မီးသွေးလုံးများ
အပိုင်း(၁)
ခင်ခင်ထူး
တိုက်ခန်းရဲ့အပေါ်ဆုံးထပ်ဖြစ်တဲ့
လေးထပ်ကနေ မြေပြင်ကိုငုံ့ကြည့်တဲ့အခါတိုင်း 'မဂေါက်ထူ' မီးသွေးလုံးနေတာ အမြဲမြင်ရတယ်။
မီးသွေးလုံးတယ်ဆိုတာက မီးသွေးဆိုင်က မီးသွေးအကျိုးအကြေ ဗြုတ်စဗျင်းတောင်းတွေကို ဈေးပေါပေါနဲ့ဝယ် အိမ်ရောက်တော့ နည်းနည်းကြီးတာတွေကို ချေပြီး ထမင်းရည်နဲ့ရော၊ အဲဒါကိုမှ လက်တွင်းတစ်ဆုပ်စာလောက် ကဲ့ကဲ့ယူပြီး လက်ထဲတင် တင်းနစ်ဘောလုံး စာလောက်လုံး။ ဒါကိုမှ နေပူပူမှာ လှမ်း။
အဲဒါ မဂေါက်ထူတို့်အိမ်က ထင်းမီးလောင်စာပါ။
မီးသွေးလုံးတယ်ဆိုတာက မီးသွေးဆိုင်က မီးသွေးအကျိုးအကြေ ဗြုတ်စဗျင်းတောင်းတွေကို ဈေးပေါပေါနဲ့ဝယ် အိမ်ရောက်တော့ နည်းနည်းကြီးတာတွေကို ချေပြီး ထမင်းရည်နဲ့ရော၊ အဲဒါကိုမှ လက်တွင်းတစ်ဆုပ်စာလောက် ကဲ့ကဲ့ယူပြီး လက်ထဲတင် တင်းနစ်ဘောလုံး စာလောက်လုံး။ ဒါကိုမှ နေပူပူမှာ လှမ်း။
အဲဒါ မဂေါက်ထူတို့်အိမ်က ထင်းမီးလောင်စာပါ။
မဂေါက်ထူက
မီးသွေးလုံးတွေဟာ တာရိုးနှုတ်ခမ်းမှာ အမြဲတမ်းရှိတယ်။ မဂေါက်ထူက မီးသွေးလုံးတွေ
ခြောက်လို့ရုပ်တဲ့အခါရုပ်၊ သိမ်းတဲ့အခါသိမ်းတာရှိသလို၊ မရုပ်မသိမ်း
ပစ်ထားတာလည်းရှိတယ်။ မီးသွေးမှုန့် ရှိနေလို့ကတော့ နောက်တစ်နေ့လုံးပြန်ရော။ ရပ်ကွက်လူကြီး
ကိုသာဗျောက မဂေါက်ထူ မီးသွေးလှန်းတာတွေ့ရင် 'နင့်မလည်း လူ့ဘဝ မီးသွေးလုံးဖို့ရောက်လာသလိုပါလားဟာ'
လို့ အမြဲပြောတတ်တယ်။
ပြောလည်းပြောစရာ။
မြေအိုးဟောင်းတစ်လုံးထဲက မီးသွေးကြေ၊ မီးသွေးမှုန့်နဲ့ ထမင်းရည်လောပြီးသားကို
နှိုက်ရပါများလို့ မဂေါက်ထူ ကြည့်လိုက်ရင် တစ်ကိုယ်လုံး မည်းမည်းကြုတ်လို့။
မျက်နှာမှာရော၊ ဆံပင်မှာရော၊ လက်တွေမှာရော၊ တစ်ခါတလေ ထဘီအင်္ကျီတွေလည်း အိုးမည်းချင်းရိုက်နေတာများ
အကွက်တောင် မပေါ်ဘူး။ သည်မြင်ကွင်းက မနက်တိုင်း အပေါ်ကဆီးမြင်နေကျ၊ တစ်ခါတစ်လေ
ကျွန်မက အပေါ်ဆုံးထပ် ဝရန်တာကနေငုံ့ကြည့်ရင်း မဂေါက်ထူကို လှမ်းစတယ်။
"မဂေါက်ထူ...မီးသွေးတွေများလှချည့်လား ဘယ်နှလုံးရပြီလဲ"
ကျွန်မက မေးရင် မျက်လုံးမှေးမှေးကလေးနဲ့ မော့ကြည့်တတ်တယ်။
"မဂေါက်ထူ...မီးသွေးတွေများလှချည့်လား ဘယ်နှလုံးရပြီလဲ"
ကျွန်မက မေးရင် မျက်လုံးမှေးမှေးကလေးနဲ့ မော့ကြည့်တတ်တယ်။
မော့ကြည့်တာက
မဂေါက်ထူနဲ့ မတည့်တဲ့မိန်းမတွေကများတော့ ဘယ်သူများပါလိမ့်ဆိုတာ သေချာအောင်
အရင်ကြည့်လိုက်တာပါ။ မတည့်ဘူးဆိုတာက မဂေါက်ထူက မတည့်တာပါ။
သူ့စိတ်ထဲအချိုးမကျဘူးထင်ရင် သူတကာကို ရန်လုပ်ချင်တဲ့ဉာဉ်ကလေးရှိလေတော့
မဂေါက်ထူကို တချို့က ခပ်ကင်းကင်းနေကြတယ်။ မဂေါက်ထူ စိတ်မမှန်တာ သိကြတာလည်း
ပါပါတယ်။ တစ်ခါများ မီးသွေးနယ်တဲ့ မြေအိုးမည်းမည်းကြီး ရိုက်ခွဲနေတာကို
ကျွန်မအပေါ်ထပ်ဝရန်တာက လှမ်းမြင်လိုက်လို့ အကျိုးအကြောင်းသိချင်တာနဲ့ လှမ်းမေးတော့
ကျွန်မကိုမော့ကြည့်ရင်းဖြေတယ်။
"မြွေဝင်နေလို့
ဆရာမရဲ့ တောကြီးမြွေဟောက်ကြီးပါ... မီးသွေးထဲမြုပ်နေလို့ အိုးရိုက်ခွဲပြီး အကောင်လိုက်
ဆွဲထုတ်ပစ်ရသယ်... လက်မောင်းလက်ရုံးလောက် အကောင်ကြီးဆရာမရဲ့"
"ဘယ်မှာတုံး မြွေက... "
"သေပေါ့.. ရိုက်သတ်ပစ်လိုက်တာ စိစိကို ကျကရော...မထူးဘူးဆိုပြီး အိုးပါရိုက်ခွဲပစ်လိုက်သာ"
ဟုတ်လေသလား မဟုတ်လေသလား မပြောတတ်ပါဘူး။
"ဘယ်မှာတုံး မြွေက... "
"သေပေါ့.. ရိုက်သတ်ပစ်လိုက်တာ စိစိကို ကျကရော...မထူးဘူးဆိုပြီး အိုးပါရိုက်ခွဲပစ်လိုက်သာ"
ဟုတ်လေသလား မဟုတ်လေသလား မပြောတတ်ပါဘူး။
မဂေါက်ထူဆီက
အဲသလို ထူးထူးဆန်းဆန်းတွေလည်း ကြားရလေ့ရှိတယ်။ တစ်ခါတော့ အောက်ထပ် မဂေါက်ထူတို့
အခန်းဆီက အော်သံညည်းသံကြီးကြားရလို့ မေးကြည့်တော့ မဂေါက်ထူ ရိုးရာနတ်ဝင်ပူးတာတဲ့။
ဘာနတ်တုန်းဆိုတော့ လေးကျွန်းမောင်နတ်တဲ့။ နတ်ဝင်တဲ့နေ့က မဂေါက်ထူ သောင်းကျန်းလိုက်တာ
မပြောနဲ့တော့။ တိုက်ခန်းအောက်ထပ်ရှေ့က မြေသလင်းမှာ လူးလိုက်လှိမ့်လိုက် အော်လိုက်ဟစ်လိုက်
ကြိမ်းလိုက် ဝါးလိုက်။
"ငါ့များ
ပေါ့ပေါ့မှတ်လို့ ရှေ့နေမယားရော၊ ကထိကမယားရော၊ ကုမ္ပဏီမယားရော သတိသာထားကြဟေ့ ...
ကြည့်လို့ မရဘူးကွယ်နော် အရှင်လတ်လတ်မြေမျိုသွားမယ် ဘာမှတ်သတုံး ...ဟင်းဟင်း"
ကျွန်မက
အခန်းချင်းကပ်လျက်က မရှမ်းမကို မေးကြည့်ရတယ်။ သည်လိုအော်နေတာက နတ်ကအော်တာမဟုတ်ဘဲ
နတ်ဝင်သည် မဂေါက်ထူက ထွင်ပြီးအော်နေတာ အားလုံးကသိကြပေသိ အကျိုးအကြောင်း ဘာမှန်းမသိရလို့
မေးကြည့်တာပါ။
"ရှေ့နေမယား ဆိုတာ ရှေ့နေကိုပေါက်ကျိုင်းမိန်းမကိုပြောတာ၊ ကထိကမယားဆိုတာ ကထိကဦးကျော်စိန်မောင် မိန်းမကိုပြောတာ၊ ကုမ္ပဏီမယားဆိုိတာက ကုမ္ပဏီမှာ အလုပ်လုပ်တဲ့ မောင်မောင်တာ မိန်းမ ခင်နှင်းဦးကို ပြောတာ"
"ဘာဖြစ်လို့တုံး .. မဂေါက်ထူနဲ့ မတည့်ကြလို့လား"
"ရှေ့နေမယား ဆိုတာ ရှေ့နေကိုပေါက်ကျိုင်းမိန်းမကိုပြောတာ၊ ကထိကမယားဆိုတာ ကထိကဦးကျော်စိန်မောင် မိန်းမကိုပြောတာ၊ ကုမ္ပဏီမယားဆိုိတာက ကုမ္ပဏီမှာ အလုပ်လုပ်တဲ့ မောင်မောင်တာ မိန်းမ ခင်နှင်းဦးကို ပြောတာ"
"ဘာဖြစ်လို့တုံး .. မဂေါက်ထူနဲ့ မတည့်ကြလို့လား"
"မဂေါက်ထူက
သူ့မျက်စိထဲမတည့်ရင် အဲသလိုစောင်းနေကျဆရာမရဲ့ ... မရူးမကောင်းဆိုတော့ အခက်သားပဲ။ တစ်လောက
ကျွန်မကို စောင်းသေးတာ ရှမ်းမတော့ ရှမ်းမတော့ ရှမ်းနတ်နဲ့တိုက်လိုက်ရဦးမယ်တဲ့
ဘာရယ်မဟုတ်ပါဘူး"
သည်ကတည်းက လှေကားအဆင်း မဂေါက်ထူနဲ့တွေ့ရင် ကျွန်မကပဲစပြီး ပြုံးပြရတယ်။ ကျွန်မကိုတော့ ဆရာမတဲ့။ ဘယ်သူကပြောထားလို့လည်း မပြောတတ်ဘူး။ ဆရာမ ဘိုးအုပ်ရေးတာဆိုတဲ့။ ကျောင်းဆရာမလုပ်စာ မလောက်လို့လားတဲ့။ ကလေးတွေ ကျူရှင်ပြစားပေါ့တဲ့။
ထင်ရာတွေ ပြောနေပေမယ့် ပြုံးပြီးနားထောင်ပေးနေရတာပါ။
မတော် ကိုယ့်ပါ နတ်အကြောင်းပြပြီး ရောတုပ်မှာစိုးရသေးတာကလား။
သည်ကတည်းက လှေကားအဆင်း မဂေါက်ထူနဲ့တွေ့ရင် ကျွန်မကပဲစပြီး ပြုံးပြရတယ်။ ကျွန်မကိုတော့ ဆရာမတဲ့။ ဘယ်သူကပြောထားလို့လည်း မပြောတတ်ဘူး။ ဆရာမ ဘိုးအုပ်ရေးတာဆိုတဲ့။ ကျောင်းဆရာမလုပ်စာ မလောက်လို့လားတဲ့။ ကလေးတွေ ကျူရှင်ပြစားပေါ့တဲ့။
ထင်ရာတွေ ပြောနေပေမယ့် ပြုံးပြီးနားထောင်ပေးနေရတာပါ။
မတော် ကိုယ့်ပါ နတ်အကြောင်းပြပြီး ရောတုပ်မှာစိုးရသေးတာကလား။
ကျွန်မကိုတော့
မျက်စိစပါးမွေးစူးတဲ့အထဲ မထည့်ဘူးနဲ့တူပါရဲ့။ ကျွန်မကျောင်းက စက်ဘီးနဲ့ပြန်လာလို့
တာရိုးခြေရောက်ရင် မဂေါက်ထူက ဆီးကြိုနေကြ။ တာရိုးပေါ်ကနေ
တိုက်ခန်းအနိမ့်ထဲဆင်းတဲ့လမ်းက ဇောက်ထိုးကြီးဆိုတော့ စက်ဘီးထိန်းပေးတာပါ။ ကျွန်မက
လမ်းက ဝယ်လာတဲ့ မုန့်ကလေးဘာလေးပေးရင် ကလေးတွေကန်တော့လွှတ်လိုက်တာလား လုပ်သေးတာပါ။
မဂေါက်ထူကို အားကိုးရတာ ဈေးဝယ်တဲ့အခါတွေမှာပါ။
မဂေါက်ထူကို အားကိုးရတာ ဈေးဝယ်တဲ့အခါတွေမှာပါ။
ကျွန်မတို့တိုက်ခန်းတွေက
ဈေးနှစ်ဈေးကြားမှာရှိတာဆိုပေသိ တောင်ဘက်ဧရာထွန်းဈေးကလည်း လှမ်းတယ်။ မြောက်ဘက် မိုးကောင်းဈေးကလည်း
မနီးဘူး။ တစ်ခါတလေ ဟင်းချက်စရာလေးဘာလေးလိုရင် ချက်ချင်းထသွားဖို့ဆိုတာ မလွယ်ဘူး။
ဒါမျိုးဆိုရင် မဂေါက်ထူကို ခိုင်းရတယ်။ မဂေါက်ထူ မုန့်ဟင်းခါးတစ်ပွဲစားခဲ့ရင်
ခြေလှမ်းကြဲကြီးနဲ့ တလွှားလွှားသွားတော့တာပါ။
ဈေးသွားမှန်းသိလို့ ဘေးအခန်းတွေကပါ ဈေးမှာရင် မှာတဲ့ပိုက်ဆံထဲကပါ မုန့််ဟင်းခါးတစ်ပွဲစီ ထပ်စားသေးတာ။ ဆိုပါတော့ သုံးယောက်မှာရင် သုံးပွဲစားတယ်။ တချို့က မမှာရဲကြဘူးပေါ့။
"ဈေးမှာရင် ကျွန်မက မုန့်ဟင်းခါးအရင်စားပစ်လိုက်သာပဲ...မစားစေချင်ရင် မမှာကြနဲ့လေ နော ဆရာမရယ် တစ်ခါများ ခုနှစ်ယောက်စုမှာသာ ဈေးထဲတင် မုန့်ဟင်းခါးခုနှစ်ပွဲဆက်တိုက်စားပစ်လိုက်သာ ဈေးထဲက မိန်းမတွေတောင် အံ့သြသယ်"
ဈေးသွားမှန်းသိလို့ ဘေးအခန်းတွေကပါ ဈေးမှာရင် မှာတဲ့ပိုက်ဆံထဲကပါ မုန့််ဟင်းခါးတစ်ပွဲစီ ထပ်စားသေးတာ။ ဆိုပါတော့ သုံးယောက်မှာရင် သုံးပွဲစားတယ်။ တချို့က မမှာရဲကြဘူးပေါ့။
"ဈေးမှာရင် ကျွန်မက မုန့်ဟင်းခါးအရင်စားပစ်လိုက်သာပဲ...မစားစေချင်ရင် မမှာကြနဲ့လေ နော ဆရာမရယ် တစ်ခါများ ခုနှစ်ယောက်စုမှာသာ ဈေးထဲတင် မုန့်ဟင်းခါးခုနှစ်ပွဲဆက်တိုက်စားပစ်လိုက်သာ ဈေးထဲက မိန်းမတွေတောင် အံ့သြသယ်"
"မဂေါက်ထူက
မုန့်ဟင်းခါး တော်တော်ကြိုက်တာပဲ"
"ကြိုက်ပါ့ ရွာမှာတုန်းက စားမှ မစားရသာ မန်းလေးရောက်မှစားရသာ"
"မဂေါက်ထူက ဘယ်ရွာကတုံး"
"မြင်းခြံတောင်ဘက် တမာကုန်းရွာက"
ဒါ့ကြောင့်ထင်ပါရဲ့။ မဂေါက်ထူစကားပြောရင်'သယ်'တွေ 'သာ'တွေ၊ ပါတတ်တယ်။ ကျွန်မလည်း မြင်းခြံသူပဲ မဂေါက်ထူရဲ့ဆိုတော့ ဆရာမတို့ကပေါ်ကြော့တွေ နေမှာပါ။ ကျွန်မတို့ကတော့ ရေငန် အကောင်းလုပ် သောက်ရတဲ့အရပ်တဲ့။ ပေါ်ကြော့ဆိုတာ မြင်းခြံမြို့ပေါ်မှာ အခန့်သားနေရသူတွေလို့ ပြောတာပါ။
"ကြိုက်ပါ့ ရွာမှာတုန်းက စားမှ မစားရသာ မန်းလေးရောက်မှစားရသာ"
"မဂေါက်ထူက ဘယ်ရွာကတုံး"
"မြင်းခြံတောင်ဘက် တမာကုန်းရွာက"
ဒါ့ကြောင့်ထင်ပါရဲ့။ မဂေါက်ထူစကားပြောရင်'သယ်'တွေ 'သာ'တွေ၊ ပါတတ်တယ်။ ကျွန်မလည်း မြင်းခြံသူပဲ မဂေါက်ထူရဲ့ဆိုတော့ ဆရာမတို့ကပေါ်ကြော့တွေ နေမှာပါ။ ကျွန်မတို့ကတော့ ရေငန် အကောင်းလုပ် သောက်ရတဲ့အရပ်တဲ့။ ပေါ်ကြော့ဆိုတာ မြင်းခြံမြို့ပေါ်မှာ အခန့်သားနေရသူတွေလို့ ပြောတာပါ။
တစ်ခါတလေ
အောက်ဆုံးမြေညီထပ်ကုန်စုံဆိုင်က ငရုတ်သီးမှုန့်ကလေးတစ်ထုပ်၊ ကြာညို့ကလေးတစ်ပုလင်းလိုချင်ရင်
အပေါ်ဆုံးလေးထပ် ဝ၇န်တာကနေ ခါးကုန်းပြီး ဈေးဆိုင်ကို အော်ရတဲ့အခါရှိတတ်တယ်။
ကျွန်မဈေးမှာသံကြားရင် ကုန်စုံဆိုင်က မိန်းကလေးတစ်ယောက် ထွက်လာပြီး ဆရာမ
ဘာလိုချင်လို့တုန်း မေးနေကျ။ ကျွန်မက ဘာတဲ့ဆိုိရင် အပေါ်ထပ်အထိ တက်ပေးတယ်။
အပေါ်ရောက်မှ ပိုက်ဆံရှင်း ရရုံပါ။
လေးထပ်ကဆိုတော့
တစ်ခေါက်ဆင်း နှစ်ခေါက်ဆင်းလောက်က အကြောင်းမဟုတ်ပေသိ သုံးလေးခေါက်ဖြစ်လာရင်
မဆင်းနိုင်တော့ဘူး။ တစ်ခါတစ်လေကျတော့ ကုန်စုံဆိုင်က ဟုတ်ကဲ့လာပို့မယ်ဆိုပြီး
တက်မလာတာလည်း ရှိရဲ့။ ဈေးဆိုင်လူကျရာက အရောင်း၊ အပြု၊ အအမ်း၊ အတောနဲ့ မေ့ကြတာပေါ့လေ။
သည်လိုဖြစ်ရင် အောက်ထပ်မှာအမြဲရှိတဲ့ မဂေါက်ထူကို အားကိုးရတယ်။
"မဂေါက်ထူရယ် ကလေးမတွေ မေ့သွားပုံရတယ်။ ကျွန်မဈေးမှာထားတာလေး သွားပြောပေးစမ်းပါ"
"ဆရာမမှာတာ ကျုပ်ကြားသားပဲ ငရုတ်သီးကျက်မှုန့်တစ်ထုပ်၊ မြေပဲဆံတစ်ဆယ်သားမှုတ်လား၊ ကောင်မတွေက ဟီလာထနေကြသာ ဆရာမရဲ့၊ ဘာမှမဟုတ်ဘူး။ ကောင်လေးတွေ ဈေးလာဝယ်နေလို့မေ့တာ"
"မဂေါက်ထူရယ် ကလေးမတွေ မေ့သွားပုံရတယ်။ ကျွန်မဈေးမှာထားတာလေး သွားပြောပေးစမ်းပါ"
"ဆရာမမှာတာ ကျုပ်ကြားသားပဲ ငရုတ်သီးကျက်မှုန့်တစ်ထုပ်၊ မြေပဲဆံတစ်ဆယ်သားမှုတ်လား၊ ကောင်မတွေက ဟီလာထနေကြသာ ဆရာမရဲ့၊ ဘာမှမဟုတ်ဘူး။ ကောင်လေးတွေ ဈေးလာဝယ်နေလို့မေ့တာ"
အော်ကြီးဟစ်ကျယ်ပြောနေလို့
ကျွန်မမှာ မျက်နှာပူရသေးတာပါ။ မဂေါက်ထူက ဇိုးဇိုးဇတ်ဇတ်ဆိုတော့ မှာတာတွေ
ကိုယ်တိုင်လာပေးတာ များလည်းရှိတယ်။ တကယ်တော့ ဈေးဆိုင်က ကလေးမတွေက ရိုးရိုးအေးအေးကလေးတွေပါ။
မအားရှာကြလို့တာ မပေးကြတာ ကျွန်မ သိတယ်။
"မဂေါက်ထူရယ် ကလေးမတွေ လာပေးပါတယ်။ အောက်ထပ်ဈေးဆိုင်ကို တစ်ခေါက်က နှစ်ခေါက်မ ဆင်းနိုင်လို့ပါရှင်... အားများနာပါရဲ့ မဂေါက်ထူတို့ကျတော့လည်း ဖက်ရွက်ကလေးကျလို့ ပေါ့ပါးလိုက်တာ"
"မဂေါက်ထူရယ် ကလေးမတွေ လာပေးပါတယ်။ အောက်ထပ်ဈေးဆိုင်ကို တစ်ခေါက်က နှစ်ခေါက်မ ဆင်းနိုင်လို့ပါရှင်... အားများနာပါရဲ့ မဂေါက်ထူတို့ကျတော့လည်း ဖက်ရွက်ကလေးကျလို့ ပေါ့ပါးလိုက်တာ"
ကျွန်မက
မြှောက်လုံးကလေးနဲ့ချီးကျူးရင် 'ကျုပ်တို့က ၁၆ ခေါက်လောက် ဆင်းချည်တက်ချည်လုပ်တာတောင်
မမောပေါင်တော်'တဲ့ ပြောသေးတယ်။ ကျွန်မက လှုပ်နေမှနေကောင်းသာရယ်တဲ့။ လူကမထူရင်တောင်
စိတ်ကထူသာနဲ့ လူကကုန်းထသာတဲ့။ ကျွန်မကိုလည်း ဆရာမတို့က ငြိမ်ဇာတာ။ ကျုပ်တို့က
လှုပ်ဇာတာဆိုတာလည်းပါရဲ့။
မဂေါက်ထူတက်လာရင် သတင်းစုံပါလာတတ်လို့ မကြားဖူးတာတွေလည်း ကြားရတယ်။
မဂေါက်ထူတက်လာရင် သတင်းစုံပါလာတတ်လို့ မကြားဖူးတာတွေလည်း ကြားရတယ်။
"ကျုပ်တို့အောက်ထပ်က
ကိုမြမောင်တို့ သုံးလေးယောက်က ဘုရားလူကြီးလိုပ်ပြီး ကုန်းထိပ်ကစေတီဟောင်း
ပြင်ကြမလို့တဲ့။ ကျုပ်က အိပ်မက်ရပြီးသား။ ဒင်းတို့က ဘုရားပြင်ချင်တာက တော်တော်ရယ်၊
ဌာပနာဖောက်ချင်ကြာသာလေ၊ အသာနေ၊ ဒင်းတို့ဘုရားငုတ်တိုက သိုက်စောင့်မြွေမြိုလိမ့်မယ်။
နားသာ ထောင်တော့"
"ကျော်အေးမယား သောင်းခင်မရှိတော့ဘူးလေ၊ နဂိုကတည်းက ကောင်မအချိုးမကျသာ ကျုပ်ကသိသားပဲ သူတို့အိမ်အလုပ်လာလုပ်တဲ့ ပန်းရံခေါင်းမြမောင်နဲ့လိုက်ပြေးတာ ဆရာမရဲ့။ ကျော်အေးကလိုက်ရှာတော့ ညောင်ကွဲဘက်မှာ တွေ့သတဲ့"
"ကျော်အေးမယား သောင်းခင်မရှိတော့ဘူးလေ၊ နဂိုကတည်းက ကောင်မအချိုးမကျသာ ကျုပ်ကသိသားပဲ သူတို့အိမ်အလုပ်လာလုပ်တဲ့ ပန်းရံခေါင်းမြမောင်နဲ့လိုက်ပြေးတာ ဆရာမရဲ့။ ကျော်အေးကလိုက်ရှာတော့ ညောင်ကွဲဘက်မှာ တွေ့သတဲ့"
"တလုပ်မတို့
အခန်းမှာ ဖဲဝိုင်းရှိသယ် ကျုပ်တောင် ကြားပေါက်သွားထိုးသာ နှစ်ရာရှုံးသေးသာ၊ ကျုပ်ကို
လာမထိုးနဲ့တဲ့ လူအဝင် အထွက်သာကြည့်ပေး တစ်ရက်တစ်သောင်းပေးမတဲ့"
ကျွန်မတို့အိမ်ကို
မဂေါက်ထူရောက်လာရင် တစ်ခုမဟုတ်တစ်ခုလုပ်ပေးသွားတာချည်းပဲ။ ပဲစေ့ညှစ်တော့လည်း
အဟုတ်၊ တစ်ဇလုံစာကို ခဏရယ်၊ သောက်ရေအိုးတွေ ရေဖြည့်တော့လည်း အဟုတ်၊
တံမြက်စည်းယူပြီး ပိုးမျှင်တွေ လှဲတော့လည်း ပြောင်လို့၊ ကျွန်မက မီးသွေးလုံးတာတွေ့လို့
ရောင်းစားတာလား ဆိုတော့ အိမ်သုံးတာတဲ့... မီးသွေးကောင်းမစိုက်နိုင်တော့
ချွေတာရေးမီးသွေးပေါ့ ဆရာမရယ်တဲ့။
မဂေါက်ထူကိုကြည့်လိုက်ရင် ကွင်းထဲက စားခြောက်ရုပ်လိုပဲ။ အမြဲတမ်းခြောက်သွေ့နေတာပါ။
မဂေါက်ထူကိုကြည့်လိုက်ရင် ကွင်းထဲက စားခြောက်ရုပ်လိုပဲ။ အမြဲတမ်းခြောက်သွေ့နေတာပါ။
ဆံပင်တွေကလည်း
ခြောက်သယောင်းနေရုံမက မဖြီးမသင်တာများတော့ ဂျပ်တောင်တည်နေပါပြီ။ နားရွက်တော့
ဆီတစိုစိုနဲ့။ နားရွက်က ဘာဖြစ်လို့ဆီတွေယိုကျနေတာလဲဆိုတော့ စားအုန်းဆီထည့်
ထားတာတဲ့။ ခေါင်းတစ်ခြမ်းကိုက်ရင် ဒါမှမဟုတ် နားတစ်ခြမ်းကိုက်ရင် ဆီသာထည့်
ပျောက်တယ်ဆိုလို့ ထည့်တာတဲ့။ အခုတော့ မထည့်ရင်ကိုက်လာလို့ ဆီအမြဲထည့်ထားရတယ်လို့လည်း
ပြောနေသေးတာပါ။
"မဂေါက်ထူရယ်... အမြဲတမ်းမထည့်ပါနဲ့ ခေါင်းကိုက်နားကိုက်ရင် ဆေးစားပျောက်ပါတယ်"
"ကျုပ်က နားဖာချေးခြောက်ရင်ဖြစ်သယ် နဖာချေးစိုအောင်ဆီထည့်ရသာ ဆရာမရဲ့"
"မဂေါက်ထူရယ်... အမြဲတမ်းမထည့်ပါနဲ့ ခေါင်းကိုက်နားကိုက်ရင် ဆေးစားပျောက်ပါတယ်"
"ကျုပ်က နားဖာချေးခြောက်ရင်ဖြစ်သယ် နဖာချေးစိုအောင်ဆီထည့်ရသာ ဆရာမရဲ့"
ကျွန်မလည်း
ဘာဆက်ပြောရမှန်းတောင် မသိတော့ပါဘူး။ မဂေါက်ထူကလေး ခုနှစ်ယောက်မွေးထားတာမှာ
မွေးသမျှ အဖတ်တင်တဲ့ အပြင်ခုနှစ်ယောက်လုံး သမီးချည်းဆိုလို့ အံ့သြရတယ်။ ကျွန်မက
ယောက်ျားလေးပါရင်ကောင်းမှာပါနော်၊ ရှင်ပြုခွင့်ရတာပေါ့ဆိုတော့ မပါလို့လည်း
ဘယ့်နှယ့်မှမနေပေါင်တဲ့။ မိန်းကလေးတွေက သီလရှင်ဝတ်ပေးလည်းဖြစ်တာပဲတဲ့။ ကလေးမွေးတဲ့အကြောင်းရောက်
ပြန်တော့လည်း သနားစရာလည်းကောင်း၊ ရယ်စရာလည်းကောင်းကိုး။ ကျွန်မက သမီးချည်း
ခုနှစ်ယောက်မွေးတာ တစ်မျိုးတော့ ထူးတာပါပဲ မဂေါက်ထူရယ်ဆိုတော့ တင်းတိပ်မျက်နှာကြီး
ဖီးနေအောင်ပြုံးတယ်။
"ကျုပ်ဖြင့်
ဘယ်လိုမွေးခဲ့မှန်းတောင်မသိပါဘူး။ သမီးအကြီးဆုံးကိုတောင် ရွာဘုရားပွဲ
ပွဲသွားကြည့်ရင်း နှစ်ရွာကြားက ဇရပ်မှာမွေးတာ မနက်မိုးလင်းတော့ ကလေးပိုက်ပြီး
ကိုယ့်ရွာကိုယ်ပြန်လာတာပဲ နောက် ကောင်မကျတော့ ခရိုးစပ်ခရမ်းချဉ်သီးဆွတ်တုန်းမွေးတာ
နံပါတ်သုံးက ဘယ်မှာမွေးတာပါလိမ့် မှတ်မိပြီ၊ ရွာကကန်ဘေး ကန်စွန်းငုတ်ခူးရင်းမွေးတာ
နံပါတ်လေးမက... "သည်လို ပြောနေတုန်းမှာ ကျွန်မက မျက်လုံးကြီးပြူးထားရသေးတာပါ။
ဟုတ်လှချည်လားဆိုတဲ့ မျက်နှာကလည်း ခံထားရသေးတယ်။ မဂေါက်ထူခေါင်းက သန်းပေါလို့
လားဆိုတော့ 'ဘယ်ကလာ ခေါင်းသန်းပေါရမှာတုံး ဆရာမရဲ့ ...ပိုက်ဆံတွေ
သိန်းနဲ့သန်းနဲ့ချီပေါပါစေဆိုတဲ့နိမိန်နဲ့ ကျုပ်အမေပေးခဲ့တာလေ' တဲ့။
ဒါနဲ့
ဘယ်လိုကြောင့် မဂေါက်ထူဖြစ်ရတာတုံးဆိုတော့ 'မွေးတုံးက သန်းပေါခေါ်ကြတာပါတော်
သိတတ်တဲ့အရွယ်ရောက်တော့ လူတိုင်းက လာလို့ ဘယ်လောက်ခေါက်ခေါက် ညည်းကတော့ အထူ၊ အအ
ပျောက်မယ့်ဟာ မဟုတ်ဘူးလို့ ဆူရာက ဂေါက်ထူဖြစ်လာတာ' တဲ့။ ခေါက်ထူကို ဂေါက်ထူခေါ်ကြရာက
သည်အရွယ်အထိ မဂေါက်ထူဖြစ်ရရောတဲ့။ မဂေါက်ထူနဲ့ကျွန်မ တိုက်ခန်းမှာနေခဲ့ရသခိုက်
တွေ့ခဲ့ကြုံခဲ့ တာကလေးတွေပေါ့လေ။
ကျွန်မက
ပြောခဲ့သလိုပါပဲ။ မဂေါက်ထူတို့က ကျွန်မတို့နေတဲ့ တိုက်ခန်းအောက်ဆုံး မြေညီထပ်မှာနေကြတာပါ။
ကြည့်လိုက်ရင် တိုက်ခန်းထဲ နေတယ်မရှိဘူး။ အပြင်ဘက်မြေကွက်လပ်မှာချည်း ထွက်နေတာများတယ်။
ပြောဖူးတာတော့ တိုက်ခန်းထဲနေရတာ မွန်းလို့တဲ့။ မဂေါက်ထူ တို့်က သည်တိုက်ခန်းမှာ
အခန်းတွေချပါပြီဆိုကတည်းက နေကြသူတွေပါ။ ဟိုနားတစ်စု၊ သည်နားတစ်စု ကျူးကျော်တဲနဲ့နေကြသူတွေကို
ဖယ်ရှားပြီး တဲပေါ်မှ တိုက်ပေါ်သို့်အစီအစဉ်နဲ့ ထိုးတင်လိုက်လို့
ရောက်လာကြသူတွေဆိုတော့ နဂိုကနေခဲ့ကြသလို မြေကြီးပေါ်တဲထိုးနေရတဲ့ ဘဝလောက်မမက်ကြဘူး။
ဘဝအသီးသီး
လူအထွေထွေလာစုကြရာက မမျှော်လင့်ဘဲ တိုက်ပေါ်တက်ကြရတော့ တစ်စုတစ်စည်းတည်းတော့
နေခွင့်ရကြပါရဲ့၊ သူတို့ လူနည်းစုကနှစ်စဉ် အရစ်ကျငွေကလေး ဖဲ့သွင်းကြရာက တိုက်ခန်းပိုင်ကြပေမယ့်
အများစုက တိုက်ခန်းနေခွင့် စလစ်ရပါပြီဆိုကတည်းက ရသလောက်နဲ့ လက်လွှဲရောင်းစားလိုက်ကြလို့
ကစဥ့်ကလျားဖြစ်ကြရတာများတယ်။
သည်လိုနဲ့ ပိုက်ဆံရှိသူက ဝယ်ထားလိုက်၊ အဆင့်ဆင့်ပြန်ရောင်းလိုက်နဲ့ ဈေးကောင်းလည်းရရော နဂိုမူ လသမားတွေခမျာ မဖြစ်စလောက် ငွေနဲ့ တိုက်ခန်းက ဆင်းပေးလိုက်ရတာများလှပေါ့။ မဂေါက်ထူတို့ မိသားစုကတော့ တောင့်ခံနိုင်သူတွေထဲမှာပါလို့ထင်ပါရဲ့။ ကျွန်မတို့ တိုက်ခန်းဝယ်ချိန်အထိ ရှိနေကြတဲ့ရှေးဦး လူနည်းနည်းထဲက တစ်အိမ်ထောင်ပါ။
သည်လိုနဲ့ ပိုက်ဆံရှိသူက ဝယ်ထားလိုက်၊ အဆင့်ဆင့်ပြန်ရောင်းလိုက်နဲ့ ဈေးကောင်းလည်းရရော နဂိုမူ လသမားတွေခမျာ မဖြစ်စလောက် ငွေနဲ့ တိုက်ခန်းက ဆင်းပေးလိုက်ရတာများလှပေါ့။ မဂေါက်ထူတို့ မိသားစုကတော့ တောင့်ခံနိုင်သူတွေထဲမှာပါလို့ထင်ပါရဲ့။ ကျွန်မတို့ တိုက်ခန်းဝယ်ချိန်အထိ ရှိနေကြတဲ့ရှေးဦး လူနည်းနည်းထဲက တစ်အိမ်ထောင်ပါ။
ကျွန်မတို့က
ရန်ကုန်အခေါ် တတိယထပ်၊ မန္တလေးအခေါ်လေးထပ်မှာ ဝယ်နေကြတာဆိုတော့ မဂေါက်ထူတို့နဲ့က
ကြားနှစ်ထပ် ခြားတယ်။
ကျွန်မက မြေညီထပ်ကို အကြောင်းကိစ္စမရှိဘဲဆင်းခဲတာရော၊ မဂေါက်ထူတို့နဲ့က ကူးကူးလူးလူးရှိလောက်အောင် နှစ်ခန်းတစ်ခန်း မနေခဲ့ရ တာရောဆိုတော့ မဂေါက်ထူတို့တတွေနဲ့က တွေ့တုန်းတွေ့သခိုက် ခင်ရသူတွေပါ။ မဂေါက်ထူ စိတ်ဖောက်တဲ့ရက်တွေဆိုရင် ကျွန်မတို့လည်း ရှောင်နေရတာပါ။ မဂေါက်ထူဖောက်ပြီဆိုရင် သိသာတယ်။ မျက်လုံးစိုက်ကြီးနဲ့။ ပါးစပ်ကလည်း မန္တာန်ရွန်သလို တွတ်ပွ တွတ်ပွ ပြောနေ တော့တာ။ အဲသလိုရက်ဆိုရင် အဆောင်လူကြီး ကိုသာဗျောကတောင် ရှောင်တယ်။
ကျွန်မက မြေညီထပ်ကို အကြောင်းကိစ္စမရှိဘဲဆင်းခဲတာရော၊ မဂေါက်ထူတို့နဲ့က ကူးကူးလူးလူးရှိလောက်အောင် နှစ်ခန်းတစ်ခန်း မနေခဲ့ရ တာရောဆိုတော့ မဂေါက်ထူတို့တတွေနဲ့က တွေ့တုန်းတွေ့သခိုက် ခင်ရသူတွေပါ။ မဂေါက်ထူ စိတ်ဖောက်တဲ့ရက်တွေဆိုရင် ကျွန်မတို့လည်း ရှောင်နေရတာပါ။ မဂေါက်ထူဖောက်ပြီဆိုရင် သိသာတယ်။ မျက်လုံးစိုက်ကြီးနဲ့။ ပါးစပ်ကလည်း မန္တာန်ရွန်သလို တွတ်ပွ တွတ်ပွ ပြောနေ တော့တာ။ အဲသလိုရက်ဆိုရင် အဆောင်လူကြီး ကိုသာဗျောကတောင် ရှောင်တယ်။
"ဆရာမနှယ်
ဂေါက်ထူက ဦးနှောက်မကောင်းဘူး ကျုပ်တို့နဲ့က တစ်ရွာတည်းနေခဲ့ကြတာဆိုတော့ သိသာပေါ့။
သူ့ယောက်ျားနဲ့ ကျုပ်နဲ့ မြို့တက် ဆိုက်ကားနင်းကြမယ်ဆိုပြီး တက်လာတော့ အသက်မှ
နှစ်ဆယ်ကျော် သုံးဆယ်ရှိသေးသာဟာကိုး မန်းလေးမြို့စွန်မှာ ဟိုနားတဲထိုး သည်နားတဲထိုးနဲ့
တိုင်ပုတ်တမ်းကစားသလို ပြေးနေရသာအကြာကြီး၊ ကျူးကျော်တဲတွေဖျက်တော့ တိုက်ခန်းရကြသဗျ
တိုက်ခန်းရပြီဆိုမှ အမေကြီးအိုနဲ့ဂေါက်ထူတို့သားအမိတစ်တွေ ရွာကလိုက်လာကြသာရယ်
ဒါတောင် ကြာပါပြီဗျာ။
ကျွန်မကို တိုက်ခန်းအဆောင်လူကြီး ကိုသာဗျောပြောပြတာပါ။
ကျွန်မကို တိုက်ခန်းအဆောင်လူကြီး ကိုသာဗျောပြောပြတာပါ။
(ဇာတ်သိမ်းဆက်ရန်)
0 comments:
Post a Comment