ဖယောင်းတိုင်ည (ဝင်းဖေ)
စွမ်းအင်ပြတ်တောက်သွားလို့ အလုပ် ရပ်ထားကြရတယ်။ ပန်ကာတွေ ရပ်၊ လေအေးစက်တွေလည်း ရပ်၊ ခဏနေတော့ အခန်းထဲမှာ သိပ်ပူအိုက်လာတယ်။ အဲသည်တော့ တံခါးတွေအကုန်ဖွင့်ရပြီ။ မှောင်စပျိုးပြီ။
အခန်းထဲမှာ သည်အတိုင်း ဆက်ထိုင်နေကြလို့ မဖြစ်တော့ဘူး။ ဖယောင်းတိုင်တွေ ထွန်းကြရတယ်။
အပြင်က ခြင်တွေ ဝင်လာတယ်။
တံခါးတွေပိတ်တော့ လေမဝင်။
လေဝင်အောင် တံခါးတွေဖွင့်တော့ လေဝင်တာက တော်တော်ရယ်။ ခြင်တွေဝင်လာတာက ပိုများတယ်။
များတော့ဘာဖြစ်လဲ၊ တဖျပ်ဖျပ်နဲ့ရိုက်ကြပေါ့။ ဒါ လုပ်နေကျပဲ။ ပူအိုက်ပြီး ခြင်ကိုက်နေတဲ့အချိန်မှာ အပျင်းပြေ ထွေရာလေးပါး လျှောက်ပြောကြဖို့တောင် တော်တော်ခက်တယ်။ ဒါပေမဲ့ တခြားလုပ်စရာမှ မရှိဘဲ။ တစ်ယောက်တစ်ပေါက် လျှောက်ပြောကြတာပါပဲ။
အဆိုတော် ညီအစ်မနှစ်ယောက်ကလွဲလို့ အခန်းထဲမှာ အားလုံးယောက်ျားချည်းပဲ။ မိန်းကလေးတွေရှေ့မှာ ယောက်ျားတွေဟာ အနည်းအများ ရယ်စရာကောင်းတယ်။ တစ်ခုတော့ရှိတယ်၊ မိန်းကလေးအုပ်စုထဲမှာ ယောက်ျားတစ်ယောက် နှစ်ယောက်(ဆွေမတော် မျိုးမစပ်) ရှိနေရင်လည်း သည်လိုပါပဲ။
“ကော်ဖီမစ်(က)(စ) တွေတော့ပါတယ်၊ သောက်ကြမလား”
အဆိုတော်ညီအစ်မက မိန်းမသားများပီပီ ကျွေးချင်မွေးချင်ကြတယ်။
“ဟာ ... သိပ်ကောင်းတာပေါ့ဗျာ၊ ထမင်းကားကလည်း တော်တော်နဲ့ လာပုံမပေါ်ဘူး”
အားလုံး ကန့်ကွက်သူ မရှိ၊ ထောက်ခံကြတာပါပဲ။
ဒါပေမဲ့ ရေနွေးတည်ဖို့ မီးမလာ။
ဟုတ်သားပဲ၊ မီးမလာလို့ ထိုင်နေကြရတဲ့ဟာကို။
စတူဒီယိုပိုင်ရှင် ကိုတော်မီတို့အိမ်က ကပ်လျက်ပဲ။ ရေနွေး သွားတောင်းရင်တော့ ရနိုင်ပါရဲ့။ ဒါပေမဲ့ အားနာစရာကြီး၊ နေပါစေတော့။
ကိုတော်မီ့ချစ်ချစ် မတုတ်တုတ်ကလည်း အပြင်သွားနေတယ် မဟုတ်လား။
ခဏနေတော့ ရေချိုးခန်းထဲက ကိုသန်းခင် အူကြောင်ကြောင်နဲ့ထွက်လာတယ်။
“ရေချိုးနေတာဗျာ၊ ဆပ်ပြာလည်းတိုက်ပြီးရော ရေတိုင်ကီထဲမှာ ရေကုန်သွားလို့၊ ဒုက္ခပါပဲ”
“ဟာ ... တိုင်ကီထဲမှာရေကုန်သွားရင် ရေတင်လိုက်လေဗျာ၊ ရေချိုးခန်းအပေါက်ရဲ့ဘယ်ဘက်ဘေးက ခလုတ်က မော်တာခလုတ်ပဲ”
“ခင်ဗျားကလဲ၊ မီးမလာပါဘူးဆို”
“ဪ ... ဟုတ်သားပဲ၊ မေ့လို့ မေ့လို့”
လူတွေဟာ လျှပ်စစ်နဲ့ တော်တော်ကြီးကို နက်နက်ရှိုင်းရှိုင်းပတ်သက်နေကြပြီကိုး။ ဟိုး ရှေးရှေးကများ သီချင်းဆိုချင် ဆိုလိုက်ရုံပဲ။ နားထောင် ချင်ရင်လည်း ဆိုတတ်တဲ့လူ ဆိုခိုင်းလိုက်။ ပွဲလမ်းသဘင် တွေလည်း သည်လိုပါပဲ။ လျှပ်စစ်တွေ ဘာတွေ မရှိခင်က ပြောပါတယ်။
ခုလည်း ဖြစ်တော့ ဖြစ်ပါတယ်။ ဒါပေမဲ့ မဖြစ်တော့ဘူး။
အသံသွင်းဟယ်၊ အသံထုတ်ဟယ်၊ အသံဖွင့်ဟယ် စသဖြင့်ပေါ့လေ၊ လျှပ်စစ်ကိစ္စနဲ့ လုပ်ကြရတယ်။
ဟော ... လျှပ်စစ်မရှိတဲ့အခါမှာ လူတွေဟာ လေဖြတ်သွားတာလိုလို၊ သွက်ချာပါဒ ဖမ်းသွားတာလိုလို ခံစားကြရတယ်။
တစ်ခုတော့ရှိတယ်။ လောလောဆယ် ရှည်ရှည်ဝေးဝေး သိပ်ခေါင်းရှုပ်ခံမနေနဲ့။ စောင့် ... ဒါပဲ။
မီးလာတဲ့အခါ လုပ်စရာရှိတာ ထလုပ်၊ စားစရာရှိတာ ထစား၊ ဒါပဲ။ ပျင်းရင် စကားမရှိ စကားရှာပြောကြ။ မပြောချင်လည်း စာအုပ်ကလေးဘာလေး ဖတ်နေပေါ့။
ဪ ... မေ့လို့၊ မီးမှ မရှိဘဲ။ လူတွေဟာ ဖယောင်းတိုင်မီးနဲ့ စာမဖတ်တတ်ကြတော့ဘူး။
မဖတ်မဖြစ် ဖတ်ရမယ်ဆိုမှ မီးရောင်နားတအားကပ်ပြီး ကြိုးစားဖတ်ကြမယ်၊ ဒါပဲ။
ဟာ ... ခြင်တွေကလည်း ပေါလိုက်တာ။
“ကိုဇက် ... ဘယ်နှစ်နာရီလောက်ရှိပြီလဲ”
အခန်းထဲမှာ လူတွေအတော်များပေမယ့် ကိုဇက်တစ်ယောက်ပဲ လက်ပတ်နာရီပါတာ တွေ့ကြရတယ်။
ကိုဇက်က သူ့ လက်ပတ်နာရီကို စတိုင်နဲ့ မြှောက်ကြည့်လိုက်တယ်။
“ခုနစ်နာရီခွဲပြီးလို့ နှစ်မိနစ် ... နေဦး”
ကိုဇက်က ဖယောင်းတိုင်မီးနဲ့ကပ်ပြီး ကြည့်တယ်။
“ဟုတ်တယ်၊ ခုနစ်နာရီခွဲပြီးလို့ နှစ်မိနစ် ရှိပြီ“
“ဟုတ်ရဲ့လားဗျာ”
“ဟာ ... ခင်ဗျား တော်တော်ခွကျတဲ့လူပဲ၊ ကျုပ်နာရီက အိုမီဂါဗျ၊ နှယ်နှယ်ရရမဟုတ်ဘူး”
ကိုဇက် တော်တော် ဂြိုဟ်ကျသွားတယ်။ ပြီးတော့ သူ့နာရီ ဘယ်လောက်ကောင်းကြောင်း၊ လေယာဉ်မောင်းတဲ့ပိုင်းလော့တွေမှသုံးတဲ့ အမျိုးအစားဖြစ်ကြောင်း၊ သူ ဘယ်လိုဘယ်လို ရအောင် ဝယ်ခဲ့ရတာ၊ ဘာညာနဲ့ အကြီးအကျယ်ပြောပြတယ်။
သိတယ်မဟုတ်လား၊ ဟို အဆိုတော် ညီအစ်မကလည်းရှိနေတယ်ဆိုတော့။
ကမ္ဘာပေါ်မှာ အကျော်ကြားဆုံးနာရီတွေထဲမှာ အိုမီဂါလည်း ထိပ်တန်းကပါတာပဲ။ အိုမီဂါ ကြော်ငြာတွေဆို အမြဲတမ်း တခမ်းတနားပဲဟာ။
တကယ့် ကမ္ဘာကျော်ပုဂ္ဂိုလ်ကြီးတွေထဲက အိုမီဂါကိုမှ ရွေးချယ်အသုံးပြုနေကြတာတွေကလည်း နည်းတာမှ မဟုတ်တာ။ ကိုဇက်နာရီဆို ဈေးမသေးဘူး။ သူ ပြောတာမှန်တယ်။ လေယာဉ်မောင်းတဲ့ပိုင်းလော့တွေ သုံးတဲ့ အမျိုးအစားပဲ။ ဒီဇိုင်းကိုမြင်ရုံနဲ့ သိသာပါတယ်။ ဘယ်လောက်ကောင်းအောင်လုပ်ထားတယ် ဆိုတာ။
ကိုဇက်ဘဝမှာ ချစ်သူနဲ့လက်ထပ်မလား၊ သည်နာရီကိုဝယ်မလားဆိုတဲ့ လမ်းဆုံလမ်းခွကို ရောက်ခဲ့ဖူးတယ်။
ဒါလည်း အမှန်ပဲ။ အားလုံး တစ်စွန်းတစ်စတော့ ကြားဖူးကြတာပဲ။
ချစ်သူကိုလည်း မစွန့်ရအောင်၊ နာရီလည်း ဝယ်လို့ရအောင် သူဘယ်လို အကြံအဖန်တွေလုပ်ခဲ့ရတယ်ဆိုတာကို ပြောပြတယ်။ တဝါးဝါးနဲ့ ရယ်နေကြရတယ်။ ချစ်သူနဲ့လက်ထပ်ဖို့ ငွေလိုတယ်။ အိုမီဂါဝယ်ဖို့ ငွေလိုတယ်။
လက်ထပ်လိုက်ရင် အိုမီဂါ မဝယ်နိုင်ဘူး။ အိုမီဂါ ဝယ်လိုက်ရင် ချစ်သူနဲ့လက်ထပ်ဖို့ ငွေမရှိတော့ဘူး၊ ဒါပါပဲ။ ပြဿနာကရှင်းရှင်းလေးပါ။
သည်တော့ သူ ဘယ်လိုလုပ်ရမလဲ။ သူ စဉ်းစားတွေးခေါ်ပုံတွေကိုက သိပ်ရယ်ရတယ်။
ဘာပဲပြောပြော နောက်ဆုံးတော့ အိုမီဂါကို အလျင်ဝယ်ချလိုက်တယ်။
နောက်တော့ သူ ဘယ်လို လက်ထပ်ဖို့ ကြိုးစားခဲ့ရသလဲ။
အဲသည်အချိန်မှာ မီးပြန်လာတယ်။
အားလုံး ကလေးတွေလိုပဲ “ဟေး” လို့ အော်မိကြတယ်။
တစ်ခန်းလုံးလည်း လင်းကျင်းသွားတယ်။
ဖယောင်းတိုင်မီးတွေကို မှုတ်ပစ်ကြ၊ တံခါးတွေပြန်ပိတ်ကြ၊ လေအေးစက်ကို ပြန်ဖွင့်ဖို့လုပ်ကြနဲ့ ပျာယာခတ် သွားတယ်။
မြူဇစ်ရှင်တွေလည်း အလုပ် ပြန်စကြတော့မယ်။ အသံဖမ်းတာဝန်ခံလည်း သူ့အခန်းထဲ သူ ပြန်ဝင်သွားပြီ။
ဖျတ်ခနဲ မီးပြန်ပျက်။
အားလုံး တစ်ပြိုင်နက် မကျေနပ်သံတွေ ထွက်လာကြပြန်တယ်။
ဖယောင်းတိုင်တွေ ပြန်ထွန်း။
တံခါးတွေ ပြန်ဖွင့်။
ကိုယ့်နေရာ ကိုယ်ပြန်ထိုင်ကြ။
ကိုဇက်ရဲ့ အိုမီဂါအကြောင်းပြန်စဖို့ ကြိုးစားနေကြတုန်း မန္တလေးကအဆိုတော် ကိုဖြိုးကြီး ရောက်လာတယ်။ ဟန်ကျတာပဲ။ ကိုဖြိုးကြီးကလည်း နာရီအကောင်းစားတွေအကြောင်း ကောင်းကောင်းသိတဲ့ပုဂ္ဂိုလ်ပဲ။
ကိုဖြိုးကြီးက ကိုဇက်ရဲ့အိုမီဂါကို အစကတည်းက သတိပြုမိနေပြီးသားပါတဲ့။ ကိုဇက် ပြောတာတွေ အကုန်မှန်ကြောင်း ထောက်ခံပါတယ်။
သည်တော့ ကိုဖြိုးကြီးရဲ့လက်ကနာရီကို သတိပြုမိကြတယ်။
ကိုဖြိုးကြီးက သူ့နာရီအကြောင်းကို မပြောချင်ပြောချင်နဲ့ ဖြည်းဖြည်းချင်း ပြောပြတယ်။
သူ့နာရီကိုထုတ်လုပ်တဲ့ကုမ္ပဏီ နာမည်က တော်တော် အမှတ်ရ အသားရခက်တယ်။ ဆွစ်ဇာလန်က လုပ်တာပဲ။ အဲသည်ကုမ္ပဏီက အစဉ်အလာအတော်ကြီးတာပဲ။
နာရီတန်ဖိုးမေးလိုက်တော့ ကိုဖြိုးကြီးက ချက်ချင်းမဖြေဘူး၊ သူ့အနေနဲ့ အချောင်ရလိုက်တာဖြစ်ကြောင်း ပြောပြတယ်။
တစ်နေ့ သူက နာရီဆိုင်တွေတစ်တန်းကြီးရှိတဲ့ အနော်ရထာလမ်းမှာ လျှောက်ကြည့်နေတုန်း လူတစ်ယောက်က အဲသည်နာရီကို နာရီဆိုင်တစ်ဆိုင်မှာ ရောင်းဖို့ကြိုးစားနေတာ တွေ့ရသတဲ့။ နာရီဆိုင်ကလူတွေ အဲသည်နာရီကို သေသေချာချာ အပြန်ပြန်အလှန်လှန် စစ်ဆေးကြည့်ရှုကြသတဲ့။ ကိုဖြိုးကြီးကလည်း နာရီကျွမ်းကျင်သူပဲဆိုတော့ စိတ်ဝင်စားလွန်းလို့ ရပ်ပြီးကြည့်နေသတဲ့။ နောက်တော့ နာရီဆရာတွေက လာရောင်းတဲ့အဲသည်လူကို ဘယ်လောက်ရချင်သလဲလို့ မေးကြသတဲ့။ ဟိုလူက သူ လိုချင်တဲ့ဈေးပြောတော့ နာရီဆိုင်ကဆရာတွေက မတန်တဆ ဆစ်ကြတယ်တဲ့။ ထုံးစံအတိုင်း အပြစ်အနာအဆာတွေလည်း ထုတ်ပြီးပြောကြသတဲ့။
ကိုဖြိုးကြီးကတော့ ဘာမှ မပြောဘဲ အသာရပ်ကြည့်နေရတာပေါ့။ နောက်ဆုံးတော့ ခပ်တိုတိုပဲ ပြောကြပါစို့။ ဈေးမတည့်ကြဘဲ အဲသည်လူက ထွက်သွားသတဲ့။ အဲဒီအခါမှ ကိုဖြိုးကြီးက အဲသည်လူနောက်ကို အသာ လိုက်သွားပြီး စောစောကလူတွေထက် ဈေးပိုပေးပြီးဝယ်လိုက်တာတဲ့။ ကိုဖြိုးကြီးလည်းဝယ်ပြီးရော စောစောက နာရီဆရာတွေလိုက်လာကြသတဲ့။ ဒါပေမဲ့ အရောင်းအဝယ်က ပြီးသွားပြီဆိုတော့ သူတို့လည်း စိတ်ပျက်လက်ပျက်နဲ့ ကိုဖြိုးကြီးကိုတောင် သူတို့ အရောင်းအဝယ်ထဲ ဝင်ရှုပ်သလိုလို ပြောကြသေးတာတဲ့။ ကိုဖြိုးကြီးက ခပ်မာမာ ပြန်ဟောက်လိုက်တော့မှ လစ်သွားကြတာတဲ့။
ဒါနဲ့ အဲသည်တုန်းက ဘယ်လောက်နဲ့ရလိုက်တာလဲလို့ ဝိုင်းမေးကြတော့ .. လေးသောင်းနှစ်ထောင် ပေးခဲ့ရသတဲ့။
အားလုံး ဟာခနဲဖြစ်သွားကြတယ်။ ကိုဖြိုးကြီး ပြောပြလို့ ထပ်ပြီးသိကြရတာက သူ့အနေနဲ့ အနည်းဆုံး တစ်သိန်းမရရင် မရောင်းဘူးတဲ့။ အခန်းထဲကလူတွေအားလုံး ကိုဖြိုးကြီးရဲ့နာရီကို ဝိုင်းကြည့်ကြတယ်။
ပုံက အတော်ကို ရိုးတယ်။ နာရီဒိုင်ခွက်ရဲ့ဒီဇိုင်းကလည်း သိပ်ရိုးတာပါ။ ဒါပေမဲ့ ဒီဇိုင်းက မှင်မောင်း သိပ်ကောင်းတယ်။ အဆင့်အတန်း သိက္ခာ ဣနြေ္ဒရှိတယ်။ အဲဒါကတော့ သိသိသာသာကြီးပဲ။
ဒါပေမဲ့ အားလုံး ခွကျကုန်တာက ဘာလဲဆိုတော့ ကိုဇက်ရဲ့ အလွန်ကောင်းပါတယ်ဆိုတဲ့ အိုမီဂါကြီးနဲ့ ကိုဖြိုးကြီးရဲ့တစ်သိန်းလောက်တန်တဲ့ နာရီကြီးဟာ အချိန်မတူကြဘူး။ နှစ်မိနစ် ကွာနေတယ်။
အဲဒီမှာ ပြဿနာ၊ မြန်မာစံတော်ချိန်နဲ့ တိုက်ထားသလားလို့မေးတော့ နှစ်ယောက်စလုံးက မြန်မာ စံတော်ချိန်နဲ့ သေသေချာချာ ဂရုတစိုက် တိုက်ထားကြတာဖြစ်ကြောင်း ပြောကြတယ်။ တကယ်တမ်း ကျတော့ နှစ်မိနစ်ဆိုတာ သိပ်မများပါဘူး။
ဒါပေမဲ့ ဒီနာရီအကောင်းစားကြီးတွေအတွက်တော့ နှစ်မိနစ်ဟာ လုံးဝ ခွင့်မလွှတ်နိုင်စရာပဲ။
ကိုဇက်ရော၊ ကိုဖြိုးကြီးရော မအီမလည်ဖြစ်နေကြတာတော့ အမှန်ပဲ။ သူ့နာရီမှန်တယ်၊ ကိုယ့်နာရီ မှန်တယ် ဆိုပြီး ထုတ်ငြင်းဖို့ကလည်းမကောင်းဘူး မဟုတ်လား။ ဒါပေမဲ့ ဘေးကလူတွေကတော့ ကာယကံရှင်တွေ မဟုတ်ကြတော့ ဝိုင်းပြီးလောင်ကြတယ်၊ နည်းနည်းလည်း ဟားကြတယ်။
အဲသည် အချိန်မှာ စတူဒီယိုပိုင်ရှင် ကိုတော်မီကို သတိရကြတယ်။ ကိုတော်မီမှာလည်း ရိုးလက်(စ)ပါပက်ကျူရယ် အကောင်းစားတစ်လုံး ရှိတယ်လေ။ တယောဆရာကြီး ရဟူဒီမနူဟင် ပတ်တဲ့ နာရီမျိုးပဲ။
ကိုတော်မီက နောက်ဖေးအိမ်မှာ ရှိနေတယ်။
ခေါ်... ခေါ်၊ ကိုတော်မီ့နာရီကလည်း ခေတဲ့နာရီမှ မဟုတ်ဘဲ။
အကျိုးအကြောင်းပြောပြီး ကိုတော်မီကိုသွားခေါ်တော့ ကိုတော်မီကလည်း သူ့နာရီနဲ့ပတ်သက်လာရင် အလွန် ဂုဏ်ယူနေခဲ့တဲ့သူ မဟုတ်လား၊ ရိုးလက်(စ)ကြီးကိုကိုင်ပြီး ချက်ချင်း ထလိုက်လာတာပဲ။
အဲဗျ ... ဒုက္ခပဲ။ သူ ရောက်လာမှ ပိုဆိုးကုန်ပြီ။ သူ့နာရီက ကိုဖြိုးကြီးနာရီနဲ့ သုံးမိနစ်တောင် ကွာနေတယ်။ ကိုဇက်နာရီနဲ့ဆို ငါးမိနစ်တောင် ကွာနေတယ်။
နာရီအကောင်းစားတွေအကြောင်းကို ကောင်းကောင်းသိကြတဲ့ ကိုဖြိုးကြီးရယ်၊ ကိုဇက်ရယ်၊ ကိုတော်မီရယ် သုံးယောက်စလုံးက ခုလိုဖြစ်ရတာ လုံးဝအဓိပ္ပါယ်မရှိကြောင်း ပြောကြတယ်။ အဲဒီမှာ တဝါးဝါး ဖြစ်ကြရ ပြန်တယ်။
ကိုဖြိုးကြီးကတော့ ပစ္စည်းသင်္ခါရ၊ လူသင်္ခါရဖြစ်တဲ့အကြောင်း၊ လောကမှာ အရာရာဟာ ဖောက်ပြန်တဲ့ သဘောရှိကြောင်း၊ ပစ္စည်းအကောင်းစားတွေမှန်ပေမယ့် ဖောက်ပြန်နိုင်၊ မှားနိုင်၊ ယွင်းနိုင်ကြတာပဲလို့ ပြောပါတယ်။
ဒါပေမဲ့ သူ့တစ်လုံးပဲမှန်ပြီး ကျန်နှစ်လုံးက သင်္ခါရ နေကြတဲ့သဘောလေသံတော့ ပါသလိုပဲ။
အဲသည်မှာ တဝါးဝါး ဖြစ်ကြရပြန်တယ်။ ကိုတော်မီကလည်း သူ့နာရီကို မြန်မာစံတော်ချိန်နဲ့ သေသေချာချာ တိုက်ထားတာ ပါပဲတဲ့။ ကဲ ... ခက်ကုန်ပြီ။
အဲသည်အချိန်မှာ မီးပြန်လာတယ်။
နာရီတွေအကြောင်း ပြန်ရပ်ကြ။ ဖယောင်းတိုင်တွေ အကုန်ပြန်ငြိမ်း။ တံခါးတွေ ပြန်ပိတ်။ လေအေးစက် ပြန်ဖွင့်။
အလုပ်ပြန်စကြဖို့ လုပ်ကြပြန်တယ်။
ထမင်းကားနဲ့ထွက်သွားတဲ့ ကိုဝင်းလည်း ပြန်လာပြီ။ သည်လိုဆိုရင် ခဏနေကြဦး၊ မထူးတော့ဘူး။ ထမင်းစားပြီးမှ အလုပ်တစ်ခါတည်းဆက်ကြရင် ကောင်းမယ်။
ဟုတ်တယ်၊ အဲဒါ ကောင်းတယ်။
ထမင်းပြင်။ ထမင်းပြင်။
အဲသည်အချိန်မှာ တစ်ယောက်က စဖောက် လာပြန်တယ်။
ကိုဝင်းလက်မှာလည်း နာရီတစ်လုံးပတ်ထားတာပဲ။ နာရီကတော့ အဝေးကမြင်ရင်ကို သိသာပါတယ်။ တော်တော်ချာတဲ့ နာရီပါ။ ရှေးနာရီအဟောင်း အညံ့စားပါ။ အချိန်မေးကြည့်တော့ ဝါးခနဲ ရယ်ကြရ ပြန်တယ်။ သူ့နာရီက ကိုတော်မီ့နာရီထက် ငါးမိနစ်နောက်ကျတယ်။ ကိုဖြိုးကြီးနာရီနဲ့ ရှစ်မိနစ်ကွာတယ်။ ကိုဇက်နာရီနဲ့ ဆယ်မိနစ်ကွာနေတယ်။ ဒါပေမဲ့ ကိုဝင်းကလည်း တစ်ပြားမှ မလျှော့နိုင်ဘူးတဲ့။ သူ့နာရီ အလွန်မှန်တဲ့အကြောင်း၊ မြန်မာစံတော်ချိန်နဲ့ သေသေချာချာ တိုက်ထားတာဖြစ်ကြောင်း၊ အမြဲ ဂရုစိုက် စစ်ဆေးတဲ့အခါမှာလည်း အလွန်မှန်နေတာတွေ့ရကြောင်း ယုံယုံကြည်ကြည်ကြီး ပြောနေပြန်ပါတယ်။
ကဲ ... ဘယ့်နှယ်လုပ်ကြမလဲ။
အလွန်တန်ဖိုးကြီးတဲ့ အမျိုးအစားသိပ်ကောင်းတဲ့ နာရီသုံးလုံးကြားမှာ အလကားပေးရင်တောင် ယူမယ့်လူ မရှိလောက်တဲ့ ဒီနာရီစုတ်က ဇွတ်စိန်ခေါ်နေပြီလေ။
ကိုဝင်းက သူ့နာရီက အုန်းပင်တံဆိပ်ဖြစ်ကြောင်း၊ ဝယ်တဲ့အချိန်က စတွက်ရင် သူ့နာရီဟာ နှစ်ပေါင်းလေးဆယ်ကျော်လာပြီဖြစ်တဲ့အကြောင်း၊ သူ့အဘိုးဆီက အမွေရတာဖြစ်ကြောင်း၊ သူ့အဘိုး လက်ထက်ကတည်းက အလွန် အချိန်မှန်ခဲ့တဲ့အကြောင်း၊ တစ်နှစ်တစ်ခါ ကြေးဆေး ပြုပြင်တဲ့အတွက် ယခုထက်တိုင် ဒေါင်ဒေါင်မြည်နေတာ ဖြစ်ကြောင်း၊ သူ့နာရီကို အလကားပေးရင် ယူမယ့်လူမရှိဆိုတာကို သူ သဘောတူကြောင်း၊ ဒါပေမဲ့ ခု သူ့ကို တစ်ထောင်လာပေးလည်း မရောင်းနိုင်ကြောင်း၊ သူ့နာရီမှာ ဖောက်ပြန်တဲ့ အစိတ်အပိုင်းဆိုလို့ နာရီကြိုးပဲ ရှိကြောင်း၊ ခဏခဏ ပြတ်ပြတ်သွားလို့ အသစ်လဲရကြောင်း၊ အဲဒါကလည်း နာရီရဲ့အရည်အသွေးနဲ့ မပတ်သက်ကြောင်း ဘာညာနဲ့ ခုခံ ငြင်းဆိုပါတယ်။
နာရီ လေးလုံးမှာ တစ်လုံးမှ မတူကြဘူး။
ဖြစ်နိုင်ခြေက မှန်စရာရှိရင် တစ်လုံးပဲ မှန်မယ်၊ ကျန် သုံးလုံးက မှားမယ်၊ လွဲမယ်။ ဒါမှမဟုတ် တစ်လုံးမှ မမှန်ဘူးဆိုတာလည်း ဖြစ်နိုင်တယ်၊ ဒါပဲ။
အဲသည်တော့ ဘာမှ စကားများမနေကြနဲ့၊ ညပိုင်းသတင်းလည်း လာတော့မယ်၊ ကက်ဆက် ရေဒီယိုလည်း ရှိနေတာပဲ၊ ရေဒီယိုဖွင့်လိုက်လေ။
ဟုတ်တာပေါ့၊ လုပ် ... လုပ်၊ ဘယ်မလဲ ကက်ဆက်၊ ဟုတ်ပြီ သည်ယူခဲ့ သည်ယူခဲ့။ ဓာတ်ခဲရှိလား၊ ဘာ ... ဓာတ်ခဲကုန်နေတယ်။ ဟုတ်လား။ ကိစ္စမရှိဘူးလေ၊ လာ ... လာ၊ သည်မှာ ပလပ်နဲ့ဂျွိုင်းလိုက်၊ ဟုတ်ပြီ။ ကဲ ... ရေဒီယိုဖွင့်။
ထမင်းသည်က ထမင်းစားချင်ကြရင် အဆင်သင့်ဖြစ်ပြီလို့ လာပြောတယ်။
ဘယ်သူမှ စိတ်မဝင်စားကြဘူး။ ရေဒီယို ဖွင့်မယ့်နေရာမှာ ဝိုင်းနေကြတယ်။
ခဏနေရင် အဖြေက ပေါ်တော့မယ်။
ဘယ်နာရီ မှန်တာလဲ။
ဘယ်နာရီတွေက မှားတာလဲ။
ဒါမှမဟုတ် လေးလုံးစလုံး လွဲနေသလား။
အကုန်လွဲနေသည့်တိုင်အောင် ဘယ်နာရီက အနီးစပ်ဆုံးလဲ။
ဘယ်လိုပဲဖြစ်ဖြစ် တစ်မျိုးမဟုတ်တစ်မျိုး ဟာသဖြစ်မှာတော့ သေချာနေပြီ။
အကောင်းစားနာရီကြီးတွေထဲက မှန်နေရင်တောင် အကောင်းစားနှစ်လုံးကတော့ ဟာသ ဖြစ်နေဦးမှာပဲ။ အဆိုးဆုံးက ကိုဝင်းနာရီကမှန်နေရင် ဒုက္ခပဲ။
အကောင်းစားနာရီကြီးတွေအတွက် မတွေးဝံ့စရာပဲ။
ကိုဖြိုးကြီးတို့သုံးယောက်ကတော့ ကိုဝင်းရဲ့နာရီကို စာရင်းထဲ ထည့်တွက်ကြပုံ မရဘူး။ ဒါပေမဲ့ ကိုဝင်းကတော့ သူ့နာရီကို ယုံကြည်မှုအပြည့်နဲ့ ခပ်တည်တည်ပဲ။
ကဲ ... ဖွင့်တော့လေ။
နေပါဦး၊ အချိန် နည်းနည်းလိုပါသေးတယ်။ ကိုဇက်နာရီနဲ့တောင် လိုနေသေးတာပဲ ဥစ္စာ။
မဟုတ်ပါဘူး၊ ကြိုဖွင့်ထားတော့ ဘာဖြစ်လဲ။
အဲသည်မှာတင် ကိုဝင်းက တစ်စခန်း ထတော့တာပဲ။
သူက သူ့နာရီကို သူ သိပ်ယုံနေသတဲ့။ အဲသည်တော့ အပျော်သဘောနဲ့ ငွေတစ်ရာကြေး လောင်းမယ်တဲ့။ သူ့အနေနဲ့ တစ်စက္ကန့်ပဲ လွဲမယ်။ မိနစ် အတိအကျမှန်ရမယ်လို့ ရဲရဲကြီး ပြောလာတယ်။
ကိုတော်မီက ကိုဖြိုးကြီးကို ကြည့်တယ်။ ကိုဇက်ကလည်း သူတို့ကို ပြန်ကြည့်တယ်။
ရေဒီယိုကတော့ မဖွင့်ရသေးဘူး။ ဘေးကလူတွေကတော့ ငိုစား ရယ်စားပဲ။ နိုင်တဲ့လူက ငွေသုံးရာ ရမယ်။ အဲဒီငွေကို အားလုံးစားပစ်ကြမယ်လို့ ဝိုင်းပြောကြတယ်။
ကိုဝင်းက သူ မယူပါဘူး၊ အားလုံးကို ကျွေးပစ်လိုက်မှာပါပဲတဲ့။
ကိုဇက်တို့သုံးယောက်က ကိုဝင်းကို ပြုံးပြီးကြည့်ကြတယ်။
ကိုဝင်းကလည်း အဲလို အကြည့်ခံရတာကိုပဲ မခံနိုင်ဘူး။ သူ့ဘက်က နှစ်ရာထည့်မယ်ထိ ဖြစ်လာတယ်။
ကိုဖြိုးကြီးတို့ဆိုတာ ငွေတစ်ရာ နှစ်ရာလောက်ကို ဂရုစိုက်နေကြတဲ့လူတွေမှ မဟုတ်ဘဲ။ ကိုတော်မီက တကယ်လို့ ကိုဝင်းနာရီသာမှန်နေရင် သူက သတ်သတ် ကိုဝင်းကို ငါးရာဆုချမယ်လို့ ပြောတယ်။ အားလုံးက ဝိုင်းပြီးလက်ခုပ်တီးကြတယ်။ ကိုဝင်းပြောတဲ့ အလောင်းအစားကိုလည်း သဘောတူ လိုက်ကြတယ်။ ဥပဒေက အတိအကျမမှန်ရင်တောင် အနီးစပ်ဆုံးမှန်တဲ့သူ အနိုင်။
အဲသည်မှာ ပြဿနာတစ်ခု ပေါ်လာတယ်။ နာရီနှစ်လုံးအကြား တစ်ဝက်စီရောက်နေရင် ဘယ့်နှယ် လုပ်မလဲ။
အိုကေ ... အဲလိုဆိုရင် နှစ်လုံး မှန်လို့ပဲ သဘောထားမယ်။ ကဲ ... ဟုတ်ပြီ၊ ပြတ်ပြီ။
ကဲ ... အိုကေပဲ၊ ရေဒီယိုဖွင့်။
ချောက် ...
ကက်ဆက်ခလုတ်ကို နှိပ်လိုက်တဲ့အခါမှာ မိန်းခလုတ်ကြီးကိုပိတ်လိုက်တာ ကျနေတာပဲ၊ အားလုံး မှောင်ကျသွားတယ်။
မီးပျက် သွားပြန်ပြီ။
အဲသည်နေ့ညက ဖယောင်းတိုင်တွေနဲ့ ထမင်းစာကြရတယ်။
------------
ဝင်းဖေ
(ဝင်းဖေ ဝတ္ထုတိုများ (စိတ်ကူးချိုချိုအနုပညာ၊ မေ၊ ၂၀၁၂))
(စာမျက်နှာ ၃၀၀-၃၁၁)
စွမ်းအင်ပြတ်တောက်သွားလို့ အလုပ် ရပ်ထားကြရတယ်။ ပန်ကာတွေ ရပ်၊ လေအေးစက်တွေလည်း ရပ်၊ ခဏနေတော့ အခန်းထဲမှာ သိပ်ပူအိုက်လာတယ်။ အဲသည်တော့ တံခါးတွေအကုန်ဖွင့်ရပြီ။ မှောင်စပျိုးပြီ။
အခန်းထဲမှာ သည်အတိုင်း ဆက်ထိုင်နေကြလို့ မဖြစ်တော့ဘူး။ ဖယောင်းတိုင်တွေ ထွန်းကြရတယ်။
အပြင်က ခြင်တွေ ဝင်လာတယ်။
တံခါးတွေပိတ်တော့ လေမဝင်။
လေဝင်အောင် တံခါးတွေဖွင့်တော့ လေဝင်တာက တော်တော်ရယ်။ ခြင်တွေဝင်လာတာက ပိုများတယ်။
များတော့ဘာဖြစ်လဲ၊ တဖျပ်ဖျပ်နဲ့ရိုက်ကြပေါ့။ ဒါ လုပ်နေကျပဲ။ ပူအိုက်ပြီး ခြင်ကိုက်နေတဲ့အချိန်မှာ အပျင်းပြေ ထွေရာလေးပါး လျှောက်ပြောကြဖို့တောင် တော်တော်ခက်တယ်။ ဒါပေမဲ့ တခြားလုပ်စရာမှ မရှိဘဲ။ တစ်ယောက်တစ်ပေါက် လျှောက်ပြောကြတာပါပဲ။
အဆိုတော် ညီအစ်မနှစ်ယောက်ကလွဲလို့ အခန်းထဲမှာ အားလုံးယောက်ျားချည်းပဲ။ မိန်းကလေးတွေရှေ့မှာ ယောက်ျားတွေဟာ အနည်းအများ ရယ်စရာကောင်းတယ်။ တစ်ခုတော့ရှိတယ်၊ မိန်းကလေးအုပ်စုထဲမှာ ယောက်ျားတစ်ယောက် နှစ်ယောက်(ဆွေမတော် မျိုးမစပ်) ရှိနေရင်လည်း သည်လိုပါပဲ။
“ကော်ဖီမစ်(က)(စ) တွေတော့ပါတယ်၊ သောက်ကြမလား”
အဆိုတော်ညီအစ်မက မိန်းမသားများပီပီ ကျွေးချင်မွေးချင်ကြတယ်။
“ဟာ ... သိပ်ကောင်းတာပေါ့ဗျာ၊ ထမင်းကားကလည်း တော်တော်နဲ့ လာပုံမပေါ်ဘူး”
အားလုံး ကန့်ကွက်သူ မရှိ၊ ထောက်ခံကြတာပါပဲ။
ဒါပေမဲ့ ရေနွေးတည်ဖို့ မီးမလာ။
ဟုတ်သားပဲ၊ မီးမလာလို့ ထိုင်နေကြရတဲ့ဟာကို။
စတူဒီယိုပိုင်ရှင် ကိုတော်မီတို့အိမ်က ကပ်လျက်ပဲ။ ရေနွေး သွားတောင်းရင်တော့ ရနိုင်ပါရဲ့။ ဒါပေမဲ့ အားနာစရာကြီး၊ နေပါစေတော့။
ကိုတော်မီ့ချစ်ချစ် မတုတ်တုတ်ကလည်း အပြင်သွားနေတယ် မဟုတ်လား။
ခဏနေတော့ ရေချိုးခန်းထဲက ကိုသန်းခင် အူကြောင်ကြောင်နဲ့ထွက်လာတယ်။
“ရေချိုးနေတာဗျာ၊ ဆပ်ပြာလည်းတိုက်ပြီးရော ရေတိုင်ကီထဲမှာ ရေကုန်သွားလို့၊ ဒုက္ခပါပဲ”
“ဟာ ... တိုင်ကီထဲမှာရေကုန်သွားရင် ရေတင်လိုက်လေဗျာ၊ ရေချိုးခန်းအပေါက်ရဲ့ဘယ်ဘက်ဘေးက ခလုတ်က မော်တာခလုတ်ပဲ”
“ခင်ဗျားကလဲ၊ မီးမလာပါဘူးဆို”
“ဪ ... ဟုတ်သားပဲ၊ မေ့လို့ မေ့လို့”
လူတွေဟာ လျှပ်စစ်နဲ့ တော်တော်ကြီးကို နက်နက်ရှိုင်းရှိုင်းပတ်သက်နေကြပြီကိုး။ ဟိုး ရှေးရှေးကများ သီချင်းဆိုချင် ဆိုလိုက်ရုံပဲ။ နားထောင် ချင်ရင်လည်း ဆိုတတ်တဲ့လူ ဆိုခိုင်းလိုက်။ ပွဲလမ်းသဘင် တွေလည်း သည်လိုပါပဲ။ လျှပ်စစ်တွေ ဘာတွေ မရှိခင်က ပြောပါတယ်။
ခုလည်း ဖြစ်တော့ ဖြစ်ပါတယ်။ ဒါပေမဲ့ မဖြစ်တော့ဘူး။
အသံသွင်းဟယ်၊ အသံထုတ်ဟယ်၊ အသံဖွင့်ဟယ် စသဖြင့်ပေါ့လေ၊ လျှပ်စစ်ကိစ္စနဲ့ လုပ်ကြရတယ်။
ဟော ... လျှပ်စစ်မရှိတဲ့အခါမှာ လူတွေဟာ လေဖြတ်သွားတာလိုလို၊ သွက်ချာပါဒ ဖမ်းသွားတာလိုလို ခံစားကြရတယ်။
တစ်ခုတော့ရှိတယ်။ လောလောဆယ် ရှည်ရှည်ဝေးဝေး သိပ်ခေါင်းရှုပ်ခံမနေနဲ့။ စောင့် ... ဒါပဲ။
မီးလာတဲ့အခါ လုပ်စရာရှိတာ ထလုပ်၊ စားစရာရှိတာ ထစား၊ ဒါပဲ။ ပျင်းရင် စကားမရှိ စကားရှာပြောကြ။ မပြောချင်လည်း စာအုပ်ကလေးဘာလေး ဖတ်နေပေါ့။
ဪ ... မေ့လို့၊ မီးမှ မရှိဘဲ။ လူတွေဟာ ဖယောင်းတိုင်မီးနဲ့ စာမဖတ်တတ်ကြတော့ဘူး။
မဖတ်မဖြစ် ဖတ်ရမယ်ဆိုမှ မီးရောင်နားတအားကပ်ပြီး ကြိုးစားဖတ်ကြမယ်၊ ဒါပဲ။
ဟာ ... ခြင်တွေကလည်း ပေါလိုက်တာ။
“ကိုဇက် ... ဘယ်နှစ်နာရီလောက်ရှိပြီလဲ”
အခန်းထဲမှာ လူတွေအတော်များပေမယ့် ကိုဇက်တစ်ယောက်ပဲ လက်ပတ်နာရီပါတာ တွေ့ကြရတယ်။
ကိုဇက်က သူ့ လက်ပတ်နာရီကို စတိုင်နဲ့ မြှောက်ကြည့်လိုက်တယ်။
“ခုနစ်နာရီခွဲပြီးလို့ နှစ်မိနစ် ... နေဦး”
ကိုဇက်က ဖယောင်းတိုင်မီးနဲ့ကပ်ပြီး ကြည့်တယ်။
“ဟုတ်တယ်၊ ခုနစ်နာရီခွဲပြီးလို့ နှစ်မိနစ် ရှိပြီ“
“ဟုတ်ရဲ့လားဗျာ”
“ဟာ ... ခင်ဗျား တော်တော်ခွကျတဲ့လူပဲ၊ ကျုပ်နာရီက အိုမီဂါဗျ၊ နှယ်နှယ်ရရမဟုတ်ဘူး”
ကိုဇက် တော်တော် ဂြိုဟ်ကျသွားတယ်။ ပြီးတော့ သူ့နာရီ ဘယ်လောက်ကောင်းကြောင်း၊ လေယာဉ်မောင်းတဲ့ပိုင်းလော့တွေမှသုံးတဲ့ အမျိုးအစားဖြစ်ကြောင်း၊ သူ ဘယ်လိုဘယ်လို ရအောင် ဝယ်ခဲ့ရတာ၊ ဘာညာနဲ့ အကြီးအကျယ်ပြောပြတယ်။
သိတယ်မဟုတ်လား၊ ဟို အဆိုတော် ညီအစ်မကလည်းရှိနေတယ်ဆိုတော့။
ကမ္ဘာပေါ်မှာ အကျော်ကြားဆုံးနာရီတွေထဲမှာ အိုမီဂါလည်း ထိပ်တန်းကပါတာပဲ။ အိုမီဂါ ကြော်ငြာတွေဆို အမြဲတမ်း တခမ်းတနားပဲဟာ။
တကယ့် ကမ္ဘာကျော်ပုဂ္ဂိုလ်ကြီးတွေထဲက အိုမီဂါကိုမှ ရွေးချယ်အသုံးပြုနေကြတာတွေကလည်း နည်းတာမှ မဟုတ်တာ။ ကိုဇက်နာရီဆို ဈေးမသေးဘူး။ သူ ပြောတာမှန်တယ်။ လေယာဉ်မောင်းတဲ့ပိုင်းလော့တွေ သုံးတဲ့ အမျိုးအစားပဲ။ ဒီဇိုင်းကိုမြင်ရုံနဲ့ သိသာပါတယ်။ ဘယ်လောက်ကောင်းအောင်လုပ်ထားတယ် ဆိုတာ။
ကိုဇက်ဘဝမှာ ချစ်သူနဲ့လက်ထပ်မလား၊ သည်နာရီကိုဝယ်မလားဆိုတဲ့ လမ်းဆုံလမ်းခွကို ရောက်ခဲ့ဖူးတယ်။
ဒါလည်း အမှန်ပဲ။ အားလုံး တစ်စွန်းတစ်စတော့ ကြားဖူးကြတာပဲ။
ချစ်သူကိုလည်း မစွန့်ရအောင်၊ နာရီလည်း ဝယ်လို့ရအောင် သူဘယ်လို အကြံအဖန်တွေလုပ်ခဲ့ရတယ်ဆိုတာကို ပြောပြတယ်။ တဝါးဝါးနဲ့ ရယ်နေကြရတယ်။ ချစ်သူနဲ့လက်ထပ်ဖို့ ငွေလိုတယ်။ အိုမီဂါဝယ်ဖို့ ငွေလိုတယ်။
လက်ထပ်လိုက်ရင် အိုမီဂါ မဝယ်နိုင်ဘူး။ အိုမီဂါ ဝယ်လိုက်ရင် ချစ်သူနဲ့လက်ထပ်ဖို့ ငွေမရှိတော့ဘူး၊ ဒါပါပဲ။ ပြဿနာကရှင်းရှင်းလေးပါ။
သည်တော့ သူ ဘယ်လိုလုပ်ရမလဲ။ သူ စဉ်းစားတွေးခေါ်ပုံတွေကိုက သိပ်ရယ်ရတယ်။
ဘာပဲပြောပြော နောက်ဆုံးတော့ အိုမီဂါကို အလျင်ဝယ်ချလိုက်တယ်။
နောက်တော့ သူ ဘယ်လို လက်ထပ်ဖို့ ကြိုးစားခဲ့ရသလဲ။
အဲသည်အချိန်မှာ မီးပြန်လာတယ်။
အားလုံး ကလေးတွေလိုပဲ “ဟေး” လို့ အော်မိကြတယ်။
တစ်ခန်းလုံးလည်း လင်းကျင်းသွားတယ်။
ဖယောင်းတိုင်မီးတွေကို မှုတ်ပစ်ကြ၊ တံခါးတွေပြန်ပိတ်ကြ၊ လေအေးစက်ကို ပြန်ဖွင့်ဖို့လုပ်ကြနဲ့ ပျာယာခတ် သွားတယ်။
မြူဇစ်ရှင်တွေလည်း အလုပ် ပြန်စကြတော့မယ်။ အသံဖမ်းတာဝန်ခံလည်း သူ့အခန်းထဲ သူ ပြန်ဝင်သွားပြီ။
ဖျတ်ခနဲ မီးပြန်ပျက်။
အားလုံး တစ်ပြိုင်နက် မကျေနပ်သံတွေ ထွက်လာကြပြန်တယ်။
ဖယောင်းတိုင်တွေ ပြန်ထွန်း။
တံခါးတွေ ပြန်ဖွင့်။
ကိုယ့်နေရာ ကိုယ်ပြန်ထိုင်ကြ။
ကိုဇက်ရဲ့ အိုမီဂါအကြောင်းပြန်စဖို့ ကြိုးစားနေကြတုန်း မန္တလေးကအဆိုတော် ကိုဖြိုးကြီး ရောက်လာတယ်။ ဟန်ကျတာပဲ။ ကိုဖြိုးကြီးကလည်း နာရီအကောင်းစားတွေအကြောင်း ကောင်းကောင်းသိတဲ့ပုဂ္ဂိုလ်ပဲ။
ကိုဖြိုးကြီးက ကိုဇက်ရဲ့အိုမီဂါကို အစကတည်းက သတိပြုမိနေပြီးသားပါတဲ့။ ကိုဇက် ပြောတာတွေ အကုန်မှန်ကြောင်း ထောက်ခံပါတယ်။
သည်တော့ ကိုဖြိုးကြီးရဲ့လက်ကနာရီကို သတိပြုမိကြတယ်။
ကိုဖြိုးကြီးက သူ့နာရီအကြောင်းကို မပြောချင်ပြောချင်နဲ့ ဖြည်းဖြည်းချင်း ပြောပြတယ်။
သူ့နာရီကိုထုတ်လုပ်တဲ့ကုမ္ပဏီ နာမည်က တော်တော် အမှတ်ရ အသားရခက်တယ်။ ဆွစ်ဇာလန်က လုပ်တာပဲ။ အဲသည်ကုမ္ပဏီက အစဉ်အလာအတော်ကြီးတာပဲ။
နာရီတန်ဖိုးမေးလိုက်တော့ ကိုဖြိုးကြီးက ချက်ချင်းမဖြေဘူး၊ သူ့အနေနဲ့ အချောင်ရလိုက်တာဖြစ်ကြောင်း ပြောပြတယ်။
တစ်နေ့ သူက နာရီဆိုင်တွေတစ်တန်းကြီးရှိတဲ့ အနော်ရထာလမ်းမှာ လျှောက်ကြည့်နေတုန်း လူတစ်ယောက်က အဲသည်နာရီကို နာရီဆိုင်တစ်ဆိုင်မှာ ရောင်းဖို့ကြိုးစားနေတာ တွေ့ရသတဲ့။ နာရီဆိုင်ကလူတွေ အဲသည်နာရီကို သေသေချာချာ အပြန်ပြန်အလှန်လှန် စစ်ဆေးကြည့်ရှုကြသတဲ့။ ကိုဖြိုးကြီးကလည်း နာရီကျွမ်းကျင်သူပဲဆိုတော့ စိတ်ဝင်စားလွန်းလို့ ရပ်ပြီးကြည့်နေသတဲ့။ နောက်တော့ နာရီဆရာတွေက လာရောင်းတဲ့အဲသည်လူကို ဘယ်လောက်ရချင်သလဲလို့ မေးကြသတဲ့။ ဟိုလူက သူ လိုချင်တဲ့ဈေးပြောတော့ နာရီဆိုင်ကဆရာတွေက မတန်တဆ ဆစ်ကြတယ်တဲ့။ ထုံးစံအတိုင်း အပြစ်အနာအဆာတွေလည်း ထုတ်ပြီးပြောကြသတဲ့။
ကိုဖြိုးကြီးကတော့ ဘာမှ မပြောဘဲ အသာရပ်ကြည့်နေရတာပေါ့။ နောက်ဆုံးတော့ ခပ်တိုတိုပဲ ပြောကြပါစို့။ ဈေးမတည့်ကြဘဲ အဲသည်လူက ထွက်သွားသတဲ့။ အဲဒီအခါမှ ကိုဖြိုးကြီးက အဲသည်လူနောက်ကို အသာ လိုက်သွားပြီး စောစောကလူတွေထက် ဈေးပိုပေးပြီးဝယ်လိုက်တာတဲ့။ ကိုဖြိုးကြီးလည်းဝယ်ပြီးရော စောစောက နာရီဆရာတွေလိုက်လာကြသတဲ့။ ဒါပေမဲ့ အရောင်းအဝယ်က ပြီးသွားပြီဆိုတော့ သူတို့လည်း စိတ်ပျက်လက်ပျက်နဲ့ ကိုဖြိုးကြီးကိုတောင် သူတို့ အရောင်းအဝယ်ထဲ ဝင်ရှုပ်သလိုလို ပြောကြသေးတာတဲ့။ ကိုဖြိုးကြီးက ခပ်မာမာ ပြန်ဟောက်လိုက်တော့မှ လစ်သွားကြတာတဲ့။
ဒါနဲ့ အဲသည်တုန်းက ဘယ်လောက်နဲ့ရလိုက်တာလဲလို့ ဝိုင်းမေးကြတော့ .. လေးသောင်းနှစ်ထောင် ပေးခဲ့ရသတဲ့။
အားလုံး ဟာခနဲဖြစ်သွားကြတယ်။ ကိုဖြိုးကြီး ပြောပြလို့ ထပ်ပြီးသိကြရတာက သူ့အနေနဲ့ အနည်းဆုံး တစ်သိန်းမရရင် မရောင်းဘူးတဲ့။ အခန်းထဲကလူတွေအားလုံး ကိုဖြိုးကြီးရဲ့နာရီကို ဝိုင်းကြည့်ကြတယ်။
ပုံက အတော်ကို ရိုးတယ်။ နာရီဒိုင်ခွက်ရဲ့ဒီဇိုင်းကလည်း သိပ်ရိုးတာပါ။ ဒါပေမဲ့ ဒီဇိုင်းက မှင်မောင်း သိပ်ကောင်းတယ်။ အဆင့်အတန်း သိက္ခာ ဣနြေ္ဒရှိတယ်။ အဲဒါကတော့ သိသိသာသာကြီးပဲ။
ဒါပေမဲ့ အားလုံး ခွကျကုန်တာက ဘာလဲဆိုတော့ ကိုဇက်ရဲ့ အလွန်ကောင်းပါတယ်ဆိုတဲ့ အိုမီဂါကြီးနဲ့ ကိုဖြိုးကြီးရဲ့တစ်သိန်းလောက်တန်တဲ့ နာရီကြီးဟာ အချိန်မတူကြဘူး။ နှစ်မိနစ် ကွာနေတယ်။
အဲဒီမှာ ပြဿနာ၊ မြန်မာစံတော်ချိန်နဲ့ တိုက်ထားသလားလို့မေးတော့ နှစ်ယောက်စလုံးက မြန်မာ စံတော်ချိန်နဲ့ သေသေချာချာ ဂရုတစိုက် တိုက်ထားကြတာဖြစ်ကြောင်း ပြောကြတယ်။ တကယ်တမ်း ကျတော့ နှစ်မိနစ်ဆိုတာ သိပ်မများပါဘူး။
ဒါပေမဲ့ ဒီနာရီအကောင်းစားကြီးတွေအတွက်တော့ နှစ်မိနစ်ဟာ လုံးဝ ခွင့်မလွှတ်နိုင်စရာပဲ။
ကိုဇက်ရော၊ ကိုဖြိုးကြီးရော မအီမလည်ဖြစ်နေကြတာတော့ အမှန်ပဲ။ သူ့နာရီမှန်တယ်၊ ကိုယ့်နာရီ မှန်တယ် ဆိုပြီး ထုတ်ငြင်းဖို့ကလည်းမကောင်းဘူး မဟုတ်လား။ ဒါပေမဲ့ ဘေးကလူတွေကတော့ ကာယကံရှင်တွေ မဟုတ်ကြတော့ ဝိုင်းပြီးလောင်ကြတယ်၊ နည်းနည်းလည်း ဟားကြတယ်။
အဲသည် အချိန်မှာ စတူဒီယိုပိုင်ရှင် ကိုတော်မီကို သတိရကြတယ်။ ကိုတော်မီမှာလည်း ရိုးလက်(စ)ပါပက်ကျူရယ် အကောင်းစားတစ်လုံး ရှိတယ်လေ။ တယောဆရာကြီး ရဟူဒီမနူဟင် ပတ်တဲ့ နာရီမျိုးပဲ။
ကိုတော်မီက နောက်ဖေးအိမ်မှာ ရှိနေတယ်။
ခေါ်... ခေါ်၊ ကိုတော်မီ့နာရီကလည်း ခေတဲ့နာရီမှ မဟုတ်ဘဲ။
အကျိုးအကြောင်းပြောပြီး ကိုတော်မီကိုသွားခေါ်တော့ ကိုတော်မီကလည်း သူ့နာရီနဲ့ပတ်သက်လာရင် အလွန် ဂုဏ်ယူနေခဲ့တဲ့သူ မဟုတ်လား၊ ရိုးလက်(စ)ကြီးကိုကိုင်ပြီး ချက်ချင်း ထလိုက်လာတာပဲ။
အဲဗျ ... ဒုက္ခပဲ။ သူ ရောက်လာမှ ပိုဆိုးကုန်ပြီ။ သူ့နာရီက ကိုဖြိုးကြီးနာရီနဲ့ သုံးမိနစ်တောင် ကွာနေတယ်။ ကိုဇက်နာရီနဲ့ဆို ငါးမိနစ်တောင် ကွာနေတယ်။
နာရီအကောင်းစားတွေအကြောင်းကို ကောင်းကောင်းသိကြတဲ့ ကိုဖြိုးကြီးရယ်၊ ကိုဇက်ရယ်၊ ကိုတော်မီရယ် သုံးယောက်စလုံးက ခုလိုဖြစ်ရတာ လုံးဝအဓိပ္ပါယ်မရှိကြောင်း ပြောကြတယ်။ အဲဒီမှာ တဝါးဝါး ဖြစ်ကြရ ပြန်တယ်။
ကိုဖြိုးကြီးကတော့ ပစ္စည်းသင်္ခါရ၊ လူသင်္ခါရဖြစ်တဲ့အကြောင်း၊ လောကမှာ အရာရာဟာ ဖောက်ပြန်တဲ့ သဘောရှိကြောင်း၊ ပစ္စည်းအကောင်းစားတွေမှန်ပေမယ့် ဖောက်ပြန်နိုင်၊ မှားနိုင်၊ ယွင်းနိုင်ကြတာပဲလို့ ပြောပါတယ်။
ဒါပေမဲ့ သူ့တစ်လုံးပဲမှန်ပြီး ကျန်နှစ်လုံးက သင်္ခါရ နေကြတဲ့သဘောလေသံတော့ ပါသလိုပဲ။
အဲသည်မှာ တဝါးဝါး ဖြစ်ကြရပြန်တယ်။ ကိုတော်မီကလည်း သူ့နာရီကို မြန်မာစံတော်ချိန်နဲ့ သေသေချာချာ တိုက်ထားတာ ပါပဲတဲ့။ ကဲ ... ခက်ကုန်ပြီ။
အဲသည်အချိန်မှာ မီးပြန်လာတယ်။
နာရီတွေအကြောင်း ပြန်ရပ်ကြ။ ဖယောင်းတိုင်တွေ အကုန်ပြန်ငြိမ်း။ တံခါးတွေ ပြန်ပိတ်။ လေအေးစက် ပြန်ဖွင့်။
အလုပ်ပြန်စကြဖို့ လုပ်ကြပြန်တယ်။
ထမင်းကားနဲ့ထွက်သွားတဲ့ ကိုဝင်းလည်း ပြန်လာပြီ။ သည်လိုဆိုရင် ခဏနေကြဦး၊ မထူးတော့ဘူး။ ထမင်းစားပြီးမှ အလုပ်တစ်ခါတည်းဆက်ကြရင် ကောင်းမယ်။
ဟုတ်တယ်၊ အဲဒါ ကောင်းတယ်။
ထမင်းပြင်။ ထမင်းပြင်။
အဲသည်အချိန်မှာ တစ်ယောက်က စဖောက် လာပြန်တယ်။
ကိုဝင်းလက်မှာလည်း နာရီတစ်လုံးပတ်ထားတာပဲ။ နာရီကတော့ အဝေးကမြင်ရင်ကို သိသာပါတယ်။ တော်တော်ချာတဲ့ နာရီပါ။ ရှေးနာရီအဟောင်း အညံ့စားပါ။ အချိန်မေးကြည့်တော့ ဝါးခနဲ ရယ်ကြရ ပြန်တယ်။ သူ့နာရီက ကိုတော်မီ့နာရီထက် ငါးမိနစ်နောက်ကျတယ်။ ကိုဖြိုးကြီးနာရီနဲ့ ရှစ်မိနစ်ကွာတယ်။ ကိုဇက်နာရီနဲ့ ဆယ်မိနစ်ကွာနေတယ်။ ဒါပေမဲ့ ကိုဝင်းကလည်း တစ်ပြားမှ မလျှော့နိုင်ဘူးတဲ့။ သူ့နာရီ အလွန်မှန်တဲ့အကြောင်း၊ မြန်မာစံတော်ချိန်နဲ့ သေသေချာချာ တိုက်ထားတာဖြစ်ကြောင်း၊ အမြဲ ဂရုစိုက် စစ်ဆေးတဲ့အခါမှာလည်း အလွန်မှန်နေတာတွေ့ရကြောင်း ယုံယုံကြည်ကြည်ကြီး ပြောနေပြန်ပါတယ်။
ကဲ ... ဘယ့်နှယ်လုပ်ကြမလဲ။
အလွန်တန်ဖိုးကြီးတဲ့ အမျိုးအစားသိပ်ကောင်းတဲ့ နာရီသုံးလုံးကြားမှာ အလကားပေးရင်တောင် ယူမယ့်လူ မရှိလောက်တဲ့ ဒီနာရီစုတ်က ဇွတ်စိန်ခေါ်နေပြီလေ။
ကိုဝင်းက သူ့နာရီက အုန်းပင်တံဆိပ်ဖြစ်ကြောင်း၊ ဝယ်တဲ့အချိန်က စတွက်ရင် သူ့နာရီဟာ နှစ်ပေါင်းလေးဆယ်ကျော်လာပြီဖြစ်တဲ့အကြောင်း၊ သူ့အဘိုးဆီက အမွေရတာဖြစ်ကြောင်း၊ သူ့အဘိုး လက်ထက်ကတည်းက အလွန် အချိန်မှန်ခဲ့တဲ့အကြောင်း၊ တစ်နှစ်တစ်ခါ ကြေးဆေး ပြုပြင်တဲ့အတွက် ယခုထက်တိုင် ဒေါင်ဒေါင်မြည်နေတာ ဖြစ်ကြောင်း၊ သူ့နာရီကို အလကားပေးရင် ယူမယ့်လူမရှိဆိုတာကို သူ သဘောတူကြောင်း၊ ဒါပေမဲ့ ခု သူ့ကို တစ်ထောင်လာပေးလည်း မရောင်းနိုင်ကြောင်း၊ သူ့နာရီမှာ ဖောက်ပြန်တဲ့ အစိတ်အပိုင်းဆိုလို့ နာရီကြိုးပဲ ရှိကြောင်း၊ ခဏခဏ ပြတ်ပြတ်သွားလို့ အသစ်လဲရကြောင်း၊ အဲဒါကလည်း နာရီရဲ့အရည်အသွေးနဲ့ မပတ်သက်ကြောင်း ဘာညာနဲ့ ခုခံ ငြင်းဆိုပါတယ်။
နာရီ လေးလုံးမှာ တစ်လုံးမှ မတူကြဘူး။
ဖြစ်နိုင်ခြေက မှန်စရာရှိရင် တစ်လုံးပဲ မှန်မယ်၊ ကျန် သုံးလုံးက မှားမယ်၊ လွဲမယ်။ ဒါမှမဟုတ် တစ်လုံးမှ မမှန်ဘူးဆိုတာလည်း ဖြစ်နိုင်တယ်၊ ဒါပဲ။
အဲသည်တော့ ဘာမှ စကားများမနေကြနဲ့၊ ညပိုင်းသတင်းလည်း လာတော့မယ်၊ ကက်ဆက် ရေဒီယိုလည်း ရှိနေတာပဲ၊ ရေဒီယိုဖွင့်လိုက်လေ။
ဟုတ်တာပေါ့၊ လုပ် ... လုပ်၊ ဘယ်မလဲ ကက်ဆက်၊ ဟုတ်ပြီ သည်ယူခဲ့ သည်ယူခဲ့။ ဓာတ်ခဲရှိလား၊ ဘာ ... ဓာတ်ခဲကုန်နေတယ်။ ဟုတ်လား။ ကိစ္စမရှိဘူးလေ၊ လာ ... လာ၊ သည်မှာ ပလပ်နဲ့ဂျွိုင်းလိုက်၊ ဟုတ်ပြီ။ ကဲ ... ရေဒီယိုဖွင့်။
ထမင်းသည်က ထမင်းစားချင်ကြရင် အဆင်သင့်ဖြစ်ပြီလို့ လာပြောတယ်။
ဘယ်သူမှ စိတ်မဝင်စားကြဘူး။ ရေဒီယို ဖွင့်မယ့်နေရာမှာ ဝိုင်းနေကြတယ်။
ခဏနေရင် အဖြေက ပေါ်တော့မယ်။
ဘယ်နာရီ မှန်တာလဲ။
ဘယ်နာရီတွေက မှားတာလဲ။
ဒါမှမဟုတ် လေးလုံးစလုံး လွဲနေသလား။
အကုန်လွဲနေသည့်တိုင်အောင် ဘယ်နာရီက အနီးစပ်ဆုံးလဲ။
ဘယ်လိုပဲဖြစ်ဖြစ် တစ်မျိုးမဟုတ်တစ်မျိုး ဟာသဖြစ်မှာတော့ သေချာနေပြီ။
အကောင်းစားနာရီကြီးတွေထဲက မှန်နေရင်တောင် အကောင်းစားနှစ်လုံးကတော့ ဟာသ ဖြစ်နေဦးမှာပဲ။ အဆိုးဆုံးက ကိုဝင်းနာရီကမှန်နေရင် ဒုက္ခပဲ။
အကောင်းစားနာရီကြီးတွေအတွက် မတွေးဝံ့စရာပဲ။
ကိုဖြိုးကြီးတို့သုံးယောက်ကတော့ ကိုဝင်းရဲ့နာရီကို စာရင်းထဲ ထည့်တွက်ကြပုံ မရဘူး။ ဒါပေမဲ့ ကိုဝင်းကတော့ သူ့နာရီကို ယုံကြည်မှုအပြည့်နဲ့ ခပ်တည်တည်ပဲ။
ကဲ ... ဖွင့်တော့လေ။
နေပါဦး၊ အချိန် နည်းနည်းလိုပါသေးတယ်။ ကိုဇက်နာရီနဲ့တောင် လိုနေသေးတာပဲ ဥစ္စာ။
မဟုတ်ပါဘူး၊ ကြိုဖွင့်ထားတော့ ဘာဖြစ်လဲ။
အဲသည်မှာတင် ကိုဝင်းက တစ်စခန်း ထတော့တာပဲ။
သူက သူ့နာရီကို သူ သိပ်ယုံနေသတဲ့။ အဲသည်တော့ အပျော်သဘောနဲ့ ငွေတစ်ရာကြေး လောင်းမယ်တဲ့။ သူ့အနေနဲ့ တစ်စက္ကန့်ပဲ လွဲမယ်။ မိနစ် အတိအကျမှန်ရမယ်လို့ ရဲရဲကြီး ပြောလာတယ်။
ကိုတော်မီက ကိုဖြိုးကြီးကို ကြည့်တယ်။ ကိုဇက်ကလည်း သူတို့ကို ပြန်ကြည့်တယ်။
ရေဒီယိုကတော့ မဖွင့်ရသေးဘူး။ ဘေးကလူတွေကတော့ ငိုစား ရယ်စားပဲ။ နိုင်တဲ့လူက ငွေသုံးရာ ရမယ်။ အဲဒီငွေကို အားလုံးစားပစ်ကြမယ်လို့ ဝိုင်းပြောကြတယ်။
ကိုဝင်းက သူ မယူပါဘူး၊ အားလုံးကို ကျွေးပစ်လိုက်မှာပါပဲတဲ့။
ကိုဇက်တို့သုံးယောက်က ကိုဝင်းကို ပြုံးပြီးကြည့်ကြတယ်။
ကိုဝင်းကလည်း အဲလို အကြည့်ခံရတာကိုပဲ မခံနိုင်ဘူး။ သူ့ဘက်က နှစ်ရာထည့်မယ်ထိ ဖြစ်လာတယ်။
ကိုဖြိုးကြီးတို့ဆိုတာ ငွေတစ်ရာ နှစ်ရာလောက်ကို ဂရုစိုက်နေကြတဲ့လူတွေမှ မဟုတ်ဘဲ။ ကိုတော်မီက တကယ်လို့ ကိုဝင်းနာရီသာမှန်နေရင် သူက သတ်သတ် ကိုဝင်းကို ငါးရာဆုချမယ်လို့ ပြောတယ်။ အားလုံးက ဝိုင်းပြီးလက်ခုပ်တီးကြတယ်။ ကိုဝင်းပြောတဲ့ အလောင်းအစားကိုလည်း သဘောတူ လိုက်ကြတယ်။ ဥပဒေက အတိအကျမမှန်ရင်တောင် အနီးစပ်ဆုံးမှန်တဲ့သူ အနိုင်။
အဲသည်မှာ ပြဿနာတစ်ခု ပေါ်လာတယ်။ နာရီနှစ်လုံးအကြား တစ်ဝက်စီရောက်နေရင် ဘယ့်နှယ် လုပ်မလဲ။
အိုကေ ... အဲလိုဆိုရင် နှစ်လုံး မှန်လို့ပဲ သဘောထားမယ်။ ကဲ ... ဟုတ်ပြီ၊ ပြတ်ပြီ။
ကဲ ... အိုကေပဲ၊ ရေဒီယိုဖွင့်။
ချောက် ...
ကက်ဆက်ခလုတ်ကို နှိပ်လိုက်တဲ့အခါမှာ မိန်းခလုတ်ကြီးကိုပိတ်လိုက်တာ ကျနေတာပဲ၊ အားလုံး မှောင်ကျသွားတယ်။
မီးပျက် သွားပြန်ပြီ။
အဲသည်နေ့ညက ဖယောင်းတိုင်တွေနဲ့ ထမင်းစာကြရတယ်။
------------
ဝင်းဖေ
(ဝင်းဖေ ဝတ္ထုတိုများ (စိတ်ကူးချိုချိုအနုပညာ၊ မေ၊ ၂၀၁၂))
(စာမျက်နှာ ၃၀၀-၃၁၁)
0 comments:
Post a Comment