ဒေါ်ခင်ကြည်ပြောပြတဲ့ လူ (၅)ယောက်အကြောင်း(လှကွန့်) (အစပိုင်း ၃)

ဒေါ်ခင်ကြည်ပြောပြတဲ့ လူ (၅)ယောက်အကြောင်း(လှကွန့်) (အစပိုင်း ၃)

ဧပြီ ၂ဝ၁၂ မြန်မာသစ်မဂ္ဂဇင်းမှ(ကျနော် ဒီဆောင်းပါးကို စာရိုက်ပြီး ပြန်တင်မယ် တင်မယ်နဲ့ မလုပ်ဖြစ်ပါ။ ဇက်နည်းနည်းနာနေတာလည်း ပါပါတယ်။ ဖတ်မိရင် အကျိုးများကြမယ်တွေးမိကာ ခုတော့ စရိုက် စတင်ပါပြီ။ အားလုံး ၉ မျက်နှာပါ။ ရှယ်ယာလုပ်လို့ရပါတယ်။ လုပ်လည်းလုပ်ကြစေချင်ပါတယ်။ စိတ်ရှည်ရှည် ဖတ်ရင် သူ့ရေးဟန် သူ့အဖွဲ့အနွဲ့ထဲမှာ မြှုတ်ထားတာတွေက ဖော်ထုတ်လို့ရမယ်ထင်ပါတယ်။ မျိုးမြင့်ချို) မေ ၃၁ ၂ဝ၁၃

တစ်ဖက်ကို ယုံလွန်းရာက လက်ဝဲ လက်ယာကွဲခဲ့တယ်။ ဒါဟာ အမျိုးသားစည်းလုံးရေးပြိုကွဲတာပဲ။ လက်ယာသမားတချို့ရဲ့ ပယောဂလည်း ပါတယ်။ အထူးသဖြင့်တော့ နယ်ချဲ့သမားရဲ့ထိုးနှက်တိုက်ခိုက် ခံလိုက်ရတာ။ ဒါကိုသဘောပေါက်လို့ လက်ဝဲညီညွတ်ရေးပြန်တည်ထောင်ဖို့ ကိုအောင်ဆန်းနဲ့သခင်သန်းထွန်းတို့ကြိုးပမ်းဆဲကာလမှာ လုပ်ကြံခံလိုက်ရတာပဲ။ တကယ်တော့ ဒါဟာ နယ်ချဲသမားရဲ့လက်ချက်ပဲ။ နယ်ချဲ့သမားဟာ လက်ဝဲညီညွတ်ရေးရသွားမှာစိုးတယ်။ သခင်သန်းထွန်းတို့နဲ့ ဗိုလ်ချုပ်အောင်ဆန်းနဲ့ပေါင်းမိသွားရင် နယ်ချဲ့သမားတွေလုပ်ချင်တိုင်းလုပ်လို့ရမှာ မဟုတ်တော့ဘူး။ ဒါ့ကြောင့် ဖဆပလထဲက နိုင်ငံရေးသမားကြီးတွေ၊ လက်ယာအုပ်စုဝင်တွေကိုသိမ်းသွင်းပြီး လက်ဝဲအုပ်စုကို ခွဲထုတ်လိုက်တယ်။ တဆက်တည်းမှာပဲ လက်ဝဲညီညွတ်ရေးအတွက်ကြိုးပမ်းနေတဲ့ ငါ့ယောင်္ကျားကိုလုပ်ကြံလိုက်တာပဲ။ လုပ်ကြံမခံရလို့ လက်ဝဲညီညွတ်ရေးမအောင်မြင်ပဲ လက်ယာအချောင်သမားတွေနဲ့ ဆက်လက်ပေါင်းမိသွားရင် နံမည်ဆိုးနံမည်ပျက်နဲ့သေရမှာ။ မင်းတို့သိတဲ့အတိုင်းပဲလေ။ လက်ယာအုပ်စုတွေဟာ ဆိုရှယ်လစ်အုပ်စုထဲက ဆိုရှယ်နီတွေကန်ထုတ်၊ နောက်ဆုံး ဖဆပလကြီးပြိုကွဲအောင်လုပ်ခဲ့ပြီး တည်မြဲသန့်ရှင်းစသည်ဖြင့် တစစီကွဲထွက်ခဲ့တယ်မဟုတ်လား။ အခုတော့ အဲ့ဒီ တိုရှယ်ဒီမိုကရက်အုပ်စုဟာ နံမည်ဆိုးနဲ့နိဂုံးချုပ်ခဲ့တာပဲ။

နောက်တယောက်က နံမည်ကြီးခေါင်းဆောင်ကြီးတစ်ဦး ဝန်ကြီးချုပ်တစ်ဦးအဖြစ် လွတ်လပ်ရေးရခဲ့တဲ့၁၉၄၈ ကနေ ၁၉၆၂ အထိ ဆောင်ရွက်ခဲ့တဲ့ဦးနုပါ။ နောက် ကွန်မြူနစ်တွေကိုတောထဲမောင်းချလိုက်တာ၊ ဆက်တိုက်ဆိုသလို ပြည်တွင်းစစ်ကြီး ကျယ်ပြန့်ကြီးမားလာတာ၊ ပြည်တွင်းစစ်ကိုအကြောင်းပြပြီး ဗိုလ်နေဝင်းကစစ်တပ်တိုးချဲ့တာ။ စစ်အုပ်စုကိုအားကောင်းအောင် လုပ်လာတဲ့အထိပဲ။ ၁၉၅၈ ခုနှစ်မှာ ဗိုလ်နေဝင်းကို ဦးနုက နိုင်ငံတော်အာဏာလွှဲပြောင်းပေးအပ်ပြီး အိမ်စောင့်အစိုးအဖြစ်အုပ်ချုပ်စေတာ။ အဲ့ဒီမှာ ပြည်တွင်းစစ်ရပ်စဲပြီး ငြိမ်းချမ်းရေးကိုတည်ဆောက်ဖို့၊ နှစ်ဖက်တန်းတူ ရည်တူဆွေးနွေး၊ သင်ပုန်းချေစတဲ့နည်းတွေသုံးရမယ့်အစား တဖက် လက်နက်ကိုင်အင်အားစုတွေ လက်နက်ချအညံ့ခံဖို့ကိုသာ တလျှာက်လုံးတောင်းဆိုခဲ့တာဖြစ်တယ်။ ဒီလိုလုပ်တာဟာ ဗိုလ်နေဝင်းစစ်တပ်နဲ့ ဆိုရှယ်လစ်ဒီမိုကရက်တွေအကြိုက်လုပ်တာပဲ။ တကယ် ဒီလိုဖြစ်လာတာဟာ ဦးနုမှာတာဝန်ရှိတယ်။ ဦးနုဟာ သူတစ်ပါးပြောတာကို ယုံလွယ်တယ်။ ဒါဟာ သူ့ရဲ့အားနည်းချက်ပဲ။ ဒီအားနည်းချက်ဟာ သူ့အတွက်အန္တရာယ်ဖြစ်လာတာပဲလေ။

နောက်တစ်ယောက်က ဗိုလ်ချုပ်ကြီးနေဝင်း၊ မင်းကို နောက်တစ်ယောက်အကြောင်း ပြောပြဦးမယ်။ အဲ သူကလည်း ဒို့မြန်မာ့သမိုင်းမှာ တစ်ခန်းတစ်ကဏ္ဍတော့ရှိသား။ ၁၉၆ဝ ခုနှစ် ရွေးကောက်ပွဲပြီးစမှာ “ကိုကြီးနု..ရွေးကောက်ပွဲမှာ ခြိမ်းခြောက်မဲထည့်ခိုင်းထည့်ခိုင်းတဲ့ကိစ္စတွေမှာ ကျွန်တော်နဲ့လုံးဝမသက်ဆိုင်ပါ။ ဗိုလ်အောင်ရွှေတို့အုပ်စု လုပ်တာသာဖြစ်ပါတယ်။ ကိုကြီးနုသိတဲ့အတိုင်း လွတ်လွတ်လပ်လပ်မဲပေးကြဖို့ ရေဒီယိုကပြောခဲ့တာပါ”လို့ သတင်းပို့သတဲ့။ ဒါဟာလည်း ဗိုလ်နေဝင်းကို ဦးနုယုံကြည်စရာအချက်ပေါ့။ တနည်းအားဖြင့် ဗိုလ်နေဝင်းက ဦးနုကိုအယုံသွင်း လိုက်တာ။ နောက်တနည်းပြောရရင် အစက သူ့ကိုဘုံမြှောက်ပေးခဲ့တဲ့ သူ့ကိုခေါင်းဆောင်အဖြစ်မွေးခဲ့တဲ့ ဆိုရှယ်လစ်စစ်ဗိုလ်အုပ်စုကို တန်ပြန်ထိုးနှက်ဖို့အင်အားစုလိုက်တာပဲ။

ဒါကိုလည်း ဦးနုက ယုံပေးလိုက်တဲ့အခါ သူ့ကို ပခုန်းပေါ်ထမ်းတင်ပေးလိုက်တဲ့ ဗိုလ်မောင်မောငိ်၊ ဗိုလ်အောင်ရွှေစတဲ့ ဆိုရှယ်လစ်စစ်ဗိုလ်တွေကို ဖြုတ်လိုက်တာကိုး။ ဒီလိုလုပ်လိုက်တာဟာ ဆိုရှယ်လစ်ခေါင်းဆောင်ကြီးတွေဖြစ်တဲ့ဦးကျော်ငြိမ်း ဦးဘဆွေတို့သာမက ဆိုရှယ်လစ်စစ်ဗိုလ်အုပ်စုတစ်ခုလုံး အထိတ်တလန့်ဖြစ်ကြရသတဲ့။

ဒီမှာ အလျဉ်းသင့်လို့ ဆိုရှယ်လစ်အုပ်စုဖြစ်လာမယ့်အုပ်စုနဲ့ဗိုလ်နေဝင်း ဘယ်လိုပတ်သက်ခဲ့တယ်ဆိုတာ မင်းတို့လူငယ်တွေသိအောင် ပြောပြမယ်။ ၁၉၄၂ ခု ဇူလိုင်လ ၂၇ ရက်နေ့မှာ ဘီအိုင်အေ(ဗမာ့လွတ်လပ်ရေးတပ်မတော်)ကို ဖျက်၊ ဘီဒီအေ(ဗမာ့ကာ ကွယ်ရေးတပ်မတော်)ကို ပြင်ဆင်ဖွဲ့စည်းခဲ့ကြတယ်။ အဲ့ဒီတုန်းက မင်းတို့ဗိုလ်ချုပ်က ကာနယ်လ်(ဗိုလ်မှူးကြီး)စစ်သေနာပတိ၊ ဗိုလ်စင်္ကြာ၊ ဗိုလ်လင်္ကျာတို့က(ဒုတိယ ဗိုလ်မှူးကြီး) စစ်ဦးစီးမှူးတွေဖြစ်တယ်။ ဗိုလ်နေဝင်း၊ ဗိုလ်ဇေယျ၊ ဗိုလ်ရန်နိုင်တို့ကဗိုလ်မှူး(မေဂျာ)တွေဖြစ်တယ်။ ဒါပေမယ့် ဗိုလ်နေဝင်းဟာ စစ်ဦးစီးမှူးဗိုလ်လင်္ကျာပေးတဲ့ အမိန့်နဲ့တာဝန်ကိုဘာမှမလုပ်ပဲ တလျှောက်လုံးငြင်းဆန်ခဲ့တယ်။ ဗိုလ်ချုပ်အောင်ဆန်းပြီးရင် သူသာ ဒုတိယ အကြီးအကဲဖြစ်ရမယ်ဆိုတဲ့စိတ်နဲ့ဆန့်ကျင်တာပဲ။

၁၉၄၃ ခုနှစ် သြဂုတ်လ ၁ ရက်၊ ဂျပန်ကလွတ်လပ်ရေးပေးပြီး မြန်မာစစ်တပ်ပြန်ဖွဲ့တဲ့အခါ ဗိုလ်ချုပ်အေင်ဆန်းကစစ်ဝန်ကြီး၊ ဗိုလ်နေဝင်းက ဗိုလ်မှူးကြီးစစ်ဦးစီးချုပ်(သေနာပတိ)ခန့်ထားခဲ့တယ်။ ဒီလိုခန့်တာဟာ သူ့အရည်အချင်းကြောင့်မဟုတ်။ နှစ်ပါတီညီညွတ်ရေးကြောင့်ပေးတာပဲ။ သခင်ဗစိန်၊ သခင်ထွန်းအုပ်တို့က ဗိုလ်နေဝင်းကိုသေနာပတိပေးဖို့ တောင်းဆို တာကြောင့်ပဲ။ “ဗိုလ်အောင်ဆန်းအပါအဝင်ရဲဘော်သုံးကျိပ်က ဘာမှမအသုံးမကျဘူး၊ အလုပ်လည်းမလုပ်ဘူး”လို့ ဗိုလ်နေဝင်းခေါင်းဆောင်တဲ့ ဗိုလ်အောင်ကြီးတို့အုပ်စုကပြောပြီး လူငယ်တွေကိုစည်းရုံးခဲ့ကြတယ်။

ဒီမှာ(သူတော်ချင်းချင်း သတင်းလွေ့လွေ့ပေါင်းဖက်တွေ့)ဆိုတဲ့စကားအတိုင်း ဗိုလ်နေဝင်းနဲ့ဗိုလ်အောင်ကြီးစတဲ့ ဆိုရှယ်လစ်စစ်ဗိုလ်အုပ်စု(အဲ့ဒီတုန်းက ဗိုလ်အောင်ကြီးသည်ပင် ဗိုလ်ကြီးအဆင့်ပဲရှိသေးတယ်)ဟာ ဆရာမွေးချင်သူနဲ့ တပည့်မွေးချင်သူတွေ ဆုံမိကြတာကိုး။ ဗိုလ်မောင်မောင်၊ ဗိုလ်အောင်ကြီး၊ ဗိုလ်အောင်ရွှေတို့က ဗိုလ်ချုပ်အောင်ဆန်း ဗိုလ်လင်္ကျာတို့ကို အန်တုဖက်ပြိုင်ချင်ကြတယ်။ ဒါပေမယ့် ဒီလိုဖက်ပြိုင်နိုင်ဖို့က ဂုဏ်တူဒြပ်တူလိုတယ်လေ။ အနိမ့်ဆုံး အရည်အချင်းမမီရင်တောင် ရာထူးအဆင့်အတန်းတော့ရှိဖို့လိုတယ်။

ဗိုလ်နေဝင်းကလည်း ဗိုလ်လင်္ကျာ ဗိုလ်အောင်ဆန်းတို့ကိုတိုက်ဖို့ နောက်လိုက်နောက်ပါလိုတယ်။ ရှာတယ်။ ဒီမှာတင် ဗိုလ်အောင်ကြီးအုပ်စုနဲ့ဗိုလ်နေဝင်း တပည့်မွေးဆရာမွေးနဲ့စနစ်နဲ့ ပေါင်းဖက်မိကြတယ်။ ဗိုလ်နေဝင်းတို့ဟာ ဗိုလ်လင်္ကျာကိုသာမကတော့ပဲ ဗိုလ်ချုပ်အောင်ဆန်းကိုပါ ဝေဘန်တိုက်ခိုက်လာကြတာကလားကွဲ့။ မင်းတို့ဗိုလ်ချုပ်နဲ့ကိုသန်းထွန်းတို့က သိပေမယ့် ညီညွတ်ရေးပျက်မှာစိုးလို့ နှုတ်ပိတ်ရေငုံနေခဲ့ကြတယ်။ ဒါပေမယ့် တော်လှန်ရေးကြီးဖြစ်ဖို့ လအနည်းအလို (၁၉၄၅)ခုနှစ်လောက်ထဲမှာ အရေးမယူလို့မဖြစ်တဲ့အခြေ ရောက်လာလို့ ဗိုလ်နေဝင်းကိုစစ်သေနာပတိအဖြစ်ကနေ စစ်ဦးစီးချုပ်ရာထူးကိုချလိုက်တယ်။ ဒါဟာ ပထမအဆင့်ပဲ။ ဒုတိယအဆင့်က စစ်ဦးစီးချုပ်ဗိုလ်နေဝင်းကို ရိက္ခာထောက်ပံ့ရေးမှူးအထိ အရာချလိုက်တယ်။ ဒီလိုချရတဲ့အကြောင်းက (၁၉၄၃)ခု ဒီဇင်ဘာထဲမှာ အောင်လံစစ်သေနာပတိရုံးမှာ ဗိုလ်အောင်ကြီး ဗိုလ်မောင်မောင်တို့ကလာတွေ့ပြီး “စစ်ဝန်ကြီး ဗိုလ်ချုပ်အောင်ဆန်းက သူသွားရာနေရာတိုင်း ဂျပန်အကြံပေးအရာရှိချုပ်ဗိုလ်ချုက်ဆာဝါမိုတိုက တကောက်ကောက်လိုက်နေတယ်..ဗိုလ်ကြီးကဝါရှီမာကလည်း အလစ်မပေးဘူး။ ဒါ့ကြောင့် ငါ့ကိုယ်စား မင်းတို့ အစည်းအဝေးမှာ ဗိုလ်နေဝင်းကိုခေါင်းဆောင်ခိုင်း၊ မင်းတို့အစည်းအဝေးကဆုံးဖြတ်တဲ့အတိုင်း ဂျပန်တော်လှန်ရေးစမယ်” လို့ပြောသတဲ့။ ဗိုလ်နေဝင်းကလည်းသဘောတူပြီး သဘာပတိလုပ်သတဲ့။ အဲ့ဒီ အစည်းအဝေးက (၁၉၄၄)ခု ဇူလိုင်(၂၂)ရက်နေ့မှာ တော်လှန်ရေးစဖို့ ဆုံးဖြတ်ခဲ့တာဆိုကိုး။ အစည်းအဝေးတက်ခဲ့တဲ့ဗိုလ်ရန်အောင်၊ သခင်သာညှင်းတို့က ရန်ကုန်မှာ သခင်သန်းထွန်းနဲ့တွေ့ပြီး အစည်းအဝေးအကြောင်းပြောတော့ သခင်သန်းထွန်းအတော်အံ့သြပြီး ဗိုလ်အောင်ဆန်းကို အကြောင်းကြားတာကိုး။ ဗိုလ်အောင်ဆန်းဟာ သိသိချင်း ဗိုလ်နေဝင်းကိုခေါ်ပြီး “ခင်ဗျား သေနာပတိမလုပ်နဲ့တော့ စစ်ဦးစီးပဲလုပ်” ဆိုပြီး ရာထူးချလိုက်တယ်တဲ့။ ဖက်ဆစ်တော်လှန်ရေး ပြီးစမှာ တပ်ကထုတ်ဖို့အထိဆုံးဖြတ်ခဲ့တယ်။ သခင်သန်းထွန်းက ညီညွတ်ရေးပြိုကွဲလို့မဖြစ်ဘူးဆိုပြီးအတင်းတားတာနဲ့ မထုတ်ဖြစ်ခဲ့ဘူးတဲ့။ ဗိုလ်နေဝင်းဟာ ဗိုလ်အောင်ဆန်းကိုပါ အန်တုလာတာတွေ၊ ပြိုင်လာတာတွေနဲ့ တခြားအကြောင်းတွေလည်း ရှိသေးသတဲ့။

(မနက်ဖြန် ဆက်ရိုက် ဆက်တင်ပေးပါ့မယ်)