Monday, June 24, 2013

ကြံ့ခိုင်ရေးပါတီအစည်းအဝေး ဒီမိုကရေစီနှင့်ရင်ကြားစေ့ရေးအတွက် မူဝါဒမထုတ်ပြန်နိုင်(ဧရာဝတီသတင်းဌာန)

0 comments
ကြံ့ခိုင်ရေးပါတီအစည်းအဝေး ဒီမိုကရေစီနှင့်ရင်ကြားစေ့ရေးအတွက် မူဝါဒမထုတ်ပြန်နိုင်(ဧရာဝတီသတင်းဌာန)
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (ကြံ့ခိုင်ရေးပါတီ) က ပထမဆုံးသော ဗဟိုအလုပ်အမှုဆောင်ကော်မတီအစည်းအဝေးကို ဇွန်လ ၂၂ ရက်နေ့မှ ၂၄ ရက်နေ့အထိကျင်းပပြုလုပ်ခဲ့သော်လည်း ဒီမိုကရေစီပြုပြင်ပြောင်းလဲရေးနှင့် အမျိုးသားရင်ကြားစေ့ရေးအတွက် တိကျ ရှင်းလင်းသောမူဝါဒထုတ်ပြန်နိုင်ခြင်းမရှိကြောင်း သတင်းရရှိသည်။
နေပြည်တော်ရှိ ကြံ့ခိုင်ရေးပါတီဌာနချုပ်တွင် ကြံ့ခိုင်ရေးပါတီ၏ဗဟိုအလုပ်အမှုဆောင်ကော်မတီအစည်းအဝေးအပြီး  သတင်းစာရှင်းလင်းပွဲတရပ် ယနေ့ကျင်းပခဲ့သော်လည်း မြန်မာ့ဒီမိုကရေစီအရေးနှင့် အမျိုးသားရင်ကြားစေ့ရေးအတွက်အရေးကြီးသည့် ၂ဝဝ၈ ဖွဲ့စည်းပုံအခြေခံဥပဒေပြင်ဆင်ရေး၊ အချိုးကျကိုယ်စားပြုစနစ် (PR စနစ်)အပါအဝင် နိုင်ငံရေးဆိုင်ရာမူဝါဒများကို တိကျရှင်းလင်းစွာထုတ်ပြန်နိုင်ခဲ့ခြင်း မရှိကြောင်းသိရှိရသည်။
၂ဝ၁၅ ရွေးကောက်ပွဲတွင် PR စနစ် အသုံးပြုရေးအတွက် ဒီမိုကရေစီမိတ်ဆွေ ၁ဝ ပါတီက ပြည်ထောင်စုရွေးကောက်ပွဲကော်မရှင်သို့တင်ပြသည့်အတွက် ရွေးကောက်ပွဲကော်မရှင်က မေလ ၁၃ ရက်နေ့တွင် ပြည်ထောင်စုလွှတ်တော်သို့ PR စနစ် အသုံးပြုရေးကိစ္စဆွေးနွေးဆုံးဖြတ်ပေးရန်တင်ပြထားရာ ကြံ့ခိုင်ရေးပါတီက PR စနစ်နှင့်ပတ်သက်ပြီးလေ့လာမှုများပြုလုပ်နေကြောင်း၊ PR စနစ်အတွက် ဆုံးဖြတ်ချက်မပေးနိုင်သေးကြောင်း ကြံ့ခိုင်ရေးပါတီဒုတိယဥက္ကဋ္ဌဦးဌေးဦးက ပြောသည်။
“နိုင်ငံရေးသဘောမျိုးအနေနဲ့ ဆွေးနွေးတာမဟုတ်ပါဘူး။ ပညာရပ်ပိုင်းဆိုင်ရာလေ့လာဆွေးနွေးမှုအနေနဲ့ PR စနစ်ကို စာတမ်းဖတ်ဆွေးနွေးကြတာဖြစ်ပါတယ်။ ဒီ PR စနစ်အပေါ်မှာ နိုင်ငံနဲ့ပြည်သူ့အကျိုးအတွက် အကျိုးရှိမယ့်အလုပ်တွေကို ဆက်လက်ဆောင်ရွက်နိုင်ဖို့ ဒီနေ့အစည်းအဝေးသည် ဗဟိုအလုပ်မှုဆောင်ကော်မတီကိုလွှဲပေးတယ်လို့ ကျနော်တို့ဆုံးဖြတ်ပါတယ်။ ဗဟိုအလုပ်အမှုဆောင်ကော်မတီသည် နိုင်ငံနဲ့ပြည်သူ့အကျိုးအတွက်ကို PR စနစ်နဲ့ပတ်သက်လို့ရော၊ ကျန်တဲ့စနစ်တွေနဲ့ပတ်သက်လို့ရော ဆက်ပြီးဆုံးဖြတ်ဆောင်ရွက်သွားပါမယ်။ ဒီနေ့ ဆုံးဖြတ်ချက်မချသေးပါဘူး” ဟု ဦးဌေးဦးက ဆိုသည်။
သတင်းစာရှင်းလင်းပွဲတက်ရောက်လာသည့်သတင်းထောက်များက ၂ဝဝ၈ ဖွဲ့စည်းပုံအခြေခံဥပဒေပြင်ဆင်ရေး၊ ဖက်ဒရယ်ပြည်ထောင်စုစနစ်ကိစ္စရပ်များနှင့်ပတ်သက်ပြီး ဦးဌေးဦးကိုမေးမြန်းကြသော်လည်း ဦးဌေးဦးက ရှင်းလင်းတိကျသောအဖြေမပေးနိုင်ခဲ့ဟု သိရှိရသည်။
“ဖက်ဒရယ်ဆိုတာ ခွဲထွက်ခြင်းဆိုတာကို ကျနော်တို့ပါတီအနေနဲ့ လုံးဝလက်မခံပါဘူး။ ဖက်ဒရယ်သည် ပြည်ထောင်စုပါပဲ။ ဖက်ဒရယ်ဆိုတဲ့သဘောကို ကျနော်တို့ပါတီသည် ခွဲထွက်တယ်လို့သဘောမထားဘူး။ ဒါကြောင့် ဒီသဘောဆောင်သလား မဆောင်သလားဆိုတာကို ဖွဲ့စည်းပုံအခြေခံဥပဒေကို ပြန်သုံးသပ်နေပါတယ်။ သုံးသပ်ပြီးတဲ့အချိန်ကျရင်တော့ အဲဒီသုံးသပ်ချက်တွေ ဒီနေ့အစည်းအဝေးနဲ့တင်မပြီးပါဘူး။ ဒါနဲ့ပတ်သက်လို့ အချက်အလက်တွေ၊ စာတမ်းတွေ ကျနော်တို့ပြုစုတယ်။ကျွမ်းကျင်တဲ့သူတွေနဲ့ဆွေးနွေးနေတယ်။ ဆွေးနွေးတင်ပြချက်တွေအားလုံးကို
နိုင်ငံတော်နဲ့ပြည်သူအကျိုးအတွက် လိုအပ်သလိုအသုံးပြုနိုင်ရန် ဒီတာဝန်ကို ဗဟိုအလုပ်အမှုဆောင် အဖွဲ့ကိုဆက်ပေးထားပါတယ်။ လောလောဆယ်အနေနဲ့ ဘာလုပ်မယ်၊ ဘာပြင်မယ်ဆိုတဲ့ဆုံးဖြတ်ချက် မရှိသေးဘူး” ဟု ဦးဌေးဦးက ဆက်ပြောသည်။
၂ဝဝ၈ ခုနှစ် ဖွဲ့စည်းပုံအခြေခံဥပဒေပြင်ဆင်ရေးနှင့်ပတ်သက်၍ မည်သည့်အချက်ပြင်ဆင်မည်ကို မပြောနိုင်သေးသည့်အပြင်၊ ပြင်ဆင်မည်ဟုလည်း တိကျစွာပြောဆိုနေခြင်းမဟုတ်ကြောင်း ဦးဌေးဦးကရှင်းပြသည်။ “အခြေခံဥပဒေ ပြင်ဖို့လိုရင် ပြင်ရမယ်၊ ပြင်ဖို့မလိုရင် မပြင်ဘူး။ ဘယ်အချက်ကိုပြင်မယ်လို့လည်း မသိသေးဘူး။ အခုအချိန်တော့ ပြောရခက်ပါတယ်။ ပြင်ဆင်သင့်တာတွေပြင်ဆင်ဖို့ လွှတ်တော်မှာအဆိုတင်ထားတယ်။ ပါတီဒုတိယဥက္ကဋ္ဌသူရဦးအေးမြင့်ပြောတာ ရှင်းရှင်းလေးပါပဲ။ ပြင်ဆင်မယ်လို့ ပြောနေတာမဟုတ်ဘူး။ ပြင်မယ်ဆိုရင် စဉ်းစားလို့ရအောင် ကော်မတီဖွဲ့ပေးပါလို့ သူပြောတာပဲရှိတယ်။ ပြင်မယ်ဆိုတာ ကျနော်တို့ကြားတယ်၊ ဥပဒေတရပ်ကိုပြင်မယ်ဆိုရင် လွှတ်တော်ကပဲလုပ်ရမှာပဲ။ လွှတ်တော်အနေနဲ့ပြင်မယ်ဆိုရင် စဉ်းစားပြီး ပြင်ဆင်နိုင်မယ့်ကော်မတီ သို့မဟုတ် ကော်မရှင်တရပ်ဖွဲ့စည်းပေးပါလို့ သူပြောတာပါ။ ပြင်ချင်လို့ ကော်မတီဖွဲ့ပေးပါလို့အဆိုတင်ခဲ့တာ မဟုတ်ဘူး” ဟု ဦးဌေးဦးကပြောသည်။
ကြံ့ခိုင်ရေးပါတီ၏ဥက္ကဋ္ဌ သူရဦးရွှေမန်းက အမေရိကန်ခရီးစဉ်အတွင်း အမျိုးသားဒီမိုကရေစီအဖွဲ့ချုပ် (NLD)နှင့် ကြံ့ခိုင်ရေးပါတီ ညွန့်ပေါင်းအစိုးရဖွဲ့မည်ဟုပြောဆိုချက်နှင့်ပတ်သက်ပြီး မှတ်ချက်ပေးရန်စောနေသေးကြောင်း ဦးဌေးဦးက ဆက်လက်ပြောဆိုသည်။
“ပါတီဥက္ကဋ္ဌ အမေရိကန်ကပြန်လာချိန်မှာ ကျနော်တို့နဲ့တွေ့ပါတယ်။ ပါတီဗဟိုကော်မတီညီလာခံကိုလည်း  လာတက်ပါတယ်။ အမေရိကန် ခရီးစဉ်မှာပါသွားတဲ့ ဦးသိန်းဆွေလည်းရှိပါတယ်။ ဒီ ညွန့်ပေါင်းအစိုးရကိစ္စနဲ့ပတ်သက်တဲ့အကြောင်းအရာတခုမှ ဆွေးနွေးတာမရှိပါဘူး။ နောက်တခုက ဒီအခြေအနေ ဒီအချိန်အခါမှာ အစိုးရဖွဲ့စည်းဖို့ ပြောရမယ့်အချိန်လား၊ ပြောရော ပြောမှာလား။ ဒါစဉ်းစားကြည့်ပါလို့ပဲ ကျနော် ပြောချင်ပါတယ်။ ဖွဲ့စည်းမယ်ဆိုရင်လည်း စောများ စောနေသလား။ ဗဟိုအလုပ်အမှုဆောင်အဖွဲ့ အစည်းအဝေးမှာလုံးဝမဆွေးနွေးဘူး” ဟု ဦးဌေးဦးက ဆိုသည်။
လတ်တလောအငြင်းပွားစရာဖြစ်နေသည့် အမျိုးစောင့်ဥပဒေကိစ္စနှင့်ပတ်သက်ပြီးဖြေဆိုရာတွင် ဦးဌေးဦးက ပြည်သူအကျိုးပြုသောဥပဒေဖြစ်လျှင် လုပ်ဆောင်ရမည်ဖြစ်ကြောင်း၊ လက်ရှိတွင် အမျိုးစောင့်ဥပဒေအကြောင်း သေချာရေရာစွာမသိရှိသေးဟု ဆိုသည်။ “ဥပဒေတိုင်းဟာ နိုင်ငံနဲ့ပြည်သူအတွက်အကျိုးရှိမယ်ဆိုရင် လုပ်ရမှာပေါ့။ ဥပဒေပြုရေးဆိုတဲ့တာဝန်ဟာ လွှတ်တော်တွေရဲ့တာဝန်ပဲ။ နိုင်ငံနဲ့ပြည်သူအတွက်အကျိုးရှိမယ်ဆိုတဲ့ဥပဒေ လုပ်ကြမှာပဲ။ အကျိုးရှိဖို့တော့လိုတယ်။ အကျိုးရှိမယ်ဆိုရင် လုပ်မယ်။ နာမည်ကတော့ ကောင်းပါတယ်။ အမျိုးစောင့်ဥပဒေဆိုတော့ နာမည်လေးကြားရုံနဲ့တော့ အကျိုးရှိမယ်၊ မရှိဘူးဆိုတာ မဆုံးဖြတ်နိုင်ဘူး။ ဘာအချက်အလက်တွေပါသလဲဆိုတာမသိသေးတဲ့အတွက် ကျနော် ပြောလို့တော့မရဘူး” ဟု ဦးဌေးဦးက ဆိုသည်။
ကြံ့ခိုင်ရေးပါတီအတွင်း သဘောထားကွဲလွဲမှုများရှိနေသည်ဆိုသောသတင်းများကိုလည်း ဦးဌေးဦးက ငြင်းဆိုသည်။
၃ ရက်ကြာ ကြံ့ခိုင်ရေးပါတီ၏ ဗဟိုအလုပ်အမှုဆောင်အစည်းအဝေးသို့ ဗဟိုကော်မတီဝင်များ၊ အရန်ဗဟိုကော်မတီဝင်များအပါအဝင် စုစုပေါင်း အင်းအား ၃ဝဝ ကျော် တက်ရောက်ကြောင်းသိရှိရသည်။
ယူတာက http://burma.irrawaddy.org/archives/42899



0 comments:

Post a Comment