ငြင်းပယ်ခြင်း၏အလှ(ဖြစ်တည်မှုဒဿနနိဒန်း) မောင်ကြည်သစ် (အပိုင်း၇)

ငြင်းပယ်ခြင်း၏အလှ(ဖြစ်တည်မှုဒဿနနိဒန်း)မောင်ကြည်သစ် (၇)

၎။ လူမျက်နှာပျောက်သွားသော လူသား။

အနောက်တိုင်းလူ့အဖွဲ့အစည်းတွင် သိပ္ပံပညာနှင့်စက်မှုအတတ်ပညာတို့ကို တိုးတက်ထွန်းကားလာသည်နှင့်အမျှ လူသားတို့၏ ရုပ်ပိုင်းဘဝ အခြေအနေတို့မှာလည်း ပို၍ တိုးတက်လာသည်မှာ အမှန်ပင်ဖြစ်သည်။ သို့ရာတွင် လူသားတို့၏ စိတ်ပိုင်းဘဝအခြေအနေမှာမူ ဖွံ့ဖြိုးခြင်း မရှိခဲ့ပေ။ ပို၍ပင် ချွတ်ခြုံကျသွားခဲ့သည်ဟုပင် ဆိုနိုင်ပေသည်။ ရုပ်ပိုင်းဆိုင်ရာပြဿနာများကို ဖြေရှင်းအောင်မြင် နိုင်ခဲ့ကြသော်လည်း စိတ်ပိုင်းဘဝပြဿနာများအမှာမူ တဖြည်းဖြည်းပို၍ ရှုပ်ထွေးလာခဲ့သည်။ ထို့ပြင် ထာဝရဘုရားကိုဗဟိုပြုထားသည့် ဘာသာရေးယုံကြည်မှု ဆိုင်ရာ အားကိုးအားထားမှာလည်း တစစီပြိုလဲခဲ့ပေသည်။ လူ့ဘဝတွင်မည်သည့်အရာကို နှုန်းစံထားပြီး တန်ဖိုးဖြတ်ရမည်ကိုလည်း နားမလည်နိုင်ခဲ့ကြ။ လူ့ဘဝရည်မှန်းချက်အဓိပ္ပါယ်သည်လည်း ပျောက်ကွယ်ခဲ့ရသည်။ ဤသို့ ဖြင့် အနောက်တိုင်း လူ့ယဉ်ကျေးမှုသည် ယိုယွင်းခဲ့ရပေသည်။ လူ့ဘဝဟူသည် စိတ်ပျက်စရာကြီးပါလား။ ဘာမျှ ယုတ္တိမရှိပါလား။ အဓိပ္ပါယ် မဲ့လှပါလားဟု မှတ်ယူလာကြပြီး အားငယ် လာကြသည်။ ကိုယ့်ကိုယ်ကိုပြန်ပြီး သိမ်ငယ်သွားကြပေသည်။

ဖြစ်တည်မှုဝါဒီတို့က ဤသို့စိတ်ပျက်အားငယ်စရာ မျှော်လင့်ရာမဲ့ဖြစ်နေသောလူ့ဘဝကို ရုပ်ဝတ္ထုပစ္စည်းတခုဖြစ်သည့် သစ်တုံးတတုံးလို ဖြစ်ချင်ရာဖြစ်ချေတော့ဟု သဘောထားပြီး ပေယျာလကန်မလုပ်ကြနှင့်။  ဖြစ်တည်လာတဲ့လူ့ဘဝမှာ သိက္ခာရှိရှိ၊ တန်ဖိုးမြင့်မြင့်နေထိုင် တတ်ရမည်ဟု ခံယူကြပေသည်။ လူသားတို့အတွက်အရံသင့် ပြုလုပ်ဖန်တီးပေးထားသော ပြီးပြည့်စုံလှပါသည်ဟုဆိုကြသည့် တန်ဖိုး သတ်မှတ်ချက်နှုန်းစံများ ပျောက်ကွယ်သွားသော်လည်း ဘာမှ စိတ်ပျက်အားငယ်စရာ မလိုပေ။ လူဟူသည် မိမိဘဝတန်ဖိုးကို မိမိကိုယ်တိုင် ဖန်တီးရယူနိုင်သူဖြစ်သည်။ ပုဂ္ဂလိကလိုအပ်ချက်အရ ကိုယ်ပိုင်တန်ဖိုးများ၊ ကိုယ်ရည်ကိုယ်သွေးများကို မိမိဘဝအတွက်မိမိဘာသာ တည်ဆောက်ယူနိုင်ရမည်။ သို့မှသာ လူ့ဘဝသည် စစ်မှန်ပေမည်။ ဤသို့မဟုတ်ဘဲ အရံသင့် အဆင်သင့်ဖန်တီးပေးထားသော တန်ဖိုး သတ်မှတ်ချက်များအတိုင်း လိုက်လုပ်နေရမည်ဆိုပါက လူ့ဘဝသည် မည်သည့်တန်ဖိုးမျှရှိတောမ့ည်မဟုတ်။ မည်သို့မျှလည်း စစ်မှန်သော လူ့ဘဝကိုရရှိနိုင်မည်မဟုတ်ဟူ၍ ဆိုကြပေသည်။

ထို့ပြင်ဖြစ်တည်မှုဝါဒီတို့အလိုအရ ယနေ့မျက်မှောက်ခေတ်လူသား၏ဘဝသည် သိပ္ပံစက်မှုနည်းပညာ ပစ္စည်းများကြားထဲတွင် နစ်မြုတ် သွားရသော စိတ်ပျက်ပြီးငွေ့စရာဘဝ ဖြစ်ပေသည်။ အကွက်စေ့စေ့ သတ်မှတ်ပြဌာန်းချမှတ်ထားသည့် ကျင့်ဝတ္တရား၊ ဥပဒေများ၊ ထုံတမ်း ဓလေ့အစဉ်အလာများက  ညှပ်ပူးညှပ်ပိတ်ဝိုင်းထားခံနေရသော ထွက်ပေါက်မရှိသည့် သနားစရာဘဝဖြစ်သည်။ လူဆိုသည်မှာလည်း ယေဘု ယျ နိယာမတရားတွေ၊ စနစ်တွေကို ရှေ့တန်းတင် ဦးစားပေးနေသော လူ့အဖွဲ့အစည်းအတွင်း ပုဂ္ဂလိဘဝပျောက်သွားသဖြင့် ကြောက်ကြောက် ရွံ့ရွံ့ဖြစ်ပျက်နေရှာသည့် သတ္တဝါဖြစ်သည်။ လူတို့ တီထွင်ဖန်တီးထားသည့် သပ္ပံပညာအမျိုးမျိုးကြောင့် လူပုဂ္ဂိုလ်စင်စစ်မ ဈာန်လျှောကျသွားပြီး ရုပ်ဝတ္ထုပစ္စည်းအဖြစ် ရောက်သွားသည်။ အပြုခံ၊ အထုအထောင်းခံသတ္တဝါ ဖြစ်သွားတော့သည်။

တိုးတက်ပါသည်ဟူသော စက်မှုသိပ္ပံကမ္ဘာကြီးထဲမှာ ကိုးကွယ်ရာထာဝရဘုရားပျောက်ကွယ်၊ မိခင်သဘာဝတရားကြီးနှင့်လည်း တဖြည်းဖြည် ကင်းကွာလာသော အထီးကျန်သတ္တဝါဖြစ်သည်။ ဤသို့ လူ့ဂုဏ်သိက္ခာနှင့်လူဖြစ်တည်မှု ပျောက်ကွယ်သွားရသည့်အဖြစ်ကို ဖြစ်တည်မှု ဝါဒီတို့က မလိုလားကြ။ မွန်မြတ်လှသည့်လူ့ဘဝဖြစ်တည်မှုကို ပျက်စီးစေမည့်အခြေအနေ၊ အခြင်းအရာမှန်သမျှကို ပြင်းပြင်းထန်ထန် ဆန့်ကျင်တိုက်ခိုက်ရမည်ဟု သူတို့က ခံယူကြပေသည်။

ဖြစ်တည်မှုဝါဒီတို့သည် ပုဂ္ဂလိကလူသားနှင့်လူ့အဖွဲ့အစည်းတို့ နားလည်မှုပျောက်ပြီး ကင်းကွာသွားသည့်ပြဿနာ(ဝါ) လူနှင့် လူ့အဖွဲ့ အစည်းတို့ တခုနှင့်တခု သူစိမ်းပြင်ပြင် ဖြစ်နေသည့်ပြဿနာကို အထူးအရေးထား လေ့လာတင်ပြခဲ့ကြသည်။ သူတို့အလိုအရ ယနေ့ လူ့အဖွဲ့အစည်းတွင်လူသားတို့၏ ရှိရှိသမျှသောကာယစွမ်းအား၊ ဉာဏစွမ်းအားတို့သည် ရိုင်းစိုင်းရက်စက်လှသည့် အင်အားစုကြီး အဖြစ်သို့ရောက်သွားပြီဖြစ်သည်။ လူသား၏ကောင်းမြတ်လှသည့် ဂုဏ်သိက္ခာ လက္ခဏာများကို ချေမှုန်းဖျက်ဆီးပစ်မည့် စက်မှုနည်းပညာ စွမ်းအားစုကြီးတွေ၊  စီးပွားရေးအင်အားစုကြီးတွေ၊  နိုင်ငံရေးနှင့်စစ်ရေး အင်အားစုကြီးတွေ ဖြစ်သွားကြပြီ။ သိပ္ပံပညာအမျိုးမျိုးကြောင့် လူ့နှလုံးနှင့်အသိတရားတွင် ထာဝရဘုရား ကွယ်ပသွားပြီဖြစ်၏။ ထို့ပြင် လူ့အဖွဲ့အစည်းတွင် ဘယ်တုန်းကမှ မကြားခဲ့ဖူးသည့် ရုပ်ဝတ္ထု ကုန်ပစ္စည်းထုတ်လုပ်မှုမှာ အစုလိုက်အပြုံလိုက် ထွက်လာသည်။ ဤသို့သော ထုတ်လုပ်မှုကို လူသားများက တန်ဖိုးထားကြသည်။

ပုဂ္ဂလလူသားထက် ကုန်ပစ္စည်းထုတ်လုပ်နိုင်မှုလုပ်အားကို တန်ဖိုးထားကြသည်။ လူကို သူ့လုပ်အားနှင့်တန်ဖိုးဖြတ်ကြသည်။ ကုန်ပစ္စည်း ထုတ်လုပ်မှုစွမ်းအားဖြင့် ဆုံးဖြတ်ကြ၊ နေရာပေးကြသည်။

ဤသို့ပုဂ္ဂလိကလူသားကို ရုပ်ဝတ္ထုပစ္စည်းတရပ်သဖွယ် တန်ဖိုးဖြတ်ကြလေတောသ့ည်။ လူကို လူလိုမမြင်နိုင်ကြတော့ဘဲ ဝတ္ထုပစ္စည်းတခု အဖြစ် သဘောထားလာကြတော့သည်။ သိပ္ပံပညာသည် လူသားကို လူစင်စစ်မှ ထုတ်ကုန်ပစ္စည်းတခုအဖြစ် ရောက်စေခဲ့သည်။ လူ့ဂုဏ် သိက္ခာ လက္ခဏာပျောက်စေပြီး ရုပ်ဝတ္ထုပစ္စည်းတရပ် ဖြစ်စေခဲ့သည်။ ထို့ကြောင့်လည်း လူသားတို့သည် ပုဂ္ဂလိကလူ့ဘဝတွင် စစ်စစ်မှန်မှန် မရှင်သန်နိုင်ကြတောဘဲ့ လူ့မျက်နှာမရှိတော့သည့် လူသား(ဝါ) လူ့မျက်နှာပျောက်သွားသည့် လူသား (Faceless man) ဖြစ်သွားကြတော့ သည်။ ဤအဖြစ် ဤအခြေအနေတို့ကို ဖြစ်တည်မှုဝါဒီတို့က လုံးဝမလိုလားကြ၊ ရုပ်ဝတ္ထုပစ္စည်းအဖြစ် ဈာန်လျှောကျနေသည့်အခြေအနေဆိုးမှ ရုန်းထွက်ပြီး စစ်မှန်မြင့်မြတ်မတ်သော၊ လူ့ဂုဏ်သိက္ခာအပြည်ရှိသော၊ လူပီသသောဘဝသို့ လှမ်းတက်နိုင်ကြရန်သူတို့က အားထုတ်တင်ပြ ကြခြင်းဖြစ်ပေသည်။