ဆရာကြီးဦးဘိုမောင် နှင့် ဆရာမြသန်းတင့် "ကိုဘရီ (ဒဿနိက)"

ဆရာကြီးဦးဘိုမောင်နှင့် ဆရာမြသန်းတင့် "ကိုဘရီ (ဒဿနိက)
ဆရာကြီး ဦးဘိုမောင်မှာ ပါဠိနှင့်ပိဋကတ်စာပေကျမ်းဂမ်များ၌ နှံ့စပ်ကျွမ်းကျင်သော ဘုန်းကြီးလူထွက် တစ်ယောက်ဖြစ်၏။ သူသည် ထိုစဉ်က သာသနာရေးဝန်ကြီးဌာနတွင် သာသနာရေးအကြံပေးပုဂ္ဂိုလ်အဖြစ် အမှုထမ်းဆောင်နေချိန်ဖြစ်၏။
ကျွန်တော်သည် ထိုလမ်းလျှောက်အဖွဲ့သို့ ကျွန်တော်၏သူငယ်ချင်းတစ်ယောက်ဖြစ်သူ ကိုသိန်းထွန်းနှင့် ပတ်သက်၍ ထိုဆရာကြီးများနှင့် မမျှော်လင့်ဘဲသိကျွမ်းခင်မင်ရင်းနှီးခွင့် ရရှိခဲ့၏။
ထိုလမ်းလျှောက်အဖွဲ့ဝင်များမှ နေ့စဉ်နေ့တိုင်း မိမိနေအိမ်အသီးသီးမှ နံနက်စောစောတွင် လမ်း လျှောက်လာခဲ့ကြပြီး ရွှေတိဂုံဘုရားအနောက်ဘက်မုခ်တွင် ပထမစုရပ်အဖြစ် လူစုခဲ့ကြ၏။ အနည်းငယ် လူစုမိသောအခါတွင် ဦးဝိစာရလမ်းအတိုင်း ဆက်လက်လျှောက်လာကြပြီး ဇီဝက (ဇပါးရှား) လမ်းထိပ်ရှိ ပန်းခြံနံဘေးလက်ဖက်ရည်ဆိုင်လေးတွင် ထိုင်ကြ၏။

ထိုဆိုင်တွင် လူစုံသောအခါ သောင်းပြောင်းထွေလာ၊ အာလာပသလ္လာပစကားများကို မမောနိုင်၊ မပန်းနိုင် ရယ်မောပျော်ရွှင်စွာ သောသောညံအောင် ပြောဆိုကြ၏။ ကျေနပ်ရပြီး နေလေး အနည်းငယ်မြင့်လာသောအချိန်မှ လူစုခွဲကြ၏။ ဤကားအရေးကြီးသောကိစ္စရှိ၍ မလာနိုင်သူမှအပ ကျန်သူများနေ့စဉ်လုပ်နေကျ ဖြစ်၏။ မိုးတွင်ဘက် မိုးရွာထဲတွင် ထီးဆောင်း၍ လမ်းလျှောက်ကြသောသူများ ဖြစ်ကြ၏။

တစ်နေ့တွင် ပထမစုရပ်မှ၊ ဒုတိယစုရပ်ဖြစ်သော လက်ဖက်ရည်ဆိုင်သို့အသွား အငြိမ်းစား အထွေထွေခွဲစိတ်ကုဆရာဝန်ကြီး ဒေါက်တာဦးအောင်ခင်နှင့် ဆရာမြသန်းတင့်တို့နှစ်ယောက် ပခုံးယှဉ်၍လမ်းလျှောက်ကြရင်း အကြောင်းအရာတစ်ခုကို ဆွေးနွေးလာကြ၏။ မြင်သူသည် မြင်သူကိုလည်း မြင်၏။ မမြင်သူကိုလည်းမြင်၏။ မမြင်သူသည် မမြင်သူကိုလည်း မြင်၊ မြင်သူကိုလည်း မမြင် ..... တဲ့။
ထိုအကြောင်းအရာ၊ ဒဿနလေးကိုဆွေးနွေးလာကြစဉ် သူတို့နှစ်ဦး၏အနီးမှ ကပ်လျှောက်လာသော ဆရာကြီး ဦးဘိုမောင်က ကြားသွား၏။ ဆရာတို့နှစ်ယောက်ပြောနေတာတွေဟာ အနောက်တိုင်းစာပေ မဟုတ်ဘူး။ ဘုရားဟေဒေသနာထဲမှာ ပါတယ်ဗျဟု ပြောလိုက်၏။ အကြောင်းအရာတစ်ခုကို စေ့စေ့စပ်စပ်သိလိုလှသော ဆရာဦးအောင်ခင်က ဘယ်လိုလဲဗျဟု ဦးဘိုမောင်အား ရင်းနှီးစွာဖြင့် ဦးဘိုဟုသာ နာမည်ကိုအဖျားစွပ်၍ ခေါ်လေ့ရှိသည်။
အဲဒါ ပဉ္စ၀ဂ္ဂီငါးဦးမှတစ်ဦးဖြစ်တဲ့ အရှင်ဝပ္ပမထေရ် ဥဒါန်းကျူးတဲ့ ဂါထာပဲ။ ဆရာတို့ မြန်မာလိုကြည့်ချင်တယ်ဆိုရင် ဒီပဲယင်းဆရာတော်ဘုရားကြီးရေးတဲ့ ပရမတ္တစက္ခုကျမ်းမှာ ပါတယ်။ သူ့အတိုင်းတော့ မဟုတ်ဘူး။
မူရင်းပါဠိတော် ၀ပ္ပတ္ထေရာပဒါန် က...
ပဿတိ ပသော ပဿန္တံ၊
အပဿန္တဉ္စ ပဿတိ။
အပ္ပဿန္တော အပ္ပဿန္တံ၊
ပဿန္တဉ္စ နပဿတိ
ဝပ္ပတ္ထေရာပဒါန်။
ဆရာတို့က....
"မြင်တဲ့သူဟာ မြင်တဲ့လူကိုရော၊ မမြင်တဲ့လူကိုရော မြင်တယ်။ မမြင်တဲ့လူဟာ မမြင်တဲ့လူကိုရော မြင်တဲ့လူကိုပါ မမြင်ဘူး"
ဒီပဲယင်းဆရာတော်ကြီးက ...
"သိမှ သိ/မသိကို သိသည်။ မသိက သိ/မသိကို မသိ" ဆိုပြီး လိုရင်းတိုရှင်း ထိထိမိမိဆီလျော်အောင် မြန်မာပြန်ထားတာဟု ဆရာကြီး ဦးဘိုမောင်က ဆိုလိုက်၏။
လမ်းလျှောက်အဖွဲ့သည် လမ်းလျှောက်ရုံသာမက၊ တစ်ယောက်နှင့်တစ်ယောက် အပြန်အလှန်ကျွေးမွေးခြင်းနှင့် တစ်ခါတရံ စိတ်ဝင်စားသောနေရာတစ်ခုသို့ အပန်းဖြေခရီးထွက်တတ်၏။ ယခုလည်း ထိုိသို့ဆွေးနွေးပြီး နောက်တစ်နေ့တွင် ရွာသာကြီးသို့အပန်းဖြေခရီးထွက်ခဲ့ကြ၏။ ရွာသာကြီးရှိ အပန်းဖြေအိမ်ကျဉ်းကျဉ်းလေးတွင် ဆရာကြီးဦးဘိုမောင်နှင့် ဆရာမြသန်းတင့်တိုပြန်လည်ဆုံမိကြပြန်၏။ ယမန်နေ့က လက်စ စကားကို ဆက်ကြရင်း ဆရာကြီးဦးဘိုမောင်သည် သူရေးသားထားသော ဘ၀သံသရာခရီးရှည်ကြီး လွန်မြောက်ခြင်းဟူသော ဆောင်းပါးခေါင်းစဉ်အောက်မှ...
သိမှ သိ/မသိ ကို သိသည်၊
မသိက သိ/မသိ ကို မသိ။
မသိလျှင်တွယ်၊ သိလျှင်ပြယ်သည်
တွယ်လျှင်ဘေး၊ ပြယ်လျှင်အေးသည်။
မသိက တစ်ပတ်ပတ်၊ သိမှ အပြီးသတ်သည်။
မသိအစ သိကအဆုံး၊ ကိစ္စတုံးသည်။
ဒီပဲယင်းဆရာတော်ဟူသော စာတိုကလေးကိုရွတ်ပြ၍ အသင့်ယူလာသော စာရွက်အလွတ်နှင့် ဘောလ်ပင်ကို ဆရာမြသန်းတင့်အား ထိုးပေးပြီး ဆရာ ဒါလေးကို အင်္ဂလိပ်လိုပြန်ရေးပါဟု ဆိုလိုက်၏။ ဆရာကြီး ဦးဘိုမောင်မှာ ဆရာမြသန်းတင့်ထက် ဆယ်နှစ်ခန့်ကြီးသော်လည်း လေးစားမှု ဂါရ၀တရားဖြင့် ဆရာဟုပင် ခေါ်၏။ ဆရာကြီးဦးဘိုမောင်မှ ပါဠိနှင့် ပိဋကတ်စာပေများကို ကျွမ်းကျင်သော်လည်း အင်္ဂလိပ်စာတွင်မူ ဆရာမြန်းတင့်လို မကျွမ်းကျင်ပေ။
ဆရာမြသန်းတင့်သည် ဆရာကြီးဦးဘိုမောင်အား လေးစားသောအားဖြင့် ချက်ချင်းပင် ဒူးတစ်ဖက်ထောင်၊ စာရွက်ကိုပေါင်ပေါ်တင်ပြီး အင်္ဂလိပ်လို ဘာသာပြန်ပေးခဲ့သည်။
"The End of the Long Peregrination."
He who knows not, that he knows not and knows;
He who knows not, knows not that he knows not and knows;
He who knows not, is attached and who knows, is detached;
He who is attached, runs the risk of danger;
He who knows detached, enjoys the bliss of peace;
He who knows not turns around a round;
He who knows, turns no other round;
For who knows not, it is the beginning.
For who knows, it is the end and passing over of all things.
Venerable Depeyin Sayadaw
ဟု ဆရာမြသန်းတင့်က ဘာသာပြန်ပေးခဲ့ပါသည်။
ဆရာမြသန်းတင့်သည် ယခင်က အင်္ဂလိပ်ဘာသာမှ မြန်မာဘာသာသို့ ပြန်ဆိုနေကြဖြစ်သော်လည်း ယခုတွင်မူ မြန်မာဘာသာမှ အင်္ဂလိပ်ဘာသာသို့ ပြန်ဆိုသွားခဲ့သည်မှာ ထူးခြားမှုတစ်ခုဖြစ်ပါသည်။
အထက်ပါအကြောင်းအရာများကား ကျွန်တော်တို့ လမ်းလျှောက်အဖွဲ့သားများအတွက် ဆရာကြီးနှစ်ဦးစလုံးအား အမြဲအမှတ်တရ ဖြစ်စေခဲ့ပါသည်။

ယခုအချိန်တွင်မူ ဆရာကြီးဦးဘိုမောင်နှင့် ဆရာမြသန်းတင့်တို့ နှစ်ဦးလုံး မရှိကြတော့ပါ။ သင်္ခါရ သဘောတရားအရ ကွယ်လွန်ခဲ့ကြပြီးဖြစ်၏။ ဆရာမြသန်းတင့်သည် ဆရာကြီးဦးဘိုမောင်ထက် ငယ်သော်လည်း မမျှော်မှန်းနိုင်သော ဖြစ်ပျက်သဘောတရားအရ စော၍ ' ၁၉၉၈၊ ဖေဖေါ်ဝါရီလ ၁၈ ရက်' နေ့တွင် မမျှော်လင့်ဘဲ ရုတ်တရက်ကွယ်လွန်ခဲ့၏။ ဆရာကြီးဦးဘိုမောင်မှာမူ လူကြီးရောဂါဖြင့် '၂၀၀၅ ခုနှစ်၊ မေလ ၉ ရက်' နေ့တွင် ကွယ်လွန်ခဲ့ပါသည်။ ယခုကျန်ရှိနေသေးသော လမ်းလျှောက်အဖွဲ့ဝင်များသည် ဆရာကြီးများနောက်သို့ ဘယ်နေ့ ရှေ့ဆင့်နောက်ဆင့်လိုက်ကြမည် အသိ။ တစ်နေ့နေ့ တစ်ချိန်ချိန်တွင် မလွဲဧကန်လိုက်ရပေလိမ့်မည်။

ယခင်က ကျွန်တော်သည် ကျွန်တော်သိသော ကွယ်လွန်ခဲ့ပြီးသည့်စာပေပညာရှင်များ၊ ရုပ်ရှင်နှင့် ဂီသပညာရှင်များအကြောင်း ဆောင်းပါးရေးလျှင် မေတ္တာစေတနာအရင်းခံစိတ်ထားဖြင့် ရိုးသားစွာ 'ကောင်းရာသုဂတိလားပါစေ' ဟု နောက်ဆုံးစာကြောင်း၌ ရေးလေ့ရှိပါသည်။ ယခုတစ်ကြိမ်တွင်တော့ ကျွန်တော် မရေးတော့ပါ။ အကြောင်းမှာ ဆရာမြသန်းတင့်ကွယ်လွန်ခဲ့ပြီးခါစ ဆရာကြီးဦးဘိုမောင် ကိုယ်တိုင်ရေးသားသော 'မြသန်းတင့်နှင့် ဗုဒ္ဓဒေသနာတော်' ဟူသောဆောင်းပါး၌ လူ့အကျိုးပြုစာပေမှန်သမျှကို ကိုယ်တိုင်လည်းရေး၊ အခြားစာပေများမှလည်း ပြန်ဆိုရေးသားသွားသော ဆရာမြသန်းတင့်အား ' ကောင်းရာသုဂတိလားပါစေ' ဘာညာ စသည့်ဖြင့် ဆုတောင်းနေစရာ မလိုပါ။
သူ၏ ဓမ္မနုဂ္ဂဟကုသိုလ်နှင့် အခြားအကျိုးပြုစာပေ အတွေးအရေးတွေက အလှည့်သင့်သလို မြှင့်တင်ပေးကြမှာ သေချာပါသည်။ ငွေတွေ သိန်းပေါင်းများစွာအကုန်ခံပြီး ပကာသန ဒါနအပြအလှူထက် သူ၏ ဓမ္မနုဂ္ဂဟကုသိုလ်က ရာထောင်မက သာလွန်မြင့်မြတ်သည်ဟု ဆိုခဲ့ပါသည်။
(၀န်ခံချက်။ အထက်ဖော်ပြပါ အကြောင်းအရာများ၏ အနှစ်ချုပ်မှာ ၁၉၉၇ ခု၊ ဇူလိုင်လထုတ် သာထွန်းပြန့် ဓမ္မစာစောင်တွင်လည်းကောင်း၊ အမှတ်-၆/၂၀၁၀ ပြည့်နှစ် ဇွန်လထုတ် နွယ်နီမဂ္ဂဇင်းတွင် ပါခဲ့ပြီး ဖြစ်ပါသည်။ သို့သော် အခြားမဖတ်ရသေး၊ မသိသေးသူများကို သိစေလိုသောစိတ်အရင်းခံ ဒေသတနာဖြင့် တစ်ဆင့်ပြန်လည် ဖောက်သည်ချလိုက်ရခြင်း ဖြစ်ပါသည်။)
#စာကောင်းပေမွန်တို့ ဟူသည် အထပ်ထပ်ဖတ်လေ၊ မှတ်မိလေ၊ အသိဥာဏ်တိုးပွားလေ ဟု ကျွန်တော် ယူဆပါသည်။
စာရေးသူ - ကိုဘရီ (ဒဿနိက)
ရုပ်ရှင်တေးကဗျာ ဖေဖော်ဝါရီ ၂ဝ၁၁
ဆရာမ shwezinu blogspot မှ တဆင့်ကူးယူ ပြန်လည်မျှဝေပါသည် #မောင်ချမ်း ( ခရမ်းပြာ )
ဆရာမြသန်းတင့် ( သို့မဟုတ် ) လူသားပေါင်းကူး တံတား