတမ်း။ ဂယတြီချကရာဗော်တီစပိဘာ့ခ် (Gayatri Chakravorty Spivak) ဆိုတာ ဒီကနေ့ ပညာရပ်ဆိုင်ရာအဆောက်အအုံတွေ ထဲမှာ သိမထားလို့မဖြစ်တဲ့သူ။ လွန်ခဲ့တဲ့ အနှစ်နှစ်ဆယ်ကျော်က ယဉ်ကျေးမှုနဲ့ပတ်သက်တဲ့ဘွဲ့လွန်သင်တန်းတစ်ခု ကျွန်တော်တက်တုန်းက ပါမောက္ခတစ်ယောက်ကပြောတာ ကျွန်တော်မမေ့ဘူး။ ပထမဆုံးနေ့မှာ အဲဒီပါမောက္ခက ကျွန်တော်တို့လေးငါးယောက်ကိုပြောတယ်။ “ကျုပ်သင်တန်းမှာ ခင်ဗျားတို့ အဖေ၊ အမေနာမည်ကို ခင်ဗျားတို့မသိလို့ အရေးမကြီးဘူး။ စပိဘာ့ခ်ဆိုတာတော့ သိမှ” လို့ ပြောဖူးတယ်။ ဟုတ်တော့လည်း ဟုတ်တယ်။ ဒီကနေ့ကာလမှာ ယဉ်ကျေးမှု၊ ပို့စ်ကိုလိုနီရယ်လေ့လာမှု၊ ပို့မော်ဒန်လေ့လာမှုတို့လုပ်တဲ့အခါ စပိဘာ့ခ်ကို သိမှ။ သူတင်မကဘူး မကြာခင်ကကွယ်လွန်သွားတဲ့ ဆာယိ (Edward W. Said)၊ ဘာဘာ (Homi K. Bhabha)၊ ဂူဟာ (Ranajit Guha) စတဲ့ ပညာရှင်တွေကိုသိဖို့လိုတယ်။

မြန်မာစာပေလောကအနေနဲ့က ခေတ်အလွန်မီတယ်လို့ကျွန်တော်ထင်တယ်။ အလကားပဲတင်းဝါဒဖြန့်သမားတွေဖြစ်တဲ့ ဖူကူးယာမတို့၊ တောဖလာတို့နဲ့တောင် ယဉ်ပါးပြီးသားဖြစ်နေလေတော့ ဒီပညာရှင်တွေနဲ့လည်း နှံ့စပ်ပြီးသားဖြစ်လိမ့်မယ်လို့ ကျွန်တော်ယုံတယ်။ ဒီတော့ စပိဘာ့ခ်အကြောင်း အကျယ်ဝိတ္တာမချဲ့တော့ဘူး။ အကြမ်းဖျင်းပြောရရင်တော့ စပိဘာ့ခ်ဟာ ကိုလံဘီယာတက္ကသိုလ်က ပါမောက္ခကြီးတစ်ဦးပဲ။ အရေးပါအရာရောက်တဲ့ကျမ်းတွေ အများကြီးရေးခဲ့ပါတယ်။ (ဒီနေရာမှာ တစ်ခု တင်ကူးပြီးရှင်းထားပါရစေ။ “ကျမ်း”ဟာ ကျမ်းပဲ။ စာအုပ်တိုင်းဟာ “ကျမ်း”မဟုတ်ဘူး။ ပြည့်စုံလုံလောက်တဲ့ ဆင်ခြေနဲ့ခိုင်လုံချက်မပါသရွေ့ စာအုပ်တစ်အုပ်ဟာ ကျမ်းဖြစ်မလာဘူး) သူ့ကျမ်းတွေဟာ “ကိုး”နိုင်တဲ့။ “ကိုး”ထိုက်တဲ့ ကျမ်းမျိုးတွေပဲ။ မျက်မှောက်ခေတ်ရဲ့ယဉ်ကျေးမှုအကြောင်းပြောရင် ထည့်မပြောလို့မဖြစ်တဲ့ ပညာရှင်မျိုး။ ယာ့ဒယ်ရီဒါရဲ့အရေးအသားတော်တော်များများကို ပြင်သစ်ဘာသာက အင်္ဂလိပ်လိုပြန်ပေးခဲ့တာ။ ဒီတော့လည်း အလကား ကုလားမကြီးလို့ပြောလို့မဖြစ်ဘူး။

ဒီလိုနဲ့ ညမှောင်မှောင်ထဲမှာ ကျွန်တော်တို့တစ်ယောက်တစ်လှည့် စပိဘာ့ခ်အကြောင်း၊ သူရေးခဲ့တဲ့စာတွေအကြောင်း ပြောကြတယ်။ နှီးနှောကြတဲ့သဘောပဲ။ များသောအားဖြင့် သူ့အမြင်နဲ့နီးစပ်တဲ့လူတွေချည်းမို့ အကြောက်အကန်ငြင်းတယ်ခုန်တယ်မရှိကြပါဘူး။ အဲဒီမှာ ကျွန်တော်ဘဝင်ကျခဲ့တဲ့မေးခွန်းတစ်ခုအကြောင်း ကျွန်တော်ပြောပြမိတယ်။ အဲဒါက Can the Subaltern Speak? ဆိုတဲ့ အကြောင်းပဲ။ ဖတ်ချင်ကြရင်တော့ လန်ဒန်၊ မက်မီလန်တိုက်ကထုတ်တဲ့ Marxism and the Interpretation of Culture စာအုပ်မှာပါတယ်။ ရှာဖတ်ကြပါ) Subaltern ဆိုတဲ့စကားလုံးဟာ အီတာလျံမာ့ကစစ် အန်တိုညိုဂရမ်းချီသုံးခဲ့တဲ့ စကားလုံး။ နိမ့်ကျတဲ့လူ၊ လူစု စတာတွေကို ညွှန်းတာ။ ဘာသာရေး၊ လူမှုရေး၊ လိင်စတဲ့အချက်တွေကိုကြည့်ပြီး နိမ့်ကျတယ်လို့သတ်မှတ်ခံထားရသူတွေပဲ။ မြန်မာဘာသာ စကားဘောင်ထဲက ပြောရ၊ ရေးရရင်တော့ အကောင်းဆုံးစကားလုံး၊ စာလုံးဟာ “နင်းပြား”ဆိုတာပဲဖြစ်လိမ့်မယ်။ ပိုပြီး ယေဘုယျကျတဲ့အနက်နီးတယ်။ “လူထု” ဆိုတာက သပ်သပ်။ (ဒါကြောင့် လွန်ခဲ့တဲ့ဆယ်နှစ်လောက်က ကဗျာဆရာကြီးတစ်ယောက်က မျက်နှာလွှဲခဲပစ် “လူထု”လို့ သုံးတာနဲ့ပတ်သက်လို့ ဆွေးနွေးခဲ့ဖူးသေးတယ်)

ကိုလိုနီကာလရဲ့နောက်ပိုင်းမှာ ကိုလိုနီစနစ်ရဲ့အကြောင်းပြန်လေ့လာတော့ ပြောစရာတွေရှိတယ်။ ဒီအထဲမှာ သမိုင်းနဲ့ပတ်သက်တဲ့တင်ပြချက်တွေလည်းပါတယ်။ တကယ်တော့ အနောက်တိုင်းအကြောင်းမဟုတ်တဲ့ အရှေ့တိုင်း၊ အရှေ့အလယ်ပိုင်းဒေသနဲ့ အာဖရိကတိုက်တွေအကြောင်းတွေကို အနောက်တိုင်းကရေးသားခဲ့တာတွေဟာ လူဖြူရဲ့ဒဏ္ဍာရီ White Mythologies တွေပဲလို့ မြင်လာကြတယ်။ ဒီလိုမြင်လာကြတာဟာ သမိုင်းအဖြစ်အပျက်တွေနဲ့ပတ်သက်လို့ အရှေ့တိုင်းသားတွေဟာ ပြန်လည်စောကြောမှုမရှိခဲ့ကြဘူး။ သမိုင်းဟာ သမိုင်းပဲ။ အနောက်ကရေးခဲ့သမျှ ဟုတ်မှာပဲ၊ ဟုတ်တာပဲဆိုတဲ့အမြင်တွေနဲ့လက်ခံခဲ့ကြတယ်။ အဲဒီလိုနေရင်းက ပြင်သစ်က မိုက်ကယ်ဖူကိုး (Michael Foucault)က အသိပညာဖြစ်ပေါ်လာပုံကိုတင်ပြလာတယ်။ သူ့အမြင်ဟာ အစဉ်အလာအမြင်မျိုး မဟုတ်ဘူး။ အသိပညာဆိုတာ ဘယ်သူကပြောတယ်၊ ဘယ်လိုပြောတယ်ဆိုတာတွေကိုကြည့်ဖို့ လိုတယ်လို့ဆိုလာတယ်။ ဖူကိုးအမြင်ကို အခြေခံပြီး ဆာယိ (Edward W. Said)က အနောက်က ဘယ်လိုဘယ်ပုံ အရှေ့ကိုဖော်ထုတ်တယ်ဆိုတာတွေ ရေးသားတင်ပြခဲ့တယ်။ ဥပမာ ကိုလိုနီစနစ်အောက်မှာပေါ်ပေါက်ခဲ့တဲ့အရေးအသားတွေထဲမှာ သူတို့က သိစေ၊ မြင်စေချင်တာတွေပါတယ်။ ရည်ရွယ်ရင်း အကြောင်းရှိတယ်ဆိုတာတွေ ကြည့်ဖို့လိုတယ်။ အဲဒီလို ကိုလိုနီကာလနောက်ပိုင်းမှာ ကိုလိုနီစနစ်ကိုပြန်လည်လေ့လာ သုံးသပ်ကြည့်ကြရင်း အနောက်က ဖော်ထုတ်ခဲ့တဲ့အရှေ့တိုင်းသမိုင်း (သမိုင်းတင်မဟုတ်ဘူး၊ ယဉ်ကျေးမှု၊ လူမှုဆက်ဆံရေး စတာတွေဟာ)တကယ်တော့ အနောက်တိုင်းကဖော်ထုတ်ခဲ့တဲ့ဒဏ္ဍာရီပဲရယ်လို့ မြင်လာကြတော့တယ်။

အနောက်ကပြောတဲ့သမိုင်းဆိုတာက တကယ်တော့သူတို့သမိုင်းပဲ။ တို့သမိုင်းမှ တို့သမိုင်းလို့မြင်တာ။ တခြားကိုလိုနီပညာရှင်တွေကို မကြည့်နဲ့။ ဟေဂယ် (G.W.F. Hegel) တို့၊ မာ့စ် (K. Marx) တို့ကိုပဲကြည့်။ ဟေဂယ်က “အာဖရိကမှာ သမိုင်းမရှိဘူး” ၊ “သမိုင်းဆိုတာ လူသားတွေအချင်းချင်းရဲ့မတူညီမှုကိုဖန်တီးရင်းနဲ့ စခဲ့တာဖြစ်လေတော့ ဒီမတူညီမှုတွေကိုကျော်လွှားရင်း ကန့်သတ်ရပ်တန့်ဖြစ်ရင်းနဲ့ သမိုင်းဟာနိဂုံးချုပ်ရတယ်” စတာတွေပြောခဲ့တယ်။ တကယ်တော့ ဟေဂယ်အဖို့ လူဖြူမဟုတ်တဲ့ အက်ဖရကဲန်တွေမှာ သမိုင်းမရှိဘူး။ ရှိနေစရာလည်း မလိုဘူး။ သမိုင်းမရှိတဲ့လူတွေကို လူဖြူတွေကအုပ်ချုပ်ပြီး လူတစ်မျိုးတည်းဖြစ်လာရင် ဘာမှ သီးခြားသမိုင်းတစ်ခုလည်း မလိုတော့ဘူးလို့ဆင်ခြင်တာပဲ။ (လူဖြူအတွက် ဆွမ်းဆန်စိမ်းထွက်ခံပေးတဲ့ဖူကူးယာမက အဲဒီအချက်ကိုလမ်းကြောင်းနေတာ။ ကမ္ဘာရွာ ဘာဘာညာညာဆိုတာက လူဖြူသူကြီးအုပ်ချုပ်တဲ့ရွာကြီးမှာ အုပ်ချုပ်ခံကျန်လူတွေကို လက်ညှိုးထောင်ခေါင်းညိတ် လုပ်ဖို့ ရှေ့ပြေးစေ့ဆော်ချက်ပဲ) ဒီလို ရှေးကလူဖြူတွေရေးခဲ့ပြောခဲ့တာတွေကို ကိုလိုနီခေတ်နောက်ပိုင်း ပညာရှင်တွေပြန်ပြီးလေ့လာသုံးသပ်ကြည့်ကြတော့ လူဖြူကပေးနေတဲ့အသိပညာအပိုင်းဟာ သံသယရှိစရာကောင်းလာတာကို တွေ့လာကြရတယ်။

အဲဒီလိုမြင်လာကြတဲ့ပညာရှင်တွေထဲမှာ စပိဘာ့ခ်လည်း ပါခဲ့တယ်။ စပိဘာ့ခ်က ဒယ်ရီဒါရဲ့ဒိကောန်စထရပ်ရှင်း (Deconstruction)ကို အားသန်တယ်။ (စပ်လျဉ်းလို့ရေးပြပါရစေ။ ဒီကောန်စထရပ်ရှင်းဆိုသည်မှာ ဖြိုဖျက်ပစ်သောနည်း၊ နည်းပညာ စသည်များမဟုတ်ပါ) ဒီတော့ သူ့အမြင်ကို ဗဟို (Centre)အာရုံပြုရာက အပြင်ဘက် (Margin)ကို အာရုံပြုပြီးစဉ်းစားတယ်။ သမိုင်းကိုဦးဆောင်ခဲ့တယ်ဆိုတဲ့ လူစွမ်းကောင်းကြီးတွေက သမိုင်းထဲမှာမရေရာခဲ့တဲ့ နင်းပြားတွေအကြောင်း တွေးကြည့်တယ်။ တစ်နည်းပြောရရင် ဒီလူတွေကကော သမိုင်းမှာ ဘာမှမလုပ်ခဲ့တဲ့အတိုင်းအတာနဲ့ကြည့်တော့ လူဖြူကသမိုင်းကိုရေးသားတဲ့လူ၊ တင်ပြတဲ့လူဖြစ်နေတဲ့အခါ လူဖြူမဟုတ်တဲ့လူတွေဟာ နင်းပြားချည်းပဲ။ အကြောင်းက သူတို့လုပ်ချင်တာလုပ်ခွင့်ရနေခဲ့တာကိုး။ ဒါကြောင့် လူဖြူမဟုတ်တဲ့လူတွေမှာ ဘာများပြောရေးဆိုခွင့်ရှိသတုန်းဆိုတဲ့မေးခွန်းကို စပိဘာ့ခ်က မေးခဲ့တာပဲ။ (Subaltern စာလုံး/စကားလုံးအနက်ဟာ နောက်ပိုင်းမှာ ရွေ့လာတယ်။ ကျယ်ပြန့်လာတယ်။ ဒီတော့ ကျွန်တော်ရေးချင်တာကို ဒီနေရာက ဖြတ်ဆက်လိုက်ပါ့မယ်။ ကုလားမကြီးပြောတာအားလုံးကို တစ်ထိုင်တည်းရှင်းလို့ ရမှာမဟုတ်ဘူး)

လူဖြူတွေက လူဖြူမဟုတ်တဲ့လူတွေအပေါ် ကိုလိုနီပြုကျင့်တယ်ဆိုရာမှာ နယ်မြေသိမ်း၊ စီးပွားရေးအမြတ်ထုတ်ဆိုတာလောက် မဟုတ်ဘူး။ လုပ်ချင်ရာလုပ်ခွင့် ရှိသွားတယ်။ သူတို့ ပုံဖော်ချင်သလိုပုံဖော်တယ်။ သူတို့က လူမျိုးတစ်မျိုး၊ လူ့အဖွဲ့အစည်းတစ်ခုကိုပုံဖော်ချင်သလို ဖော်တယ်။ လွယ်လွယ် ဥပမာတစ်ခု ပြပါရစေ။ “တတိယကမ္ဘာ”လို့ ခေါ်တာကိုသာကြည့်။ ပြင်သစ်တော်လှန်ရေးတုန်းက “Third Estate” ဆိုတာကိုနမူနာယူပြီး လွတ်လပ်ပြီးစ၊ ဖွံ့ဖြိုးစနိုင်ငံတွေကို ၁၉၅၅ ခုနှစ် ဘွန်ဒေါင်းကွန်ဖရင့်မှာ ကင်ပွန်းတပ်လိုက်တာပဲ။ တည့်တည့်ညွှန်းရရင်တော့ (နောက်ကွယ်အနက်ဟာ)လူဖြူနိုင်ငံတွေလို၊ မချမ်းသာတဲ့၊ မယဉ်ကျေးတဲ့နိုင်ငံတွေလို့ ညွှန်းချင်တာပဲ။ ပါမောက္ခဆာယိစကားနဲ့ပြောရရင်တော့ ဥရောပ (လူဖြူ)မဟုတ်တဲ့တိုင်းပြည်တွေအပေါ် အနောက်တိုင်း (လူဖြူ)က ဆက်ပြီးအင်အားသုံးလွှမ်းမိုးတာပဲ။ ဒီတော့ ကိုလိုနီစနစ်ဟာ ဘယ်တုန်းကမှမပြီးဆုံးခဲ့ဘူးလို့ဆိုရမယ်။ ဒီကနေ့ကာမှာ ပိုဆိုးလာတာက လူဖြူအချင်းချင်းပေါင်းစားကြမယ်လို့ညီညွတ်မှုရထားတာပဲ။ လူဖြူကအင်အားပိုကောင်းလာတယ်လို့ ဆိုရမယ်။ သူတို့အမြင်အရ မဟုတ်သမျှကို အပြစ်လို့ယူပြီး ဘယ်သူ့ကိုမဆိုစော်ကားနိုင်တယ်။ အရပ်စကားနဲ့ပြောရရင်တော့ “မသာအိမ်တက်ပြီး ဖဲရိုက်တာပဲ“ ။ သူများတကာ မျက်ရည်ကျတုန်း သူ့အဖို့အရှုံးအမြတ်ပေါ်ဖို့ပဲ။

လူဖြူမဟုတ်သမျှ နင်းပြားချည်းပဲ။ ဘာမှပြန်ပြောလို့မရသလိုကို ဖြစ်နေတယ်။ မျိုးချစ်စိတ်ရှိတာ၊ ကိုယ့်လူမျိုးကိုယ်ချစ်တယ်ဆိုရင်ကို အကြမ်းဖက်သမားလို့ယိုးစွပ်နေတော့တာပဲ။ လူဖြူပြောသမျှ ဟုတ်ပဆိုတဲ့အမြင် ကြီးမားသထက်ကြီးမားလာအောင်လုပ်နေကြတယ်။ တခြားသူတွေရဲ့အချုပ်အခြာအာဏာပိုင်တဲ့ တိုင်းပြည်၊ နိုင်ငံစတာတွေအပေါ်မှာ လူဖြူဟာဘာမှတန်ဖိုးထားတာ မရှိတော့ဘူး။ ကုလသမဂ္ဂဆိုတာ ဆွေမျိုးသားချင်းတွေ အချင်းချင်းလှည့်ပြီးအလုပ်ပေး၊ လခကောင်းကောင်းပေးထားတဲ့နေရာတစ်ခုထက် မပိုတော့ဘူး။ ကုလသမဂ္ဂအနေနဲ့က သူ့မြေပေါ်နေ၊ သူ့ရေသောက်ဆိုတော့ ရေရှင်မြေရှင်မျက်နှာကြည့်ရတယ်။ လူဖြူမှာ WMD (Weapon of Mass Destruction) ရှိနိုင်တယ်၊ ရှိနိုင်ခွင့်ရှိတယ်။ လူဖြူမဟုတ်တဲ့လူတွေမှန်သမျှ မရှိနိုင်ဘူး။ ဒီတော့ UNSCOM ကို လူဖြူကပဲ ဦးဆောင်ရတယ်။ မဟုတ်တောင် လူဖြူကိုလိုလားတဲ့လူတွေ၊ လခကောင်းကောင်းပေးထားတဲ့လူတွေပဲ ဦးဆောင်ရတယ်။ တုပ်ထိုးအိုးပေါက်ပြောကြရမယ်ဆိုရင်တော့ ဒီကနေ့ကာလဟာ လူဖြူတွေရဲ့ကိုလိုနီဝါဒသစ်ရဲ့အားအကြီးဆုံးအချိန်ပဲ။ အရမ်းကားဆုံးအချိန်ပဲ။ အရမ်းကားဆုံးလို့ဆိုရတာက လူဖြူတွေအနေနဲ့ အကြမ်းဖက်ဝါဒကို တရားသောနည်းလမ်း End Justifies the Mean တစ်ခုအဖြစ် သုံးစွဲလာကြလို့ပဲ။ တကယ်တော့ အကြမ်းဖက်ဝါဒ (Terrorism) ဆိုတာ နှစ်မျိုးပဲရှိတယ်။ တစ်ဦးတစ်ယောက်ဦးဆောင်တဲ့အကြမ်းဖက်ဝါဒ (Individual-led terrorism) နဲ့ နိုင်ငံတော်(များ)က ဦးဆောင်တဲ့အကြမ်းဖက်ဝါဒ (State(s)-led terrorism) ပဲ။ လူဖြူတွေသုံးနေတာက နိုင်ငံတော်က ဦးဆောင်တဲ့အကြမ်းဖက်ဝါဒပဲ။

ဘယ်လိုပဲဖြစ်ဖြစ် လူဖြူမဟုတ်တဲ့ လူမျိုးစုတွေ၊ နိုင်ငံငယ်တွေဟာ သတိရှိဖို့ကောင်းတဲ့အချိန်ပဲ။ သတိရှိဖို့ဆိုတာ လူဖြူမှာ ရမ်းကားတယ်ဆိုတာက အဆိုးမဟုတ်ဘူး။ ဒီ့ပြင် လူဖြူရဲ့အခြားလက်နက်တစ်ခုက ငါးကြင်းဆီနဲ့ငါးကြင်းပြန်ကြော်ခိုင်းတတ်တဲ့ ပညာပဲ။ ဓနအင်အားကောင်းတော့ ဖျားယောင်းရတာလွယ်တယ်။ နိုင်ငံငယ်တွေကို ဓနအင်အားသုံး ဖျားယောင်းမယ်။ နိုင်ငံငယ်ကလူတွေကို သူတို့အမြင်တွေစိမ့်ဝင်ပျံ့နှံ့အောင် အသာထည့်ပေးမယ်။ ဥပမာ နိုင်ငံငယ်တွေက လူငယ်တွေ၊ အနုပညာရှင်တွေကို သူတို့ဆီခေါ် ကျွေးမွေးလွှတ်လိုက်တာနဲ့ ဒီလူငယ်တွေကသူတို့ကို အားကျပြီး တောပြောတောင်ပြောတွေပြောလာတာနဲ့ သူတို့ရဲ့ဝါဒဖြန့်ချိရေးဟာ အထိုက်အလျောက်အောင်မြင်လာတာပဲ။ စာနယ်ဇင်းတွေမှာ ကိုယ့်ထမင်းကိုယ်စားပြီး သူတို့ပြည်ရွာသာလှတဲ့အရေး သတင်းပေးရေးနေတဲ့အရေးအသားတွေ ခုဆို ဘယ်လောက်ပေါလာတယ်ဆိုတာသာကြည့်။ တချို့တွေကျတော့ သံရုံးတွေက လက်သိပ်ထိုးလက်ဆောင်ပေးထားတဲ့စာအုပ်၊ သံရုံးပြန်ကြားရေး ဝန်ကြီးဌာန၊ စာကြည့်တိုက်ဆိုတာတွေက ပေးတဲ့ရတဲ့စာအုပ်ကိုဖတ်ရင်း နားလည်ချင်သလို နားလည်လိုက်ပြီး တောအော်တောင်အော်တွေ ဖြစ်လာတာပဲ။

“သမိုင်းကြီးပြီးဆုံးမယ်”ဆိုတာကို နားလည်ချင်သလိုနားလည်ပြီး စိတ်ကူးယဉ်ပစ်ကြတာပဲ။ လူဖြူရဲ့စံတွေကို စိတ်ကူးယဉ်ကြတော့တာပဲ။ ကိုယ့်လူမျိုးရဲ့သိမှုပရဝဏ်ကခွဲထွက်ပြီး ပုံတူကူးဖို့စဉ်းစားလာကြတာပဲ။ လူဖြူမဟုတ်တဲ့လူတွေက လူဖြူကိုအားကျပြီး စိတ်ကူးယဉ်လာလေ လူဖြူရဲ့လက်အောက်ရောက်ဖို့လွယ်လာလေပဲ။ လူနာမျက်ဖြူဆိုက်လေ ဆရာကြိုက်လေကိုး။

တကယ်တော့ လူဖြူမဟုတ်တဲ့ လူမျိုးစုတွေမှာ လူဖြူကို ဘာများပြန်ပြောနိုင်လို့လဲ။ လူဖြူမဟုတ်တဲ့လူမှန်သမျှကို လူဖြူက သူ့ရဲ့နင်းပြားလို့ပဲ မြင်နေသေးတော့ လူဖြူမဟုတ်တဲ့လူတွေမှာ လူဖြူကိုပြန်ပြောဖို့၊ ရှင်းပြဖို့ ဘယ်လိုအခွင့်အရေးရှိလို့လဲ။ တကယ်တော့ လူဖြူတို့ရဲ့လုပ်ချင်ရာလုပ်လို့ရတယ်ဆိုတဲ့ တစ်ဖက်စောင်းနင်းလူဖြူအာဏာရှင်စနစ်ပဲ မဟုတ်ဘူးလား။

(မြင့်သန်း)

(၂ဝဝ၄ ခုနှစ်၊ ဇူလိုင်လ နွယ်နီမဂ္ဂဇင်း)

https://www.facebook.com/lchankyaw/posts/10200896146622554