(တွေးစရာတွေအနမတဂ္ဂပါတဲ့ ထုတ်နှုတ်စာတို)

(တွေးစရာတွေအနမတဂ္ဂပါတဲ့ ထုတ်နှုတ်စာတို)

မောဂလိယက် ပေတရာလမ်းမကြီးပေါ်တွင် ဂျာမန်တို့ကိုတိုက်ခဲ့သည့် ကျနေည်တို့တပ်သားများသည် ထရိုရှန်နတ်ကိုမြင်ခဲ့ကြပါသည်။ ထိုနေရာလောက် တိုက်ပွဲပြင်ထန်မည့်နေရာရှိမည်မထင်ပါ။ ညနေပိုင်းသို့ရောက်သည့်အခါ ရန်သူအလောင်းများမှာ ပေတရာလမ်းမကြီး ပေါ်တွင် မြင်မကောင်းအောင်ပြန့်ကြဲနေပါသည်။ နေကလည်းပူသဖြင့် အပုပ်နံ့တွေ ထောင်းထောင်းထနေပါသည်။

ဂျာမန်ခြေလျှင်တပ်မကြီး၏တပ်မှူး ဗိုလ်ချုပ်အော်စနာနှင့် ကျနော်စကားပြောခဲ့ရပါသည်။ သူ့ကို သုံ့ပန်းအဖြစ်ဖမ်းမိလာစဉ်တုန်းက ရိုးရိုး တပ်သားတယောက်၏ ယူနီဖေါင်းကိုဝတ်ထားပါသည်။ သို့ရာတွင် တနာရီခန့်အကြာတွင်မူ အထောက်အထား စာရွက်စာတမ်းများကို ထုတ်ပြကာ အရာရှိစခန်းသို့ပို့ရန်တောင်းဆိုပါသည်။ သူကမူ အခြားအရာရှိများနှင့်မတူပါ။ ဂျာမန်တပ်မတော်ကိုဦးဆောင်ခဲ့သည့် အတွေးအခေါ်များသည် ဆက်လက် အသက်ရှင်နေဆဲဖြစ်ပြီး အဆုံးပိတ်တွင် အောင်ပွဲဆင်ရမည်သာဖြစ်သည်ဟုပြောနေပါသည်။ ကျနော်က ထရိုစီယန်နက်မှ ရေဝတီလူသတ်ပွဲအကြောင်းကိုမေးသည့်အခါတွင်သူက….”ကျုပ်ကို ဘာလို့မေးနေရတာလဲ။ ကျုပ်လက်နဲ့ ကလေး တယောက်မှ မသတ်ခဲ့ဖူးဘူး။ အေးလေ… ခုတော့ ကျုပ်တို့က စစ်ရှူံးပြီကိုး။ ရှူံးတဲ့သူဆိုတာ အမြဲတမ်းအပြစ်တင်ခံရတာပါပဲ။ ဂျာမန် တပ်မတော်ဟာ စည်းကမ်းကောင်းတယ်လို့ အမြဲတနံမည်ကြီးတဲ့တပ်မတော်။ ကျုပ်လူတွေကိုလည်း ကျုပ်ကိုယ်တိုင် လေ့ကျင့်ပေးခဲ့တာ”။

“ဒါဖြင့် ခင်ဗျား ဘာလို့ ယူနီဖေါင်း လဲဝတ်လာတာလဲ”။ “ကျုပ်အဆင့်က ကျုပ်ရာထူးကို ဂုဏ်သိက္ခာကျအောင် မလုပ်နိုင်ဘူး။ ဂျာမန်ဗိုလ်ချုပ်ဟာ ဘယ်တော့မှ လက်နက်မချဘူး”။

သူသည် စီးကရက်ကို အားရပါးရသောက်နေသည်။ ပြီးမှ …. “ကျုပ်တို့ဟာ နိုင်ငံကြီးနှစ်ခုကြားက လူမျိုးငယ်ကလေးဖြစ်နေတယ်။ ရုရှားနဲ့ အမေရိကားဆိုတဲ့နိုင်ငံကြီး နှစ်ခုက ညှပ်တိုက်နေတယ်။ ဘီလူကြီးနှစ်ကောင်နဲ့တိုက်ရတဲ့ ဒေးဗစ်ပေါ့”။ သူသည် ပါမောက္ခတယောက်လို ခံ့ညားသည့်အမူအယာရှိသူဖြစ်ပါသည်။ ထို့နောက်တွင် သူ့အမည်ကို စစ်ရာဇဝတ်ကောင်များစားရင်း၌ ကျနော် တွေ့လိုက်ရပါသည်.။

အခြား စစ်ဗိုလ်ချုပ်များမှာမူ ပို၍ သတိကြီးစွာပြောပါသည်။ တပ်မတော်အစုတပ်မှူးကြီး ဗိုလ်ချုပ်ကြီးဟိုလ်ဝဇ်(ဂျာမန်ဗိုလ်ချုပ်ကြီး)သည် လူငယ်ဗိုလ်ချုပ်တဦးဖြစ်သည့်ချာခါညော့စကီး(ဆိုဗီယက်ဗိုလ်ချုပ်)ကို တလေးတစားကြည့်နေပါသည်။ ချာခါညော့စကီးက…. ”ခင်ဗျားတို့တပ်တွေ ဗိုရိုနက်ဇ်မှာ ရွပ်ရွပ်ချွံချွံတိုက်ခဲ့တာပဲ”…ဟုပြောသည်။ “အားလုံးအတွက်တာဝန်ရှိသူဟာ တပ်မတော်မဟုတ်ဘူးဗျ။ ဟစ်တရာရယ် အတွေအကြံရှိတဲ့ဗိုလ်ချုပ်တွေရဲ့စကားကို နားမထောင်ဘဲ အနားမှာရှိတဲ့ နောက်ပေါ်ဗိုလ်ချုပ်တွေရဲ့စကားကိုနားထောင်လို့ ဒီလိုဖြစ်ရတာ”။

နောက်နှစ်ပတ်လောက်အကြာတွင် ဆိုဗီယက်သတင်းစာများထဲတွင်ပါလာသည့် ပန်ကြားချက်တစောင်၌ ဟိုလ်ဝစ်ဇာ လက်မှတ် ထိုးထားသည်။ ဖမ်းဆီးခံရသည့် ဂျာမန်စစ်ဗိုလ်ချုပ်အချို့က ခေါင်းဆောင်ကြီးဟစ်တလာကို ဆန့်ကျင်ကြောင်းကြေညာကြသည်။ ထိုအချိန်မတိုင်မီကလေးက ဂျာမဏီတွင် အရာရှိတစုက ဟစ်တလာကိုပုန်ကန်ဖီဆန်ဖို့ ကြိုးစားခဲ့ကြဖူးသည်။ ထို့ကြောင့် အဖမ်းခံ စစ်ဗိုလ်ချုပ်များ၏ကြေညာချက်သည် လေးနက်၍ခွန်အားကောင်းနေသည်။ စစ်ဗိုလ်ချုပ်များက ဟစ်တလာကို မည်သည့်ပြစ်မှုအတွက် စွဲချက်တင်ခဲ့ကြပါသနည်း။ စစ်ကို စတင်တိုက်သောကြောင့်မဟုတ်ပါ။ တိုင်းပြည် တပြည်ပြီးတပြည် လုယက်ဖျက်ဆီးသောကြောင့်မဟုတ်ပါ။ လူထုများအား အစုလိုက်အပြုံလိုက် သတ်ဖြတ်ပစ်သောကြောင့်မဟုတ်ပါ။ မီးလောင်မြေများနှင့် သေမင်းစခန်းများကိုဖန်တီးသောကြောင့် မဟုတ်ပါ။ ထိုအကြောင်းများကြောင့် ဟစ်တလာကိုစွဲချက်တင်ခြင်းမဟုတ်ပါ။ စစ်တိုက်လာသည့်စစ်ဗိုလ်ချုပ်များက ဟစ်တလာကိုစွဲချက် တင်ခြင်းမှာ အခြားသောအကြောင်းကြောင့်ဖြစ်ပါသည်။

ဟစ်တလာသည် စစ်တိုက်ရာတွင် ကျွမ်းကျင်မှုမရှိဘဲစစ်တိုက်သောကြောင့် ဂျာမန်တပ်မတော်ကြီးကို အရှူံးဖြင့်ရင်ဆိုင်စေခဲ့သောကြောင့် ဖြစ်ပါသည်။ ဂျာမန်စစ်ဗိုလ်ချုပ်များက ဟစ်တလာကိုဖယ်ရှားကာ ဂျာမန်နယ်စပ်နားသို့ စစ်မရောက်လာခင် ငြိမ်းချမ်းရေးဆွေးနွေးရန် အကြံပေးကြသည်။ ထရိစီယန်နက်တွကင် ဓာတ်ငွေ့လောင်း၍မီးရှိူ့သတ်ခဲ့သော အလောင်းပုံကြီးအကြောင်းကိုမူ ဘာတခွန်းမျှမပြောကြပါ။

(အီလျာအာရင်းဘာ့ဂ် Men, Years-Life အား ဆရာမြသန်းတင့်ဘာသာပြန် လူများ၊ သက္ကရာဇ်များ-ဘဝ၊ စိုထိုင်းမနက်ခင်း၊ သေနတ်သံ၊ ကြောင်တကောင်ဆောင်းပါးမှ ထုတ်နှုတ်စာသားတွေဖြစ်ပါတယ်။ တွေးစရာတွေတပုံကြီးပါတဲ့စာပါ)