မီးသွေးလုံးများ(ခင်ခင်ထူး)အပိုင်း(
၂ ) ဇာတ်သိမ်း
ရွာမှာတုန်းက မဂေါက်ထူလုပ်ခဲ့တာတွေလည်း သိရရဲ့။ ရွာကကန်ရေသောက်နေကြရာက ရေခန်းရင်
တစ်ရွာလုံးသုံးတဲ့ ရေငန်တွင်းကလေး စစ်စစ်ပေါက်ပေါက် ခပ်သုံးကြရတယ်။ ရေချိုတွင်းကလေးဆိုပေသိ
ရေငန်ပျော့ပျော့ ရေတွင်းပါ။ ရေတွင်းတော်တော်များများက အငန်စူးတော့ သည်တွင်းကလေးကို
မှီကြရတယ်။ တစ်ခါတော့ မဂေါက်ထူရေတွင်းထဲခုန်ချလို့ တွင်းကြေးဆယ်ကြရသေးသတဲ့။
ဘုန်းကြီး ခေါ်ရိုက်တာ လည်း မျော့လို့တဲ့။ ဘာဖြစ်လို့ ခုန်ချတာတုန်းဆိုတော့
ဓါးပြတွေက ပြေးမလွတ်တော့ ရွှေထုပ်ရေတွင်းထဲချခဲ့တယ် အိပ်မက်မက်လို့တဲ့လေ။
"တစ်ခါများ
အခုသူနဲ့ အတူနေတဲ့ အမေကြီးဒေါ် ဖရုံနေမကောင်းလို့တဲ့ ကနစိုစေ့နဲ့
ငုခေါက်သွေးတိုက်သာ မသေရုံပါဗျာ၊ ပစ်ရပြီမှတ်သာ။ ရွာကအသိမြန်လို့ မနည်းကုကြရတယ်။
အဘွားကြီးခမျာ မျောတောင်နေပါပြီ ဝမ်းသွားမရပ်ဘူးကံကောင်းလို့" တစ်ခါတော့ သမီးတွေထဲက
တစ်ယောက် တံစဉ်ရှလိုက်တာ သွေးတွေဆိုတာ ပေါက်ပေါက်ကျကရော။ အနာပြဲငန်းမန်းလိုက်ရာက
ယောင်လာလိုက်တာ လက်တစ်ဖက် လုံး ဖားပြုတ်ကြီးကျလို့တဲ့။ အနာရှိန်နဲ့
ကိုယ်ကြီးပူလိုက်တာလည်း ချောင်းချောင်းထနေတာပေါ့လေ။ ကလေးမခမျာ မချိမဆန့်ခံနေရတုန်း
မဂေါက်ထူက ငရုတ်သီးညှော်ချည်း ကြော်နေသတဲ့။ ကလေးမလေးလည်း အပူကြီးရာက ညှော်ပါမိပြီး
ပါးစပ်စေ့သွားလိုက်တာ ရွာဆေး ဆရာက ကျောက်လှည့်သွား ပဲ့အောင်ကော်ပြီး ပါးစပ်ဖွင့်၊
ပွင့်တော့မှ ဆေးတိုက်ကုရတာလည်း ကြားရတာတောင် ကြောက်စရာပါ။
"တစ်ခါများဆရာမရယ်
ရွာဆူးစည်းရိုးဘေးက ကင်းတဲကြီးပေါ်တက်သွားတာ ဘယ်သူမှ မသိလိုက်ကြဘူး၊
ဘာပြောကောင်းမလဲ ကင်းတဲပေါ် ကျကျနနထိုင်ရာက ကင်းတဲသံချောင်းထမွှေတော့သာ
တစ်ရွာလုံးပြူးပြူးပျာပျာ ဖြစ်ကုန်တော့သာပဲ၊ ဓါးပြလား၊ မီးပဲလောင်သလား၊ အနုကြမ်းပဲ
ဝင်စီးသလားပေါ့ဗျာ ဘယ်ဟုတ်ပါ့မတုံး၊ မဂေါက်ထူရယ် ပြောသေးသာ ကျုပ်က
သံချောင်းတွေတော့ အူယားသာနဲ့ ထခေါက် ပစ်လိုက်သာတဲ့။ ကင်းလူကြီးက
နကန်နဲ့လှိမ့်ရိုက်သာပဲဗျို့"
မဂေါက်ထူယောက်ျားက
ကိုသာဗျောအပြောတော့ "ကိုလှပေါ" တဲ့။ မန္တလေးတက်လာပြီး ဆိုက်ကားနင်း၊
ကုန်ထမ်း၊ ပွက်ရည်သံပိုင်းထမ်း၊ သံရည်ကြို သဲတင် စသဖြင့်လုပ်ရာက မြစ်ဆိပ်နဲ့မနီးမဝေးမှာပဲ
တဲထိုးနေခဲ့တယ်။ သည်လိုနဲ့ ကျူးကျော်စာရင်းပေါက်လို့ တိုက်ခန်းတစ်ခန်း ရခဲ့တယ်။
မဂေါက်ထူတို့တိုက်ခန်းမှာ အမေကြီး ဒေါ်ဖရုံနေတယ်ဆိုပေသိ ကျွန်မ ကောင်းကောင်းမတွေ့ဖူးဘူး၊
တစ်ခါတစ်လေ စောင်ကြားကြီး နဲ့ နေပူစာထွက်လှုံတာတော့ တွေ့ဖူးရဲ့။ ကတုံးတုံးကြီးနဲ့
အသက်က ရလှပါပြီ။ များသောအားဖြင့် အခန်းထဲမှာ ပက်လက်နေတာများသတဲ့။
မဂေါက်ထူသမီးတွေက
အရွယ်ရကြပါပြီ။ မနက်ခင်း ထမင်းချိုင့်ကိုယ်စီနဲ့ တာရိုးပေါ်တက်ကြပြီး အမှတ်(၇)ကား တားစီးတာ
ကျွန်မမြင်နေကျ တစ်ခါတလေ မနက်ဖက် ကျွန်မကျောင်းသွားတာနဲ့ကြုံရင် နှုတ်ဆက်ကြတယ်။
အကြီးအငယ်တော့ မခွဲတတ်ဘူး။ ဘာလုပ်ကြတာတုံးဆိုတော့ နှစ်ယောက်က ရွှေချည်ထိုး လိုက်သတဲ့။
နှစ်ယောက်က (၃၁)လမ်းမှာ ဆန်ရွေးကြသတဲ့။ ယောက်ျားလေး အငယ်သုံးယောက်မှာ နှစ်ယောက် က
ကျွန်မတို့တိုက်ခန်းနားက ဘုန်းကြီးကျောင်းနားမှာ နေကြပုံရတယ်။ တစ်ယောက်ကတော့
ကျောင်းနေရင် နေရမယ့်အရွယ်ပေသိ ကျောင်း သွားတာ မမြင်ဘူး။ ကဲလိုက်တာလည်း ဝင်းဝင်းတောက်လို့၊
မဂေါက်ထူပြောတုန်းက သမီးချည်းခုနစ်ယောက်ဆိုတော့ ယောက်ျားလေး သုံးယောက်က ဘယ်သူ့ကလေးတွေတုံး
ဆိုတော့လည်း ကျုပ်ကလေးတွေပဲတဲ့။
တစ်ရက်တော့
မဂေါက်ထူ ကျွန်မတို့ အခန်းပေါ်တက်လာပါရော။ ဆံပင်တွေက ခြောက်ပြီးလွင့်လို့။ နားရွက်ကတော့
ဆီတွေ အိုင်ထွန်းလို့။ မဂေါက်ထူစိတ်ဖောက်နေသလား၊ ပုံမှန်လားဆိုတာလည်း မသိမသာအကဲခတ်ရသေးတာပါ။
ရေးကြီးသုတ်ပြာနိုင်တာတော့ အမှန်ပဲ။ လူကလည်း ဂနာမငြိမ်ချင်ဘူး။ ကျွန်မက မဂေါက်ထူ
ကော်ဖီသောက်မလားဆိုတော့ မသောက်ဘူးတဲ့။ ပြောစရာရှိရင်ပြောလေဆိုတော့မှ ကတုန်ကယင်နဲ့
ပြောလေရဲ့။
"ဆရာမ
တိုက်ခန်းဈေးတွေ ဘယ်လောက်ရှိသလဲသိချင်လို့ မြေကြီးထပ်က ဈေးပိုရဆို ကျွန်မအခန်း
ရောင်းချင်လို့" မဂေါက်ထူဖြစ်နေတဲ့ အမူအရာနဲ့ စကားတွေကို ကျွန်မ
သဘောပေါက်လိုက်တယ်။ သည်အကြံအစည်ဟာ မိသားစုသိလောက်မယ့်ကိစ္စတော့ မဟုတ်လောက်ဘူး။
တိုက်ခန်းတွေ ရောင်းတယ်ဝယ်တယ်ဆိုတာကြားလို့ ထလုပ်ချင်တာ ဖြစ်မှာပဲလို့လည်း ကျွန်မတွေးတယ်။
ချွေးခံထဲထည့်လာတဲ့ စာရွက် ခေါက်ကလေး ကျွန်မကိုပြလို့ ကြည့်လိုက်တော့
တိုက်ခန်းစလစ်လို့ခေါ်ကြတဲ့ မူလနာမည်ပေါက် နေရာချထားကြောင်း လက်မှတ်ကလေး။
ကျွန်မ
ဖတ်ကြည့်တော့ နာမည်ပေါက်က ဒေါ်ဖရုံတဲ့။ မဂေါက်ထူ မရူးမကောင်းနဲ့ ဘာတွေများ ကြံနေပါလိမ့်။
တော်ပါသေးရဲ့လို့လည်း အောက်မေ့မိတယ်။ ကျွန်မကိုလာမပြဘဲ အရောင်းအဝယ်သမားတွေသွားပြရင်
ပြဿနာရှုပ်နိုင်တာမဟုတ်လား။ ကျွန်မက စလစ်ကို ပြန်ပေးရင်း သည်စာရွက်က
အရေးမကြီးဘူးဆိုတဲ့ပုံ လုပ်ပြရတယ်။ လေးခေါက်ခေါက်ထားတဲ့ လက်တစ်ဝါးလောက်စာရွက်ကလည်း
ကျေတွန့်ပြီး ရိတောင်နေပါပြီ။ သည်စာရွက်ပျောက်မှဖြင့်အခက်ပဲလို့လည်း တွေးမိတယ်။
"မဂေါက်ထူရယ်
သည်စာရွက်နဲ့ တိုက်ခန်းရောင်းလို့မှ မရဘဲနဲ့ဟာ ဒါက နေခွင့်လက်မှတ်ပါ ပိုင်ဆိုင်မှုလက်မှတ်မဟုတ်ဘူး။
မဂေါက်ထူ ရောင်းလို့လည်း မရဘူး။ နာမည်ပေါက်က ဒေါ်ဖရုံလို့ရေးထားတယ်။ ဒေါ်ဖရုံလက်မှတ်ထိုးမှ
အရောင်းအဝယ်ဖြစ်တာလေ။ မဂေါက်ထူရယ် အမေအိုကြီးမသိဘဲ လျှောက်မလုပ်ပါနဲ့" မဂေါက်ထူ
တွေသွားတယ်။ ခြောက်ဖွာဖွာဆံပင်တွေကို လက်သည်းရှည် မည်းမည်းကြီးတွေနဲ့ တဖွားဖွားကုတ်တော့တာပဲ။
တင်းတိပ်တွေကလည်း တဆပ်ဆပ်ခုန်အောင်မျက်နှာက တဆတ်ဆတ်တုန်လို့။
"အမေကြီးက လက်မှတ်မှ မထိုးတတ်သာ၊ ကျုပ်ကတော့ ဘာထူးတုန်း မထိုးတတ်ဘူးရယ်။ ကျုပ်ကို ဂေါက်ထူလို့ ရေးတတ်အောင် သင်ပေး စမ်းပါ့သူများတွေပြောသာဖြင့် ကျုပ်ထိုးလည်းဖြစ်ဆို ဆရာမရဲ့။ မပွေးတို့ပြောသာ သိန်းဘယ်လောက်ဆိုလား ရမှာဆို"
"အမေကြီးက လက်မှတ်မှ မထိုးတတ်သာ၊ ကျုပ်ကတော့ ဘာထူးတုန်း မထိုးတတ်ဘူးရယ်။ ကျုပ်ကို ဂေါက်ထူလို့ ရေးတတ်အောင် သင်ပေး စမ်းပါ့သူများတွေပြောသာဖြင့် ကျုပ်ထိုးလည်းဖြစ်ဆို ဆရာမရဲ့။ မပွေးတို့ပြောသာ သိန်းဘယ်လောက်ဆိုလား ရမှာဆို"
မပွေး
ကလည်း မဂေါက်ထူသာသာပါ။ သူလို ကိုယ်လိုမိန်းမချင်းပြောကြဆိုကြတာတွေ နားယောင်ခဲ့ပြီ
ထင်ပါရဲ့။ မဂေါက်ထူက သည် စာရွက်လူတကာလိုက်ပြနေရင် အခက်။ မဂေါက်ထူအိမ်သားကကော
ဒါတွေသိရဲ့လား။ ခက်တာက မဂေါက်ထူ ယောက်ျားရယ်လို့ ကျွန်မ ကလည်း တွေ့ဖူးတာမဟုတ်တော့
မေးကြည့်ရတယ်။
"အိမ်ကလင်သားနဲ့
တိုင်ပင်လေ စာရွက်တွေ လူတကာလျှောက်မပြရင်ပုံထဲ ချွေးခံထဲမထည့်နဲ့ ပြဲကုန်လိမ့်မယ်
နေဦး မဂေါက်ထူ ယောက်ျားရယ် မတွေ့ရပါလား။ ဘယ်မှာ အလုပ်လုပ်တာတုံး "
"လှပေါ က ထမင်းဆိုင်မှာလုပ်သာ၊ ဆရာမ မပြောနဲ့ ကျုပ်တောင်လာရယ်လို့ တွေ့ဖို့ခက်သယ် မပြန်ဘူးရယ်။ ဒင်းလည်း နားမလည်ပါဘူး လူက သွတ်ချောင်ချောင်ပါ အိမ်မှာ ကျုပ်လုပ်မှ ဖြစ်သာပါ"
"ဟုတ်ပြီလေ ကာလပေါက်ဈေးတော့ ကျွန်မ မသိဘူး။ နားလည်တဲ့သူတွေနဲ့တိုင်ပင်ပါ မဂေါက်ထူရယ်။ ကိုသာဗျောတို့လည်း ရှိသားပဲ၊ ကိုယ့်ရွာသူရွာသားချင်းဆိုတော့ ကူညီမှာပါ"
"သာဗျော လား၊ အလကားကောင် ရွာမှာပေစုတ်စုတ်ကောင်ရယ်၊ သည်မှာ လူကြီးလာဖြစ်နေသာ အဟုတ်မှတ်လို့၊ ကျုပ်က မထင်ရင် မအေနှမကိုင်တုတ်သာ၊ ကဲပါ ဆရာမ မသိတော့လည်း ဘဏ်မ သွားမေးဦးမယ် "
"လှပေါ က ထမင်းဆိုင်မှာလုပ်သာ၊ ဆရာမ မပြောနဲ့ ကျုပ်တောင်လာရယ်လို့ တွေ့ဖို့ခက်သယ် မပြန်ဘူးရယ်။ ဒင်းလည်း နားမလည်ပါဘူး လူက သွတ်ချောင်ချောင်ပါ အိမ်မှာ ကျုပ်လုပ်မှ ဖြစ်သာပါ"
"ဟုတ်ပြီလေ ကာလပေါက်ဈေးတော့ ကျွန်မ မသိဘူး။ နားလည်တဲ့သူတွေနဲ့တိုင်ပင်ပါ မဂေါက်ထူရယ်။ ကိုသာဗျောတို့လည်း ရှိသားပဲ၊ ကိုယ့်ရွာသူရွာသားချင်းဆိုတော့ ကူညီမှာပါ"
"သာဗျော လား၊ အလကားကောင် ရွာမှာပေစုတ်စုတ်ကောင်ရယ်၊ သည်မှာ လူကြီးလာဖြစ်နေသာ အဟုတ်မှတ်လို့၊ ကျုပ်က မထင်ရင် မအေနှမကိုင်တုတ်သာ၊ ကဲပါ ဆရာမ မသိတော့လည်း ဘဏ်မ သွားမေးဦးမယ် "
"ဘဏ်မဆိုတာ
ပုဂ္ဂလိကဘဏ်မှာ အလုပ်လုပ်နေတဲ့အမျိုးသမီးကို ပြောတာပါ။ မဂေါက်ထူက ကျွန်မကို
အထင်ကြီးမိတာမှားပြီဆိုတဲ့ပုံနဲ့ ခနဲ့နေသေးတာပါ။ ကျောင်းဆရာမဆိုတော့ သိမလားလို့
မေးမိပါတယ်၊ ဆရာမ က ကျုပ်ထက်ဆိုးသေးတဲ့။ ကျွန်မက ပြန်ချော့ပြီး အချို သပ်ရတော့တယ်။
"သည်လိုလေ
မဂေါက်ထူရဲ့ တိုက်ခန်းရောင်းတယ်ဆိုတာ လည်လည်ဝယ်ဝယ်ရှိတဲ့သူနဲ့ မေးမြန်းပြီး လုပ်ရတာပါရှင်။
ဇယ်ကြီးပြီး ဒိုးငယ် ဒိုးကြီးပြီး ဇယ်ငယ်ဖြစ်တတ်တယ် ဈေးကောင်းရတော့ မကောင်းဘူးလား။
ကျွန်မ ကြားတာတော့ နောက်နှစ်လလောက်ဆိုရင် ဈေးပို ကောင်းတော့မှာတဲ့။ အဲသည်တော့မှရောင်းပြီး
တစ်သိန်းပိုရရ နှစ်သိန်းပိုရရ မကောင်းဘူးလား"
မဂေါက်ထူ တွေဝေသွားတယ်။ ပိုက်ဆံပိုရရင် ပိုကောင်းတယ်ဆိုတာလောက်တော့ မဂေါက်ထူသိတာပေါ့။ ကျွန်မကလည်း နောက်နှစ်လ လောက်ဆိုတာ အချိန်ဆွဲလိုက်တာပါ။ သည်ကြားထဲ ကိုသာဗျောတို့ကို အကျိုးအကြောင်း ပြောပြမယ်လို့လည်း စိတ်ကူးမိတာလည်း ပါ ပါတယ်။ မဂေါက်ထူက ချွေးခံထဲ စလစ်ပြေစာကို ပြန်ထုတ်ပြန်ရော။ မဂေါက်ထူလက်ထဲတင် ပြဲတော့မယ်နဲ့တူပါရဲ့။
"ကျုပ်ကလည်း ထင်တော့ထင်သားပဲ သည်စက္ကူစုတ်တော့ ပိုက်ဆံအများကြီးမပေးလောက်ဘူးလို့...မေးပါဦးမယ် အမေကြီး ဒေါ်ဖရုံ လက်မှတ်ထိုးမှရောင်းဖြစ်သယ်ဆိုတော့ သည်ကြားထဲ အမေကြီးသေရင် ဘယ့်နှယ့်လုပ်ပါ့မတုံး"
မဂေါက်ထူ တွေဝေသွားတယ်။ ပိုက်ဆံပိုရရင် ပိုကောင်းတယ်ဆိုတာလောက်တော့ မဂေါက်ထူသိတာပေါ့။ ကျွန်မကလည်း နောက်နှစ်လ လောက်ဆိုတာ အချိန်ဆွဲလိုက်တာပါ။ သည်ကြားထဲ ကိုသာဗျောတို့ကို အကျိုးအကြောင်း ပြောပြမယ်လို့လည်း စိတ်ကူးမိတာလည်း ပါ ပါတယ်။ မဂေါက်ထူက ချွေးခံထဲ စလစ်ပြေစာကို ပြန်ထုတ်ပြန်ရော။ မဂေါက်ထူလက်ထဲတင် ပြဲတော့မယ်နဲ့တူပါရဲ့။
"ကျုပ်ကလည်း ထင်တော့ထင်သားပဲ သည်စက္ကူစုတ်တော့ ပိုက်ဆံအများကြီးမပေးလောက်ဘူးလို့...မေးပါဦးမယ် အမေကြီး ဒေါ်ဖရုံ လက်မှတ်ထိုးမှရောင်းဖြစ်သယ်ဆိုတော့ သည်ကြားထဲ အမေကြီးသေရင် ဘယ့်နှယ့်လုပ်ပါ့မတုံး"
မဂေါက်ထူက
အမေကြီးလို့သုံးနေတော့ သေချာအောင် မေးရတယ်။ အမေလား၊ အမေကြီးလားဆိုတော့ အမေကြီးတဲ့။
အမေ့အမေလား၊ အဖေ့အမေလားဆိုတော့ ဘယ်သူ့မအေမှ မဟုတ်ဘူးတဲ့။ ဒါဖြင့် အမေကြီး
ယောက္ခမလားဆိုတော့ သာတောင်မဟုတ်သေးတဲ့။ သည်တော့ အမေကြီး ဒေါ်ဖရုံနဲ့ မဂေါက်ထူနဲ့က
ဘယ်လိုတော်တာတုန်းဆိုတော့လည်း အမေကြီးတော်တာလေတဲ့။ ကျွန်မပါ အူချာပေါက်လာလို့
ရေတစ်ခွက် ခပ်သောက်ရသေးတာပါ။
"အမေကြီးသေရင်
သူနဲ့ရင်းတဲ့သားသမီးမြေးမြစ်တွေထဲက တစ်ယောက်တော့ ပိုင်မှာပေါ့။ လက်ခံခွင့်ရှိသူက
လွှဲပြောင်းယူရမှာဆိုတော့ မဆုံးပါဘူး။ မဂေါက်ထူက မြေးအရင်းလား၊ ကိုလှပေါက
မြေးအရင်းလား"
"ဘယ်သူမျ မြေးအရင်းမဟုတ်ဘူးဆရာမရဲ့။ ကိုင်းပါ ဆရာမလိုက်လုပ်ပေးပါ။ ကျုပ် ပိုက်ဆံပေးပါ့မယ်"
"မဟုတ်တာပဲ မဂေါက်ထူရယ်၊ ကျွန်မ မလုပ်တတ်ပါဘူး၊ စိတ်ရှည်ပါ ကျွန်မ စဉ်းစားပါဦးမယ်"
"ဘယ်သူမျ မြေးအရင်းမဟုတ်ဘူးဆရာမရဲ့။ ကိုင်းပါ ဆရာမလိုက်လုပ်ပေးပါ။ ကျုပ် ပိုက်ဆံပေးပါ့မယ်"
"မဟုတ်တာပဲ မဂေါက်ထူရယ်၊ ကျွန်မ မလုပ်တတ်ပါဘူး၊ စိတ်ရှည်ပါ ကျွန်မ စဉ်းစားပါဦးမယ်"
မဂေါ်က်ထူဆင်းသွားတော့
ကျွန်မမှာ မဆက်မိသေးတဲ့သံကွင်းတွေ ပိုက်မိခဲ့တယ်။ သည်သံကွင်းတွေကို ကျွန်မ
ဆက်ရမှာလား။ ကျွန်မ ခေါင်းတွေ နောက်ကျန်ရစ်ခဲ့တာ အမှန်ပါ။
နောက်တော့လည်း တိုက်ခန်းရောင်းတဲ့ကိစ္စမှာ ကျွန်မပါခွင့်မရတော့ပါဘူး။ မဂေါက်ထူကလည်း ပိုနေမြဲကျားနေမြဲပါပဲ။ အမေကြီး ဖရုံကလည်း မဂေါက်ထူစိုးရိမ်သလို မသေပါဘူး။ ကျွန်မ တိုက်ပေါ်ကငုံ့ကြည့် ရင် မဂေါက်ထူက သီချင်းတအေးအေးနဲ့ ဖြစ်ချင်ဖြစ်မယ်။ ဆူဆူဆဲဆဲ ဖြစ်ချင်ဖြစ်မယ်။ အော်ကြီးဟစ်ကျယ် ငိုငိုရယ်ရယ် ဖြစ်ချင်ဖြစ်မယ်။ မီးသွေးတွေ လုံးလျက်ပါပဲ။
နောက်တော့လည်း တိုက်ခန်းရောင်းတဲ့ကိစ္စမှာ ကျွန်မပါခွင့်မရတော့ပါဘူး။ မဂေါက်ထူကလည်း ပိုနေမြဲကျားနေမြဲပါပဲ။ အမေကြီး ဖရုံကလည်း မဂေါက်ထူစိုးရိမ်သလို မသေပါဘူး။ ကျွန်မ တိုက်ပေါ်ကငုံ့ကြည့် ရင် မဂေါက်ထူက သီချင်းတအေးအေးနဲ့ ဖြစ်ချင်ဖြစ်မယ်။ ဆူဆူဆဲဆဲ ဖြစ်ချင်ဖြစ်မယ်။ အော်ကြီးဟစ်ကျယ် ငိုငိုရယ်ရယ် ဖြစ်ချင်ဖြစ်မယ်။ မီးသွေးတွေ လုံးလျက်ပါပဲ။
ကျွန်မတို့
တိုက်ခန်းရောင်းပြီး မြို့သစ်ပြောင်းခဲ့တော့ မဂေါက်ထူရော မဂေါက်ထူရဲ့စိတ္တဇတွေရော
ကျန်ခဲ့ တာပေါ့လေ။
တစ်ခါတလေ
တိုက်ခန်းကလူတွေအကြောင်းပြောဖြစ်တဲ့အခါ မဂေါက်ထူအကြောင်းလည်းပါတာပေါ့။ အမေကြီးဒေါ်ဖရုံကော
ကျန်းကျန်းမာမာ ပဲလား။ ကိုလှပေါကော အခန်းပြန်ရဲ့လား။ သမီးတွေကတော့ အရင်လိုလွတ်လွတ်ခါခါပဲလား
မဂေါက်ထူကကော မီးသွေးနဲ့ ထမင်းရည်ရောနယ်ပြီး လုံးတုန်းပဲလား။
(၅)
(၅)
ကျွန်မတို့
မိသားစု ကမ်းနားတိုက်ခန်းကိုရောင်းပြီး မန္တလေးမြို့သစ် ပြောင်းခဲ့ကြတဲ့အခါ
မဂေါက်ထူတို့မိသားစု လှည့်ဟယ်ဖယ်ဟယ်နဲ့ ကျန်ရစ် ခဲ့တာပါပဲ။ ကျွန်မတို့မှာလည်း
ရုန်းနိုင်မှ တစ်လျားရွေ့ကြရသူတွေဆိုတော့ စဥ့်အိုးထဲကရေလို မနေနိုင်ကြပါဘူး။
နှီးရေငင်ပုံးထဲကရေလို အမြဲတမ်းဘောင်ဘင်ခတ်နေတာ မဟုတ်လား။
မြို့သစ်ပြောင်းလို့
နှစ်ထမ်းတွေ အတော်ကြီးကြာမှ ဂေါဝိန်ဘက် ရေဝယ်ရင်း တိုက်ခန်းတွေဘက် ရောက်ကြရတယ်။
ရေအိုးတွေက ခါတိုင်း ဂေါဝိန်ဘက်မှာ ရနိုင်ပါရဲ့။ နောက်တော့ တောင်ဘက်တိုက်ခန်းတွေ
ဘက်ရောက်သွားဆိုလို့လိုက်ရင်းက ရောက်ရတာပါ။ အိုးကလေးနှစ်လုံး ရွေးနေတုန်း
တိုက်ခန်းတွေပေါ်က လှမ်းမြင်လိုက်လို့နဲ့တူပါရဲ့။ မိန်းမသား နှစ်ယောက်ရောက်လာကြတယ်။
ကျွန်မတို့ တိုက်ခန်းမှာနေခဲ့ တုန်းက အခန်းနီးချင်းတွေပါ။ ကျွန်မ ခေါင်းထဲဝင်လာတဲ့
မဂေါက်ထူကို အရင်မေးရတယ်။
"မဂေါက်ထူတို့
မရှိကြတော့ဘူးဆရာမရဲ့။ ဆရာမတို့ပြောင်းသွားပြီး မကြာဘူး၊
ရွာခြေပြန်ကပ်ကြမယ်ဆိုပြီး တိုက်ခန်းလေးရောင်းချပြီး ပြန်ကြတာ
ကိုသာဗျောပြောပုံဖြင့် မဂေါက်ထူရွာမှာပဲ ဆုံးရှာသတဲ့။ မန်ကျည်းပင်ပေါ်
မန်ကျည်းရွက်တက်ခူးရင်း ပြုတ်ကျတာတဲ့ ဆရာမရဲ့"
"အော်
ဖြစ်ရလေရှင် ဒါနဲ့ အမေကြီး ဒေါ်ဖရုံကော"
"ဒေါ်ဖရုံက သည်မှာတင် ဆုံးတာလေ ဆရာမရဲ့၊ အဘွားကြီးက ကိုးဆယ်ကျော်ပေါ့ဟာ၊ ဒါတောင် မဂေါက်ထူပြုစုလို့ အသက်ရှည်တာ အမေကြီးအရင်း မဟုတ်ပေသိ တော်ရှာပါတယ် အမေကြီးအရင်းလိုပါပဲ"
"ဒေါ်ဖရုံက သည်မှာတင် ဆုံးတာလေ ဆရာမရဲ့၊ အဘွားကြီးက ကိုးဆယ်ကျော်ပေါ့ဟာ၊ ဒါတောင် မဂေါက်ထူပြုစုလို့ အသက်ရှည်တာ အမေကြီးအရင်း မဟုတ်ပေသိ တော်ရှာပါတယ် အမေကြီးအရင်းလိုပါပဲ"
ကျွန်မ
ရေအိုးဝယ်ပြီးပြန်လာတော့ ကျွန်မသိခဲ့ရတဲ့ မဂေါက်ထူ နောက်ဆုံးရက်များအကြောင်းက
ခေါင်းထဲက မထွက်ဘူး။ မဂေါက်ထူတို့ ရွာမှာနေခဲ့တုန်းက မိဘနှစ်ပါးဆုံးတဲ့အခါ
မဂေါက်ထူက ဆယ်နှစ်သမီးသာ သာတဲ့ သည်မှာတင် အမေ့အစ်မဒေါ်ဖရုံက မွေးစားခဲ့ရာက
အရွယ်ရလာတော့ ရွာမှာ မုဆိုးဖို ကိုလှပေါနဲ့ အမေကြီးကပဲ စပ်ဟပ်ပေးစားလို့ယူခဲ့တာမှာ
ကိုလှပေါ့ဘက်က သမီးလေးယောက်ပါခဲ့တယ်။
မဂေါက်ထူက
သမီးရင်းတွေနဲ့မခြား ချစ်လိုက်တာတုန်လို့ပါ။
သမီးတွေကတော့ မဂေါက်ထူကို မအေနေရာ တစ်ပြားသားဖိုးမှမပေးခဲ့ကြတာ မြို့ရောက်တဲ့အထိပါ။
သည်ကြားထဲက ထဘီအင်္ကျီတွေကအစ ရှိသမျှ ပေပေရေရေတွေကို နောက်ဖေးမှာ မဂေါက်ထူကချည်း လျှော်ဖွပ်ပေးရတယ်။ သမီးတွေ အလုပ်က ပြန်လာလို့ မုန့်ပဲသရေစာပါရင် ပြောင်စားကြသတဲ့။
ကိုလှပေါက မြို့ထဲကထမင်းဆိုင်မှာ အလုပ်လုပ်ရင်း ထမင်းဆိုင်က ထမင်းချက်မိန်းမနဲ့ယူလိုက်ကတည်းက အိမ်မပြန်တော့တာထား။ နောက်မယားနဲ့မွေးတဲ့ ကလေးသုံးယောက်တောင် တိုက်ခန်းမှာ လာထိုးထားသေးတာပါ။
သမီးတွေကတော့ မဂေါက်ထူကို မအေနေရာ တစ်ပြားသားဖိုးမှမပေးခဲ့ကြတာ မြို့ရောက်တဲ့အထိပါ။
သည်ကြားထဲက ထဘီအင်္ကျီတွေကအစ ရှိသမျှ ပေပေရေရေတွေကို နောက်ဖေးမှာ မဂေါက်ထူကချည်း လျှော်ဖွပ်ပေးရတယ်။ သမီးတွေ အလုပ်က ပြန်လာလို့ မုန့်ပဲသရေစာပါရင် ပြောင်စားကြသတဲ့။
ကိုလှပေါက မြို့ထဲကထမင်းဆိုင်မှာ အလုပ်လုပ်ရင်း ထမင်းဆိုင်က ထမင်းချက်မိန်းမနဲ့ယူလိုက်ကတည်းက အိမ်မပြန်တော့တာထား။ နောက်မယားနဲ့မွေးတဲ့ ကလေးသုံးယောက်တောင် တိုက်ခန်းမှာ လာထိုးထားသေးတာပါ။
ဥပုသ်သီတင်းရက်တွေမှာ
သမီးတွေက ပိတ်ညိုကိုယ်စီနဲ့ ဆွမ်းဆန်ဗန်းကိုယ်စီရွက်ပြီး အနားကဘုန်းကြီးကျောင်းကို
ကြော့ကြော့ကလေး သွားကြပေမယ့် မဂေါက်ထူဘဝမှာ ကုသိုလ်ဆိုတာ ရယူအပ်သောအရာလို့
မရှိခဲ့ရှာဘူး။
အသက်ကိုးဆယ်အရွယ် ကြီးတော်ကြီးကို
မအေလိုပြုစုရင်း တစ်အိမ်လုံးက အိမ့်ဗာဟီရတွေ ခေါင်းပေါ်ရွက်ရင်း တိုက်ခန်းအပြင်နဲ့အတွင်း ထွက်ချည်ဝင်ချည်ဘဝ လုပ်နေရတာနဲ့ ပြီးခဲ့ရတယ်။
အသက်ကိုးဆယ်အရွယ် ကြီးတော်ကြီးကို
မအေလိုပြုစုရင်း တစ်အိမ်လုံးက အိမ့်ဗာဟီရတွေ ခေါင်းပေါ်ရွက်ရင်း တိုက်ခန်းအပြင်နဲ့အတွင်း ထွက်ချည်ဝင်ချည်ဘဝ လုပ်နေရတာနဲ့ ပြီးခဲ့ရတယ်။
နဂိုစိတ်ကလေး
ဂယောက်ဂယက်ဆိုတော့ ဖိစီးမှုအားလုံးကပဲ မဂေါက်ထူခေါင်းကို ထုသလိုထောင်းသလို
ဖြစ်ခဲ့ရပုံပေါ်ပါရဲ့။ တိုက်ခန်းကို ကိုလှပေါ့ကရောင်းပြီး ကန်သာယာဘက်မှာ ပေနှစ်ဆယ်ကွက်ဝယ်ပြီး
သမီးတွေထားတာကလွဲရင် မဂေါက်ထူအတွက် နေရာမရှိခဲ့ဘူး။ သည်မှာတင်
မဂေါက်ထူရွာပြန်သတဲ့။
ကျွန်မရင်ထဲ မကောင်းလိုက်တာလေ။
ကျွန်မရင်ထဲ မကောင်းလိုက်တာလေ။
တင်းတိပ်မျက်နှာကြီးနဲ့
သန်းဥစမ်းနေတတ်တဲ့ မဂေါက်ထူ
မီးသွေးတွေ လုံးနေတတ်တဲ့ မဂေါက်ထူ။
သူ့ဘဝကကော ဘာထူးလို့လဲ။
မီးသွေးကြေမှုန့်နဲ့ ထမင်းရေ ရောနယ်ထားတဲ့ မီးသွေးလုံးလိုပါပဲကလား။
မီးသွေးတွေ လုံးနေတတ်တဲ့ မဂေါက်ထူ။
သူ့ဘဝကကော ဘာထူးလို့လဲ။
မီးသွေးကြေမှုန့်နဲ့ ထမင်းရေ ရောနယ်ထားတဲ့ မီးသွေးလုံးလိုပါပဲကလား။
တစ်ခါက
ကျွန်မကို ပြောဖူးတဲ့စကား သတိရမိတယ်။ ကျုပ်တို့က တောသူတွေဆိုတော့ တိုက်ခန်းထဲနေရ
သာမွန်းသယ်တဲ့။ အခုတော့ ကျယ်ပြောလွတ်လပ်သွားပြီပေါ့လေ။
လမ်းဘေးမှာ မီးသွေးလုံးတွေ လှမ်းထားတာမြင်တိုင်း မဂေါက်ထူကို ကျွန်မ သတိရနေမိတယ်။
လမ်းဘေးမှာ မီးသွေးလုံးတွေ လှမ်းထားတာမြင်တိုင်း မဂေါက်ထူကို ကျွန်မ သတိရနေမိတယ်။
ခင်ခင်ထူး
0 comments:
Post a Comment