ဝက်ကုန်း အသုံးမတည့်ပါဆင်ဖြူကျွန်းအောင်သိန်း
လှလှနွယ်နှင့် မေသဇင်ကို ငေးကြည့်ရင်းက ရီးဆေးရိုးမှာ ရင်တွင်းသို့ ဆို့တက်လာသယောင် ခံစားရသည်။ မြေးမကလေး မိမိထွေး၏ ရှားပါးသော မိန်းကလေးသူငယ်ချင်းများကို မြင်ရသောကြောင့် ဖြစ်ချေသည်။ မြေးမကလေးသည် ကျောက်ပြုတ်ကုန်းရွာတွင် မာမာချာချာမှ ရှိပါလေစ။ ကလေးနှစ်ယောက်နှင့် နှမ်းဖတ်ခဲ ထမင်းသော်မှ နပ်မှန်အောင် ချက်နိုင်ပါလေစ။ မြေးမကလေးတွင် မိန်းကလေးသူငယ်ချင်း ရှားပါးငြား ယောက်ျားကလေးသူငယ်ချင်းမူ ပေါများသည်။ ယခု သူ့ဘေးတွင် ဆောင့်ကြောင့်သဖွယ်၊ ခြေဆင်းလဲ လူတစ်ဖုံ ထိုင်နေကြသူများပင် ငါးယောက်ရှိ၏။ ငတောက်၏သား လှမောင်နှင့် လှဆောင်။ တင်မောင်မြင့်၏သား ဖိုးအေး၊ စံရင်၏သား ငဦး၊ သန်းထူး၏သား ကျော်မြသောင်း။
သူတို့ကို စေ့စေ့စပ်စပ်ကြည့်မိသောအခါ ရီးဆေးရိုး မျက်ရည်ဝေ့ချင်သည်။ သို့သော် ပင်ကိုက သီဝေသော အဘိုးကြီးအိုတစ်ယောက်၏ မျက်လုံးတွင် တော်ရုံမျက်ရည်ဝေ့ကာမျှဖြင့် မသိသာ။ သူတို့ထဲမှ ကျော်မြသောင်းသည် သူ့လက်ဖျံရှိ ဆေးထိုးရုပ်နှင့် ရီးဆေးရိုးရင်ဘတ်ရှိ နတ်ကြီးငါးပါးကို ယှဉ်ကြည့်နေ၏။ ကောင်းစွာ ဖြန့်ခါခြင်းမရှိဘဲ ပစ်တင်လှန်ထားသော ရေစိုအဝတ်တစ်ထည်အလား ရီးဆေးရိုး၏ရင်ဘတ်နှင့် ကျောပြင်များ ရှုံ့တွနေသည်။ ကြိုးလွန်းတောင့်ကို မြှောက်ကာမြှောက်ကာ `လွန်း´လိုက်တိုင်း လက်မောင်းကြွက်သားကြီးက ခါယမ်းနေသည်။
ရင်ဘတ်ရှိ နတ်ကြီးငါးပါးမှာ ဟင်္သပဒါးဖြင့် ထိုးထားသည်။ နှစ်ပေါင်း ငါးဆယ်ကျော်ခဲ့ပြီ။ အရေခွံကို ဆွဲဖြန့်ကြည့်မှ ရေးရေးသာမြင်ရသည်။ သို့အတွက် ကျောဘက်သို့ ကျော်မြသောင်း စောင်းကြည့်သည်။ ဝက်ကုန်း ဆီမင်ဖြင့် ထိုးနှံထားသည့် အနက်ရောင်။
"ကျောဘက်က အရုပ်ကျတော့ အပီပါလား ဘရဲ့။ ဘာကြီးပါလိမ့်"
"ဝက်ကုန်းခေါ်သကွယ့်"
သွားဖုံးများပေါ်လာသည်အထိ ရီးဆေးရိုး ပြုံးမိသည်။ ပြုံးရာက အသံပါထွက်လာပြီး ရယ်သံစွက်လျက် "သည်ဝက်ကုန်းပေါ့ကွာ" ဆိုရင်း ရယ်မောမိပြန်သည်။ သည်ဝက်ကုန်းနှင့် နတ်ကြီးငါးပါးမှာ တော်ရိရော်ရိမဟုတ်။ ပေါင်နှင့် ခါးတွင်ထိုးသည့် ထိုးကွင်းများကား အလှသက်သက်ဖြစ်သည်။ ကျောင်းမှထွက်ပြီး နှစ်အနည်းငယ်ကြာမှ ထိုးနှံသောနတ်နှင့် ဝက်မှာ ကန်တော့ပွဲပေး၊ ဆေးကျူးမန္တန်စုပ်ပြီးမှ ထိုးရသည့် `ပြီး´ဆေးများဖြစ်သည်။
"တကယ်ကော ပြီးသလား ဘ"
ကျော်မြသောင်းနည်းတူပင် လှဆောင်ကလည်း စိတ်ဝင်တစားရှိလာကာ ဝင်မေးသည်။
"ပြီးလား မပြီးဘူးလား စမ်းခန်းတောင် မရောက်ပါဘူးလကွယ်၊ သွေးကြီးက နှစ်လုံးပြူးနဲ့ လိုက်ပစ်လို့ ပြန်လာခဲ့ရပါကော"
ရီးဆေးရိုးမှာ ပြောပြီးခါမှ `သွေးကြီး´ဟူသည် အဘယ်သို့ဟူသည်ကို မရှင်းမိပါတကားဟု သတိရသည်။ သို့အတွက် ရယ်သံသဲ့သဲ့ဖြင့် စကားဆက်သည်။
"သည်လိုကွ၊ အရပ်အုပ် ဆယ်အုပ်ကို `တစ်သွေး´ခေါ်သကွယ့်။ မြို့သူကြီး အောက်ကပေါ့ကွယ်။ ရပ်ကွက်အုပ် ဆယ်ယောက်အပေါ်ကပေါ့"
`သွေးကြီး´ဟူသော ဝေါဟာရကို မကြားဖူးသော လူငယ်များမှာ မျက်လုံးပြူး၊ ပါးစပ်ဟနေရာမှ ညင်သာစွာ သက်ပြင်းချ၏။
"ဘတို့က ဘာသွားလုပ်တာတုံး"
ဖိုးအေး၏ ပြူးကြောင်ကြောင်အကြည့်နှင့် ယှဉ်သည့်အမေး။
"သူပုန်ထတာပေါ့လကွာ"
"သူပုန်"
သုံးယောက်ခန့်သည် အံ့ဩသံ၊ တုန်လှုပ်သံဖြင့် မေး၏။
"ဂဠုန်ဆရာစံ သာယာဝတီမှာထတုန်းကပေါ့။ သရက်တို့၊ ပြည်တို့၊ အောင်လံတို့၊ တောင်တွင်း၊ ပခုက္ကူ၊ မြင်းခြံဘက်လည်း ကူးစက်လာတော့ ရမ်းဘိုကုန်းက ဘတို့ကော ဘာသားနဲ့လုပ်ထားသမို့ နေနိုင်မှာတုံး၊ ထကြတော့တာပေါ့ကွာ"
ရီးဆေးရိုးမှာ ထိုအချိန်က ကာလသားဘဝသာ ရှိသေး၏။ အတိတ်ကို ပြန်လည်စဉ်းစားငြား မှိုင်းယဲ့ယဲ့သာပေါ်သည်။ အဖေနှင့် မကြာခဏ ခေါင်းချင်းလာရိုက်သော ရီးစံအေး၊ ရီးကံရ၊ ငှက်ကြီးတောင်ဓားကို တသွေးတည်း သွေးလိုက်၊ ခြေသလုံးမွှေး `ကျ... မကျ´စမ်းလိုက်လုပ်နေသည့် အဖေ ဦးကျန်ကြီး။
ထိုလ ထိုရာသီသည် ထိုးကွင်း မင်ကြောင်ဆရာများ နယ်လှည့်သည့်ရာသီလည်းဖြစ်ရာ ထိုးနေကျ မင်ကြောင်ထက် ပြီးဆေးထိုးလိုသူက များနေသည်။ သို့အတွက် မင်ကြောင်ဆရာများမှာ နှစ်တိုင်းထက် ပို၍ လာဘ်ရွှင်သည်။ တစ်ဖက်တွင်လည်း ပုလိပ်နှင့် သူကြီး၏ ရန်ပေါ်ပေါက်လာသောကြောင့် ကျီးလန့်စာစား ဆေးထိုးကြရသည်။
"ဘဟာကလဲ ဟုတ်မလိုနဲ့ အဖျားရှူးသွားတာပါကလားလို့"
ကျော်မြသောင်း၏ အားမလို အားမရ စကား။
"မင်းတို့ကသာ အဖျားရှူးတယ်ထင်တာကိုးကွ၊ ငါတို့မှာတော့ တစ်သက်လုံးက မျက်လုံး လှန်မကြည့်ရဲတဲ့ သွေးကြီးတို့၊ ပုလိပ်တို့ကို ဓားနဲ့ဝင်ခုတ်ရတာ နည်းနည်းနောနော စွန့်စားရတာမှတ်သလား"
"ဘပြောတာကလဲဗျာ၊ ဘိုင်စကုပ်ကို ဟိုနားတစ်ဖြတ်၊ ဒီနားတစ်ဖြတ် ကြည့်ရလား မှတ်ရသဗျ။ ဆံ့တငံ့ငံ့နဲ့"
ရီးဆေးရိုးသည် `ဝမ်းစာ´ထန်းအူလျှော်များကို ဖနောင့်ဖြင့်ခြစ်လျက် စုရုံး ဆွဲငင်ရင်း ပြုံးပြန်သည်။
"ဟ... မင့်ဖေကလွှား၊ ငါမှတ်မိတာကလည်း ဟိုတစ်စ သည်တစ်စပဲကိုးကွ။ အဲသည်တော့ အဲ... အဲ၊ အဲသည်ညက လကွယ်ညကွ"
အရေးတော်ပုံညသည် နှင်းမှုန်ထဲမှ မှိုင်းရီဝေဝါးစွာ ပေါ်လာပြန်သည်။ ခုတင်ကြီးစုအနီး ကွမ်းခြံစပ်တွင် တစ်စု၊ ယာထဲတွင်တစ်အုပ်၊ သာဒွန်းဝ မြောင်းပေါင်တွင်ကား လူအတော်များဟန်တူသည်။ ကြယ်ရောင်ဖြင့် လက်ခနဲ လက်ခနဲ ပေါ်လာသည့် ငှက်ကြီးတောင် ဓားရောင်ဖြင့်ပင် အနည်းဆုံး လူတစ်ရာခန့်ရှိမည်ထင်ရသည်။
ရမ်းဘိုကုန်း တစ်ရွာတည်းမှမဟုတ်။ ခုတင်ကြီးတစ်စု၊ ပုရပိုက်တန်းသာမက ချောင်းဟိုဘက်ရွာများရော တောင်ဖျားမှ ရွာများပါ ပါဝင်သည်။ သူ့အစု သူ့ခေါင်းဆောင်နှင့် လာကြခြင်းလည်း မဟုတ်။ စိတ်တူ သဘောတူ လေးယောက်တစ်စု၊ ငါးယောက်တစ်စု ထွက်လာကြရာက သည်မှာ ဆုံမိကြခြင်းဖြစ်သည်။
"ကဲ... ကဲ အားလုံး နားထောင်ကြပါ။ သည်လူတွေ တစ်စုတည်းသွားရင် ဂတ်တဲ မရောက်ခင် ပုလိပ်တွေ သိကုန်လိမ့်မယ်။ အဲသည် အစုကို ကျုပ်ခေါင်းဆောင်မယ်။ ခေါင်းဆောင်ရဲ့ စကားကို လိုက်နာကြပါ"
အစီအစဉ်ကို သစ်ငုတ်တိုပေါ်မှ မတိုးမကျယ်ပြောသူမှာ မောင်ဆေးရိုးဖခင် ဦးကျန်ကြီးပေတည်း။
"ကျန်တစ်စုကို ကိုစံအေး ခေါင်းဆောင်ပြီး ကုန်းပေါ်ကသွားမယ်။ ကားလမ်းပေါ်က မတက်ဘဲ လမ်းဘေး လှည်းလမ်းက သွားကြပါ။ ချစ်တီးတိုက်ကိုရောက်မှ အသံပြုကြပါ"
အစီအစဉ်ကို လူများသဘောကျကြသည်။ လယ်သမားအများစုမှာ ချစ်တီးကို နာထားသူများဖြစ်သည်။ ထိုချစ်တီးနောက်မှ ပါလာနေကျ ပုလိပ်ကိုလည်း လယ်သမားများက ရွံမုန်းကြောက်ကြီး ဖြစ်နေသဖြင့် ဂတ်တဲကို တိုက်မည်ဆိုသောအခါ ဝမ်းသာနေကြသည်။
လကွယ်ည၏ ကြယ်ရောင်အောက်တွင် ငှက်ကြီးတောင်ဓားနှင့် မှိန်းကိုင်၊ လှံကိုင် လယ်သမားများသည် တိတ်ဆိတ်စွာ အစုခွဲကြသည်။ မောင်ဆေးရိုးမှာ ကုန်းကြောင်းချီအဖွဲ့တွင် ပါဝင်သည်။ သူ့ဘေးတွင် ကိုသာဒွန်း၊ ကိုပိတ်စတို့ ပုဆိုးခြုံထဲ ဓားထည့်လျက် ကုပ်ကုပ်ကလေး ပါလာကြ၏။ သူတို့သည် မြို့အဝင်မြောင်းနှင့် `ပေါင်း´ကို တိတ်ဆိတ်စွာ ဖြတ်ကျော်ခဲ့ကြသည်။ အချိန်မှာ သန်းခေါင်ဘက်သို့ နီးနေပြီ။ အိမ်အများ တံခါးပိတ်ကာ အိပ်ကြပြီဖြစ်ငြား မီးတလက်လက်နှင့် စကားကောင်းနေသော အိမ်များလည်း ရှိနေသေးသည်။ `ချင်းမပေါင်း´သို့အရောက်တွင် ကားဓာတ်စက်သံတညံညံ၊ အောက်လင်းဓာတ်မီး တထိန်ထိန်နှင့် တိုက်တစ်လုံးအနီးတွင် ရပ်တန့်မိကြသည်။ မီးရောင်က လမ်းပေါ်အထိ ရောက်နေသည်။ သည်လူအုပ် မည်သို့ဖြတ်သန်းမည်နည်း။
"ဘုန်းကြီးကျောင်းဘက် လှည့်သွားကြရအောင်ဟေ့"
ဦးစံအေး တီးတိုးပြောစဉ် အော်ကျယ်အော်ကျယ် အသံတစ်သံ ထွက်ပေါ်လာချေတော့သည်။
"ဘာပြုလို့ နောက်ပြန်ဆုတ်ရမှာတုံး ဆရာကြီးရဲ့။ နိမိတ်မကောင်းပါဘူး၊ ဝပ်ပြီးသွားကြတာပေါ့"
"အောင်မာ သည်တိုက်ဟာ လက်စသတ်တော့ ဦးသာဒင်တိုက်၊၊ စပါးနှစ်တောင်းချေးပြီး စာရင်းစာအုပ်ထဲမှာ ငါးတောင်းလို့မှတ်တဲ့ လူလိမ် လူယုတ်မာကြီး။ ကျုပ်ကို ဒုက္ခပေးတဲ့လူကြီး။ လာကြ သူ့ဓာတ်မီးကို ရိုက်ခွဲပစ်ရအောင်"
ဒိုင်းခေါင်းရွာသား ငပွင့်ဖြစ်သည်။
"ဟဲ့ ငပွင့် မလုပ်နဲ့။ ချစ်တီးတိုက်ကို မရောက်ဘဲနေတော့မယ်"
ဦးစံအေးက အသံအုပ်လျက် တားမြစ်သည်။ ငပွင့်ကား သူ့ဘက်သို့ လူနှစ်ဆယ်ခန့် ပါလာသည့်အတွက် အားတက်သွားသည်။ "လာကြဟေ့... လာကြ" အော်လျက် ပြေးကပ်သည်။
သစ်သားဝင်းထရံကို ကျော်တက်သူက တက်၊ မီးအိုးကို ခဲဖြင့် ထုသူကထု၊ ဝင်းထရံကို ဖျက်သူက ဖျက်ဖြင့် တစ်မုဟုတ်ချင်း ဆူညံသွားလေ၏။
မီးရောင်ပျပျရှိသော အိမ်များလည်း ချက်ချင်း မီးငြိမ်းသွားတော့သည်။ ဦးစံအေး၏ အစီအမံအောက်တွင် ငြိမ်ဝပ်စွာ ရှိနေသူများလည်း ယောင်ချာချာ ဖြစ်နေကြသည်။ ငပွင့်တို့မှာလည်း တိုက်တွင်းသို့ မဝင်နိုင်ပေ။ သံတိုင် တပ်ထားသည့် ကျွန်းတံခါးကို သူတို့ မဖျက်နိုင်ကြ။ သို့အတွက် စပါးကျီများရှိသည့်ဘက်သို့ လှည့်သွားကြစဉ် နှစ်လုံးပြူးသေနတ်သံ တစ်ချက် ကျယ်လောင်စွာ မြည်ဟိန်းသည်။
"ဟေ့ တစ်ယောက်မှ မလှုပ်နဲ့။ အားလုံး မြေကြီးပေါ်မှာ မှောက်နေကြ"
သွေးကြီး ဦးဖိုးဆိုင်၏ အသံဖြစ်သည်။
"လူစုခွဲပြီး မှောင်ရိပ်ခိုကြဟေ့။ မပြေးနဲ့... မပြေးနဲ့"
ဦးစံအေးမှာ တီးတိုးမျှသာ သတိပေးနိုင်၏။ သူ့ဘေးတွင် လူမည်မျှ၊ သူ့နောက်တွင် လူမည်မျှ ကျန်သေးသည်ကို သူမသိ။ လမ်းစောင်းတွင် ပေါက်နေသော `ဝက်ချေးပနဲ´ပင်ရိပ်တွင် ပုဝပ်လျက် ပုန်းခိုသည်။
မောင်ဆေးရိုးနှင့် မောင်ပိတ်စသာလျှင် ဦးစံအေးနောက်၌ ရှိသည်။ ကျန်လူများမှာ မြောင်းထဲ ဆင်းသည်။ ဘုန်းကြီးကျောင်းထဲဝင်ကြသည်။ တာစောင်းတွင် ဦးစံအေး တရွေ့ရွေ့ ရွှေ့သည်။ မောင်ပိတ်စနှင့် မောင်ဆေးရိုးလည်း ရွေ့ရွေ့ ရွေ့ရွေ့ဖြင့် ကပ်လိုက်သွားကြသည်။ သွေးကြီး ဦးဖိုးဆိုင်နှင့် တပည့်တပန်းများသည် မီးစည်း တယမ်းယမ်း တမြှောက်မြှောက်ဖြင့် လျှောက်လာကြရာ ဦးစံအေးတို့နှင့် ဝါးတစ်ရိုက်မျှသာ ကွာတော့သည်။ သင်္ဘောမန်ကျည်းပင်နှင့် ပဒိုင်းပင်များက အကာအကွယ်ပေးထားသည်။
"ဟေ့... ရပ်လိုက်ကြ။ ရပ်ဆို မရပ်ဘူးလား"
တိုက်ဝင်းထဲမှ လူတချို့ ပြေးထွက်သွားသဖြင့် သွေးကြီး လှမ်းအော်ရင်း နှစ်လုံးပြူးသေနတ်ဖြင့် လှမ်းပစ်သည်။ ထိုအချိန်တွင် ဦးစံအေး ခုန်ထွက်၏။ ကျားခနဲအော်ရင်း သွေးကြီးကို ဝင်ခုတ်သည်။ သွေးကြီးမှာ ရုတ်တရက် မှင်တက်မိသွားရာက နှစ်လုံးပြူးဖြင့် ဆီးခံသည်။ မောင်ဆေးရိုးနှင့် မောင်ပိတ်စလည်း မနေသာ ပြေးဝင်ခုတ်သည်။
"ခုတ်ကုန်ပြီဟေ့။ ချကြ... ချကြ ခုတ်လဟ
မြောင်းထဲမှ၊ ချုံထဲမှ၊ မှောင်ရိပ်မှ လူသုံးဆယ်ခန့် ထွက်လာသည်။ သွေးကြီးနှင့် တပည့်လေးဦးမှာ သေနတ်ကို အရလုလျက် မီးစည်းများချကာ ထွက်ပြေးတော့သည်။
"လိုက်ဟ... လိုက်ဟ၊ ချဟ... ခုတ်ဟ"
ဦးသာဒင့်တိုက်ရှေ့တွင်သာ ဆူညံနေရာက ပြည်စိုးကုန်းရပ်ကွက် တစ်ခုလုံးပါ အော်ဟစ် ကြုံးဝါးသံများဖြင့် ပွတ်လောရိုက်သွားတော့သည်။
"အဲဒါပဲကွ၊ ငပွင့် နှောက်လိုက်တာ တစ်ခါတည်း ဘယ်မှာ ချစ်တီးတိုက်ကိုရောက်တော့လို့တုံး၊ သွေးကြီးနောက်ကို ဝိုင်းလိုက်ရင်းနဲ့ လူစုကွဲပါရောလား။ ဝက်ကုန်းနှင့် နတ်ကြီးငါးပါးလည်း စမ်းခန်းမရောက်တော့ပါဘူး"
"အရီးသာ ရှိတာ မဟုတ်ပါဘူးဗျာ။ ကျုပ်လည်း ဂျပန်ခေတ်တုန်းက ထိုးထားတာ ရှိပါတယ်"
စကားဝိုင်းဘေးသို့ တိတ်ဆိတ်စွာ ရောက်ရှိနေသူမှာ ငါးယောက်ဖြစ်သည်။ သူ့သား ကိုဘညိန်းနှင့် ရွယ်တူတွေ။ အေးအောင်၊ စိန်အုပ်၊ ထွန်းမှုန်၊ ကြင်မောင်နှင့် ခင်မောင်လေး စသည်တို့။ ရင်ဘတ်ကြီး တကော့ကော့ဖြင့် ဝင်ရောက်ဝင့်ကြွားသူမှာ ကိုထွန်းမှုန်ဖြစ်၏။ သူ့ရင်ဘတ် ပုတီးဆွဲလမ်းတွင် ဆီမင်ဖြင့် ထိုးထားသော နတ်ခေါင်းငါးလုံး။
"ဘဒွေး အရုပ်တွေ ခဏနေပါဦးဗျာ"
ကျော်မြသောင်းက ဝင်ပြီး ကန့်ကွက်သည်။ "အဘ ဟိုချောင်းထဲက သွားတဲ့လူတွေကော ဘာလုပ်ကြသတုံး ဘ" ဟု လိုရင်းကို မေးသည်။ ထိုအခါ ရီးဆေးရိုး ရယ်မောပြန်သည်။ "အေး ဟုတ်သဟ" ပြောရင်းက ခြေမကြားမှ ကြိုးစကို ဖြုတ်သည်။ လွန်းတောင့်တွင် ရစ်သည်။ ရေနွေးကြမ်း အေးအေးကို မော့သည်။ ဆေးလိပ်တိုကို ကောက်ကိုင်မိမှ စကားပြန်ဆက်သည်။
"ချောင်းထဲကသွားတဲ့ လူစုမှာ အဖေက လူကြီးကွ။ သူတို့ဟာ စာတိုက်ဆိပ်ကတက်ပြီး ဂတ်ကို စီးဖို့ဟာ ပတ်တရောင်တွေနဲ့ တိုးနေပါလေရောဟေ့။ အဲဒါနဲ့ ဈေးဆိပ်က တက်ပြီး တိုက်ကြားတွေက မှောင်ရိပ်ခိုအလာမှာ ဘိန်းစားပုလိပ်ကြောင့် ခွကျကုန်တာပေါ့လကွာ"
နောက်ရောက်လာသူများရော၊ ရှိနှင့်ပြီးသော လူငယ်လေးများပါ မျက်တောင်မခတ်ဘဲ ရီးဆေးရိုးကို ကြည့်နေကြ၏။ ရီးဆေးရိုးသည် ဆေးလိပ်ကို နှစ်ဖွာသုံးဖွာ ဖွာရှိုက်ပြီးငြား အာသာမပြတ်နိုင်ဘဲ ထပ်မံဖွာနေသည့်အတွက် လှဆောင် မနေသာတော့ချေ။
"ဘကလဲဗျာ၊ ပွဲတောင်းမှန်း သိတာနဲ့ပဲ"
"ဘိန်းစားပုလိပ်ကြောင့် ဘယ်လိုဖြစ်တုံး ဘ"
ဖိုးအေးမူ မေးလည်းမေး၊ ဆေးလိပ်ကိုလည်း လှမ်းဆွဲသည့်အတွက် ရီးဆေးရိုး တိမ်းငဲ့ဖယ်ရှားရင်း စကားဆက်ရ၏။
"အဲ မြောက်ရှားတိုက်နဲ့ မနီးမဝေးမှာ ဘိန်းခန်းရှိသကွ။ ဘည်ဘိန်းခန်းထဲကို ပုလိပ်ဘိန်းစား တစ်ယောက် ဝင်သွားတာ လှစ်ခနဲလည်း မြင်လိုက်ရော ဖိုးဇုန်ပေါ့ကွာ အာဋ္ဌာဝက ထပါလေရောဟေ့"
"အာဋ္ဌာဝကဆေး ထိုးထားလို့လား ဘ"
"ဟ ကောင်လေးရ... သတ်မယ် ဖြတ်မယ် ကြုံးဝါးတာကို အာဋ္ဌာဝက ထတယ်ခေါ်သာဟ။ နားဝေးပါ့ကွာ"
ကိုကြင်မောင်သည် ရီးဆေးရိုးကိုယ်စား ဝင်ရောက်ဖြေကြားသည်။ မေးသူ၏ထိပ်ကိုလည်း ပုတ်သည်။
"အဖေက မဟုတ်ဘူး၊ တို့်အကြံပျက်မယ်၊ သွားမလုပ်နဲ့ တားသကွ။ သာပေမယ့် မဟုတ်ဘူး။ ငတောက်တို့အိမ် ချစ်တီးသိမ်းတုန်းက ငတောက်ကို သေနတ်ဒင်နဲ့ဆောင့်သာ သည်ဘိန်းစားပဲ၊ အခု လက်စားချေရမယ်ပေါ့။ သည်တော့ အဖေက ဖျောင်းဖျတယ်၊ သည်ပုလိပ်ကို အခုမသတ်နဲ့။ အရှင်ဖမ်း၊ ဓားစာခံလုပ်ပြီး ဂတ်ကို စီးမယ်ဆိုတော့ ဖိုးဇုန် သဘောကျသွားသကွ။ သည်အကြံ ကောင်းသယ်ပေါ့"
"ဘိန်းစားပုလိပ်မှာ သေနတ်မပါဘူးလား ဘ"
"မပါ ပါဘူးကွာ၊ ဖိုးဇုန်တို့်လည်း အဲသည် ဘိန်းစားပုလိပ်ကို ဖမ်းဖို့ တိုက်ထဲလည်း ဝင်သွားရော ဘိန်းခန်း အပေါက်စောင့် ကုလားက သူခိုး သူခိုး ထအော်ပါလေရောဟေ့။ ဖိုးဇုန် လန့်ပြီး ဓားနဲ့တွက်ပစ်ခဲ့သာ လူကို မထိပေလို့ပေါ့ကွာ၊ ခန်းဆီးအဝတ် ထက်ပိုင်းပြတ် ကျန်ခဲ့သတဲ့"
"ဂတ်က မကြားဘူးလား ဘ"
"ဂတ်က ကြား၊ မကြားတော့ မသိဘူးလေ၊ တိတ်တိတ်ကလေး သွားရမယ့်ဥစ္စာ၊ အရပ်ထဲက လူတွေထွက်လာတဲ့နောက်တော့ ဘယ်မှာကောင်းတော့မှာလဲ။ အကြံပျက်တော့တာပေါ့ကွာ။ အဖေပြန်ပြောလို့ သိရသာကတော့ အဲသာပဲကွ"
ရီးဆေးရိုးသည် စကားအဆုံး၌ မီးခြစ်ကို လှမ်းယူသည်။
"ဘတို့က ချစ်တီးတိုက်ကို ဘာလုပ်မယ် စိတ်ကူးနဲ့ သွားကြတာလဲ ဘ" ကိုထွန်းမှုန့် အမေးဖြစ်သည်။
"မီးခံသေတ္တာထဲမှာ လယ်ပေါင်စာချုပ်၊ သီးစား စာချုပ်တွေ ရှိသကွ။ အဲသာတွေ ယူဖို့ကွ။ သာပေမယ့် ငပွင့်ကြောင့် အကြံပျက်သာပဲကောင်းပါသကွာ။ နို့မို့ရင် ချစ်တီးတိုက်ကို စောင့်ဖို့ လွှတ်လိုက်တဲ့ အမ်းပုလိပ်တပ်နဲ့ တိုးမှာ"
"အံမာ ဝက်ကုန်းနဲ့ နတ်ကြီးငါးပါး ဆေးထိုးထားတယ် မဟုတ်လား"
"ဟ... အဲသည်ဆေးတွေက ခဲ၊ အုတ်၊ ကျောက်၊ တံတောင်၊ တုတ်၊ ဓား၊ လှံ၊ ဖနှောင့်၊ လက်သီး၊ တင်းပုတ် ဘာညာပေါ့ကွာ။ အဲသာတွေပဲ ပြီးသာကွ။ အားနဲ့ပြေးလာသဲ့ ကျည်ဆန်၊ အဲအဲ နှစ်လုံးပြူး၊ `စရိတ်´ကျဲသာတော့ ပြီးသကွ။ ရိုင်ဖယ်ကျည်ဆန်ကျတော့ မခံနိုင်ဘူး၊ အရိုးကျိုးသတဲ့"
ကိုထွန်းမှုန်တို့ လူလတ်ပိုင်းမှာ တွေပြီး ကြည့်နေကြငြား ကျော်မြသောင်းတို့ လူငယ်များကား ဝါးခနဲ ရယ်မောလိုက်ကြလေ၏။
စာမျက်နှာ (၉၃၆-၉၄၀)
လှလှနွယ်နှင့် မေသဇင်ကို ငေးကြည့်ရင်းက ရီးဆေးရိုးမှာ ရင်တွင်းသို့ ဆို့တက်လာသယောင် ခံစားရသည်။ မြေးမကလေး မိမိထွေး၏ ရှားပါးသော မိန်းကလေးသူငယ်ချင်းများကို မြင်ရသောကြောင့် ဖြစ်ချေသည်။ မြေးမကလေးသည် ကျောက်ပြုတ်ကုန်းရွာတွင် မာမာချာချာမှ ရှိပါလေစ။ ကလေးနှစ်ယောက်နှင့် နှမ်းဖတ်ခဲ ထမင်းသော်မှ နပ်မှန်အောင် ချက်နိုင်ပါလေစ။ မြေးမကလေးတွင် မိန်းကလေးသူငယ်ချင်း ရှားပါးငြား ယောက်ျားကလေးသူငယ်ချင်းမူ ပေါများသည်။ ယခု သူ့ဘေးတွင် ဆောင့်ကြောင့်သဖွယ်၊ ခြေဆင်းလဲ လူတစ်ဖုံ ထိုင်နေကြသူများပင် ငါးယောက်ရှိ၏။ ငတောက်၏သား လှမောင်နှင့် လှဆောင်။ တင်မောင်မြင့်၏သား ဖိုးအေး၊ စံရင်၏သား ငဦး၊ သန်းထူး၏သား ကျော်မြသောင်း။
သူတို့ကို စေ့စေ့စပ်စပ်ကြည့်မိသောအခါ ရီးဆေးရိုး မျက်ရည်ဝေ့ချင်သည်။ သို့သော် ပင်ကိုက သီဝေသော အဘိုးကြီးအိုတစ်ယောက်၏ မျက်လုံးတွင် တော်ရုံမျက်ရည်ဝေ့ကာမျှဖြင့် မသိသာ။ သူတို့ထဲမှ ကျော်မြသောင်းသည် သူ့လက်ဖျံရှိ ဆေးထိုးရုပ်နှင့် ရီးဆေးရိုးရင်ဘတ်ရှိ နတ်ကြီးငါးပါးကို ယှဉ်ကြည့်နေ၏။ ကောင်းစွာ ဖြန့်ခါခြင်းမရှိဘဲ ပစ်တင်လှန်ထားသော ရေစိုအဝတ်တစ်ထည်အလား ရီးဆေးရိုး၏ရင်ဘတ်နှင့် ကျောပြင်များ ရှုံ့တွနေသည်။ ကြိုးလွန်းတောင့်ကို မြှောက်ကာမြှောက်ကာ `လွန်း´လိုက်တိုင်း လက်မောင်းကြွက်သားကြီးက ခါယမ်းနေသည်။
ရင်ဘတ်ရှိ နတ်ကြီးငါးပါးမှာ ဟင်္သပဒါးဖြင့် ထိုးထားသည်။ နှစ်ပေါင်း ငါးဆယ်ကျော်ခဲ့ပြီ။ အရေခွံကို ဆွဲဖြန့်ကြည့်မှ ရေးရေးသာမြင်ရသည်။ သို့အတွက် ကျောဘက်သို့ ကျော်မြသောင်း စောင်းကြည့်သည်။ ဝက်ကုန်း ဆီမင်ဖြင့် ထိုးနှံထားသည့် အနက်ရောင်။
"ကျောဘက်က အရုပ်ကျတော့ အပီပါလား ဘရဲ့။ ဘာကြီးပါလိမ့်"
"ဝက်ကုန်းခေါ်သကွယ့်"
သွားဖုံးများပေါ်လာသည်အထိ ရီးဆေးရိုး ပြုံးမိသည်။ ပြုံးရာက အသံပါထွက်လာပြီး ရယ်သံစွက်လျက် "သည်ဝက်ကုန်းပေါ့ကွာ" ဆိုရင်း ရယ်မောမိပြန်သည်။ သည်ဝက်ကုန်းနှင့် နတ်ကြီးငါးပါးမှာ တော်ရိရော်ရိမဟုတ်။ ပေါင်နှင့် ခါးတွင်ထိုးသည့် ထိုးကွင်းများကား အလှသက်သက်ဖြစ်သည်။ ကျောင်းမှထွက်ပြီး နှစ်အနည်းငယ်ကြာမှ ထိုးနှံသောနတ်နှင့် ဝက်မှာ ကန်တော့ပွဲပေး၊ ဆေးကျူးမန္တန်စုပ်ပြီးမှ ထိုးရသည့် `ပြီး´ဆေးများဖြစ်သည်။
"တကယ်ကော ပြီးသလား ဘ"
ကျော်မြသောင်းနည်းတူပင် လှဆောင်ကလည်း စိတ်ဝင်တစားရှိလာကာ ဝင်မေးသည်။
"ပြီးလား မပြီးဘူးလား စမ်းခန်းတောင် မရောက်ပါဘူးလကွယ်၊ သွေးကြီးက နှစ်လုံးပြူးနဲ့ လိုက်ပစ်လို့ ပြန်လာခဲ့ရပါကော"
ရီးဆေးရိုးမှာ ပြောပြီးခါမှ `သွေးကြီး´ဟူသည် အဘယ်သို့ဟူသည်ကို မရှင်းမိပါတကားဟု သတိရသည်။ သို့အတွက် ရယ်သံသဲ့သဲ့ဖြင့် စကားဆက်သည်။
"သည်လိုကွ၊ အရပ်အုပ် ဆယ်အုပ်ကို `တစ်သွေး´ခေါ်သကွယ့်။ မြို့သူကြီး အောက်ကပေါ့ကွယ်။ ရပ်ကွက်အုပ် ဆယ်ယောက်အပေါ်ကပေါ့"
`သွေးကြီး´ဟူသော ဝေါဟာရကို မကြားဖူးသော လူငယ်များမှာ မျက်လုံးပြူး၊ ပါးစပ်ဟနေရာမှ ညင်သာစွာ သက်ပြင်းချ၏။
"ဘတို့က ဘာသွားလုပ်တာတုံး"
ဖိုးအေး၏ ပြူးကြောင်ကြောင်အကြည့်နှင့် ယှဉ်သည့်အမေး။
"သူပုန်ထတာပေါ့လကွာ"
"သူပုန်"
သုံးယောက်ခန့်သည် အံ့ဩသံ၊ တုန်လှုပ်သံဖြင့် မေး၏။
"ဂဠုန်ဆရာစံ သာယာဝတီမှာထတုန်းကပေါ့။ သရက်တို့၊ ပြည်တို့၊ အောင်လံတို့၊ တောင်တွင်း၊ ပခုက္ကူ၊ မြင်းခြံဘက်လည်း ကူးစက်လာတော့ ရမ်းဘိုကုန်းက ဘတို့ကော ဘာသားနဲ့လုပ်ထားသမို့ နေနိုင်မှာတုံး၊ ထကြတော့တာပေါ့ကွာ"
ရီးဆေးရိုးမှာ ထိုအချိန်က ကာလသားဘဝသာ ရှိသေး၏။ အတိတ်ကို ပြန်လည်စဉ်းစားငြား မှိုင်းယဲ့ယဲ့သာပေါ်သည်။ အဖေနှင့် မကြာခဏ ခေါင်းချင်းလာရိုက်သော ရီးစံအေး၊ ရီးကံရ၊ ငှက်ကြီးတောင်ဓားကို တသွေးတည်း သွေးလိုက်၊ ခြေသလုံးမွှေး `ကျ... မကျ´စမ်းလိုက်လုပ်နေသည့် အဖေ ဦးကျန်ကြီး။
ထိုလ ထိုရာသီသည် ထိုးကွင်း မင်ကြောင်ဆရာများ နယ်လှည့်သည့်ရာသီလည်းဖြစ်ရာ ထိုးနေကျ မင်ကြောင်ထက် ပြီးဆေးထိုးလိုသူက များနေသည်။ သို့အတွက် မင်ကြောင်ဆရာများမှာ နှစ်တိုင်းထက် ပို၍ လာဘ်ရွှင်သည်။ တစ်ဖက်တွင်လည်း ပုလိပ်နှင့် သူကြီး၏ ရန်ပေါ်ပေါက်လာသောကြောင့် ကျီးလန့်စာစား ဆေးထိုးကြရသည်။
"ဘဟာကလဲ ဟုတ်မလိုနဲ့ အဖျားရှူးသွားတာပါကလားလို့"
ကျော်မြသောင်း၏ အားမလို အားမရ စကား။
"မင်းတို့ကသာ အဖျားရှူးတယ်ထင်တာကိုးကွ၊ ငါတို့မှာတော့ တစ်သက်လုံးက မျက်လုံး လှန်မကြည့်ရဲတဲ့ သွေးကြီးတို့၊ ပုလိပ်တို့ကို ဓားနဲ့ဝင်ခုတ်ရတာ နည်းနည်းနောနော စွန့်စားရတာမှတ်သလား"
"ဘပြောတာကလဲဗျာ၊ ဘိုင်စကုပ်ကို ဟိုနားတစ်ဖြတ်၊ ဒီနားတစ်ဖြတ် ကြည့်ရလား မှတ်ရသဗျ။ ဆံ့တငံ့ငံ့နဲ့"
ရီးဆေးရိုးသည် `ဝမ်းစာ´ထန်းအူလျှော်များကို ဖနောင့်ဖြင့်ခြစ်လျက် စုရုံး ဆွဲငင်ရင်း ပြုံးပြန်သည်။
"ဟ... မင့်ဖေကလွှား၊ ငါမှတ်မိတာကလည်း ဟိုတစ်စ သည်တစ်စပဲကိုးကွ။ အဲသည်တော့ အဲ... အဲ၊ အဲသည်ညက လကွယ်ညကွ"
အရေးတော်ပုံညသည် နှင်းမှုန်ထဲမှ မှိုင်းရီဝေဝါးစွာ ပေါ်လာပြန်သည်။ ခုတင်ကြီးစုအနီး ကွမ်းခြံစပ်တွင် တစ်စု၊ ယာထဲတွင်တစ်အုပ်၊ သာဒွန်းဝ မြောင်းပေါင်တွင်ကား လူအတော်များဟန်တူသည်။ ကြယ်ရောင်ဖြင့် လက်ခနဲ လက်ခနဲ ပေါ်လာသည့် ငှက်ကြီးတောင် ဓားရောင်ဖြင့်ပင် အနည်းဆုံး လူတစ်ရာခန့်ရှိမည်ထင်ရသည်။
ရမ်းဘိုကုန်း တစ်ရွာတည်းမှမဟုတ်။ ခုတင်ကြီးတစ်စု၊ ပုရပိုက်တန်းသာမက ချောင်းဟိုဘက်ရွာများရော တောင်ဖျားမှ ရွာများပါ ပါဝင်သည်။ သူ့အစု သူ့ခေါင်းဆောင်နှင့် လာကြခြင်းလည်း မဟုတ်။ စိတ်တူ သဘောတူ လေးယောက်တစ်စု၊ ငါးယောက်တစ်စု ထွက်လာကြရာက သည်မှာ ဆုံမိကြခြင်းဖြစ်သည်။
"ကဲ... ကဲ အားလုံး နားထောင်ကြပါ။ သည်လူတွေ တစ်စုတည်းသွားရင် ဂတ်တဲ မရောက်ခင် ပုလိပ်တွေ သိကုန်လိမ့်မယ်။ အဲသည် အစုကို ကျုပ်ခေါင်းဆောင်မယ်။ ခေါင်းဆောင်ရဲ့ စကားကို လိုက်နာကြပါ"
အစီအစဉ်ကို သစ်ငုတ်တိုပေါ်မှ မတိုးမကျယ်ပြောသူမှာ မောင်ဆေးရိုးဖခင် ဦးကျန်ကြီးပေတည်း။
"ကျန်တစ်စုကို ကိုစံအေး ခေါင်းဆောင်ပြီး ကုန်းပေါ်ကသွားမယ်။ ကားလမ်းပေါ်က မတက်ဘဲ လမ်းဘေး လှည်းလမ်းက သွားကြပါ။ ချစ်တီးတိုက်ကိုရောက်မှ အသံပြုကြပါ"
အစီအစဉ်ကို လူများသဘောကျကြသည်။ လယ်သမားအများစုမှာ ချစ်တီးကို နာထားသူများဖြစ်သည်။ ထိုချစ်တီးနောက်မှ ပါလာနေကျ ပုလိပ်ကိုလည်း လယ်သမားများက ရွံမုန်းကြောက်ကြီး ဖြစ်နေသဖြင့် ဂတ်တဲကို တိုက်မည်ဆိုသောအခါ ဝမ်းသာနေကြသည်။
လကွယ်ည၏ ကြယ်ရောင်အောက်တွင် ငှက်ကြီးတောင်ဓားနှင့် မှိန်းကိုင်၊ လှံကိုင် လယ်သမားများသည် တိတ်ဆိတ်စွာ အစုခွဲကြသည်။ မောင်ဆေးရိုးမှာ ကုန်းကြောင်းချီအဖွဲ့တွင် ပါဝင်သည်။ သူ့ဘေးတွင် ကိုသာဒွန်း၊ ကိုပိတ်စတို့ ပုဆိုးခြုံထဲ ဓားထည့်လျက် ကုပ်ကုပ်ကလေး ပါလာကြ၏။ သူတို့သည် မြို့အဝင်မြောင်းနှင့် `ပေါင်း´ကို တိတ်ဆိတ်စွာ ဖြတ်ကျော်ခဲ့ကြသည်။ အချိန်မှာ သန်းခေါင်ဘက်သို့ နီးနေပြီ။ အိမ်အများ တံခါးပိတ်ကာ အိပ်ကြပြီဖြစ်ငြား မီးတလက်လက်နှင့် စကားကောင်းနေသော အိမ်များလည်း ရှိနေသေးသည်။ `ချင်းမပေါင်း´သို့အရောက်တွင် ကားဓာတ်စက်သံတညံညံ၊ အောက်လင်းဓာတ်မီး တထိန်ထိန်နှင့် တိုက်တစ်လုံးအနီးတွင် ရပ်တန့်မိကြသည်။ မီးရောင်က လမ်းပေါ်အထိ ရောက်နေသည်။ သည်လူအုပ် မည်သို့ဖြတ်သန်းမည်နည်း။
"ဘုန်းကြီးကျောင်းဘက် လှည့်သွားကြရအောင်ဟေ့"
ဦးစံအေး တီးတိုးပြောစဉ် အော်ကျယ်အော်ကျယ် အသံတစ်သံ ထွက်ပေါ်လာချေတော့သည်။
"ဘာပြုလို့ နောက်ပြန်ဆုတ်ရမှာတုံး ဆရာကြီးရဲ့။ နိမိတ်မကောင်းပါဘူး၊ ဝပ်ပြီးသွားကြတာပေါ့"
"အောင်မာ သည်တိုက်ဟာ လက်စသတ်တော့ ဦးသာဒင်တိုက်၊၊ စပါးနှစ်တောင်းချေးပြီး စာရင်းစာအုပ်ထဲမှာ ငါးတောင်းလို့မှတ်တဲ့ လူလိမ် လူယုတ်မာကြီး။ ကျုပ်ကို ဒုက္ခပေးတဲ့လူကြီး။ လာကြ သူ့ဓာတ်မီးကို ရိုက်ခွဲပစ်ရအောင်"
ဒိုင်းခေါင်းရွာသား ငပွင့်ဖြစ်သည်။
"ဟဲ့ ငပွင့် မလုပ်နဲ့။ ချစ်တီးတိုက်ကို မရောက်ဘဲနေတော့မယ်"
ဦးစံအေးက အသံအုပ်လျက် တားမြစ်သည်။ ငပွင့်ကား သူ့ဘက်သို့ လူနှစ်ဆယ်ခန့် ပါလာသည့်အတွက် အားတက်သွားသည်။ "လာကြဟေ့... လာကြ" အော်လျက် ပြေးကပ်သည်။
သစ်သားဝင်းထရံကို ကျော်တက်သူက တက်၊ မီးအိုးကို ခဲဖြင့် ထုသူကထု၊ ဝင်းထရံကို ဖျက်သူက ဖျက်ဖြင့် တစ်မုဟုတ်ချင်း ဆူညံသွားလေ၏။
မီးရောင်ပျပျရှိသော အိမ်များလည်း ချက်ချင်း မီးငြိမ်းသွားတော့သည်။ ဦးစံအေး၏ အစီအမံအောက်တွင် ငြိမ်ဝပ်စွာ ရှိနေသူများလည်း ယောင်ချာချာ ဖြစ်နေကြသည်။ ငပွင့်တို့မှာလည်း တိုက်တွင်းသို့ မဝင်နိုင်ပေ။ သံတိုင် တပ်ထားသည့် ကျွန်းတံခါးကို သူတို့ မဖျက်နိုင်ကြ။ သို့အတွက် စပါးကျီများရှိသည့်ဘက်သို့ လှည့်သွားကြစဉ် နှစ်လုံးပြူးသေနတ်သံ တစ်ချက် ကျယ်လောင်စွာ မြည်ဟိန်းသည်။
"ဟေ့ တစ်ယောက်မှ မလှုပ်နဲ့။ အားလုံး မြေကြီးပေါ်မှာ မှောက်နေကြ"
သွေးကြီး ဦးဖိုးဆိုင်၏ အသံဖြစ်သည်။
"လူစုခွဲပြီး မှောင်ရိပ်ခိုကြဟေ့။ မပြေးနဲ့... မပြေးနဲ့"
ဦးစံအေးမှာ တီးတိုးမျှသာ သတိပေးနိုင်၏။ သူ့ဘေးတွင် လူမည်မျှ၊ သူ့နောက်တွင် လူမည်မျှ ကျန်သေးသည်ကို သူမသိ။ လမ်းစောင်းတွင် ပေါက်နေသော `ဝက်ချေးပနဲ´ပင်ရိပ်တွင် ပုဝပ်လျက် ပုန်းခိုသည်။
မောင်ဆေးရိုးနှင့် မောင်ပိတ်စသာလျှင် ဦးစံအေးနောက်၌ ရှိသည်။ ကျန်လူများမှာ မြောင်းထဲ ဆင်းသည်။ ဘုန်းကြီးကျောင်းထဲဝင်ကြသည်။ တာစောင်းတွင် ဦးစံအေး တရွေ့ရွေ့ ရွှေ့သည်။ မောင်ပိတ်စနှင့် မောင်ဆေးရိုးလည်း ရွေ့ရွေ့ ရွေ့ရွေ့ဖြင့် ကပ်လိုက်သွားကြသည်။ သွေးကြီး ဦးဖိုးဆိုင်နှင့် တပည့်တပန်းများသည် မီးစည်း တယမ်းယမ်း တမြှောက်မြှောက်ဖြင့် လျှောက်လာကြရာ ဦးစံအေးတို့နှင့် ဝါးတစ်ရိုက်မျှသာ ကွာတော့သည်။ သင်္ဘောမန်ကျည်းပင်နှင့် ပဒိုင်းပင်များက အကာအကွယ်ပေးထားသည်။
"ဟေ့... ရပ်လိုက်ကြ။ ရပ်ဆို မရပ်ဘူးလား"
တိုက်ဝင်းထဲမှ လူတချို့ ပြေးထွက်သွားသဖြင့် သွေးကြီး လှမ်းအော်ရင်း နှစ်လုံးပြူးသေနတ်ဖြင့် လှမ်းပစ်သည်။ ထိုအချိန်တွင် ဦးစံအေး ခုန်ထွက်၏။ ကျားခနဲအော်ရင်း သွေးကြီးကို ဝင်ခုတ်သည်။ သွေးကြီးမှာ ရုတ်တရက် မှင်တက်မိသွားရာက နှစ်လုံးပြူးဖြင့် ဆီးခံသည်။ မောင်ဆေးရိုးနှင့် မောင်ပိတ်စလည်း မနေသာ ပြေးဝင်ခုတ်သည်။
"ခုတ်ကုန်ပြီဟေ့။ ချကြ... ချကြ ခုတ်လဟ
မြောင်းထဲမှ၊ ချုံထဲမှ၊ မှောင်ရိပ်မှ လူသုံးဆယ်ခန့် ထွက်လာသည်။ သွေးကြီးနှင့် တပည့်လေးဦးမှာ သေနတ်ကို အရလုလျက် မီးစည်းများချကာ ထွက်ပြေးတော့သည်။
"လိုက်ဟ... လိုက်ဟ၊ ချဟ... ခုတ်ဟ"
ဦးသာဒင့်တိုက်ရှေ့တွင်သာ ဆူညံနေရာက ပြည်စိုးကုန်းရပ်ကွက် တစ်ခုလုံးပါ အော်ဟစ် ကြုံးဝါးသံများဖြင့် ပွတ်လောရိုက်သွားတော့သည်။
"အဲဒါပဲကွ၊ ငပွင့် နှောက်လိုက်တာ တစ်ခါတည်း ဘယ်မှာ ချစ်တီးတိုက်ကိုရောက်တော့လို့တုံး၊ သွေးကြီးနောက်ကို ဝိုင်းလိုက်ရင်းနဲ့ လူစုကွဲပါရောလား။ ဝက်ကုန်းနှင့် နတ်ကြီးငါးပါးလည်း စမ်းခန်းမရောက်တော့ပါဘူး"
"အရီးသာ ရှိတာ မဟုတ်ပါဘူးဗျာ။ ကျုပ်လည်း ဂျပန်ခေတ်တုန်းက ထိုးထားတာ ရှိပါတယ်"
စကားဝိုင်းဘေးသို့ တိတ်ဆိတ်စွာ ရောက်ရှိနေသူမှာ ငါးယောက်ဖြစ်သည်။ သူ့သား ကိုဘညိန်းနှင့် ရွယ်တူတွေ။ အေးအောင်၊ စိန်အုပ်၊ ထွန်းမှုန်၊ ကြင်မောင်နှင့် ခင်မောင်လေး စသည်တို့။ ရင်ဘတ်ကြီး တကော့ကော့ဖြင့် ဝင်ရောက်ဝင့်ကြွားသူမှာ ကိုထွန်းမှုန်ဖြစ်၏။ သူ့ရင်ဘတ် ပုတီးဆွဲလမ်းတွင် ဆီမင်ဖြင့် ထိုးထားသော နတ်ခေါင်းငါးလုံး။
"ဘဒွေး အရုပ်တွေ ခဏနေပါဦးဗျာ"
ကျော်မြသောင်းက ဝင်ပြီး ကန့်ကွက်သည်။ "အဘ ဟိုချောင်းထဲက သွားတဲ့လူတွေကော ဘာလုပ်ကြသတုံး ဘ" ဟု လိုရင်းကို မေးသည်။ ထိုအခါ ရီးဆေးရိုး ရယ်မောပြန်သည်။ "အေး ဟုတ်သဟ" ပြောရင်းက ခြေမကြားမှ ကြိုးစကို ဖြုတ်သည်။ လွန်းတောင့်တွင် ရစ်သည်။ ရေနွေးကြမ်း အေးအေးကို မော့သည်။ ဆေးလိပ်တိုကို ကောက်ကိုင်မိမှ စကားပြန်ဆက်သည်။
"ချောင်းထဲကသွားတဲ့ လူစုမှာ အဖေက လူကြီးကွ။ သူတို့ဟာ စာတိုက်ဆိပ်ကတက်ပြီး ဂတ်ကို စီးဖို့ဟာ ပတ်တရောင်တွေနဲ့ တိုးနေပါလေရောဟေ့။ အဲဒါနဲ့ ဈေးဆိပ်က တက်ပြီး တိုက်ကြားတွေက မှောင်ရိပ်ခိုအလာမှာ ဘိန်းစားပုလိပ်ကြောင့် ခွကျကုန်တာပေါ့လကွာ"
နောက်ရောက်လာသူများရော၊ ရှိနှင့်ပြီးသော လူငယ်လေးများပါ မျက်တောင်မခတ်ဘဲ ရီးဆေးရိုးကို ကြည့်နေကြ၏။ ရီးဆေးရိုးသည် ဆေးလိပ်ကို နှစ်ဖွာသုံးဖွာ ဖွာရှိုက်ပြီးငြား အာသာမပြတ်နိုင်ဘဲ ထပ်မံဖွာနေသည့်အတွက် လှဆောင် မနေသာတော့ချေ။
"ဘကလဲဗျာ၊ ပွဲတောင်းမှန်း သိတာနဲ့ပဲ"
"ဘိန်းစားပုလိပ်ကြောင့် ဘယ်လိုဖြစ်တုံး ဘ"
ဖိုးအေးမူ မေးလည်းမေး၊ ဆေးလိပ်ကိုလည်း လှမ်းဆွဲသည့်အတွက် ရီးဆေးရိုး တိမ်းငဲ့ဖယ်ရှားရင်း စကားဆက်ရ၏။
"အဲ မြောက်ရှားတိုက်နဲ့ မနီးမဝေးမှာ ဘိန်းခန်းရှိသကွ။ ဘည်ဘိန်းခန်းထဲကို ပုလိပ်ဘိန်းစား တစ်ယောက် ဝင်သွားတာ လှစ်ခနဲလည်း မြင်လိုက်ရော ဖိုးဇုန်ပေါ့ကွာ အာဋ္ဌာဝက ထပါလေရောဟေ့"
"အာဋ္ဌာဝကဆေး ထိုးထားလို့လား ဘ"
"ဟ ကောင်လေးရ... သတ်မယ် ဖြတ်မယ် ကြုံးဝါးတာကို အာဋ္ဌာဝက ထတယ်ခေါ်သာဟ။ နားဝေးပါ့ကွာ"
ကိုကြင်မောင်သည် ရီးဆေးရိုးကိုယ်စား ဝင်ရောက်ဖြေကြားသည်။ မေးသူ၏ထိပ်ကိုလည်း ပုတ်သည်။
"အဖေက မဟုတ်ဘူး၊ တို့်အကြံပျက်မယ်၊ သွားမလုပ်နဲ့ တားသကွ။ သာပေမယ့် မဟုတ်ဘူး။ ငတောက်တို့အိမ် ချစ်တီးသိမ်းတုန်းက ငတောက်ကို သေနတ်ဒင်နဲ့ဆောင့်သာ သည်ဘိန်းစားပဲ၊ အခု လက်စားချေရမယ်ပေါ့။ သည်တော့ အဖေက ဖျောင်းဖျတယ်၊ သည်ပုလိပ်ကို အခုမသတ်နဲ့။ အရှင်ဖမ်း၊ ဓားစာခံလုပ်ပြီး ဂတ်ကို စီးမယ်ဆိုတော့ ဖိုးဇုန် သဘောကျသွားသကွ။ သည်အကြံ ကောင်းသယ်ပေါ့"
"ဘိန်းစားပုလိပ်မှာ သေနတ်မပါဘူးလား ဘ"
"မပါ ပါဘူးကွာ၊ ဖိုးဇုန်တို့်လည်း အဲသည် ဘိန်းစားပုလိပ်ကို ဖမ်းဖို့ တိုက်ထဲလည်း ဝင်သွားရော ဘိန်းခန်း အပေါက်စောင့် ကုလားက သူခိုး သူခိုး ထအော်ပါလေရောဟေ့။ ဖိုးဇုန် လန့်ပြီး ဓားနဲ့တွက်ပစ်ခဲ့သာ လူကို မထိပေလို့ပေါ့ကွာ၊ ခန်းဆီးအဝတ် ထက်ပိုင်းပြတ် ကျန်ခဲ့သတဲ့"
"ဂတ်က မကြားဘူးလား ဘ"
"ဂတ်က ကြား၊ မကြားတော့ မသိဘူးလေ၊ တိတ်တိတ်ကလေး သွားရမယ့်ဥစ္စာ၊ အရပ်ထဲက လူတွေထွက်လာတဲ့နောက်တော့ ဘယ်မှာကောင်းတော့မှာလဲ။ အကြံပျက်တော့တာပေါ့ကွာ။ အဖေပြန်ပြောလို့ သိရသာကတော့ အဲသာပဲကွ"
ရီးဆေးရိုးသည် စကားအဆုံး၌ မီးခြစ်ကို လှမ်းယူသည်။
"ဘတို့က ချစ်တီးတိုက်ကို ဘာလုပ်မယ် စိတ်ကူးနဲ့ သွားကြတာလဲ ဘ" ကိုထွန်းမှုန့် အမေးဖြစ်သည်။
"မီးခံသေတ္တာထဲမှာ လယ်ပေါင်စာချုပ်၊ သီးစား စာချုပ်တွေ ရှိသကွ။ အဲသာတွေ ယူဖို့ကွ။ သာပေမယ့် ငပွင့်ကြောင့် အကြံပျက်သာပဲကောင်းပါသကွာ။ နို့မို့ရင် ချစ်တီးတိုက်ကို စောင့်ဖို့ လွှတ်လိုက်တဲ့ အမ်းပုလိပ်တပ်နဲ့ တိုးမှာ"
"အံမာ ဝက်ကုန်းနဲ့ နတ်ကြီးငါးပါး ဆေးထိုးထားတယ် မဟုတ်လား"
"ဟ... အဲသည်ဆေးတွေက ခဲ၊ အုတ်၊ ကျောက်၊ တံတောင်၊ တုတ်၊ ဓား၊ လှံ၊ ဖနှောင့်၊ လက်သီး၊ တင်းပုတ် ဘာညာပေါ့ကွာ။ အဲသာတွေပဲ ပြီးသာကွ။ အားနဲ့ပြေးလာသဲ့ ကျည်ဆန်၊ အဲအဲ နှစ်လုံးပြူး၊ `စရိတ်´ကျဲသာတော့ ပြီးသကွ။ ရိုင်ဖယ်ကျည်ဆန်ကျတော့ မခံနိုင်ဘူး၊ အရိုးကျိုးသတဲ့"
ကိုထွန်းမှုန်တို့ လူလတ်ပိုင်းမှာ တွေပြီး ကြည့်နေကြငြား ကျော်မြသောင်းတို့ လူငယ်များကား ဝါးခနဲ ရယ်မောလိုက်ကြလေ၏။
စာမျက်နှာ (၉၃၆-၉၄၀)
0 comments:
Post a Comment